ننګرهار رسنيو دفتر

۳۰/۱۲/۱۴۴۷ جلال‌آباد ښار کې د دوو خوړونو مسيرونه پاکيږي د ننګرهار ولایت مقام په لارښوونه جلال‌آباد ښاروالۍ له لوري د کمبو او فابريکې خوړونو غصب شوي مسيرونو څخه کورونه، پټي، ونې او نور موانع لرې کيږي، ترڅو په راتلونکې کې ښار او ښاريان د سيلابونو له خطر څخه وژغورل شي. د ولایت مقام، سينديزې حوزې، امنې قوماندانۍ، ښاروالۍ، چاپيريال ساتنې او کرنې مسوولينو څخه جوړ پلاوي په ساحه کې هغو خلکو ته چې د خوړونو مسيرونه يې غصب کړي جدي سپارښتنه وکړه ترڅو دغه موانع په خپله خوښه لري کړي. د جلال‌آباد ښاروالۍ مسوولين وايي؛ که غصب شوې ساحې يادو کورنيو له لوري پاکې نه شي دوی به اصولي اجراات پيل کړي، چې بيا څوک د شکايت حق نه لري. ننګرهار رسنيو دفتر