ፍኖተ ወንጌል ሰንበት ት/ቤት

ደስ ብሎናል ደስ ይበላችሁ፣ ለቅኖች ምስጋና ይገባልና እነሆ ልናመሰግናችሁ በቃን። የምስራች ከሁሉ አስቀድሞ ሁሉን ላደረገ፣ ሲሰጥ የማይሰስት፣ ሰጥቶ የማይነጥፍበት፣ ሁሉ በርሱ : ለእርሱ የሆነለት ጌታችን መድኃኒታችን አምላካችን ቅዱስ እግዚአብሔር ስላደረገልን መልካም ነገር ሁሉ ስሙ ለዘለዓለሙ የተመሰገነ ይሁንልን!!! ከሐምሌ 19/2018 ዓ/ም ጀምሮ  በአሰላ ደብረ መድኃኒት መድኃኔዓለም ካቴድራል ፍኖተ ወንጌል ሰንበት ትምህርት ሚዲያ እና በሌሎች ልዩ ልዩ የሚዲያ አጋሮች እንዲሁም በቅን እህት በወንድሞቻችን የግል ማህበራዊ ሚዲያ ላይ የሰንበት ትምህርት ቤታችን አገልጋይ የሆነችው እህታችን ዘማሪት ሰርክዓዲስ ኃይለመስቀል (ሐና ኃይለመስቀል) በመተንፈሻ አካሏ በደረሰባት የጤና እክል ምክንያት ጥቁር አንበሳ እስፔሻላይዝድ ሆስፒታል ባደረገችው ምርመራ የልብ ቀዶ ጥገና ማድረግ እንዳለባት ስለተነገራት ህክምናውን ለመፈጸም ደግሞ 1,300,000.00 (አንድ ሚሊየን ሶስት መቶ ሺህ ብር) መጠየቋን ጠቅሰን መላው ኢትዮጵያውያን ለእህታችን ማሳከሚያ የሚሆን እጅ እንድትዘረጉልን ጠይቀን እናንተም ደግ ኢትዮጵያዊያን ከጉለታችሁም ላይ ቢሆን የምትችሉትን ሁሉ እንዳደረጋችሁልን ይታወቃል። ለዚህም ላቅ ያለ ምስጋናችንን እናቀርባለን። መድኃኔዓለም ከክፉ ነገር ሁሉ እንዲጠብቃችሁ ጸሎታችን ነው። ስለሆነም እግዚአብሔር አምላካችን የእናንተን ጸሎት ሰምቶ ያደረጋችሁትን መልካም ምኞት ሁሉ ተቀብሎ እህታችን ሙሉ በሙሉ የቀዶ ጥገና ህክምናዋን ጨርሳ ከህመሟም አገግማ በሰላም ወደቤቷ ገብታለች። በዚህ በጎ ተግባር ላይ ከእህታችን ጎን የቆማችሁ፣ ህመሟን ህመማችሁ፣ ችግሯን ችግራችሁ፣ ድካሟን ድካማችሁ አድርጋችሁ ልክ እንደራሳችሁ የለፋችሁላትና ከፈጣሪ ቀጥሎ እድሜና ጤናዋን የጨመራችሁላት፣ በንፁህ ልብ የፀለያችሁ፣ ከሌላችሁ ላይ ለረዳችሁ፣ ደውላችሁ ላፅናናችሁ፣ በምህረት ህሊና ላሰባችሁ የቅን ልብ ባለቤቶች እንዲሁም ገንዘብ በማሰባሰብ የተረባረባችሁ አጋር የሰንበት ት/ቤት አገልጋዮችና ደጋግ የተዋህዶ ልጆች ምስጋናችን ላቅ ያለ ነው ። የአሰላ ደብረ መድኃኒት መድኃኔዓለም ካቴድራል ፍኖተ ወንጌል ሰንበት ትምህርት ቤት! ✨⚡️✨⚡️✨⚡️✨⚡️✨⚡️✨⚡️✨⚡️✨ የቴሌግራም ቻናል:-  T.me/Finote_Wongel