ገድለ ቅዱሳን

🕊 [  † እንኩዋን ለቅዱሳን ነገሥታት "አብርሃ ወአጽብሃ" እና ለቅዱስ "ሐናንያ ሐዋርያ" ዓመታዊ የዕረፍት በዓል በሰላም አደረሳችሁ †  ] †  🕊 ቅዱሳን አብርሃ ወአጽብሃ  🕊  † እነዚህ ነገሥታት ሞገሶቻችን: ብርሃኖቻችን ናቸውና ደስ እያለን እንወዳቸዋለን: እናከብራቸዋለን:: ሥላሴ ቢመርጧቸው ዛሬ ላለንበት ሕይወት መሠረቱን ጥለው አልፈዋልና:: ፪ቱ ቅዱሳን ነግሥታት መንትያዎች ሲሆኑ ወላጆቻቸው ንጉሥ ታዜር / አይዛና / ሠይፈ አርዕድ እና ንግሥት አሕየዋ / ሶፍያ ይባላል:: ንጉሡና ባለቤቱ ልጅ ቢያጡ ወደ እግዚአብሔር ለመኑ:: ፈጣሪም በቅዱስ ሚካኤል አብሳሪነት ፪ ዕንቁዎችን አስረከባቸው:: ንግስት አሕየዋ [ሶፍያም] መጋቢት ፳፱ ቀን በ፫፻፲፩ ዓ/ም ጸንሳ: ታሕሳስ ፳፱ ቀን በ፫፻፲፪ ዓ/ም ፪ቱን ቅዱሳን ወልዳቸዋለች:: "አምላክ ሽሙጥን አራቀልኝ" ስትልም "አዝጉዋጉ" ብላቸዋለች:: እነዚህ ፪ ፍሬዎች በልጅነታቸው ከወቅቱ ሊቀ ካህናት እንበረም ኦሪቱን ጠንቅቀው ተምረዋል:: ከእግዚአብሔር የተሰጡ ናቸውና በ፲፪ ዓመታቸው ወደ ቤተ መቅደስ ገብተዋል:: ትንሽ ቆይቶ ግን አባታቸው ታዜር በማረፉ ሕዝቡ ፪ቱን ቅዱሳን "ንገሡልን" አሏቸው:: እነርሱም "እኛ የፈጣሪ አገልጋዮች ነንና አንችልም" በማለታቸው ለተወሰነ ጊዜ እናታቸው አስተዳደረች:: ቆይቶ ግን ቅዱስ ሚካኤል ለሊቀ ካህናቱ እንበረም "የፈጣሪ ፈቃዱ ስለ ሆነ አትዘኑ:: ፪ታችሁም በአንድ ዙፋን ላይ ንገሡ: ታላቅ ጸጋ ለሃገሪቱ ይሆናል በላቸው" አለው:: ሊቀ ካህናቱም የታዘዘውን ተናግሮ: በ፲፱ ዓመታቸው: ፪ቱንም በአንድ ዙፋን ላይ "ነገሥተ ኢትዮዽያ" ሲል አስቀምጦ ቀባቸው:: ስማቸውን "ኢዛና" እና "ሳይዛና" አላቸው:: ቅዱሳኑ እንደ ነገሡ ቀዳሚ ሥራቸው የቀናችውን ሃይማኖት መፈለግ ሆነ:: በወቅቱ ፍሬምናጦስ [የሁዋላው አቡነ ሰላማ] በቤተ መንግስቱ ውስጥ የቅርብ አማካሪ ነበርና ጠርተው ተጨዋወቱት:: "አንተ ወንድማችን! ክርስቶስ ይወርዳል: ይወለዳል ተብሎ የተቆጠረው ሱባኤ እኮ አልፏል:: ምነው ቀረሳ? በርግጥ ምሥጢሩ ንገረን" አሉት:: እርሱም አትቶ: አመሥጥሮ: ከ፫፻ ዓመታት በፊት አምላክ ሰው መሆኑንና ዓለምን ማዳኑን አስተማራቸው:: "አጥምቀን?" ቢሉት "አልችልም" አላቸው:: እነርሱም ከብዙ ስጦታ ጋር ወደ ግብጽ ላኩት:: ቅዱስ አትናቴዎስም ፍሬምናጦስን "አቡነ ሰላማ" ብሎ ከብዙ መጻሕፍት ጋር ላከው:: በመጀመሪያ ኢዛናና ሳይዛና ተጠመቁ:: ስማቸውም "አብርሃ ወአጽብሃ" ተባለ:: ቀጥሎም ሠራዊቱና ሕዝቡ ተጠመቀ:: ሃገራችንም በእነዚህ ቅዱሳን አማካኝነት ከጨለማ ወደ ብርሃን መጣች:: የክርስትና ደሴት ሆነች:: ሃገረ እግዚአብሔርነቷንም አጸናች:: ቅዱሳኑ ከዚህ በሁዋላ በሞገስ ክርስትናን ያስፋፉ ዘንድ ደከሙ:: ከ፻፶፬ በላይ አብያተ ክርስቲያናትን ሲያንጹ አብዛኞቹ ፍልፍል ነበሩ:: በተለይ ግን በአክሱም ከተማ ላይ ያነጿትና ፲፪ ቤተ መቅደሶች የነበሯት የጽዮን ቤተ ክርስቲያን ልናያት ትናፍቀናለች:: ጌጧ: ብርሃኗ ውል ውል ይልብናል:: ይህቺው ቤተ ክርስቲያን በ፲ ኛው ክ/ዘመን ዮዲት ጉዲት በእሳት አውድማታለችና:: መሠረቱ ግን ዛሬም አለ:: ቅዱሳን አብርሃ ወአጽብሃ ግን ክርስትናን ለማስፋፋትና መንግስትን ለማጽናት ሲሉ ከአክሱም በተጨማሪ በሽዋም ዙፋንን ዘረጉ:: ለብዙ ዓመታትም አምላክ በፈቀደው መንገድ እስከ የመን ድረስ ገዙ:: ክርስትናንም አስፋፉ:: ቅዱስ አብርሃ በተወለደ በ፶፪ ዓመቱ: በ፫፻፷፬ ዓ/ም ጥቅምት ፬ ቀን ሲያርፍ ወንድሙ ለ፲፭ ዓመታት ብቻውን አስተዳድሯል:: በ፫፻፸፱ ዓ/ም ደግሞ በዚሁ በጥቅምት ፬ ቀን ቅዱስ አጽብሃም በተወለደ በ፷፯ ዓመቱ በክብር ዐርፏል:: ከሁለቱም መቃብር ላይ ለ፴ ቀናት የብርሃን ምሰሶ ተተክሎ ታይቷል:: ጌታችንም በማይታበል ቃሉ "ስማችሁን የጠራውን: መታሰቢያችሁን ያደረገውንም እምርላቹሃለሁ" ሲል ቃል ኪዳን ገብቶላቸዋል:: †  🕊  ቅዱስ ሐናንያ ሐዋርያ  🕊  † ሐናንያ ቁጥሩ ከ፸፪ቱ አርድእት ሲሆን መጽሐፍ ቅዱስ ላይ ስማቸው ተመዝግቦ ከተቀመጠልን ከጥቂቶቹ ዋነኛው ነው:: ከነገደ እሥራኤል ተወልዶ: በሕገ ኦሪት አድጐ: ከወጣትነት ዕድሜው ትንሽ እልፍ ሲል ጌታችን ወንጌልን ማስተማር ጀምሯልና ጠራው:: እርሱም በበጐ ፈቃድ ተከትሎታልና ከ፸፪ቱ አርድእት ደመረው:: ለ፫ ዓመታት ከጌታ እግር ተምሮ: ከዕለተ ስቅለት በፊት ሀብተ ፈውስም ተሰጥቶት ነበር:: ምክንያቱም ቅዱስ ሉቃስ እንደ ጻፈልን ሰብዐው አርድእት "ጌታ ሆይ! አጋንንት በስምህ ተገዙልን" ማለታቸውን አስቀምጦልናል:: [ሉቃ.፲፥፲፯] ቅዱስ ሐናንያ በበዓለ ዕርገት ተባርኮ በ፶ኛው ቀንም መንፈስ ቅዱስን ተቀብሎ ለስብከተ ወንጌል ወጥቷል:: በሚያስተምር ጊዜ የሶርያዋን ደማስቆን ማዕከል አድርጐ ነበር:: በሁዋላም አበው ሐዋርያት የዚህች ከተማ የመጀመሪያው ዻዻስ አድርገው ሹመውታል:: ጌታ ባረገ በ፰ኛው ዓመት ክርስቲያኖችን ያሰቃይ የነበረው ሳውል [የሁዋላው ቅዱስ ዻውሎስ] ወደ ደማስቆ የተጉዋዘው ክርስቲያኖችን በተለይም ቅዱስ ሐናንያን ለማሠር ነበር:: ለእግዚአብሔር ምርጥ ዕቃ ይሆን ዘንድ መብረቅ ዐይኑን አጠፋው:: ወዲያውም ጌታችን ሳውልን ወደ ሐናንያ እንዲሔድ ነው የነገረው:: ከ፫ ቀናት በሁዋላ ጌታችን ለሐናንያ ተገልጦ አነጋግሮታል:: ሳውል [ዻውሎስ] ወደ ሐናንያ የደረሰው በመሪ ነበር:: ፪ቱ እንደተገናኙ ቅዱስ ሐናንያ ሳውልን አስተማረው: ፈወሰው: አጠመቀው: በጐ መንገድንም መራው:: በዚህ ምክንያት ቅዱሱ ሐዋርያ የቅዱስ ዻውሎስ የንስሃ አባቱ ይሰኛል:: [ሐዋ.፱፥፩-፲፱] ከዚህ በሁዋላ ቅዱስ ሐናንያ ለብዙ ዓመታት በተለያዩ የዓለም ክፍሎች ወንጌልን አስተማረ መከራንም ተቀበለ:: በመጨረሻም በዚህ ቀን ክፉዎች ከብዙ ስቃይ በሁዋላ በድንጋይ ወግረው ገድለውታል:: አምላከ አብርሃ ወአጽብሃ "ድሃ ተበደለ: ፍርድ ተጉዋደለ" የሚል ዳኛ: ሃይማኖቱ የቀና መሪንም ያምጣልን:: የቅዱሳኑን ክብር በእኛ ላይ ያድርግልን:: 🕊 [  † ጥቅምት ፬ [ 4 ] ቀን የሚከበሩ ዓመታዊ የቅዱሳን በዓላት  ] ፩. ቅዱሳን ነገሥት አብርሃ ወአጽብሃ ፪. ቅዱስ ሐናንያ ሐዋርያ [ከ፸፪ቱ አርድእት] ፫. ቅዱስ በርተሎሜዎስ ሐዋርያ ፬. ቅዱስ ባኮስ ሰማዕት ፭. ቅዱሳን ባባ እና ማማ ፮. ቅዱስ ዮሐንስ ሕጽው [  † ወርኀዊ በዓላት  ] ፩. ቅዱስ ዮሐንስ ወንጌላዊ ፪. ቅዱስ እንድርያስ ሐዋርያ ፫. ቅድስት ሶፍያ ሰማዕት ፬. ቅዱስ ዮሐንስ ዘሐራቅሊ [ሰማዕት] " እንግዲህ እግዚአብሔርን በመምሰልና በጭምትነት ሁሉ: ጸጥና ዝግ ብለን እንድንኖር: ልመናና ጸሎት: ምልጃም: ምስጋናም ስለ ሰዎች ሁሉ: ስለ ነገሥታትና መኩዋንንትም ሁሉ እንዲደረጉ ከሁሉ በፊት እመክራለሁ:: ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኃኒታችን ፊት መልካምና ደስ የሚያሰኝ ይህ ነው:: " [ጢሞ.፪፥፩-፬] † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር † [ ዲ/ን ዮርዳኖስ አበበ ]          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

🕊                        💖                        🕊      🩵       [   ምክረ ቅዱሳን   ]        🩵  ▷   "  ትግሐ ሌሊትና መንፈሳዊ ንቃት !  " [  🍒  በቅዱስ ዮሐንስ ዘሲና   🍒 ] 🌸                         ♱                       🌸 ❝ ወደ ፈተና እንዳትገቡ ትጉና ጸልዩ ፤ መንፈስስ ተዘጋጅታለች ሥጋ ግን ደካማ ነው አለው። ❞ [ ማቴ.፳፮፥፵፩ ] ❝ እንግዲህ ሊመጣ ካለው ከዚህ ሁሉ ለማምለጥ ፥ በሰው ልጅም ፊት ለመቆም እንድትችሉ ስትጸልዩ ሁል ጊዜ ትጉ። ❞ [ሉቃ.፳፩፥፴፮]

«        በጸሎት ተግቶ ስለመጠበቅ   !

🌸                                                  🌸                            †††                ✟ 𝐎𝐑𝐓𝐇𝐎𝐃𝐎𝐗Y ✟ 🕊                        💖                        🕊

🕊                                                   🕊             [      የትሕርምት ሕይወት !    ]  🍒                                                   🍒     የትሕርምት ሕይወት ምንድን ነው ? 🌸                         ♱                       🌸 ቅዱስ ኤፍሬም በሌሊትም የሰይጣን ጾር ስለሚበረታ ሰይጣንንና ፈቃዱን ለማራቅ ሲል መላ ሰውነቱንና አካባቢውን ሁሉ በትምእርተ መስቀል ያማትብ ነበር፡፡ እንዲህ ስለማድረጉም ፦ ❝ በሌሊት ወደ እኔ በመቅረብ ከንጽሕናዬ እንዳያሳድፈኝ የሥላሴን ስም እየጠራሁ በጌታዬ በመድኀኒቴ በኢየሱስ ክርስቶስ ትምእርተ መስቀል በሕዋሳቶቼ ሁሉ ላይ አማትባለሁ፡፡ ጌታዬ ሆይ ክብር ላንተ ይሁን የሥላሴ የስሙ ኃይልና ብርታት እንዴት ታላቅ ነው ! ስምህ በእርጅናዬ ብርታት ሆነኝ፡፡ በዕድሜ ዘመኔ ሁሉ ስምህ ጽኑ ግንብ ሆነኝ።❞ ብሎአል፡፡ የጌታችን የመድኀኒታችን የኢየሱስ ክርስቶስ ክብሩ ሁል ጊዜ ከፍ ከፍ ይበልና ቅዱስ ኤፍሬም ስለ እኛ መዳን በመስቀል ላይ በተሠዋው በጌታችን ፍቅር የታሠረ ነበርና በመስቀል ላይ የተዋሠዋውን ጌታ በሕሊናው ሥሎ እርሱን በመዘከር ይኖር ነበር፡፡ ስለዚህ እንዲህ አለ ፦ ❝ በጾምና በትግሃ ሌሊት ጌታዬ ሆይ ገጽታዬ ወደ አረንጓዴነት እስኪቀየር ድረስ ለአንተ ስሰግድና ሳመለልክህ አድራለሁ፡፡ እንዲህም ማድረጌ ነቢዩ ሙሴ ክብርህን ለማየት እንደበቃ እኔም ክብርህን በትንሣኤ አይ ዘንድ በመናፈቄ ነው፡፡ ጌታዬ ሆይ መስቀልህን ሳይ ዕርቃንህን ሆነህ በመስቀል ላይ ስለእኛ መሰቀልህን አስባለሁ፡፡ ስለዚህ በሕይወት ዘመኔ ሁሉ የአንተን መምጣት በመጠባበቅ ማቅ ለብሼ መኖርን መረጥሁ፡፡ ❞ ጨምሮም ቅዱስ ኤፍሬም እንዲህ ይለናል ፦ ❝ ሰማያዊው ሙሽራ ጌታዬ ኢየሱስ ክርስቶስ ሆይ በፊቴ በሰማያት የምለብሰውን የሰርግ ልብስ አስቤ መብልን መብላትን ውኃም መጠጣትን ዘነጋሁ።❞ ይላል፡፡ [   🕊  ቅዱስ ኤፍሬም  🕊   ] 🌸                                                  🌸                            †††                ✟ 𝐎𝐑𝐓𝐇𝐎𝐃𝐎𝐗Y ✟ 🕊                        💖                        🕊

🌹 በዕለተ ቀኗ በበኣታ #ቅድስት_ለማርያም_ስም #ምስጋና_ለመላው_ኦርቶዶክሳውያን። ✝️ በከምባታ ጠምባሮና ሀላባ ሀገረ ስብከት በጠምባሮ ልዩ ወረዳ የምትገኘው #የጎፎሬ_ደብረ_መንክራት_በአታ_ለማርያም ቤተክርስቲያን በእናንተው የሁል ጊዜ ድጋፍና ትብብር  ለቀጣዩ የኮሎንና ቢም ሥራ የሚሆኑ ማቴሪያሎች ገቢ ሆናል። እናዚህም 👉 ሲሚንቶ 70 ኩንታል=133,000ብር 👉 ፌሮ ብረት ባለ8=200ቤ=185,000 👉 ባለ10=35ቤ=50,400 👉 ባለ12=57ቤ=118,275 👉 ባላ14=110ቤ=311,300 👉 መኪና ከአአ_ጎፎሬ ደብረ መንክራት በአታ ለማርያም ቤተክርስቲያን 120,000ብር ✝️ ጠቅላላ ድምር=917,975ብር ከሐምሌ እስከ ጥቅምት መግቢያ በተደረገው ርብርብ በልዑል እግዚአብሔር ቸርነት በእመቤታችን አጋዥነት በእናንተ የሁል ጊዜ ድጋፍና ትብብር ገቢ ሆኖል። ✝️ በዚህ ታላቅ የበረከት ሥራ የተሳተፈችሁ በገንዘብ በሚዲያ ሽፋን በሁሉ የደከመችሁ እግዚአብሔር ይባርካችሁ የልቦናችሁን መልካሙን መሻት ሁሉ ይፈጽምላችሁ እመብርሃን የጎደለውን በምልጃዋ ትሙላላችሁ ከዓለም መከራ ሁሉ ጥላ ከለላ ትሁናች እያልን አሁን የተለመደውን ድጋፍና ትብብር እንድታደርጉ በእመቤታችን በድንግል ማርያም ስም እንጠይቃለን። ድጋፍ ለማድረግ  ፦ የጎፎሬ ደብረ መንክራት በአታ ለማርያም ቤተክርስቲያን ፩. ንግድ ባንክ ፦1000624326281 ፪. አቢሲኒያ ባንክ፦ 240587815 ፫. አዋሽ ባንክ፦ 013201006748101 ለበለጠ መረጃ በስልክ ቁጥር፡- 📞 0933055802 ወይም 0911414852 ደውለው "አለንላችሁ" በማለት የሞራልና የገንዘብ ድጋፍዎን ያድርጉ። 🌐 የፌስቡክ ገጽ፦ https://www.facebook.com/degnet.demeke?mibextid=ZbWKwL የቴሌግራም ቻናል https://t.me/nizanudegnite03 አባቶች በጸሎት እንዲያስቡ የክርስትና ስማችሁን 🙏  t.me/degnet0321

🕊 † በስመ አብ ወወልድ ወመንፈስ ቅዱስ አሐዱ አምላክ አሜን። † † ጥቅምት ፫ [ 3 ] ቀን የሚከበሩ ዓመታዊ የቅዱሳን በዓላት † † 🕊 " ቅዱስ ጊዮርጊስ ሐዲስ " 🕊 † † ሰማዕቱ የተወለደው በምድረ ግብጽ አሕዛብ [ተንባላት] በሰለጠኑበት የመጀመሪያው ዘመን ነበር:: በተለይ ተንባላቱ ግብፅና ሶርያን ከያዙ በኋላ ባልተጠበቀ ፍጥነት በኃይልም በሰውም ተደራጅተው ነበር:: ቅዱስ ጊዮርጊስ [ልብ በሉልኝ ሊቀ ሰማዕታት አይደለም] የተወለደው በዚህ አስቸጋሪ ጊዜ ነበር:: እናቱ የተመሠከረላት ክርስቲያን ብትሆንም እንዳለመታደል አባቱ ተንባላታዊ [አሕዛብ] ነበር:: ስሙንም መዛሕዝም ይሉታል:: ሕጻኑ እንደተወለደ ያወጡለት ስም አሕዛባዊ ከመሆኑ ባለፈ በሰዓቱ መጠመቅ አልቻለም:: የወቅቱ ሕግ ከወላጆቹ አንዱ አሕዛባዊ ከሆነና አጠምቃለሁ ቢባል የሚከተለው ሰይፍ ነበር:: በዚሕ ምክንያት ሳይጠመቅ ፯ ዓመት ሞላው:: እናቱ ግን ሕጻን ቢሆንም ፍቅረ ክርስትናን ታስተምረው ነበር:: ባይጠመቅም ጸበሉን: እመነቱን ትቀባው ነበር:: ደብቃ ቅዳሴ ታሰማውም ነበር:: አንድ ቀን ግን ሕጻናት ሲቆርቡ አይቶ ካልቆረብኩ ብሎ አለቀሰ:: ምን ታድርገው? ወደ ውጪ አውጥታ ከአውሎግያ [የሰንበት በረከት] አበላችው:: "ጌታየ! ልጄን እርዳው" አለች:: ልክ በአፉ ሲቀምሳት መዓዛ መንፈስ ቅዱስ አደረበትና ፍጹም ተደሰተ:: ትንሽ ከፍ ሲል ለምን እንደማይጠመቅና እንደማይቆርብ እናቱን ጠየቃት:: "ልጄ ሆይ! ይገድሉሃል" አለችው:: ከዚህች ቀን ጀምሮ የሚጠመቅበትን ዘዴ ይፈልግ ጀመር:: አስቀድሞ ትምሕርተ ክርስትናን ተማረ:: ለአካለ መጠን ሲደርስ አፈላልጐ ጠንካራ ክርስቲያን የሆነች ሴት አገባ:: ጥቂት ጊዜ ከቆየ በኋላ ሚስቱን ስለ መጠመቅ አማከራት:: "ሌላ ሃገር ሒደህ ተጠመቅ" አለችው:: ከግብፅ ተነስቶ ሶርያ ገባ:: አባቶችን አፈላልጎ ተጠመቀ:: ቀጥሎም መንገዱን ወደ ልዳ አደረገ:: ወደ ደብሩ ተጠግቶ አባቶችን "ስም አውጡልኝ" ቢላቸው መንፈስ ቅዱስ አናግሯቸው "ጊዮርጊስ" አሉት:: እሱም ደስ እያለው: ባጭር ታጥቆ የልዳውን ቅዱስ ጊዮርጊስ ያገለግለው ገባ:: ትንሽ ቆይቶ ሁከት መንፈሳዊ ተሰማው:: ማለትም ስለ ሃይማኖቱ ደሙን ማፍሰስ ፈለገና ወደ ግብፅ ተመለሰ:: በዚያ ያሉ አሕዛብ በክርስትና ስም: ልብስና ሞገስ ሲመለከቱት ተበሳጩ:: ዕለቱኑ አሠሩት:: ሌሊት እናቱና ሚስቱ መጥተው አሉት:- "አደራ! ፍቅረ ዓለም እንዳያታልልህ:: ሰማዕት ብትሆን ላንተም ክብር: ለእኛም ሞገስ ነው" ብለውም አጽናኑት:: እንዲህ ያሉ እናትና ሚስት ማግኘትም ታላቅ እድል ነው:: ሐዲስ ጊዮርጊስም ጸና:: ከዚያች ቀን ጀምሮ ለተከታታይ ቀናት ደበደቡት: አካሉን ቆራረጡት: ደሙንም መሬት ላይ አንጠፈጠፉት:: በየመንገዱ እየጎተቱ ተሳለቁበት:: እርሱ ግን ክርስቶስን ወዷልና ሁሉን ታገሰ:: ሌሊት በሆነ ጊዜም ጌታችን ተገልጦ "ከሰማዕታት ተቆጠርህ" አለው:: በማግስቱ በአደባባይ አንገቱን በሰይፍ ቆረጡት:: ክፋታቸው የጸና ነውና ሥጋውን በእሳት አቃጠሉት:: ወደ ባሕርም ጣሉት:: እናቱ ከባሕር ስታወጣው ግን ምንም አላገኘውም ነበር:: በዚሕች ቀን እናቱና ሚስቱ በክብር ቀብረውታል:: † 🕊 " አባ ስምዖን ሊቀ ዻዻሳት " 🕊 † በምድረ ግብጽ ተነስተው: በማርቆስ ወንጌላዊ መንበር ላይ ይቀመጡ ዘንድ ከተገባቸው ሊቃነ ዻዻሳት አንዱ እኒህ አባት ናቸው:: ከልጅነታቸው መንነው ብዙ ዘመናትን በተጋድሎ በማሳለፋቸው ሥጋዊ አካላቸው ደካማ ሆኖ ነበር:: ከገዳማዊ አገልግሎታቸው ቀጥሎም ከእርሳቸው በፊት ለነበሩ ሁለት ፓትሪያርኮች ረዳት ሆነው አገልግለዋል:: በዚህ ጊዜም ለመንጋው የሚሆኑ ተግባራትን ከመፈጸማቸው ባሻገር በጾምና በጸሎት መጋደልን አልተዉም ነበር:: ጊዜው ደርሶ በእግዚአብሔር ፈቃድ: በሕዝቡና ዻዻሳቱ ምርጫ: የእስክንድርያ ፶፩ኛ ፓትርያርክ ሲሆኑ እርሳቸው እንደ ሌሎቹ አበው 'አልፈልግም' ብለው ነበር:: ቀደም ሲል እንዳልነው አካላቸው በተጋድሎ የተቀጠቀጠ ነበርና በመንበራቸው ላይ ለብዙ ጊዜ መቆየት አልቻሉም::እግራቸውን በጠና በመታመማቸው ፈጣሪ ነፍሳቸውን እንዲቀበል ለመኑት: እርሱም ሰማቸው:: ሊቀ ዻዻሳት ሆነው በተሾሙ በ፻፷፭ ኛው ቀን [ማለትም በ፭ ወር ከ፲፭ ቀናቸው] በክብር ዐርፈው ተቀብረዋል:: † ቸሩ አምላክ ከሰማዕቱ ጽናትን: ትእግስትን: ጸጋ በረከትን ይክፈለን:: 🕊 [  †  ጥቅምት ፫ [ 3 ] ቀን የሚከበሩ ዓመታዊ የቅዱሳን በዓላት  ] ፩. ቅዱስ ጊዮርጊስ ሐዲስ [ሰማዕት] ፪. አባ ስምዖን ሊቀ ዻዻሳት ፫. ቅዱስ ጐርጐርዮስ ዘአርማንያ ፬. ቅድስት ታኦድራ ልዕልት ፭. ቅድስት ታኦፊላ ፮. አባ ጊዮርጊስ ዘጋስጫ [  † ወርኀዊ የቅዱሳን በዓላት  ] ፩. በዓታ ለእግዝእትነ ማርያም ድንግል ወላዲተ አምላክ ፪. ቅዱሳን ኢያቄም ወሐና ፫. ቅዱሳን ሊቃነ ካህናት አበው [ዘካርያስና ስምዖን] ፬. አባ ሊባኖስ ዘመጣዕ ፭. አቡነ ዜና ማርቆስ ፮. አቡነ መድኃኒነ እግዚእ ዘደብረ በንኮል ፯. ቅዱስ ቄርሎስ ሊቅ [ዓምደ ሃይማኖት] † " ስለዚሕ ወንድሞቼ ሆይ ጣዖትን ከማምለክ ሽሹ:: ልባሞች እንደመሆናችሁ እላለሁ:: በምለው ነገር እናንተ ፍረዱ:: የምንባርከው የበረከት ጽዋ ከክርስቶስ ደም ጋር ኅብረት ያለው አይደለምን? የምንቆርሰውስ እንጀራ ከክርስቶስ ሥጋ ጋር ኅብረት ያለው አይደለምን?... እኛ ብዙዎች ስንሆን አንድ ሥጋ ነን:: ሁላችን ያን አንዱን እንጀራ እንካፈላለንና:: "† [፩ቆሮ.፲፥፲፬-፲፰] † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር † [ ዲ/ን ዮርዳኖስ አበበ ]          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

🤲 #አስቸኳይ_የይድረሱልኝ_ጥሪ_ስለ_ጫጋ_አራዳ_ቅዱስ_ጊዮርጊስ። 👉 ውድ የቴሌግራሜ ቻናል ተከታታዮች ተወዳጅ ቤተሰቦቼ እንዴት ሰነበታችሁ ቸር አላችሁ #በሰሜን_ሸዋ_ሀገረ_ስብከት_በአንፆክያ_ወረዳ በሸበቶ ቀበለ ለሚገኘው #የጫጋ_አራዳ_ቅዱስ_ጊዮርጊስ_ቤተ_ክርስቲያን በሕብረተሰብ እና በበጎ አድራጊ ምዕመናን ቤተ ክርስቲያኑ ታድሶ ታቦተ ሕጉ ገብቶ በአገልግሎት ላይ ይገኛል። ሆኖም ግን አካቢው ገጠራማ መብራትም የሌለበት ያሉትም ምዕመናን ጥቂትና አርሶ አደር ከእጅግ ወደ አፍ ኑሮ የሚኖሩ ምንም ዓይነት ገቢ የሌላቸው ስለሆነ እስካሁ ያለ መብራትና ያለ ድምጽ ማጉያ በችግር ውስጥ እያገለገሉ ይገኛሉ። #ጥቅምት_23_ቀን_ቀን_2019 ዓመታዊ ክብረ በዓል ስለሚያከብሩ ለበዓሉ እንዲደርስላቸው ከዚህ በቻች የተዘረዘሩት ንዋየ ቅድሳትና እቃዎችን እድናደርስላቸው ጠይቀዋል፦ 1, ሙሉ የሶላር ሲስተም 90,000 ብር። 2, ሙሉ የድምጽ ማጉያ ሲስተም 120,000 ብር 3, የአንድ ሰሞነኛ የአምስቱ ልዑካን ልብስ 30,000 ብር። 4, መጎናጸፍያ ከነቀጸላው 4000 ብር። 5, ጻሕልና ጽዋና ዕረፈ መስቀል 7000 ብር። 6, መጾር መስቀል 5000 ብር። 7, ጽንሐሕ የወርቅ ቅቡ ትንሿ የግሪክ 7500፣ የሀገር ውስጥ 3000 ብር። 8, መቋሚ ብዛት 12 የአንዱ ዋጋ 200 ጠቅላላ ዋጋ 12*200= 2400 ብር፤ ጸናጽል ብዛት 12 የአንዱ ዋጋ 350 ጠቅላላ ዋጋ 12*350= 4200 ብር። 9, እንጣን፣ ዘቢብና ጧፍ። 👉 ከላይ የተዘረዘሩት ንዋየ ቅዱሳትና የሶላርና የድምጽ ማጉያ ሲስተም እስከ #ጥቅምት_20_ቀን_2019 ዓ.ም ድረስ በሀገር ውስጥና ባሕር ማዶ ያለን የሰማዕቱ ፍጡነ ረድኤት ወዳጆች የሆንን የኦርቶዶክስ ተዋሕዶ ልጆች በግልም ሆነ በማኅበር ንዋየ ቅዱሳትና እቃዎቹን ገዝቶ በማበርከት እና የቅማችን #23_ብር_ጀምሮ ከበረከቱ እታች ባለ የቤተ ክርስቲያን የንድድ ባንክ አካውንት የበኩላችንን አስተዋጾ እንድናደርግ በታላቅ ሰማዕቱ በጫጋ አራዳ ቅዱስ ጊዮርጊስ ስም እንጠይቃለን። የቤተ ክርስቲያኑ የንግድ ባንክ አካውንት፦ 1000285275893 የጫጋ አራዳ ቅዱስ ጊዮርጊስ ቤተ ክርስቲያን። 👉ለበለጠ መረጃ፦ 0920491545፣ 0911414852። 👉 በሀገር ውስጥ በባሕር ማዶ ያላችን ከበረከቱ ለመሳተፍ ያሰባችሁ በእነዚህ ቁጥር #0911414852፣ #በኢሞ_በዋትሳፕ_በቴሌግራም (#@Teamhokidusan) ማውራት ትችላላችሁ ከበረከቱም የምትሳተፉ ስመ ክርስትናችሁ አባቶች በጸሎት እዲያስባችሁ ላኩልን።

🌹 "በስመ አብ ወወልደ  ወመንፈስ ቅዱስ አሐዱ አምላክ አሜን"። 🌹            🌹 #ጥቅምት ፫ (3) ቀን። 🌹 እንኳን #ለእስክንድርያ_ለአባቶች_ሊቃነ_ጳጳሳት ሃምሳ አንደኛ ለሆነ  ሊቀ ጳጳሳት #ለአባ_ስምዖን ለዕረፍት በዓል፣ #ለሐዲስ_ለቅዱስ_ጊዮርጊስ ለምስክርነቱ መታሰቢያ በዓልና ለታላቁ ቴዎዶስዮስ ልጅ ለሆነ ለንጉሥ አርቃድዮስ ለወለዳት #ለቅድስት_ታኦድራ ለመታሰቢያ በዓል እግዚአብሔር አምላክ በሰላም አደረሰን። በተጨማሪ በዚች ቀን ከሚታሰቡ፦ #ከኒኀዋ_ከወገን_ከነገዱ_ከመቃርስና_ታኦፊላ፣ #ከአውመራና_ከአርማንያ_ሊቀ ጳጳሳት #ከአባ_ጎርጎርዮስ ከመታሰቢያቸው እግዚአብሔር አምላክ ረድኤትና በረከትን ያሳትፈን።                           ✝ ✝ ✝ 🌹 #የእስክንድርያ_ሃምሣ_አንደኛ_ሊቃነ_ጳጳሳት #አባ_ስምዖን፦ ይህም አባት ከእስክንድርያ ከታላላቆች ተወላጅ የሆነ ወላጆቹም ሃይማኖታቸው የቀና ነው እርሱም ከታናሽነቱ የሃይማኖት ወተትን ጠጥቶ አደገ ስለዚህም የቤተ ክርስቲያንን ትምህርት ተማረ። 🌹 የምንኵስናንም ልብስ ሊለብስ በልቡ አስቦ ወደ አስቄጥስ ገዳም በመሔድ ከእርሱ አስቀድሞ ሊቀ ጳጳሳት በሆነ በአባ ያዕቆብ ገዳም መነኰሰ በየጊዜው በሚጨመር ተጋድሎም ሥጋውን እያደከመ አብዝቶ በመጋደል በእርሱ ዘንድ ኖረ። ዳግማዊ አባ ማርቆስም ሊቀ ጵጵስና በተሾመ ጊዜ ይህን አባ ስምዖንን ስለ በጎ ተጋድሎውና ስለ አገልግሎቱ ከአባ ያዕቆብ ዘንድ ወሰደው እያገለገለውም ከእርሱ ጋር ኖረ። አባ ማርቆስም በዐረፈ ጊዜ አባ ያዕቆብ ተሾመ ያን ጊዜም እያገለገለው ከአባ ያዕቆብ ጋር ኖረ። 🌹 ከዚህም በኋላ አባ ያዕቆብ በዐረፈ ጊዜ ብዙዎች ካህናትና ኤጲስቆጶሳት የሀገር ታላላቆች ሁሉም ይህን አባት አባ ስምዖንን መረጡት። ትሩፋቱንና የአማረ ሥራውን በእነዚህ በሁለቱ ሊቃነ ጳጳሳት ዘንድ በነበረበት ጊዜ ስለተመለከቱ አምላካዊ ፍቅር አነሣሥቷቸዋልና በወንጌላዊ ማርቆስ መንበር ላይ ይዘው ሊቀ ጵጵስና ሾሙት። 🌹 ከዚህም በኋላ በሹመቱ ጸንቶ መልካምን ጉዞ ተጓዘ እግዚአብሔርንም አገለገለው የሃይማኖትንም ሕግ በማስጠበቅ የክርስቶስን መንጋዎች ጠበቀ። በሹመቱ ወራትም ቤተ ክርስቲያን በጸጥታና በሰላም ኖረች። 🌹 ከዚህም በኋላ እግሮቹን በጽኑዕ ደዌ ታመመ ፈጣሪ እግዚአብሔርንም ከዚህ ደዌ ያሳርፈው ዘንድ ለመነው። ክብር ይግባውና ጌታችንም ልመናውን ተቀብሎ በሰላም በፍቅር አንድነት አሳረፈው የሹመቱ ወራትም አምስት ወር ከዐሥራ አምስት ቀን ነው። ለእግዚአብሔር ምስጋና ይሁን እኛንም በአባ ስምዖን ጸሎት ይማረን በረከቱም ከእኛ ጋራ ትኑር ለዘላለሙ አሜን።                           ✝ ✝ ✝ 🌹 "#ሰላም_እብል_ለብፅዕት_ታኦድራ። ወለተ አርቃድዮስ ንጉሥ ለማርያም ፍቁራ። ዘበቃላ ጥዕምት ወሠናይት በምግባራ። ኀበ ተዓየኑ ጉባኤ ቅዱሳን ማኅበራ። ዘክሮተነ ኢትፍልጥ እምዝክራ"። #ሊቁ_አርከ_ሥሉስ_አርኬ_የጥቅምት_3።                                               ✝️ ✝️ ✝️ 🌹#የዕለቱ_የማኅሌት_ምስባክ፦ "ተከልከ ሥርዊሃ ወመልዕተ ምድረ። ወከደነ አድባር ጽላሎታ። ወአእፁቂሃኒ ከመ አርዘ ሊባኖስ"። መዝ 79፥9-10። የሚነበበው ወንጌል ዮሐ 15፥1-12።                        ✝️ ✝️ ✝️ 🌹#የዕለቱ_የቅዳሴ_ምስባክ፦ "አዋልደ ንግሥት ለክብርከ። ወትቀውም ንግሥት በየማንከ። በአልባሰ ወርቅ ዑጽፍት ወኊብርት"። መዝ 44፥9። የሚነበቡት መልዕክታት ቲቶ 2፥1-9፣ 1ኛ ጴጥ 5፥2-5 እና የሐዋ ሥራ 16፥8-16። የሚነበበው ወንጌል ማቴ 20፥28-31። የሚነበበው ወንጌል ሉቃ 10፥38-ፍ.ም። የሚቀደሰው ቅዳሴ የሠለስቱ ምዕት ቅዳሴ ነው። መልካም የአባ ጊዮርጊስ ዘጋስጫ የጽንሰት በዓልና የጾም ጊዜ ለሁላችንም ይሁንልን።                @Teamihokidusan

🌹#ታላቅ_የንግሥ_በዓል_ጥሪ_ነገ_ጥቅምት_3 ቀን 2019 ዓ.ም። 🌹 #በእንጦጦ_ርዕሰ_አድባራት_ወገዳማት #ቅዱስ_ራጉኤል_ወቅዱስ_ኤልያስ ቤተ ክርስቲያን። 🌹 የታላቁ ሊቅ የኢትዮጵያዊው ቅዱስ ቄርሎስ የአባ ጊዮርጊስ ዘጋስጫ የጽንሰት በዓል #ነገ_ማክሰኞ_ጥቅምት_3_ቀን_ቀን_2019 ዓ.ም። ታቦተ ሕጉ ወጥቶ ይከበራል። ሁላችንም የኦርቶዶክስ ተዋሕዶ ልጆች ምዕመናትና ምዕመናን ተጋብዘጋል አደራ እንዳንቀር መጥቶ በማክበር ከታላቁ ሊቅ ከእመቤታችን ወዳጅ ከአባ ጊዮርጊስ ዘጋስጫ ረድኤትና በረከት እንሳተፍ።              @Teamihokidusan