ትምህርት መረጃ( academic info)

የትምህርት ምዘናና ፈተናዎች አገልግሎት ለሚሰጣቸው አገልግሎቶች የሚከፈል ክፍያን የሚያሻሽል አዲስ ደንብ በሚኒስትሮች ምክር ቤት ይፋ ሆኗል። የ12ኛ ክፍል መልቀቂያ ፈተና ክፍያ ለኢትዮጵያውያን 950 ብር ሆኗል፤ 350 ብር ለምዝገባ እና ቀሪው በትምህርት አይነት የፈተና ክፍያ። ለውጪ ዜጋ 100 ዶላር። የዩኒቨርሲቲ መውጫ ፈተና (Exit Exam) ክፍያ ለኢትዮጵያውያን 2,000 ብር ተደርጓል። 500 ብር የምዝገባ እና 1,500 ብር ደግሞ የፈተና ክፍያ መሆኑ ተገልጿል። ለውጪ ዜጋ 100 ዶላር። የድኅረ-ምረቃ መግቢያ ፈተና (NGAT) ክፍያ ለኢትዮጵያውያን 3,500 ብር የተደረገ ሲሆን፣ 500 ብር የምዝገባ እና 3,000 ብር የፈተና ክፍያ መሆኑ ተመላክቷል። ለውጪ ዜጋ 100 ዶላር። የሙያ ፈቃድና ብቃት ምዘና ክፍያ ለኢትዮጵያውያን 3,500 ብር ሲሆን፣ 1,000 ብር የምዝገባ እና 2,500 ብር የፈተና ክፍያ መሆኑ ተገልጿል። ለውጪ ዜጋ 150 ዶላር። ደንቡ ሌሎች ተቋሙ ለሚሰጣቸው ልዩ ልዩ አገልግሎቶች የክፍያ መጠንንም አስቀምጧል። የትምህርት ማስረጃ ምትክ ሰርተፊኬት ለማግኘት ➻ ለኢትዮጵያውያን 600 ብር ፤ ለውጪ ዜጎች 115 ዶላር። ምትክ ሰርተፊኬትና የማረጋገጫ አገልግሎት ለማግኘት ➻ ለኢትዮጵያውያን 900 ብር ፤ ለውጪ ዜጎች 170 ዶላር። በስም ላይ የፊደል ግድፈት ለማስተካከል ➻ ለኢትዮጵያውያን 700 ብር ፤ ለውጪ ዜጎች 130 ዶላር። የትምህርት ማስረጃ ለማጣራት ➻ ለኢትዮጵያውያን 400 ብር ፤ ለውጪ ዜጎች 75 ዶላር። ኦፊሺያል ትራንስክሪፕት ለማስላክ ➻ ለኢትዮጵያውያን 750 ብር ፤ ለውጪ ዜጎች 50 ዶላር። (የተሻሻለው ደንብ ቁጥር 593/2018 ሙሉ ይዘት ከላይ ተያይዟል።)

መግዛት የሚፈልግ inbox ዋጋ 2800 አአ ላምበረት

ለመንግሥት ትምህርት ቤት መምህራን የደረጃ ዕድገት አዲስ መመሪያ ወጣ ​የትምህርት ሚኒስቴር በመንግሥት ትምህርት ቤቶች የሚገኙ መምህራን የደረጃ ዕድገት ለማግኘት የሚያስችላቸውን አዲስ መመሪያ ደነገገ። ​የተማሪዎች ውጤት ማለፊያ መስፈርት፦ መምህራን የደረጃ ዕድገት ከሚያገኙባቸው ዋና ዋና ሁኔታዎች አንዱ ከሚያስተምሯቸው ተማሪዎች መካከል ቢያንስ 50 በመቶ እና ከዚያ በላይ ማሳለፋቸው በገለልተኛ አካል ሲረጋገጥ ብቻ መሆኑ በመመሪያው ተሰፍሯል። ​ሌሎች የምዘና መስፈርቶች፦ የተማሪዎች የትምህርት ውጤት እንዳለ ሆኖ፤ ተተግብረው ውጤት ያመጡ ጥናትና ምርምሮች እንዲሁም ልዩ ድጋፍ ለሚያስፈልጋቸው ተማሪዎች የተደረገ እገዛ ለደረጃ ዕድገት እንደ ዋና ዋና መስፈርቶች ተቀምጠዋል።

የፈተና ክፍያ ተመን ጭማሪ ተደረገ ​የትምህርት ምዘናና ፈተናዎች አገልግሎት በሚመራበት ደንብ ቁጥር 260/2004 መሠረት የሚሰጣቸውን የፈተና አገልግሎቶች በመንግሥት በጸደቀ ተመን መሠረት ያስተዳድራል። በአዲሱ የመንግሥት አገልግሎት አስተዳደር ሪፎርም መሠረት የተሻሻለው ክፍያ ተመን በሚኒስትሮች ምክር ቤት ደንብ ቁጥር 593/2016 መሠረት ከሐምሌ 22/2016 ዓ.ም. ጀምሮ ተገቢ ሆኗል። ​በመሆኑም በተሻሻለው ተመን መሠረት በእያንዳንዱ ተፈታኝ ላይ ለምዝገባና ለፈተና አሰጣጥ:- 👉 ለዩኒቨርሲቲ መውጫ ፈተና 2,000 ብር 👉 ለድህረ ምረቃ መግቢያ ፈተና 3,500 ብር 👉 ለሙያ ብቃት ፈተና ምዘና 3,500 ብር  እና 👉 ለሊቃውንት ማረጋገጫ ፕሮግራም ፈተና 950 ብር በምዝገባ ሲስተሙ ላይ በተቀመጠው የክፍያ ሥርዓት የሚፈጸም ይሆናል። እንዲሁም የተሻሻለው ተመን ከመውጣቱ በፊት ለተከፈሉ ፈተናዎች የሚከፈል ቀሪ ክፍያዎች 750 ብር በእያንዳንዱ ተፈታኝ ተሰልፎ እንዲፈጸም፤ ያልተከፈሉ ክፍያዎችም የተሻሻለው ተመን በሲስተሙ ላይ ከመጫኑ በፊት በመክፈል ተገቢውን አገልግሎት እንድታገኙ እናሳስባለን።

📢 ማስታወቂያ   በ2018 ዓ.ም የሁለተኛ ደረጃ ትምህርት መልቀቂያ ፈተና ወስዳችሁ በሪሚዲያል (Remedial) መርሃ ግብር የመግቢያ ውጤት ላስመዘገባችሁ እና በ2019 ዓ.ም በትግራይ ክልል በሚገኙ የመንግሥት ዩኒቨርሲቲዎች ለተመደባችሁ ተማሪዎች በሙሉ፡   1.   በ2018 ዓ.ም የሁለተኛ ደረጃ ትምህርት ማጠናቀቂያ ሀገር አቀፍ ፈተና ወስዳችሁ በሪሚዲያል (Remedial) መርሃ ግብር የከፍተኛ ትምህርት ተቋማት መግቢያ ውጤት ላስመዘገባችሁ ተማሪዎች በሙሉ፡   የተመደባችሁበትን ዩኒቨርሲቲ በሚከተለው ማስፈንጠሪያ (Link) በመግባት መመልከት ትችላላችሁ፦ 👉 https://student.ethernet.edu.et/view-placement ቅሬታ ለማቅረብ፡ https://student.ethernet.edu.et/complaints ተጠቀሙ።   2.   በዝውውር በጊዜያዊነት ከትግራይ ክልል ውጪ ወደሚገኙ ሌሎች የመንግሥት ዩኒቨርሲቲዎች የተመደባችሁ አዲስ ገቢ ተማሪዎች የተመደባችሁበትን ዩኒቨርሲቲ በሚከተለው ማስፈንጠሪያ (Link) በመግባት መመልከት ትችላላችሁ፦   👉 https://student.ethernet.edu.et/view-placement   3.   በትግራይ ክልል በሚገኙ ዩኒቨርሲቲዎች ስትማሩ የነበራችሁ ነባር ተማሪዎች፡ በጊዜያዊነት የተመደባችሁበትን ዩኒቨርሲቲ በ https://student.ethernet.edu.et/university-transfer/ ማስፈንጠሪያ በመግባት የራሳችሁን ፋይዳ (የመለያ ቁጥር) በመጠቀም መመልከት የምትችሉ መሆናችሁን እንገልጻለን።   ትምህርት ሚኒስቴር

የፌዴራል ከፍተኛ ፍርድ ቤት ክፍት የስራ ቦታ ማስታወቂያ

Computer Shortcuts

Gambella university Job Vacancy

Debark University Job Vacancy

የመምህራን ስራ መልቀቅ አዲስ አበባ በሚገኙ የግል ትምህርት ቤቶች በዚህ በመስከረም ወር ትምህርት በተጀመረበት ወቅት ከፍተኛ የመምህራን ስራ መልቀቅና በየትምህርት ቤቱ የሰው ሀይል ክፍተት መታየቱ አሳሳቢ ሁኗል ምክንያቱ ምን ሊሆን ይችላል?

አንድን አስቸጋሪ ሰውን ለመምራት አንድ ሀላፊ ማድረግ ያለበት 1. ችግሩን በትክክል ለይ : በወሬና በአሉባልታ እንዳይሆን: ችግሩ የሥራ አፈጻጸም፣ የዲሲፕሊን፣ የባህሪ ወይም የግንኙነት መሆኑን በግልጽ ለይ። 2. በሌሎች ፊት አትውቀሰው የሠራተኛውን ክብር ጠብቅ። ችግሩን በሌሎች ፊት ማጋለጥ ከመፍትሔ ይልቅ ተጨማሪ ግጭት ሊፈጥር ይችላል። 3. በግል ተቀምጠህ አነጋግረው ለምን እንደጠራኸው በግልጽ አስረዳው። ሰውየውን ሳይሆን የታየውን ችግር ተናገር። 4. የሚናገረውን በትኩረት አዳምጥ አንተ ብቻ አትናገር። ሠራተኛው ለችግሩ የሚሰጠውን ምክንያትና ማብራሪያ ለማቅረብ እድል ስጠው። 5. በግምት ሳይሆን በማስረጃ ተናገር “አንተ ሁልጊዜ ችግር ነህ” ከማለት ይልቅ የተፈጠረውን ቀን፣ ድርጊትና ተፅዕኖ በተጨባጭ አስረዳ። 6. የሚጠበቀውን የሥራ አፈጻጸም ግልጽ አድርግ ሠራተኛው ምን ማድረግ እንዳለበትና ምን መቀየር እንዳለበት በግልጽ ንገረው። 7. የሥራ ደንቦችንና ኃላፊነቶችን አስታውስ እያንዳንዱ ሠራተኛ የሚከተላቸውን የሥራ ደንቦችና የሥራ መግለጫዎች ማወቅ አለበት። 8. ለማሻሻል ግልጽ የጊዜ ገደብ ስጠው “ተስተካከል” ብቻ አትበል። ለምሳሌ፣ “በሚቀጥሉት ሁለት ሳምንታት ውስጥ ይህ መሻሻል ይታይ” ብለህ ግልጽ አድርግ። 9. የማሻሻያ እቅድ አዘጋጅለት ችግሩ እንዴት እንደሚፈታ፣ ምን ድጋፍ እንደሚያስፈልገውና መሻሻሉ እንዴት እንደሚለካ አብራችሁ ወስኑ። 10. የሥራ እድገቱን በየጊዜው ተከታተል አንድ ጊዜ ነግረህ ብቻ አትተወው። በተወሰነ ጊዜ ውጤቱን እንደገና ገምግም። 11. ለተሻለ ባህሪና አፈጻጸም እውቅና ስጥ ሠራተኛው ሲሻሻል ያንን እውቅና ስጠው። አዎንታዊ ግብረመልስ የተሻለውን ባህሪ እንዲቀጥል ሊረዳው ይችላል። 12. የግል ጥቃትና አዋራጅ ቃላትን አስወግድ ማናጀር ችግርን መተቸት ይችላል፣ ሰውየውን ግን ማዋረድ የለበትም። ቃላትህ ሙያዊና አክብሮታዊ ይሁኑ። 13. ለሁሉም ሠራተኞች እኩልና ፍትሃዊ ሁን ለአንድ ሠራተኛ የሚተገበረው ደንብ ለሌላውም በተመሳሳይ ሁኔታ መተግበር አለበት። 14. ካልተስተካከለ በጽሑፍ ማስጠንቀቂያ ስጥ በተሰጠው ግብረመልስና የማሻሻያ እድል ቢኖርም ችግሩ ከቀጠለ፣ በድርጅቱ ደንብ መሠረት የጽሑፍ ማስጠንቀቂያ ወይም ሌላ ተገቢ የዲሲፕሊን ሂደት ሊጀመር ይችላል። 15. ከባድ ጉዳይ ከሆነ ከHR/ከከፍተኛ አስተዳደር ጋር ተመካከር ጉዳዩ ከባድ ከሆነ ወይም እርምጃ መውሰድ ከሥልጣንህ ውጭ ከሆነ፣ ማስረጃዎችን ይዘህ ከሚመለከተው HR ወይም ከከፍተኛ አስተዳደር ጋር ተመካከር። እንደ ማናጀር ዋና መርህ መሆን ያለበት በዋናነት : “ሰውየውን አትዋጋ፤ ችግሩን አስተዳድር። መጀመሪያ አዳምጥ፣ ከዚያ አስተካክል፣ ካልተስተካከለ ግን በማስረጃና በደንብ መሠረት እርምጃ ውሰድ።”