Abebaw Channel

#የማህጸን_ኢንፌክሽን_ምንድን_ነው? በጥቅል መጠሪያው የማህጸን ኢንፌክሽ (#pelvic_inflammatory_disease, (#PID)) የሚባለው የሴቶች የመራቢያ አካላትን (ስረዓትን) የሚያጠቃ በሽታ ነው። የሴቶች የመራቢያ አካላት ስንል የሚከተሉትን በውስጡ ያቀፈ ነው። 🔹 #ማሕፀን፦ ሴት ልጅ ነፍሰ ጡር ስትሆን ልጅ የሚሸከመው አካል ?? #ኦቫሪዎች፦ በየወሩ እንቁላል የሚያዘጋጁ አካላት 🔹 #የፋሎፕያን_ቱቦዎች፦ ኦቫሪዎችን ከማህፀን ጋር የሚያገናኙ ቱቦዎች 🔹 #ብልት፦ ማህፀን ከውጭ ጋር የሚያገናኝ። 👉 የማህጸን ኢንፌክሽን ሲከሰት መለስተኛ የሆኑ ምልክቶች ሊታዩ አሊያም ምንም አይነት ምልክት ላይታይ ይችላል። 👉 በዚህም ምክንያት አንዲት ሴት ይህ የጤና ችግር እንዳለባት ሳታውቅ ልትቆይና ችግሩ እየቆየ ውስጥ ውስጡን ተባብሶ ለማርገዝ እስከመቸገርና ከፍተኛ ለሆነ የዳሌ ህመም እስከማጋለጥ ሊደርስ ይችላል። #ምልክቶች 🔸 የማህፀን እና የወገብ ህመም 🔸 በወሲብ ጊዜ የሚያጋጥም ህመም 🔸 ከብልት የሚወጣ ፈሳሽ (ሽታ ያለው) 🔸 ሽንት በሚሸናበት ጊዜ የሚያጋጥም ህመም 🔸 ትኩሳት ወይም ብርድ ብርድ ማለት 🔸 ድካም፣ ማቅለሽለሽ፣ ማስመለስ 🔸 በወር አበባ ጊዜ የሚመጣ ህመም መጨመር 🔸 ወቅቱን ያልጠበቀ ደም መፍሰስ (በፔረድ መካከል ፣ ከግንኙነት በኋላ) #የማህጸን_ኢንፌክሽን_በምን_ምክንያት_ይከሰታል? ብዙ የባክቴሪያ ዓይነቶች የማህጸን ኢንፌክሽንን ሊያስከትሉ የሚችሉ ቢሆንም በዋነኝነት የዚህ በሽታ መንስዔ ተደርገው የሚጠቀሰው gonorrhea የሚባለው የባክቴሪያ ዓይነት ነው። ይህ ባክቴሪያ ጥንቃቄ በጎደለው የግብረ ስጋ ግንኙነት ወቅት ወደ ሴቷ ማህጸን ሊገባና በሽታው እንዲከሰት ሊያደርግ ይችላል። ከዚህም በተጨማሪ በወር አበባ ጊዜ፣ በወሊድ ጊዜ እንዲሁም በማህጸን የሚቀመጡ የእርግዝና መከላከያዎችን በምንጠቀምበት ጊዜ ከሚኖር የጥንቃቄ ጉድለት ይህ ባክቴሪያ ወደ ማህጸን ሊገባና በሽታውን ሊያስከትል ይችላል። #በይበልጥ_ማንን_ያጠቃል? 👉 ሴክስ የጀመሩ እና ከ25ዓመት በታች የሆኑ ወጣቶችን 👉 ብዙ የፍቅር ጓደኛ ያላቸው ወጣቶች 👉 ብዙ የፍቅር ጓደኛ የነበረው ወንድ ጋር አድስ ግንኙነት የጀመሩ ሴቶች 👉 ኮንዶም የመጠቀም ልምድ የሌላቸው ጥንዶች 👉 ከዚህ በፊት በግብረ ስጋ ግንኙነት ተጠቂ የነበሩ ሴቶች #የሚያስከትለው_ጉዳት የማህጸን ኢንፌክሽን በጊዜ ካልታከመ ብዙ የጤና መቃወሶችን ሊያስከትል ይችላል። ከነዚህም መካከል… 👉 #ከማህጸን_ውጪ_እርግዝና (#Ectopic_pregnancy)፡ - የማህጸን ኢንፌክሽን በሽታ በፋሎፒያን ቲዩብ ውስጥ ጠባሳ ኡእንዲፈጠር ያደርጋል። ይህም ጠባሳ ለጽንሰት የደረሰው የሴቷ እንቁላል ጽንስ ወደሚፈጠርበት ማህጸን እንዳይሄድ በማገድ ጽንሱ ከማህጸን ውጪ እንዲፈጠር ምክንያት ይሆናል። 👉 #መሃንነት (#infertility)፦ በማህጸን ኢንፌክሽን በተደጋጋሚ የተጠቃች ሴት የመራቢያ አካላቷ ስለሚጎዱ ለመሃንነት የመጋለጥ እድሏ ከፍተኛ ይሆናል። 👉 #ስር_የሰደደ_የዳሌ_ህመም (#chronic_pelvic_pain) 👉 የማህፀን ቱቦ እና ኦቫሪ ላይ መግል መከማቸት እና የማህፀን ቱቦን መዝጋት #የማህፀን_ኢንፌክሸን_ህክምና አንዲት ሴት የማህፀን ኢንፌክሽን እንደያዛት የሚታወቀው ወደ ሃኪም ጋር ሄዳ አስፈላጊ የሆኑ ምርመራዎች ከተደረጉላት በኋላ ነው፡፡ ከነዚህ ምርመራዎች መካከል የሽንት/የደም ምርመራ፤ የማህፀን ምርመራ ወይም አልትራሳውንድ ይጠቀሳሉ፡፡ ከምርመራዎቹ በኋላ ሃኪሙ አስፈላጊ የሆኑ ፀረ- ባክቴሪያ መድሃኒቶችን ሊያዝ ይችላል፡፡ የሚታዘዝልንን መድሃኒት በትክክል እና በሰአቱ ካልወሰድን በስተቀር የማህፀን ኢንፌክሽን አይድንም፡፡ በተቻለ አቅም የፍቅር ጓደኛም አብሮ ቢታከም ይመረጣል፡፡ እንዲሁም መድሃኒቱን በትክክል ከወሰዱ በኋላ እንደገና ተመርምሮ ነፃ መሆን አለመሆን እስኪታወቅ ወሲብ አለመፈጸም ይመከራል። #ለማርገዝ_ቢፈልጉስ? የማህጸን ኢንፌክሽን ይዞት ከነበረ ለማርገዝ ሊቸገሩ ይችላሉ ። ምክንያቱም በሽታው በፋሎፕያን ቱቦዎች ላይ ጠባሳ ሊያስከትል ስለሚችል ነው። እርግዝና እንኳን ቢፈጠር ከማህጸን ውጪ የመሆን እድሉ ሰፊ ነው። በመሆኑም ለማርገዝ በሚሞክሩበት ግዜ በማህጸን ኢንፌክሽን ተጠቅተው እንደነበር ለሃኪምዎ መንገር አይዘንጉ። የማህጸን ኢንፌክሽን ምልክቶች ከታዮ ባፋጣኝ ሃኪም ጋ በመቅረብና አስፈላጊውን ህክምና በማድረግ በመራቢያ አካልዎ ላይ በማህጸን ኢንፌክሽን ምክንያት ሊፈጠር ከሚችል ጠባሳ ይጠበቁ። #መከላከያ_መንገዶች የሚከተሉትን በማድረግ የማህጸን ኢንፌክሽንን መከላከል ይችላሉ። 👉 መታቀብ ፣ መቆጠብ ወይም ወሲብ በሚያደርጉበት በማንኛውም ጊዜ ኮንዶም መጠቀም 👉 የአባላዘር በሽታ ምልክቶች ካለው ሰው ጋር የግብረ ሥጋ ግንኙነት አለመፈጸም #ምንጭ፡ 1. Healthline #መረጃዎችን #በየጊዜው #ለማግኘት #ቻናላችንን #በቅንነት #ሸር #እያደረግን #ሌሎቹንም #እናስተምር 📶 fb.com/yejubietenamerja/ 🔥 fb.com/abebaw3367/ 🛜 tiktok.com/@abebawmebratu 🌐 t.me/abebaw3367 🆓 youtube.com/@abebawmebratu_577