UzReport.news

Davlat tilida ish yuritish va alifbo islohoti: nimalar oʻzgarmoqda? UzReport TV da “Huquqiy nigoh”ning navbatdagi sonida davlat tilida ish yuritish madaniyati, rasmiy hujjatlarni davlat tilida toʻgʻri yuritishning ahamiyati hamda alifbo islohoti bilan bogʻliq dolzarb masalalar muhokama qilindi. 📹 Toʻliq video 👉 https://youtu.be/pIruQRSmKL0?si=kviugy23MDfSesvQ https://www.facebook.com/share/v/1BaR9pcFCu/ Telegram | Instagram | Facebook | YouTube | Website

Miroboddagi bolalar maydonchasi oʻrnidagi noqonuniy qurilish yuzasidan jinoyat ishi qoʻzgʻatildi Avvalroq Prezident Administratsiyasi rahbari Saida Mirziyoeva Mirobod tumanidagi “Lolazor” mahallasida oʻrganish ishlarini olib borgandi. Mazkur holat yuzasidan 27-iyul kuni tuman prokuraturasi tomonidan "Al-Latif Hearts Tower" MCHJ mansabdor shaxslari va boshqa shaxslarga nisbatan Jinoyat kodeksining tegishli moddalari bilan jinoyat ishi qoʻzgʻatildi. Telegram | Instagram | Facebook | YouTube | Website

Oʻzbekiston Prezidentining Qirgʻizistonga davlat tashrifi yakunlandi Oʻzbekiston Respublikasi Prezidenti Shavkat Mirziyoyevning Qirgʻiz Respublikasiga davlat tashrifi hamda Markaziy Osiyo va Ozarbayjon davlat rahbarlari norasmiy Maslahat uchrashuvining tadbirlarga boy dasturi yakunlandi.  “Issiqkoʻl” aeroportida mamlakatimiz yetakchisi va rafiqasini Qirgʻiz Respublikasi Prezidenti Sadir Japarov va rafiqasi kuzatib qoʻydilar. Telegram | Instagram | Facebook | YouTube | Website

FIFAning JChni xususiylashtirish rejasi to‘xtatildi FIFA prezidenti Janni Infantino jahon chempionatidagi ulushlarni investorlarga sotmoqchi va moliyaviy ishlar ustidan nazoratni Trampning qarindoshiga topshirmoqchi bo‘ldi. Butun dunyo bo‘ylab futbol mulozimlari bu g‘oyaga qarshi chiqishdi va yakunda Infantino ortga chekinishga majbur bo‘ldi. Telegram | Instagram | Facebook | YouTube | Website

Omonatlarga soliq joriy etilishi mumkin: yangi taklif tafsilotlari Iqtisodiyot va moliya vazirligi huzuridagi institut mutaxassislari 5 foizlik soliq stavkasini joriy etishni taklif qilmoqda. Hozirda bank omonatlaridan olinadigan foiz daromadlari umuman soliqqa tortilmaydi bu imtiyoz 1998-yildan buyon amal qilib kelmoqda. Batafsil UzReport TV lavhasida tomosha qiling! Telegram | Instagram | Facebook | YouTube | Website

Italiya Ispaniya bilan dengiz va havo chegaralarini vaqtincha yopdi Italiya Ispaniyaning Afrika shimolidagi Seuta eksklaviga noqonuniy migrantlar ommaviy ravishda kirib kelganidan soʻng Ispaniya bilan Shengen kelishuvining erkin harakatlanish tartibini vaqtincha toʻxtatdi. Shuningdek, mamlakat Ispaniya bilan dengiz va havo chegaralaridagi nazoratni kuchaytirdi hamda Fransiya bilan quruqlik chegarasida qoʻshimcha tekshiruvlar oʻtkazishga qaror qildi. Telegram | Instagram | Facebook | YouTube | Website

Davlat rahbarlari suv-motor sporti boʻyicha jahon chempionatining Qirgʻizistondagi bosqichini tantanali ochib berdilar. Telegram | Instagram | Facebook | YouTube | Website

Markaziy Osiyo va Ozarbayjon davlat rahbarlari suv-motor sporti bo‘yicha chempionatning ochilishida ishtirok etdilar Markaziy Osiyo va Ozarbayjon davlat rahbarlari norasmiy Maslahat uchrashuvi dasturiga muvofiq, Issiqko‘lda suv-motor sporti bo‘yicha Qirg‘iziston Gran-prisining tantanali ochilish marosimida ishtirok etdilar. Yetakchilar musobaqa ishtirokchilari va mehmonlarini qutladilar. O‘zbekiston Respublikasi Prezidenti Shavkat Mirziyoyev rafiqasi bilan birga sportchilarning saralash poygasini kuzatdi. Telegram | Instagram | Facebook | YouTube | Website

Toshkentda bir qator koʻchalar uch kunga yopiladi Toshkent shahrida Mustaqillik shohkoʻchasining ikkinchi bosqichida asfalt yotqizish ishlarini yakunlash munosabati bilan 31-iyul kechasidan 3-avgust kechasiga qadar ayrim koʻchalarda barcha turdagi transport vositalari harakati vaqtincha cheklanadi. Haydovchilarga harakat yoʻnalishlarini oldindan rejalashtirish tavsiya etildi. Telegram | Instagram | Facebook | YouTube | Website

Eron bilan urush fonida AQShning strategik neft zaxiralari 1983-yildan beri eng quyi darajaga tushdi Mart oyida Eron Hoʻrmuz boʻgʻozi orqali yuk tashishni toʻsib qoʻyganidan soʻng, AQSH prezidenti Donald Tramp strategik neft zaxirasidan 172 million barrel neft olishni buyurgan edi. Qoʻshma Shtatlar Energetika vazirligi maʼlumotlariga koʻra, soʻnggi bir hafta davomida federal neft zaxiralari 3,7 million barrelga kamayib, ularning umumiy hajmi qariyb 308 million barrelni tashkil etdi. Bu 1983-yil martidan beri qayd etilgan eng past koʻrsatkich hisoblanadi. Telegram | Instagram | Facebook | YouTube | Website

Ikki nafar erkin kurashchimiz jahon chempionati finalida Boku shahrida tashkil etilayotgan sport kurashlari boʻyicha U17 yosh toifasidagi jahon chempionati yakuniy bosqichga yetib kelmoqda. Ortda qolgan kun saralashda qatnashgan 5 nafar erkin kurashchimizning 2 tasi finalga yoʻl olgan boʻlsa, yana 2 nafari bronza medali uchun kurashish imkoniyatini saqlab qolishdi. Final: -55 kg: Jahongir Toʻlqunov — Jovanni Tovar (Kolumbiya) -65 kg: Shohiddin Aliyev — Magomed Ibragimov (Rossiya) Bronza medali uchun: -48 kg: Farruh Mahmudov — Emir Jevatov (Bolgariya) / Muslihiddin Hojiyev (Tojikiston) -110 kg: Behruz Ashirov / Sergko Choutsisvili (Gretsiya) — Murtaz Bagdavadze (Gruziya). Telegram | Instagram | Facebook | YouTube | Website

Davlat xizmatchilari uchun jazoni ijro etish muassasasiga profilaktik tashrif tashkil etildi Korrupsiyaga qarshi kurashish agentligi va Ichki ishlar vazirligi hamkorligida navbatdagi profilaktik tashrif Suv xo‘jaligi vazirligi, Qishloq xo‘jaligi vazirligi, Transport vazirligi huzuridagi Avtomobil yo‘llari qo‘mitasi rahbarlari va masʼul xodimlari hamda Agentlik huzuridagi Jamoatchilik kengashi aʼzolari ishtirokida amalga oshirildi. Batafsil UzReport TV lavhasida tomosha qiling! Telegram | Instagram | Facebook | YouTube | Website

O‘zbekistonda Apple, Google va Meta yarim yilda 95 mlrd so‘mdan ortiq soliq to‘ladi 2026-yilning birinchi yarmida O‘zbekistonda elektron xizmatlar ko‘rsatuvchi 97 ta xorijiy kompaniya byudjetga jami 143,8 mlrd so‘m soliq to‘ladi. Bu o‘tgan yilning mos davriga nisbatan 84 foizga ko‘p. Elektron xizmatlar koʻrsatuvchi top-10 ta xorijiy kompaniyalar: ➖ Apple — 33,6 mlrd so‘m; ➖ Google — 33,3 mlrd so‘m; ➖ Meta — 28,9 mlrd so‘m; ➖ Valve Corp. — 15,8 mlrd so‘m; ➖ Anthropic — 6,3 mlrd so‘m; ➖ OpenAI — 5,6 mlrd so‘m; ➖ Midasbuy — 2,9 mlrd so‘m; ➖ Вooking.соm — 2,6 mlrd so‘m; ➖ TikTok — 1,6 mlrd so‘m; ➖Anysphere — 1,5 mlrd so‘m. Telegram | Instagram | Facebook | YouTube | Website

Ipoteka obligatsiyalari bo‘yicha ikkinchi birja bitimi amalga oshirildi Bugun "Toshkent" Respublika fond birjasida mazkur emissiya doirasida 40,14 mlrd so‘mlik ipoteka obligatsiyalari bo‘yicha AT "Agrobank" ishtirokida yopiq obuna orqali bitim tuzildi. Mazkur bitim Prezident Farmonida nazarda tutilgan ipoteka obligatsiyalarini bosqichma-bosqich joylashtirish mexanizmining amaliy ijrosi izchil davom etayotganini tasdiqlaydi. Telegram | Instagram | Facebook | YouTube | Website

Oʻzbekistonliklar Qirgʻizistonda 15 kungacha roʻyxatdan oʻtmasdan qolishlari mumkin Oʻzbekiston va Qirgʻiziston ikki mamlakat fuqarolarini chegaradan oʻtgandan soʻng 15 kun davomida majburiy roʻyxatdan oʻtishdan ozod qilishga kelishib oldi. Tegishli protokol kecha Issiqkoʻlda prezidentlar Shavkat Mirziyoev va Sadir Japarov tomonidan imzolangan kelishuvlar roʻyxatidan oʻrin oldi. Hujjatga koʻra, ikki davlat fuqarolari chegarani kesib oʻtgan kundan boshlab 15 sutka ichida qabul qiluvchi davlatning vakolatli organlarida vaqtinchalik yoki doimiy roʻyxatdan oʻtishi mumkin boʻladi. Telegram | Instagram | Facebook | YouTube | Website

Soliq qo‘mitasi sunʼiy intellekt asosida ishlovchi raqamli platformasini ishga tushirdi Platforma orqali foydalanuvchilar korxonasining soliq holatini tahlil qilishi, elektron hisobvaraq-fakturalardagi xavf omillarini aniqlashi, soliq reytingi, imtiyozlar va hisobotlar bo‘yicha maʼlumot olishi mumkin. Batafsil UzReport TV lavhasida tomosha qiling! Telegram | Instagram | Facebook | YouTube | Website

Markaziy Osiyo va Ozarbayjon davlat rahbarlari “Boku” mehmonxonasining ochilish marosimida ishtirok etdilar Norasmiy Maslahat uchrashuvi doirasida Markaziy Osiyo va Ozarbayjon davlat rahbarlari Issiqkoʻl sohilida yangi besh yulduzli “Boku” mehmonxonasining tantanali ochilish marosimida ishtirok etdilar. Yetakchilar zamonaviy mehmonxona majmuasida tashrif buyuruvchilar dam olishi va xalqaro tadbirlarni oʻtkazish uchun yaratilgan sharoitlar bilan tanishdilar. Telegram | Instagram | Facebook | YouTube | Website

Prezident Shavkat Mirziyoyevning Markaziy Osiyo va Ozarbayjon norasmiy sammitidagi nutqidan asosiy fikrlar: 📌Ilgari tarqoq bo‘lgan Markaziy Osiyo bugungi kunda taraqqiyotning umumiy maqsadlari yo‘lida birlashmoqda; 📌Murakkab va oldindan bashorat qilib bo‘lmaydigan bugungi xalqaro voqelik bizdan yanada qat’iyat bilan harakat qilishni va yanada yaqin muvofiqlashtiruvni talab etmoqda; 📌Ozarbayjonning Maslahat uchrashuvlari formatiga qo‘shilishi o‘zaro hamkorligimizni sifat jihatidan yangi – makromintaqaviy darajaga olib chiqmoqda; 📌Biz uchun Markaziy Osiyo, Janubiy Kavkaz va Afg‘onistonni birlashtiruvchi yagona taraqqiyot makonini shakllantirish borasida tarixiy imkoniyat ochilmoqda; 📌Yevroosiyoning qoq yuragida barqaror rivojlanish, o‘zaro bog‘liqlik va yaxshi qo‘shnichilik uchun mustahkam poydevor yaratishimiz zarur; 📌Mintaqamizning xalqaro subyekt sifatidagi maqomini mustahkamlagan holda davlatlararo tashkilotlar va “Markaziy Osiyo plyus” formatlari doirasida o‘zaro muvofiqlashtiruvni kuchaytirish lozim; 📌Markaziy Osiyo ta’lim, ilm-fan va katta ma’lumotlar sohasida innovatsiyalar bo‘yicha raqobatbardosh xabga aylanishi kerak; 📌Atrof-muhitni muhofaza qilish har doim mintaqaviy kun tartibining ustuvor yo‘nalishi bo‘lib kelgan va shunday bo‘lib qoladi; 📌Gumanitar sohadagi ishlarning mohiyati sifat jihatidan o‘zgarishi xalqlarimiz o‘rtasidagi birlik, hamjihatlik va o‘zaro tushunish tuyg‘usini mustahkamlaydi; 📌Bizning umumiy kuchimiz – birlik, o‘zaro ishonch va birgalikdagi yaratuvchanlikka qat’iy sadoqatimizda. Telegram | Instagram | Facebook | YouTube | Website

O‘zbekistonda iyun oyida avtomobil savdosi 18% ga oshdi Iyun oyida mamlakatda avtomobil bozori faollashib, savdo hajmi may oyiga nisbatan 18% ga oshib, 80,2 mingdan ortiq avtomobilni tashkil etdi. Yengil avtomobillar savdosi 14% ga o‘sib 61,4 mingga, elektromobillar savdosi esa 63,5% ga oshib 8,4 mingga yetdi. Birinchi yarim yillikda yangi yengil avtomobillar savdosi 3,5% ga o‘sib 157 mingta, elektromobillar savdosi esa 40% ga oshib 40 mingdan ortiqni tashkil etdi. Ikkilamchi bozorda savdo hajmi 18% ga kamaydi. Telegram | Instagram | Facebook | YouTube | Website

Oʻzbekiston Respublikasi Prezidenti Markaziy Osiyo mamlakatlari va Ozarbayjonning mintaqaviy hamkorligini rivojlantirish istiqbollarini belgilab berdi Oʻzbekiston Respublikasi Prezidenti Shavkat Mirziyoyev 31-iyul kuni Qirgʻiziston Respublikasining Choʻlponota shahrida boʻlib oʻtgan Markaziy Osiyo va Ozarbayjon davlat rahbarlarining norasmiy uchrashuvida ishtirok etdi. Davlat rahbarlari Markaziy Osiyo va Ozarbayjon mamlakatlari va xalqlarining barqaror rivojlanishi, iqtisodiy taraqqiyoti, xavfsizligini taʼminlash hamda farovonligini yuksaltirishga doir dolzarb masalalar yuzasidan fikr almashdilar. Telegram | Instagram | Facebook | YouTube | Website