متاح الآن! بحث تيليغرام 2025 — أهم رؤى العام 
Iffatli ayol
الذهاب إلى القناة على Telegram
ИФФАТЛИ АЁЛ КАНАЛИ СИЗ ЛОБАР АЁЛЛАР УЧУН @azizim1953 @Iffatli_ayol
إظهار المزيد1 916
المشتركون
+424 ساعات
+37 أيام
-3830 أيام
أرشيف المشاركات
1 912
Дунёдаги энг гўзал неъмат сизнинг тириклигингиз ва гўзал қалбингиз эканлигини биласизми?
Қачонки ҳаётга табассум билан боқсангиз, у ҳам сизга кулиб боқади...
Бошланган янги кун беморлар дардига шифо, кексаларга роҳат, оилангизга бахт, хонадонингизга файз, танингизга саломатлик, дилингизга қувончу шодлик олиб келсин, азизлар!
Яқинларга Улашинг.. 🌸
Каналимизга обуна
бўлинг👇
1 912
МА ШАА АЛЛОҲ. ЖУДА ЗЎР ЭСЛАТМА ЭКАН:
Ҳакимлардан бири шундай дедилар:
«Агар яхшиликка буюриб, ёмонликдан қайтармоқчи (амри маъруф ва наҳйи мункар қилмоқчи) бўлсанг, мулойимликни ўзингга лозим тут!
Чунки сен Мусо ва Ҳорундан афзал эмассан. Сен яхшиликка буюраётган инсон эса Фиръавндан ёмонроқ эмас.
Аллоҳ таоло Мусо ва Ҳорунга Фиръавннинг олдига борганда унга мулойим сўз айтишни буюрган эди. Шундай экан, сен мулойимлик билан яхшиликка буюриб, ёмонликдан қайтаришга янада ҳақлироқсан, бу сенга кўпроқ лозимдир».
•┈┈┈┈•🌸••✾••🌸•┈┈┈┈•
https://t.me/iffatli_ayol
•┈┈┈┈•🌸••✾••🌸•┈┈┈┈•
1 912
Мулоҳаза учун
ОМОНАТ ГАП
— Ёқут хола оғирлашиб қолибди. Сизни сўраётганмиш.
Азиза бошини эгиб ўтираркан, "Чиқмайман", —деди.
Кейин холанинг қизи келди.
— Опажон, ойим қийналиб кетдилар. Илтимос, бирровга кириб чиқинг. Сизга илҳақ бўлиб ётибдилар.
Азиза қаҳри қаттиқ эмасди, аммо қўшнисини сира кечира олмади.
Ўшанда ёшлик қилиб қаттиқ сиқилганиданми, азбаройи кўнглини бўшатгиси келганиданми, қўшнисига чиқиб дардини айтган, қайнонасининг зиқналигидан, зулмидан нолиган эди. Дардини тўкиб енгил бўлгач , "Илтимос, холажон, бу гапим сизга омонат, оилам бузилиб кетмасин," дея қаттиқ тайинлаганди. Кейин ҳаммаси изига тушиб кетган, овсинлик бўлгач, қайнонаси ҳам Азизанинг қадрига ета бошлаганди...
Аммо Ёқут қайнонасидан берухсат бир челак кўмир бермаган келиннинг ўша омонатини тўрт йилдан кейин айтиб берди.
Қайнонаси Азизани кечирмади, негадир, кечиролмади. Сўнгги нафасини олаётганда ҳам рози-ризолик тилаш учун кирган катта келинидан юзини бурди...
Шундан сўнг қанча сувлар оқиб ўтди.
Азиза эски хотиралардан қалби тирналганини сезди. Кўксида оғриқ тургандек бўлди. Ўрнидан туриб, кўчага йўл олди.
Ёқут хола унга нурсиз кўзларини тикаркан
"Мени кечира олдингми?" дегандек қараш қилди. Азиза унинг музлаб бораётган қўлидан тутиб, қулоғига пичирлади.
—Хола, мен барини унутдим, сизни кечирдим.
Қўшни аёлнинг жони узилганда юзида бир томчи ёш қотиб қолганди.
У аввал банданинг банда олдидаги омонатини адо этмоққа интилди, кейин, омонат жонини Ҳаққа топширди...
П/С: Биз одатда, омонат деганда маблағ, ёки буюмни тушунамиз. Омонат—кенг маънодаги тушунча. Светафорнинг қизил чироғида ўтишингиз —ўзганинг омонатига хиёнатингизни билдиради. Тақиқланган вақтда ўтиш сизнинг ҳақингиз эмас.
Шошиб турган одамни гапга тутиб, бўлар-бўмас гап билан вақтини олишингиз ҳам омонатга хиёнат. Эҳтимол, суҳбатдошингизнинг сиз билан гаплашгани вақти йўқдир.
Мардикор ишлатиб, ҳақини камайтириб, ёки кечиктириб беришингиз ҳам ўзганинг ҳақига хиёнат бўлади.
Ҳамма ўзининг қандайлигини билади. Келинг, бировларнинг ҳақи зиммамизда турган бўлса, тезда қайтариб берайлик, қарзлардан тезроқ қутулайлик, урушганларимиз билан ярашайлик, ғийбат қилганларимиздан узр сўраб, уларнинг розилигини олайлик, токи бизда одамларнинг моддий ва маънавий ҳақлари қолмасин.
•┈┈┈┈•🌸••✾••🌸•┈┈┈┈•
https://t.me/iffatli_ayol
•┈┈┈┈•🌸••✾••🌸•┈┈┈┈•
1 912
«РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИНГ 9 ВАСИЯТЛАРИ.»
Абу Дардо розияллоҳу анҳудан ривоят қилинади:
«Расулуллоҳ соллаллоҳу алайҳи васаллам менга тўққиз нарсани васият қилдилар:
◽️ Аллоҳга ширк келтирма, агар қийма-қийма қилиб ташлансанг ҳам, ўтга солиб ёқилсанг ҳам.
◽️ Фарз намозини қасддан тарк қилма. Ким фарз намозини қасддан тарк қилса, унда Аллоҳнинг зиммаси қолмайди.
◽️ Хамр (ароқ) ичма, чунки хамр барча ёмонликларнинг калитидир.
◽️ Ота-онанга итоат қил. Агар улар сенинг бу дунёдан чиқиб кетишини буюрсалар ҳам улар учун чиқ.
◽️ Ишбошилар билан мансаб талашма, гарчи ўша мансабга ўзингни лойиқ деб билсанг ҳам.
◽️ Жанг пайтида душмандан қочма, гарчи ҳалок бўлсанг ҳам, шерикларинг қочиб кетса ҳам.
◽️ Топганингдан аҳлингга инфоқ қил.
◽️ Аҳлинг бошига асоингни кўтарма.
◽️ Ва уларни Аллоҳ азза ва жалладан қўрқит».
•Ушбу ҳадиси шарифда ҳозирги кунимиздаги жуда керакли нарсалар зикр қилинган. Буларнинг ҳаммасига эътибор беришимиз керак. Расулуллоҳ соллаллоҳу алайҳи васалламнинг Абу Дардо розияллоҳу анҳуга қилган васиятлари барчамиз учун қилинган васиятлардир.
«Одоблар хазинаси, 1-жуз» китобидан.
༺🌸༻🌺༺🌸༻
https://t.me/iffatli_ayol
1 912
Зиё таратувчи калитлар:
Азизлик калити – Аллоҳ ва Унинг Расулига итоат.
Ризқнинг калити – истиғфор ва тақво билан қилинган ҳаракат.
Жаннатнинг калити – тавҳид.
Иймоннинг калити – Аллоҳнинг мўъжизалари ва махлуқотлари хусусида тафаккур.
Яхшиликнинг калити – ростгўйлик.
Қалблар ҳаётининг калити – Қуръон тадаббури ва саҳардаги тазарруъ.
Илмнинг калити – чиройли савол ёки чиройли сукут.
Ғалаба ва зафарнинг калити – сабр.
Нажотнинг калити – тақво.
Зиёдаликнинг калити – шукр.
Охиратга рағбатнинг калити – дунёда зоҳид бўлиш (қаноат).
Ижобатнинг калити – дуо.
•┈┈┈┈•🌸••✾••🌸•┈┈┈┈•
https://t.me/iffatli_ayol
•┈┈┈┈•🌸••✾••🌸•┈┈┈┈•
