Esdros S.C

የአቡነ ጎርጎርዮስ ትምህርት ቤቶች የ2019 ዓ.ም የትምህርት ዘመን መክፈቻ መርሐ ግብር ተካሄደ ************* ************** ************  የ2019 ዓ.ም የትምህርት ዘመን ትምህርት መስከረም 04 ቀን  2019 ዓ.ም በሁሉም  የአቡነ ጎርጎርዮስ ቅርንጫፍ ትምህርት ቤቶች በታላቅ ድምቀት ተጀመረ፡፡ ሰኞ መሰከረም 04 ቀን  2019 ዓ.ም በመላው ሀገሪቱ በሚገኙት 30 ቅርንጫፍ የአቡነ ጎርጎርዮስ ትምህርት ቤቶች የኤስድሮስ ኮንስትራክሽን ንግድ እና ኢንዱስትሪ አ.ማ የዳሬክተሮች ቦርድ እና  የማኔጅመንት አባላት፣ የትምህርት ባለሙያዎች፣ መምህራን፣ የአስተዳደር ሠራተኞች፣ ወላጆች እና ተማሪዎች በተገኙበት በደማቅ የመክፈቻ መርሐ-ግብር ተካሄዷል፡፡  በመክፈቻ መርሐ ግብሩ  በአዋሬ አንደኛ እና መካከለኛ ደረጃ ቅርንጫፍ ትምህርት ቤት የተገኙት ብፁዕ አቡነ ማርቆስ የቅዱስ ሲኖዶስ አባል እና በኢትዮጵያ ኦርቶዶክስ ተዋሕዶ ቤተክርስቲያን ጠቅላይ ቤተ ክህነት  የስብከተ ወንጌል መምሪያ ሥራ አስኪያጅ ለተማሪዎች ቡራኬና አባታዊ ምክር ሰጥተዋል፡፡ በመክፈቻ መርሐ ግብሩም በርእሳነ መምህራን የ2019 ዓ.ም የትምህርት ዘመን  እቅድና የትኩረት አቅጣጫ የቀረበ ሲሆን በወላጅ ኮሚቴ አማካይነትም በትምህርት ዘመኑ ለመስራት የታቀዱ ስራዎች ቀርበዋል፤ ተማሪዎች የተለያዩ ዝማሬዎችና ለመርሐ ግብሩ የተዘጋጁትን ሥራዎች አቅርበዋል፡፡ የ2018 ዓ.ም የ12ኛ ፣ የ8ኛ  እና የ6ኛ ክፍል  ተማሪዎች ለ2019 ዓ.ም ተማሪዎች የችቦ ቅብብሎሽ ሥነ-ሥርዓት አካሂደዋል። ለበለጠ መረጃ፡- በስልክ ቁጥር 0111575954/0973-60-00-10 በመደወል ወይም/እና የአክሲዮን ማኅበራችንን ድረ ገጽ https://esdros.com በመከታተል ወቅታዊ መረጃዎችን ያግኙ::