Сагыныч❤️‍🔥Сүйүү💞Өкүнүү❤️‍🩹❤️‍🔥

Кай бирине суроо салсам: "Күнсүң! -дейт: Жылуу нурун чачып, эч бир тоңбогон". А бирөөсүн тыңшап көрсөм: "Күлсүң!- дейт: Жалын өчкөн, табың да жок, болбогон!" "Гүл -дейт бири : Көңүлү ачык, көпчүлүктү ойлогон." "Кул - дейт бири: Аң-сезим пас, адам болбойт оңбогон!" Жамандар көп, Ар бир бурчта ач келердей оңбогон! Жакшылар мол, Жылуу, жумшак сөзү дилге орногон. Жакшыларга бүт толгон көңүлүм ток! Жаман менен билсеңер ишим да жок. Азыр дагы, мурда дагы болбогон! Ар бир кепке бош коротуп ойлогон, Ашып турган анчалык өмүрүм жок! Ким не десе, ошо десин! Аллах үчүн мен пендемин, Амалдарын күндөн-күнгө оңдогон! Автор: Ысаков Шергазы.

Сенсиздик… Көз алдымда элестериң тартылып, Кирпигиме жаштан мончок тагылып. Күтө берип чарчасам да, бирок мен, Жашай берем бир өзүңдү сагынып. Күндөр өтөт үнсүз гана бозоруп, Көңүл чиркин баратат го томсоруп. Сени издеген каректерип чарчады, Бул ааламда калган өңдүү жоголуп. Жаздык басып, жалгыз калган кечимде, Жаш баладай сени гана издеймин. «Унутам» деп өзүмө сөз берсем да, Унутуунун жолун такыр билбеймин. Аралыктар . . . арабызды бөлүштү, Азаптарга салып коюп үмүттү. Сен тарапка кетким келет умтулуп, Ким түшүнөт ичимдеги күйүттү? Бир өзүндү сагынуудан талбадым, Башкаларга жабык менин ааламым. Көздөрүңдү эстегенде капыстан, Күчөп барат ичимдеги арманым. Түндөр узун, атпай койду таңдарым, Сенсиз карып бараткандай жаш чагым. Жалгыз гана сени күткөн жүрөгүм, Билип турат жетпесимди ардагым. Сагынсам да сабыр кылып келемин, Сен деп соккон жүрөгүмдүн себебин. Тагдыр бизди кошпосо да суранам, Аман болчу – менин ушул тилегим. Айназ

Сенден бери мезгил өттү, Арадан күз да келди. Кыш чапанын жамынган, Эмнегедир үшүп жатам капыстан. Сени менен жаз келгенде таанышкам. Сенден бери өттү мезгил, Арадан алтын түстүү жалбырактар карарган. Аппак кар да өз кооздугун жоготкон, Сени менен жаз келгенде таанышкам. Күтсөм жазды, кутуламбы азаптан? Күзү, кышы кооз тараптан ачылган. Күтсөм жазды, жаңылбаймбы дагы бир? А дегенде өтүп кетти эки жыл... Мээрим.

Сен жан элең жашоочу эч муңайбай Бирге олтурган кез эле ошол күнү Тик карасан табышмактуу мени уялбай Мен олтурдум сүрдөнүп соз куралбай Кемесинде сүйүүнүн бара жаттым Кел жаныма дегенсип карап аттын Кылыгыңа мас болуп а мен болсо Кыялымда чачынды тарап аттым Сен карадын менда сени караладым Көп карадым бирок такыр баралбадым Кандай ойдо карашып жаттык экен Сен жактын балким сага жага албадым Жолуңду улап курбуң менен баса бердин Сага арнап суйуумду жаза бердим Тагдыр болсо кайрадан кезигээрбиз Деп айтып өрттөнүп кала бердим. Автору Жекшенбаев Дооронбек.

БАКЫТ ИЗДЕП Бакыт издеп бастым далай жолдорду, Аштым нечен көк тиреген тоолорду. Күндөр айга, айлар күнгө алмашып, Мен карыптын, болбоду эч жол оңу. Кайгы, капа, мүшкүл ушул баштагы, Четинен жеп түгөтүүдө жаш чагым. Күлүп карап уласам да жолумду, ОО ӨМҮРҮМ, бакыт издеп чарчадым! Кыйын экен бул жашоонун зардабы, Кармашууга алым-күчүм калбады. «Бактылуумун» деген жандар, айткыла, Базар, дүкөн бактылуулук сатабы? Алаар элем бакыт деген сатылса, Төгөрөктүн төрт бурчунан табылса. Канча байлык керек болсо, бермекмин, Бакыт мага бир өмүргө жазылса. ✍️ Максат Дүйшөн уулу

МЕН ӨЗҮҢСҮЗ Мен өзүңсүз, жаз өңдөнөм гүлү жок, Мен өзүңсүз чырпыктаймын бүрү жок. Мен өзүңсүз бактан баанек издеген, Мен өзүңсүз булбулдаймын үнү жок. Мен өзүңсүз суусуз калган арыктай, Мен өзүңсүз ырлар жазам талыкпай. Мен өзүңсүз дубанамын жер кезген, Мен өзүңсүз мекенсиз бир карыптай. Мен өзүңсүз багыты жок кайыкмын, Мен өзүңсүз ыр жазуудан талыктым. Мен өзүңсүз мен эместей сезилип, Мен өзүмдү, сен деп билип алыпмын. Сен өзүңсүң, а мен сенмин билесиң, Мен күзгүдөн сага жүрөм кезигип. Автор: Бердимуратова Айжамал.

Сени күтөм - таңда күндү күткөндөй... Кечте көрсөм - айдын нуру түшкөндөй... Күндүз жүрсөк ээрчигенсийт күн жандап... Дарак, чөптөр сага кошо күлгөндөй... Бирок дүйнөң сыр бербеген мейкиндик... Суроо келет кээде ичте: "сен кимдик?" Эшик ачып ээсин күткөн үй сымал, Ичим азыр - сени эңсеген бош, кеңдик... Туюмдарың туйлагансыйт мен жакка... Бирок бардай жеңден тарткан бир башка... Сүйүүмдү жерге ыргытпа, өтүнөм! Ансыз деле азам толо бул жашта... Автору Ы.Шергазы .

Сага болгон ак сүйүүмдү өчүрсөм, калем дагы өлүм жибин аттайбы? Ойлорумду чек кылсам да чым сымал, сезим дале суудай ташып жатпайбы? Ашыктыктан толгон -токой ыр жазган, азыр менде калем гана бактылуу! Ак сүйүүдөн калбагандай үмүтү, өмүр, жүрөк жаны жоктой убактылуу! Ойдо жүрөт көйгөйлөрдүн жарышы, сени ойлосом токтойт анын баарысы! Сага умтулган дымагы күч сезимим, а сен үчүн ойлордун эң тайызы! Кагып өтүп оттой көзү башканын, өрттөйт мени сага жетип жатышы! Дүйнөмдөгү жүз пайызы күтүүнүн, а сен үчүн нөл пайызы сүйүүнүн! Автору. Ы. Шергазы.

Көзүмдүн жоосун алып сулуулугуң, Көөдөндү жылытууда жылуулугуң. Кара көз, чийме кашың, эх (..........), Өзүңө тартып турат сындуулугуң. Суктанам айдай жарык сымбатыңа, Атыңды кошуп жаздым ырга мына. Көрсөтпөй жан адамга кызганычтан, Катып бир алсам деймин кымкабыма. Арбады мени өзүңө кымча белиң, Жүз буруп, тетир карап кыспа демим. Сүйүүмдү арнап сага турган кезде, Жообу жок калтырбачы сезимдерим. Искесем сепкен сенин атырыңдан, Мас болом, айрыламын акылымдан. Бир сүйсөм, арманым эч калбас эле, Аңкыган атыр жыттуу алкымыңдан. ✍️ Максат Дүйшөн уулу

УБАЙЫМ....... Ойлосом ойдо карааның Ооруулуу кылды жамалың Дартыма болоор арачы Дарыгер кайдан табамын... Кусадан көңүл калганда Кубанчым өттү арманга Жоолукпай койсок не болмок Жомоктой ушул Жалганда... Жылдызы болбой жанымдын Жыл өтпөй туруп сагындым Жакындык бизге бербеген Жашоого келет таарынгым... Эстесем эсте карааның Эсимди алды жамалың Дарманым деле калган жок Дарысын кайдан табамын... Дартыма болоор арачы Дарыгер кайдан табамын... Элмирбек Иманалиев.

ӨЗҮҢДҮ ЭСТЕП... Жанып бир отко, өрттөнсөм бекен? Үмүткө түшүп, өкчөлсөм бекен? Өмүрдү ушул муң жутуп алып, Өзүңдү күтүп өткөрсөм бекен? Бир дербиш болуп күн көрсөм бекен? Тушалган бутта сүйрөлсөм бекен? Эстеген сайын кыйналбаш үчүн, Унутуу жолун үйрөнсөм бекен? Жүрөктү эзип, кыйнасам бекен? Тамтыгым чыгып, кыйрасам бекен? Өзөктү өрттөп кеткенде күйүт, Өзүңдү эстеп ыйласам бекен? Тагдыр деп ушул багынсам бекен? Унутуп, селдей агылсам бекен? Болбосо баарын кайрадан эстеп, Бүгүн да сени сагынсам бекен? Арген Болушов

ӨМҮР Ооба, өмүр... сенден калбайт көңүлүм, Ырларың бар жазып жүргөн өзүңдүн. Жаа тартпастан узарта тур кичине, Жандай сүйгөн ата-энемдин өмүрүн. Ырас, өмүр... мөлтүр көлдүн өзүсүң, Ыйга таштайт бир күн келип көбүгүң. Бүчүр байлап, сабагынан күбүлтпөй, Бир туугандын узартып тур өмүрүн. Чындык тура... конок болуп келерим, Кези келсе келбес жайга кетемин. Суранаарым өлбөс кана болсунчу, Менин ырым, элим жана мекеним. Арген Болушов