BAQ.kz

⚡️Семей орманында 12 күнге созылған өрт толық сөндірілді 2026 жылғы 16 шілдеде «Семей орманы» мемлекеттік орман табиғи резерватының Камышенка орманшылығы аумағында тіркелген орман өрті 28 шілдеде толық сөндірілді. Өртті сөндіру жұмыстарына Қазақстан Республикасы Экология және табиғи ресурстар министрлігінің, Төтенше жағдайлар министрлігінің және Қорғаныс министрлігінің күштері мен техникалары жұмылдырылды. @baq_kz

⚡️Илон Маск X Money банк сервисін іске қосты Илон Маскке тиесілі X әлеуметтік желісі АҚШ-тағы Premium және Premium+ жазылымы бар пайдаланушылар үшін X Money банктік сервисін іске қосты. Сервис ақша сақтауға, басқа пайдаланушыларға қаражат аударуға, шоттарды төлеуге және банктік аударымдарды тікелей қолданба ішінде жүзеге асыруға мүмкіндік береді. Қаражат Cross River Bank банкінде орналастырылады және АҚШ-тың Депозиттерді сақтандыру жөніндегі федералды корпорациясымен (FDIC) 250 мың долларға дейінгі сомада сақтандырылған. @baq_kz

⚡️Зидан ресми түрде Франция құрамасының бас бапкері болды Келісімшарт алдағы төрт жылға жасалған. Зидан бұл қызметте 14 жыл бойы команданы басқарған Дидье Дешамның орнын басты. Бұл тағайындау француз құрамасының әлем чемпионатындағы үшінші орын үшін өткен кездесуде Англиядан жеңілісінен кейін он күн өткен соң орын алды. Жаңа бапкер өз міндетіне 1 тамызда кіріседі, ал құрама құрамын қыркүйек айының басында таныстырады. @baq_kz

⚡️Алтай Республикасында жол апатынан екі қазақстандық қаза тауып, төртеуі жарақаттанды Алдын ала мәлімет бойынша, қарсы жолаққа шыққан Toyota Avensis жүргізушісі мас күйде әрі жүргізуші куәлігінсіз көлік басқарған. Салдарынан Қазақстан азаматы тізгіндеген Chevrolet Nexia көлігімен соқтығысқан. Апаттан Chevrolet жүргізушісі мен 44 жастағы қазақстандық әйел көз жұмды. Ауруханаға тағы үш Қазақстан азаматы және Toyota көлігінің бір жолаушысы жеткізілді. Оқиғаның мән-жайын Ресей құқық қорғау органдары анықтап жатыр. @baq_kz

⚡️Қазақстандық саясаттанушы балаларға әлеуметтік желіні 16 жасқа дейін шектеуді ұсынды Саясаттанушы Бақытжан Бұқарбай 16 жасқа толмаған балалардың әлеуметтік желілерге тіркелуіне заң жүзінде шектеу енгізуді ұсынды. Оның айтуынша, мұндай бастама кітап оқуға, білім алуға, шығармашылықпен айналысуға және адамдармен тікелей араласуға мүмкіндік беретін қолжетімді орталар құрумен қатар жүзеге асырылуы тиіс. Бақытжан Бұқарбайдың айтуынша, оның кездесулерінен кейін кейбір жастар смартфондағы экран алдында өткізетін уақытын тексеріп көрген. Нәтижесінде олардың тәулігіне 15–16 сағатқа дейін интернетте отыратыны анықталған. Толығырақ ⬅️ @baq_kz

⚡️Кеш үйлену, мансап немесе бедеулік: Қазақстанда бала туу неге азайды? Денсаулық сақтау министрлігі мен сарапшылар BAQ.KZ тілшісіне жас отбасылар неліктен балалы болуды кейінге қалдыратынын және бұл үрдісте экономика, өмір сүру салтының өзгеруі мен репродуктивті денсаулықтың қандай рөл атқаратынын түсіндіріп берді ⬅️ @baq_kz

⚡️Жапонияда күшті жер сілкінісі болды: Кемінде 50 адам жарақат алды Жерасты дүмпуі 28 шілде күні Кюсю аралында тіркелген. Жапонияның метеорологиялық агенттігі бастапқыда жер сілкінісінің магнитудасын 7,1 деп бағалады. АҚШ Геологиялық қызметі кейін оның магнитудасын 6,8 деп нақтылады.  Жапония премьер-министрі Санаэ Такаичидіңайтуынша, апаттан кейін кейбір аудандарда өрт шығып, ғимараттар, жолдар мен көпірлерге зақым келген. Құтқару қызметтері шығын көлемін анықтап жатыр. Толығырақ ⬅️ @baq_kz

⚡️«Болашақ ойындары-2026»: Турнирдің жүлде қоры 4,65 млн доллар Астанада өтетін «Болашақ ойындары-2026» халықаралық турнирінің жалпы жүлде қоры 4 миллион 650 мың АҚШ долларын құрайды. Ең ірі жүлде қоры Dota 2 және PUBG: Battlegrounds дисциплиналарына қарастырылған. Әрқайсысына 1 миллион АҚШ долларынан бөлінеді. Сондай-ақ Mobile Legends: Bang Bang бойынша жүлде қоры 900 мың долларды, фиджитал футболдан 625 мың долларды, ал фиджитал жекпе-жектен 500 мың долларды құрайды. Қалған дисциплиналар бойынша да тиісті жүлде қорлары белгіленген. @baq_kz

❗️Пара алғаны үшін сотталған Абылай Мырзахметов бостандыққа шықты Павлодар облыстық ҚАЖ департаменті Абылай Мырзахметовтің сот шешімімен жазасының өтелмеген бөлігі бас бостандығын шектеу жазасына ауыстырылғанын мәлімдеді. Қазір ол пробация қызметінің бақылауында. Еске салайық, 2023 жылы 10 мамырда «Атамекен» ҰКП бұрынғы басшысы Абылай Мырзахметов ірі парамен ұсталған болатын. Ал 2024 жылдың мамырында Абылай Мырзахметов аса ірі көлемдегі алаяқтық жасағаны үшін кінәлі деп танылып, 5 жылға бас бостандығынан айырылған. @baq_kz

✉️Мемлекет басшысы Перу Президентіне құттықтау жеделхатын жолдады   🇰🇿🇵🇪Қасым-Жомарт Тоқаев Кейко Фухимориді Перу Президенті қызметіне кірісуімен және осы елдің ұлттық мейрамы – Тәуелсіздік күнімен құттықтады.   Мемлекет басшысы Президент Кейко Фухиморидің жауапты қызметіне табыс, ал Перу халқына құт-береке тіледі. @baq_kz

🇯🇵 Жапонияда жойқын жер сілкінісі: 50-ден астам адам зардап шекті Жапонияның Кумамото префектурасында магнитудасы 7,1 болатын жер сілкінісі тіркелді. Алдын ала мәлімет бойынша, 50-ден астам адам жарақат алып, шамамен 40 мың үй жарықсыз қалды. Жер сілкінісінен кейін көлік қатынасы уақытша тоқтатылып, әуежай жабылды. Билік 150 мыңнан астам тұрғынды эвакуациялауға шақырып, алдағы күндері қайталама дүмпулер болуы мүмкін екенін ескертті. @baq_kz

⚡️Тоқаев Қазақстанның Ұлыбритания және Солтүстік Ирландия Біріккен Корольдігіндегі жаңадан тағайындалған елшісі Әлібек Бақаевты қабылдады Әңгімелесу барысында Президент қазақ-британ көпжоспарлы ынтымақтастығын одан әрі дамытуға қатысты негізгі міндеттерді айқындады. @baq_kz

⚡️ Дастан Сәтпаев «Челси» сапындағы алғашқы голын соқты @baq_kz

⚡️Дастан Сәтпаев «Челси» сапындағы алғашқы матчын өткізеді Қазақстандық 17 жастағы футболшы Дастан Сәтпаев бүгін Лондонның «Челси» сапындағы алғашқы ойынына шығады. Австралиядағы оқу-жаттығу жиыны аясында ағылшын клубы «Вестерн Сидней Уондерерспен» жолдастық матч өткізеді. @baq_kz

❗️Мұғалімді «маскүнем» деп атаған: Семейлік педагог сотқа арызданды Семейде бастауыш сынып мұғалімін «ішімдік ішеді, жұмысқа мас күйінде келеді» деп айыптаған әйелге қатысты сот шешім шығарды. Сараптама бұл мәліметтердің шындыққа жанаспайтынын анықтады. Сот жауапкерді мұғалімнен көпшілік алдында кешірім сұрауға міндеттеп, моральдық зиян үшін өтемақы мен сот шығындарын өтеуді жүктеді. Шешім әзірге заңды күшіне енген жоқ. @baq_kz

⚡️Лайк пен донат үшін заң бұзған 9 стример жауапқа тартылды ІІМ құқыққа қайшы контент таратқан 9 әлеуметтік желі қолданушысын әкімшілік жауапкершілікке тартты. Олар лайк пен донат үшін тікелей эфирде балағат сөздер айтып, қауіпті пранктер ұйымдастырып, қоғамдық тәртіпті бұзған. Сот шешімімен құқық бұзушыларға айыппұл салынып, әкімшілік қамау жазасы тағайындалдыі. Желіде этиканы сақтамағандар осылай жазалануда. Треш-стримдер үшін жаза қатаң болуы керек пе? @baq_kz

⚡️Зеленский мен Нетаньяху АҚШ-қа барды Екі елдің басшысы Дональд Трамппен жеке-жеке келіссөз өткізеді. Зеленский АҚШ басшылығымен Украинаның әуе қорғанысын күшейту, Patriot жүйелеріне арналған зымырандар және әскери ынтымақтастық мәселелерін көтеруді жоспарлап отыр. Ал Нетаньяху мен Трамптың келіссөзінде Иранға қатысты ахуал, Израильдің қауіпсіздігі және Таяу Шығыстағы жағдай негізгі тақырыптардың бірі болады. @baq_kz

🇰🇿🇹🇭Мемлекет басшысы Таиланд Королі Маха Вачиралонгкорнды туған күнімен құттықтады   Қасым-Жомарт Тоқаев жеделхатында Корольдіктің орнықты дамуының, ұлттық мұрасы мен рухани құндылықтарының айшықты белгісі ретінде бұл мерекенің Таиланд халқы үшін ерекше мәнге ие екенін атап өтті.   Президент достық пен өзара қолдауға негізделген екіжақты ынтымақтастықты одан әрі нығайтуға бейіл екенін растады. @baq_kz

⚡️Үкімет отырысында Алматы облысындағы ұлттық жобалардың орындалуы қызу талқыланды. Премьер-министр Алматы облысының әкімі Марат Сұлтанғазиевті сынға алды. @baq_kz