GONDAR POLYTECHNIC COLLEGE / ጎንደር ፓሊቴክኒክ ኮሌጅ /

የጎንደር ከተማ ሥራና ክህሎት መምሪያ "በጎነት ለኢትዮጵያ ከፍታ" በሚል መሪ ቃል የደም ልገሳ መርሃ ግብር አካሄደ የጎንደር ከተማ ሥራና ክህሎት መምሪያ "በጎነት ለኢትዮጵያ ከፍታ" በሚል መሪ ቃል የክረምት ወራት በጎ ፈቃድ ተግባራት አንዱ የሆነውን የደም ልገሳ መርሃ ግብር አካሂዷል። በመርሃ ግብሩም የመምሪያው ኃላፊ አቶ አበበ ላቀው ፣ ምክትል መምሪያ ኃላፊ ወይዘሮ ሙሉ ደሳለኝ እና የጎንደር ፖሊ ቴክኒክ ኮሌጅ ዲን አቶ ተስፋሁን መኮነን ጨምሮ የክፍለ ከተማ የዘርፉ አመራሮች ጨምሮ የተቋሙ ሰራተኞች ተሳትፈዋል ። አመራሮችና ሠራተኞች በፈቃደኝነት ደም በመለገስ በደም እጥረት ምክንያት ለአደጋ የተጋለጡ ወገኖችን ሕይወት ለመታደግ መሆኑን ገልጸዋል ። የጎንደር ከተማ አስተዳደር ስራና ክህሎት መምሪያ ኃላፊ አቶ አበበ ላቀው እንደገለጹት፣ ለሰዎች መልካምና በጎ ተግባር በማድረግ መተጋገዝን ባህል ማድረግ ከፍተኛ የሰብዓዊነት እሴት ነው። የምንለግሰው ደም በድንገተኛ አደጋ ለተጎዱ ወገኖች፣ በቀዶ ሕክምና ለሚገኙ ሕሙማን፣ እንዲሁም በወሊድ ምክንያት ደም ለሚያስፈልጋቸው እናቶች ሕይወት ለማዳን ወሳኝ ሚና እንዳለው ገልጸዋል። ደም መለገስ ከሁሉም ስጦታዎች የላቀና የከበረ ሰብዓዊ ስጦታ መሆኑን ጠቅሰው ማንኛውም ጤናማ ዜጋ በዚህ በጎ ተግባር ላይ በንቃት ሊሳተፍ እንደሚገባ መልዕክት አስተላልፈዋል ።