Հ.Մ.<Արարատ> Կազմակերպութիւն

Շաբաթ , յուլիսի 26-ին Հ.Մ.Ը.Մ.-ական 13- րդ բանակումում Հայաստանում տեղի ունեցաւ Իրանի պատւիրակութեան «Խարոյկի ցոյցը»։ Պատւիրակութիւնը ներկայացաւ ասմունքներով, Քոչարի պարով, ֆիզիկական աշխատանքներից` թռիչքներով, ռոլինգով: Մարդկային բուրգ կազմելով ծածանեցին Իրանի եւ Հայաստանի դրօշները։ Այնուհետև ուրախ կանչերին եւ շուրջպարերին մասնակից դարձրին հանդիսատեսներին։ Իրանի պատւիրակութեան ներկայացումը մեծ խանդավառութեամբ ընդունւեց բոլորի կողմից։

Շաբաթ, յուլիսի 25-ին համա-ՀՄԸՄ-ական 13-րդ բանակումի մասնակիցները վաղ առաւօտեան մեկնեցին Եռաբլուր պանթէոն յարգանքի տուրք մատուցելու արցախեան ազատամարտի, քառօրեայ եւ 44-օրեայ պատերազմների նահատակներին: Այնուհետև հանդիսաւոր տողանցք կատարեցին Երեւանում Մատենադարանից մինչև Ազատութեան հրապարակ` Օպերա։ Երեկոյեան սկաուտներն այցելեցին Հայոց ցեղասպանութեան յուշահամալիր յարգանքի տուրք մատուցելու եւ ծաղիկներ խոնարհելու 1,5 միլիոն սրբադասւած զոհերի յիշատակին։

Ուրախութեամբ տեղեկացանք, որ Հ.Մ.Ա.Կ.-ի Սկաուտական միութեան ժամանակի Սկաուտապետ, «Արարատ» մարզաւանի առաւօտեան պահի ներկայի վարիչ` ընկեր Արբի Զոհրաբեանը 2026 թ.-ի յունիսի 26-ին, բարձրացել է Հայաստանում Արագած քառագագաթ սարի Արագած գագաթը և ծածանել Արարատ Կազմակերպութեան դրօշը, ու այս նւաճումը նւիրել է «Արարատ»-ի գործունէութեան 82-ամեակին։ Շնորհաւորում ենք եւ ցանկանում յաջողութիւններ։

Հինգշաբթի, 2026 թ.-ի յունիլի 23 ին, ՀՄԱԿ-ի Երէցների միութեան նախաաձեռնութեամբ տեղի ունեցաւ Սալադ Բար և ընթրիք երեկոյ։ Ներկաները վայելեցին զով երեկոն և բարձր գոհունակութեամբ թողեցին մարզաւանը։

Հ.Մ.Ա.Կ.-ի Երէցների միութեան Գրական շրջանակի հերթական հանդիպումը տեղի ունեցաւ 2026 թ.-ի յուլիսի 25֊ին, «Արարատ» մարզաւանի ընթրիքների բացօթեայ տարածքում։ Օրը զուգադիպում էր Խանասորի արշաւանքի (1897թ.) 129֊ամեակին։ Այդ առիթով ընկեր Յարութ Նազարեանը ներկայացրեց համառօտ տեղեկութիւն, ապա Աւ. Ահարոնեանի «Ազատութեան ճանապարհին» շարքից անդրադարձաւ «Ուխտաւորը» գրութեանը։ Առիթ եղաւ ունկնդրելու մի հատւած Խանասորի արշաւանքին նւիրւած երգից, Սահակ Սահակեանի ոգեշունչ կատարումով։ ︎Ընկեր Էդիկ Ղահրամանեանը ակնարկեց Ռոստոմ Զօրեանի եղբօր՝ Կարոյի կեանքից մանրամասներ, ով Խանասորի արշաւանքի 19 զոհերից է եղել։ Օրւայ գրական դէմքն էր Աւետիս Ահարոնեանը։ Ընկեր Էդւարդ Յարութիւնեանը կարդաց նրա համառօտ կենսագրականը, նշելով, որ այս տարի լրանում է մեծ գրողի եւ քաղաքական գործչի ծննդեան 160֊ամեակը։ Ապա ընկեր Սեդա Թարվերդեանը կարդաց գրողի գրչին պատկանող մի նիւթ` թէ ինչպէ՞ս գրւեց «Ազատութեան ճանապարհին» շարքը։ Ընկերը նաև կարդաց «Վազրկի» պատմւացծքից մի հատւած, ապա պատմւածքի ամբողջութիւնը ներկայայացւեց ամփոփ գրութեամբ։