OZODLIK KANALI™

Исроил армияси Филадельфия йўлагини ўз назорати остига олди Исроил армияси Ғазо сектор билан Миср чегарасидаги 14 километрлик қалқон ҳудуд бўлмиш Филадельфия йўлагини ўз назорати остига олган. Бу ҳақда 29 май оқшомида Исроил нашрлари ҳарбийлардан олинган маълумотга таянган ҳолда хабар қилишди. Қалқон ҳудуди томонда исроиллик аскарлар Ғазо ва Миср ўртасидаги 20 та туннель ҳамда АҚШ ва ЕИда террор ташкилоти деб топилган ҲАМАС гуруҳи жангчилари томонидан фойдаланилган 80 дан зиёд ерости йўлини топишган. Исроиллик ҳарбийлар бу ерости йўллари орқали Мисрдан Ғазога жиҳодчилар учун қурол-аслаҳа етказиб бериб турилганини иддао қилишмоқда. Исроил Ослодаги келишувдан кейин 1995 йилдан бошлаб Филадельфия йўлагини назорат қила бошлаган ва бу назорат исроиллик ҳарбийларнинг 2005 йили Ғазо секторига бутунлай чиқиб кетгунига қадар давом этган. Ўша пайтда Исроил армияси чегаранинг Миср тарафидан назоратини мисрликларга, Фаластин мухторияти томонидан назоратни эса фаластинликларга топширган эди. ❤️ ТЎЛИҚ МАТЕРИАЛНИ КЎРИШ УЧУН БОСИНГ

AI: Ўтган йили дунё бўйлаб 1153 та ўлим ҳукми ижро этилди Дунёда суд ҳукми билан амалга оширилган қатллар сони ошиб бормоқда, ўтган йили бу кўрсаткич 2015 йилдан буён энг юқори даражада бўлди. Бу ҳақда Amnesty International (Халқаро Амнистия) инсон ҳуқуқлари ташкилотининг 29 май куни эълон қилинган ҳисоботида айтилган. Ҳуқуқ фаоллари 2023 йили дунё бўйлаб жами 1153 та ўлим ҳукми ижро этилганини қайд қилганлар. Бу эса 2022 йилдаги кўрсаткичдан қарийб 30 фоизга кўпдир. Бунга Хитойда амалга оширилган қатллар киритилган эмас, чунки бу мамлакат расмийлари ижро этилган ўлим ҳукми статистикасини келтиришмайди. Улар сони бир неча минг экани айтилади, бу эса Хитойни қатллар сони бўйича дунёда биринчи ўринга олиб чиқади. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Путин Ўзбекистонни “ёнида ушлаб қолмоқчи” Владимир Путин, Тошкентдаги чиқишида, НАТОнинг Европадаги аъзолари Украинага Россия ичкарисида зарба бериш учун Ғарб қуролларидан фойдаланишга рухсат беришни таклиф қилиб, ўт билан ўйнашаётгани ҳақида огоҳлантирди. Путиннинг Ўзбекистонга давлат ташрифи давомида 27 та ҳужжат имзоланди. Бу ҳужжатларда Ўзбекистон ва Россия ўртасида 20 миллиард долларлик келишувлар хақида гап бориши айтилди. Расмий хабарларга кўра, Украинага босқини боис, Ғарб сакнциялар остида қолган Россиянинг 30 га яқин ҳудуд раҳбари ҳамда 300 етакчи саноат корхонаси ва бизнес вакиллари Ўзбекистон билан янги ёки янгиланган ҳамкорлик ҳақида келишувга эришди. Бу эса, экспертларга кўра, Москва Марказий Осиёни ўз ёнида иттифоқчи сифатида сақлаб қолишга зўр бериб уринаётгани ифодасидир. 🔴Ozodlik kanaliga obuna bo'ling! 👉 https://t.me/ozodlikkanali 🔴 Bizga xabar yo'llash uchun 👉 https://t.me/ozodnews

"Кўчада тутиб олиб, урушга жўнатишди". Украинада асирга тушган қирғизистонлик ҳикояси Youtube’да Украинада асирга тушган Қирғизистон фуқаросининг видеоси тарқалди. Унда ўзини қирғиз фуқароси деб танитган одам Россияга ўғлини кўриш учун борганида полиция кўчада тутиб олиб, мажбуран урушга жўнатганини айтади. “Пленные СВО” (“МҲА асирлари”) ютуб-каналида ёйинланган видеодаги одамнинг исми, ўз сўзларига кўра, Алишер Турсунов; ёши 57 да, ўзбек ва рус тилларида гапиради, Ўшда туғилган ва Қирғизистон фуқароси. Видео қачон ва қаерда олингани ҳозирча номаълум. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Арманистонда Россиянинг “Биринчи канал”и ёйини тўхтатилди Арманистонда Россиянинг “Биринчи канал”и ёйини тўхтатиб қўйилган. Armenpress агентлигининг юқори технологияли саноат вазири Мхитар Айрапетян сўзларига таянган ҳолда хабар қилишича, телеканал ёйинининг тўхтатилиши қарз масаласи билан боғлиқ. Айрапетянга кўра, “Биринчи канал”нинг хориждаги юридик шахси бўлган 1st Channel World Network икки ярим ойдан буён йиғилган қарзларини тўламай, “шартнома бўйича ўз мажбуриятини бажармаган”, шунинг учун ҳам унинг жамоатчилик мультиплексидаги ёйини вақтинча тўхтатилган. Март ойида Арманистон расмийлари мультиплексда кремлпараст бошловчи Владимир Соловьёв муаллифлигида “РТР-Планета” телеканалида чиқадиган иккита дастур ёйинини тақиқлаб қўйган эди. Мазкур қарор “минтақада қайд этилган доимий ҳуқуқбузарликлар асосида” қабул қилингани айтилган. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Тошкентда “Бахти Ташкентский” ва шериклари устидан суд бошланди Тошкентнинг Шайхонтоҳур туман судида 29 май куни жиноят оламида “Бахти Ташкентский” лақаби билан танилган Бахтиёр Қудратуллаев ҳамда унинг икки ўғли дохил яна 36 кишига оид маҳкама жараёни бошланди. Суд маълумотларидан келиб чиқилса, Бахтиёр Қудратуллаев Ўзбекистон Жиноят кодексининг 104-моддаси 3-қисми “г” банди (Қасддан баданга оғир шикаст етказиш), 109-моддаси 2-қисми (Қасддан баданга енгил шикаст етказиш), 138-модда 1-қисми (Зўрлик ишлатиб ғайриқонуний равишда озодликдан маҳрум қилиш), 165-моддаси 3-қисми “а” ва “в” бандлари (Товламачилик), 168-моддаси 4-қисми “а” ва “в” бандлари (Фирибгарлик), 228-моддаси 2-қисми “а” ва “б” бандлари ҳамда шу модданинг 3-қисми (Ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш), 242-моддаси 1-қисми (Жиноий уюшма ташкил этиш), 243-моддаси (Жиноий фаолиятдан олинган даромадларни легаллаштириш), 276-модда 2-қисми “а” ва “б” бандлари (Гиёвандлик воситалари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар), 277-моддаси 2-қисми “б” ва “в” бандлари (Безорилик) бўйича айбланмоқда. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Шимолий Корея Жанубийга 150 та ахлат тўла ҳаво шарларни учирди 26 май куни Пхенян Жанубий Кореяни “варақалар ва бошқа ахлатни тарқатаётганига” жавоб чоралари кўрилишидан огоҳлантирган эди. Шимолий Корея Жанубий Корея тараф чиқинди солинган 150 дан ортиқ ҳаво шарини учирди. Бу ҳақда ҳарбийларга таяниб Жанубий Кореянинг "Ёнҳап" агентлиги хабар бермоқда. Аввалига ҳаво шарларида тарғибот варақалари бўлганлиги айтилган эди, бироқ маҳаллий ОАВ ҳаво шарлари ахлат ва чиқинди билан тўлдирилганини ёзишмоқда. Агентлик тарқатган суратларда оқ халталар боғланган ҳаво шарларини кўрса бўлади. Хабарларга кўра, халталардан бадбўй ҳид келмоқда. Ҳукумат аллақачон чегара ҳудудлари аҳолисини эҳтиёт бўлишга чақирган. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Оқтўбадаги жанжалда бир киши ҳалок бўлди, яна саккиз киши яраланди Ёшлар ўртасидаги оммавий жанжал ортидан тўрт киши ҳибсга олган. Уларга нисбатан қотиллик ва безорилик моддалари бўйича жиноят иши қўзғатилган. Қозоғистоннинг Оқтўба шаҳридаги жанжалда бир киши ҳалок бўлди, яна саккиз киши яраланди. 28 майга ўтар кечаси икки гуруҳ ёшлар ўртасида отишма ва пичоқбозлик содир бўлган. Жанжал оқибатида 18 ёшдан 22 ёшгача бўлган 9 нафар йигит ўқ ва пичоқ жароҳатлари билан вилоят шифохонасига тушган. Улардан бири вафот этди. “Тунги соат иккиларда клиникага 18 ёшли ўсмирни клиник ўлим ҳолатида олиб келишди. Унга 30 дақиқа давомида реанимация чоралари қўлланди. Бироқ, бемор ҳушига келмасдан вафот этди. У кўплаб пичоқ ва ўқ жароҳатларидан ўлган”, деди шифохона травматологи Жасулан Урумбоев. ❤️ ТЎЛИҚ МАТЕРИАЛНИ КЎРИШ УЧУН БОСИНГ

Қирғиз парламенти уран ва торий конларини ўзлаштиришга рухсат берувчи қонунни маъқуллади 2019 йилда Қизил-Омполни ўзлаштиришга қарши чиққан маҳаллий аҳоли Бишкекда норозилик намойишларини ўтказганидан сўнг Қирғизистонда уран ва торий конларини ўзлаштиришга тақиқ қўйилган эди. Қирғизистонда уран ва торий конларини қидириш ва ўзлаштиришга рухсат берилиши мумкин. Аввалги тақиқни бекор қилувчи қонун лойиҳасини Жўқорғу Кенеш биринчи ўқишда маъқуллади, деб хабар бермоқда парламент матбуот хизмати. 2019 йилда Қизил-Омполни ўзлаштиришга қарши чиққан маҳаллий аҳоли Бишкекда норозилик намойишларини ўтказганидан сўнг Қирғизистонда уран ва торий конларини ўзлаштиришга тақиқ қўйилган эди. ❤️ ТЎЛИҚ МАТЕРИАЛНИ КЎРИШ УЧУН БОСИНГ

"Ҳеч кимни айбламайман". Зеленский марказий осиёлик журналистлар саволларига жавоб берди Украина президенти Владимир Зеленский Харковда Марказий Осиё журналистлари учун брифинг ўтказди. Хусусан, минтақа давлатлари раҳбарларининг сиёсати ва уларни тинчлик саммитига таклиф этиш ҳақида ўз фикрини билдирди. Брифинг Россия вайрон қилган Харков биноларидан бирида бўлиб ўтди. Украина президенти ҳозирги геосиёсий вазият ва Марказий Осиё давлатларининг роли ҳақида гапирди. ❤️ ТЎЛИҚ МАТЕРИАЛНИ КЎРИШ УЧУН БОСИНГ