UzReport.news

JCH—2026: O‘zbekiston guruhidagi raqiblar — Portugaliya va Kongo DR uchrashuvida durang qayd etildi AQSHning Hyuston shahrida bo‘lib o‘tgan Jahon chempionati guruh bosqichi 1-turidan o‘rin olgan Portugaliya hamda Kongo Demokratik Respublikasi uchrashuvi o‘z nihoyasiga yetdi. Telegram | Instagram | Facebook | YouTube | Website

Oʻzbekiston Respublikasi Prezidenti va Germaniya Federal Prezidenti Faxriy mehmonlar xiyobonida daraxt ekdilar Oliy darajadagi Oʻzbekiston – Germaniya muzokaralari yakunida Prezidentlar Shavkat Mirziyoyev va Frank-Valter Shtaynmayer daraxt ekish marosimida ishtirok etdilar. Koʻksaroy qarorgohidagi Faxriy mehmonlar xiyobonida ekilgan daraxt Oʻzbekiston va Germaniya xalqlari oʻrtasida mustahkamlanib borayotgan doʻstlik, ishonch va oʻzaro anglashuv rishtalarining ramziga aylanib, ikki tomonlama munosabatlar tarixida yangi bosqich boshlanganining timsoli boʻladi. Telegram | Instagram | Facebook | YouTube | Website

Oʻzbekiston va Germaniya yetakchilari qoʻshma bayonot qabul qilib, bir qator loyihalarni ishga tushirdilar Oʻzbekiston Respublikasi Prezidenti Shavkat Mirziyoyev va Germaniya Federal Prezidenti Frank-Valter Shtaynmayer oʻtkazilgan muzokaralar yakunlari boʻyicha Qoʻshma bayonot qabul qilib, koʻp qirrali hamkorlikni yanada mustahkamlashga intilishlarini tasdiqladilar. Shuningdek, davlat rahbarlari Oʻzbekistonda qoʻshma loyihalarni amalga oshirayotgan va yangilarini boshlashni rejalashtirayotgan Germaniyaning yetakchi kompaniyalari vakillarini samimiy qutladilar. Ikki tomonlama hujjatlarni almashish marosimi ham boʻlib oʻtdi. Oʻzbekistonda shaharlarni barqaror rivojlantirish boʻyicha loyihalarni bajarish uchun grant mablagʻlari ajratish va imtiyozli moliyalashtirishni nazarda tutuvchi moliyaviy hamkorlik sohasidagi kelishuvlar imzolandi. Telegram | Instagram | Facebook | YouTube | Website

Oʻzbekiston va Germaniya Prezidentlari koʻp qirrali sheriklikni yanada rivojlantirishga intilishlarini tasdiqladilar Koʻksaroy qarorgohida Oʻzbekiston Respublikasi Prezidenti Shavkat Mirziyoyev va Germaniya Federal Prezidenti Frank-Valter Shtaynmayerning tor doirada hamda rasmiy delegatsiyalar ishtirokidagi muzokaralari boʻlib oʻtdi. Uchrashuvda Oʻzbekiston – Germaniya hamkorligini yanada rivojlantirish, siyosiy muloqotni mustahkamlash, savdo-iqtisodiy aloqalar va madaniy-gumanitar hamkorlikni kengaytirishning asosiy masalalari koʻrib chiqildi. Telegram | Instagram | Facebook | YouTube | Website

Milliy terma jamoamizni birgalikda qoʻllab-quvvatlaymiz Futbol boʻyicha Oʻzbekiston milliy terma jamoasining Jahon chempionatidagi ilk oʻyini Kolumbiyaga qarshi boʻlib oʻtadi. Uchrashuv 18-iyun kuni soat 07:00 boshlanadi va Toshkent shahrining barcha tumanlarida oʻrnatiladigan katta ekranlarda toʻgʻridan-toʻgʻri namoyish etiladi. Eng yirik fan-zona «Milliy» stadioni hududida tashkil etiladi. Bu yerda 10 ming nafar muxlis oʻyinni birgalikda tomosha qilib, jamoamizga kuch bagʻishlashi mumkin. Telegram | Instagram | Facebook | YouTube | Website

Germaniya Federal Prezidentini rasmiy kutib olish marosimi boʻlib oʻtdi Koʻksaroy qarorgohida mamlakatimizga rasmiy tashrif bilan kelgan Germaniya Federativ Respublikasi Prezidenti Frank-Valter Shtaynmayerni kutib olish marosimi boʻldi. Qarorgoh oldidagi maydonda faxriy qorovul saf tortdi. Oʻzbekiston Respublikasi Prezidenti Shavkat Mirziyoyev oliy martabali mehmonni samimiy qarshi olib, shohsupaga taklif etdi. Telegram | Instagram | Facebook | YouTube | Website

Prezidentimiz 18-iyun kuni barcha davlat tashkilotlarida ish vaqtini soat 10:00 da boshlanishini belgilab berdilar — Prezident matbuot kotibi Sherzod Asadov. Uning soʻzlariga koʻra, davlat rahbari ertangi oʻyinni uyda, oila davrasida, nabiralari bilan tomosha qiladi. Telegram | Instagram | Facebook | YouTube | Website

Markaziy bank boshqaruvining 2026-yil 17-iyundagi yig‘ilishi yakunlari: 🟣Markaziy bank asosiy stavkani 14 foiz darajasida o‘zgarishsiz qoldirdi. 🟣2026-yil may oyida umumiy inflyatsiya yillik 5,5 foizgacha, bazaviy inflyatsiya esa 5,7 foizgacha pasaydi. 🟣Umumiy inflyatsiya 2026-yil yakunida 6,5 foiz atrofida, iqtisodiy oʻsish prognozi esa 7–7,5 foiz darajasida saqlab qolindi. 🟣Joriy yilning iyun oyidan energiya resurslari tariflarining oshirilishi inflyatsiyaga qisqa muddatli ta’sirga ega bo‘ladi. 🟣Markaziy bankning pul-kredit siyosati inflyatsiyani 5 foizlik maqsadli darajaga pasaytirish, makroiqtisodiy barqarorlikni taʼminlash va aholining xarid qobiliyatini saqlashga qaratilgan boʻlib qoladi. Telegram | Instagram | Facebook | YouTube | Website

O‘zbekistonda islomiy bank qachon ochiladi? Ko‘rfaz kapitali, yangi investitsiya oqimlari va islomiy moliya. Bugun Toshkentda o‘tgan muhokamalarda aynan shu uch yo‘nalish markazda bo‘ldi. Sukuk bozori va shariatga mos moliyaviy instrumentlar orqali rivojlanayotgan iqtisodiyotlarga mablag‘ jalb qilish masalalari ko‘tarildi. Batafsil UzReport TV lavhasida tomosha qiling! Telegram | Instagram | Facebook | YouTube | Website

UZEX xalqaro birja hamjamiyatidagi mavqeini mustahkamlamoqda Taypey shahri (Tayvan)da bo‘lib o‘tgan Xalqaro fyuchers bozorlari assotsiatsiyasi (AFM) aʼzolarining 28 yillik umumiy yig‘ilishi va Xalqaro birja anjumani natijalariga ko‘ra, UZEX rahbari fyuchers savdosi sohasidagi eng nufuzli xalqaro tashkilotlardan biri bo‘lgan AFM Ijroiya kengashi aʼzoligiga saylandi. Batafsil 👉 https://uzreport.news/exchange/uzex-xalqaro-birja-hamjamiyatidagi-mavqeini-mustahkamlamoqda Telegram | Instagram | Facebook | YouTube | Website

Oʻzbekiston Prezidenti Buyuk Britaniya delegatsiyasini qabul qildi Toshkent xalqaro investitsiya forumi dasturi doirasida Oʻzbekiston Respublikasi Prezidenti Shavkat Mirziyoyev Buyuk Britaniyaning investitsiyalar boʻyicha davlat vaziri, lord Djeyson Stokvud boshchiligidagi delegatsiyani qabul qildi. Savdo-iqtisodiy, investitsiyaviy va moliyaviy hamkorlikni yanada kengaytirish masalalari koʻrib chiqildi. Telegram | Instagram | Facebook | YouTube | Website

Oʻzbekiston Prezidenti Xitoy bilan texnologik va investitsiyaviy sheriklikni kengaytirish muhimligini taʼkidladi Toshkent xalqaro investitsiya forumi doirasida Oʻzbekiston Respublikasi Prezidenti Shavkat Mirziyoyev Xitoy Xalq Respublikasi Milliy energetika boshqarmasi rahbari Van Xunchji boshchiligidagi ushbu mamlakatning yetakchi kompaniyalari va moliya institutlari delegatsiyasini qabul qildi. Energetika va geologiya sohalarida oʻzaro manfaatli yuqori texnologik loyihalarni ilgari surish, bank-moliya borasida amaliy hamkorlikni kengaytirish masalalari koʻrib chiqildi. Telegram | Instagram | Facebook | YouTube | Website

G7 davlatlari Ukrainaga qurol yetkazib berishni oshirishga kelishib oldilar ​ "Katta yettilik" davlatlari yetakchilari Ukrainaga havo hujumidan mudofaa tizimlari, raketa-tutuvchilar va uzoq masofaga zarba beruvchi qurollarni yetkazib berishni oshirishga kelishib oldilar. Bu haqda bugun eʼlon qilingan bayonotda aytiladi. ​G7 davlatlari, shuningdek, Ukrainaning shaxsiy harbiy ishlab chiqarishini kengaytirish uchun litsenziyalar berishni koʻrib chiqishga tayyor va Rossiya iqtisodiyotiga, jumladan, neft-gaz sektoriga qarshi sanksiyalarni kuchaytirishga vaʼda bermoqdalar. Telegram | Instagram | Facebook | YouTube | Website

BAA bilan yirik investitsiya loyihalarini amalga oshirish masalalari muhokama qilindi Oʻzbekiston Respublikasi Prezidenti Shavkat Mirziyoyev Birlashgan Arab Amirliklari energetika va infratuzilma vaziri Suhayl al-Mazruiy boshchiligidagi delegatsiya bilan uchrashuv oʻtkazdi. Oʻzbekiston – BAA strategik sheriklik munosabatlari jadal rivojlanib borayotgani alohida qayd etildi. Telegram | Instagram | Facebook | YouTube | Website

Oʻzbekiston Prezidenti Qozogʻiston bilan koʻp qirrali sheriklikni yanada kengaytirish muhimligini taʼkidladi Oʻzbekiston Respublikasi Prezidenti Shavkat Mirziyoyev beshinchi Toshkent xalqaro investitsiya forumi doirasida Qozogʻiston Respublikasi Bosh vaziri Oljas Bektenovni qabul qildi. Oʻzbekiston – Qozogʻiston strategik sheriklik va ittifoqchilik munosabatlarini yanada chuqurlashtirishning dolzarb masalalari koʻrib chiqildi. Telegram | Instagram | Facebook | YouTube | Website

2026-yil may oyidagi narxlar kontrasti Markaziy bank ma‘lumotlariga ko‘ra, 2026-yil may oyida O‘zbekistonda narxlar dinamikasi keskin kontrastlar bilan namoyon bo‘ldi ayrim xizmatlar va mahsulotlar arzonlashgan bo‘lsa, boshqalarida rekord darajadagi o‘sish qayd etildi. Batafsil UzReport TV lavhasida tomosha qiling! Telegram | Instagram | Facebook | YouTube | Website

Amazon O‘zbekistonda sun’iy yo‘ldosh internetini ishga tushiradi TXIF doirasida AQShning Amazon Leo kompaniyasi va UZ-SAT o‘rtasida O‘zbekiston hududida yuqori tezlikdagi sun’iy yo‘ldosh internet xizmatlarini joriy etish bo‘yicha kelishuv imzolandi. Loyiha chekka va telekommunikatsiya infratuzilmasi rivojlanmagan hududlarni ham internet bilan qamrab olish imkonini beradi. Telegram | Instagram | Facebook | YouTube | Website

Boliviya va AQSH 18 yillik tanaffusdan soʻng narkotrafikka qarshi hamkorlikni tikladi Boliviya va AQSH hukumatlari giyohvand moddalarning noqonuniy aylanmasi hamda transmilliy uyushgan jinoyatchilikka qarshi kurash sohasida yangi hamkorlik kelishuvini imzoladi. Bu ikki davlat oʻrtasida soʻnggi 18 yil ichida mazkur yoʻnalishda tuzilgan ilk rasmiy kelishuv hisoblanadi. Telegram | Instagram | Facebook | YouTube | Website

Muddati o‘tgan mahsulot sotganlarga jazo kuchaytiriladi Deputatlar yalpi majlisda yaroqlilik muddati o‘tgan mahsulotlar savdosi uchun jarimalarni oshirishni nazarda tutuvchi qonun loyihasini ham muhokama qilishdi. Qayd etilishicha, amalda yaroqlilik muddati o‘tgan yoki ishlab chiqarilgan sanasi hamda yaroqlilik muddati ko‘rsatilmagan tovarlarni sotish uchun qabul qilganlik uchun javobgarlik mavjud. Shunga qaramay, ayrim savdo nuqtalarida ishlab chiqarilgan sanasi va yaroqlilik muddati ko‘rsatilmagan mahsulotlar hamon sotuvga chiqarilayotgani kuzatilmoqda. Bu esa aholi salomatligiga xavf tug‘diruvchi holatlarning ko‘payishiga sabab bo‘lmoqda. Batafsil UzReport TV lavhasida tomosha qiling! Telegram | Instagram | Facebook | YouTube | Website

Prezidentimiz Osiyo taraqqiyot banki hamda Yevropa tiklanish va taraqqiyot banki tashabbusi bilan Markaziy Osiyo va Kavkaz investitsiya kengashlarining mintaqaviy alyansi tashkil etilayotganini o‘z vaqtida qabul qilingan qaror sifatida baholadi. Bozor qanchalik katta va qoidalar qanchalik uyg‘un bo‘lsa, mintaqa davlatlariga sarmoyalar oqimi shuncha ko‘payadi. Shu ma’noda, bu muhim tashabbus kelgusida umumiy investitsiya makonini yaratish yo‘lidagi dastlabki qadam bo‘lishiga ishonch bildirildi.

“Biz uchun investitsiya bu faqatgina iqtisodiy resurs emas, balki ilg‘or texnologiyalar, zamonaviy bilim va tajribalar, yangi ish o‘rinlari va davr bilan hamnafas taraqqiyot demakdir. Har qanday buyuk orzu va niyatni hayotga to‘la tatbiq etishda asosiy hamkor, hech shubhasiz, ezgu niyatli investorlar, desak, mubolag‘a bo‘lmaydi. Shu bois, diyorimizga katta ishonch va g‘oyalar bilan kelayotgan xorijiy sarmoyadorlarga Yangi O‘zbekistonning eshiklari hamisha ochiq. Prezident sifatida shaxsan o‘zim va Hukumatimiz yoningizda yelkadosh bo‘lishga doim tayyormiz. Toshkent investitsiya ruhi barchangizni mamlakatimizga doim chorlab turishiga, umumiy muvaffaqiyat ramziga aylanishiga ishonaman. Yurtimizning go‘zal tabiati, betakror madaniyati va olijanob xalqimizning mehmondo‘st qalbi esa do‘stligimizni mustahkamlash uchun o‘ziga xos investitsiya bo‘lishiga aminman”,

– dedi Prezidentimiz so‘zining yakunida. Telegram | Instagram | Facebook | YouTube | Website