uz
Feedback

Firibgarlarga uchmang! Telemetrio bunday kanallarni topadi va belgilaydi 👉 Belgini ko‘rmoqchi bo‘lsangiz, obuna bo‘ling

ፍኖተ-አማራ ሚዲያ (Finote Amhara Media)

ፍኖተ-አማራ ሚዲያ (Finote Amhara Media)

Kanalga Telegram’da o‘tish

የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)

Ko'proq ko'rsatish
4 408
Obunachilar
-1724 soatlar
-527 kun
+5630 kun
Postlar arxiv
የድል አርማና ምሰሶ የሆነው፡ ደጃዝማች ተሠማ እርገጤ ክፍለ ጦር ሁለታናዊ የተሀድሶ መርሐ-ግብር ማከናወኑ ተገለፀ!!                              ቀን 11/01/2019 ዓ.ም "ፖለቲካዊ ስርፀትና ወታደራዊ ብቃት ማረጋገጥ" በሚል መርህ፣ የአፋብን ሸዋ ጠቅላይ ግዛት አሳምነው (5ኛ) ዕዝ መሀመድ ቢሆነኝ ኮር ደጃዝማች ተሠማ እርገጤ ክፍለ ጦር፤ የቀጣይ ጊዜ ግዳጆቹን በላቀ ድል ለመወጣት የሚያስችለውን ሁለተናዊ የተሀድሶ መርሐ-ግብር ማጠናቀቁን የኮሩ ሚዲያና ኮሙኒኬሽን አስታወቀ።   ይህ ታሪካዊ ክፍለ ጦር የብልፅግና ስርዓት በአማራ ሕዝብ ላይ በደቀነው የሕልውና አደጋ፣ በግንባር ቀደምትነት በመሰለፍ በታላቅ ጀብድና አኩሪ ድል እያስመዘገበ እንደ አርበኛ ተሠማ እርገጤ በኩራት ጠላትን የሚያበረክክ ኃይል መሆኑ ይታወቃል። ክፍለ ጦሩ ባሳለፋቸው ፈታኝ የውጊያ ጊዜያቶች፡ ያጋጠሙትን ውስጣዊና ውጫዊ ክፍተቶች ነቅሶ በመገምገም፤ ለአንድ ወር ገደማ ባደረገው የተሀድሶ ስልጠና፡ ፖለቲካዊ፣ ወታደራዊ ትምሕርቶችን ወስዶ፤ በአካላዊ ብቃት ማረጋገጫ መርሀ-ግብሩ ማጠናቀቁ ታወቀ። ይህ ስልጠና፤ የዕዙ ስልጠና መምሪያ ባዘጋጀው ጥብቅ መርሕ መሠረት የተከናወነ ሲሆን፣ የሰራዊቱን አካላዊ ብቃት ከፍ ካለ የፖለቲካ ንቃት ጋር በማቀናጀት በድምቀት መጠናቀቁ ሲገለፅ፤ በመርሐ-ግብሩ ማጠናቀቂያ ሥነ-ስርዓት ላይ የድርጅት፣ የዕዝ፣ የኮር እና የክፍለ ጦር ከፍተኛ አመራሮች በተገኙበት ተከናውኗል።   በመርሐ-ግብሩ ላይ የተገኙት የአፋብን ተቀዳሚ ምክትል ሰብሳቢና የፖሊት ቢሮ አባል፡ አርበኛ መከታው ማሞ የድርጅቱን አሁናዊ ቁመና አብራርተው "የሠራዊታችን ሁለተናዊ ግንባታ ለድርጅታችን ከፍታ መሠረት ነው" በማለት ሲገልፁ፡ አያይዘውም ሌሎች ክፍለ ጦሮች በተመሳሳይ መርህ እየተገነቡ መዘጋጀት እዳለባቸው አስተላልፈዋል።  በመጨረሻም የደጃዝማች ተሠማ እርገጤ ክፍለ ጦር አባላት ባስተላለፉት መልዕክት፤ የአማራ ሕዝብ ሕልውና ሙሉ በሙሉ እስኪረጋገጥ እና የሀገር ክብር እስኪመለስ ድረስ ማናቸውንም መስዋዕትነት ለመክፈል ዝግጁ መሆናቸውን አረጋግጠው፣ ከትላንትናው የተሻለ ድልና ታሪክ ለማስገንዘብ ድርጅታችን ለሚሰጠን ተልዕኮዎች ዝግጅታቸውን እዳጠናቀቁ አሳውቀዋል።   " ክብር ለትግሉ ሰማዕታት! " ሕልውናችን በተባበረ ክንዳችን! የአፋብን ሸዋ ጠቅላይ ግዛት አሳምነው (5ኛ) ዕዝ ሕዝብ ግንኙነት መምሪያ
21 Sen, 05:18

የአፋብን ውጪ ጉዳይ መምሪያ ኃላፊ በአርበኛ ብሩክ ስለሺ የተሰጠ ይፋዊ መግለጫ።
+2
የአፋብን ውጪ ጉዳይ መምሪያ ኃላፊ በአርበኛ ብሩክ ስለሺ የተሰጠ ይፋዊ መግለጫ።
21 Sen, 04:32

የአፋብን ቴዎድሮስ 2ኛ ዕዝ 105ኛ ኮር #66ኛ ክ/ጦር የመጀመሪያ /1ኛ/ ዙር በጤናዉ ዘርፍ #ሀኪሞችን አስመረቀ!!! የአማራ ፋኖ ትግል ከህዝባዊ አቢዮት በመነሳት የትግሉን ችቦ በማቀጣጠል በአጭር ጊዜ ዉስጥ እጅግ በጣም በርካታ በወታደራዊ ሳይንስ እና ጥበብ የተካኑ የእግረኛ እና የኮማንዶ ሰራዊት አባላትን አሰልጥኖ አስመርቋል። የ66ኛ ክ/ጦር በሽዎች የሚቆጠሩ ተወርዋሪ የእሳት ነበልባል የሆኑ ወታደሮችን በተለያዩ ዙሮች አሰልጥኖ አስመርቋል። ከዚህም በተጨማሪ ክ/ጦሩ የሜካናይዝድ ጦር ሙያተኞችን እና የመገናኛ ኦፕሬተር ሙያተኞችን አሰልጥኖ አስመርቋል። በዛሬዉ እለት ማለትም መስከረም 10/2019 ዓ.ም /#የኢትዮጵያ_ህዝባዊ_ኃይሎች_ትብብር_ለህልዉና /ትብብር ጥምረት ይፋ በሆነበት ዕለት የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር ለአንድ አመት ያክል በክ/ጦሩ ጤና መምሪያ ኃላፊ ዶክተር ይታያል ገበየሁ አማካኝነት የሰለጠኑ 19 የመጀመሪያ ህክምና እርዳታ ሰጭ/first aid/ አባላትን እና የሜዲካል ህክምና አገልግሎት የሚሰጡ አባላትን የኮር እና የክ/ጦሩ ከፍተኛ አመራሮች በተገኙበት በደማቅ ሁኔታ አስመርቋል። አዲስ ትዉልድ፣አዲስ አስተሳሰብ፣አዲስ ተስፋ!!! የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር ህ/ግንኙነት መስከረም 10/2019 ዓ.ም Yakob Getahun
21 Sen, 03:41

በሕዝብ ጽናትና በማያቋርጥ ጥቃት፡ አገዛዙን አስገድዶ የደራ ወረዳ ሁለት ከተሞችን ፋኖ ተቆጣጠረ። ​        መስከረም 11 ቀን 2019 ዓ.ም በሸዋ ጠቅላይ ግዛት መርሐቤቴ አውራጃ በደራ ወረዳ ተሰማርቶ የነበረው የአገዛዙ ኃይል ላይ አፄ ዘርያዕቆብ 1ኛ ኮር በፈቃዱ በላይ ክ/ጦር ባደረሰበት የማያቋርጥ ጥቃትና በሕዝቡ ተቃውሞ ምክንያት የቱቲ እና የሠረርኩላ ከተሞችን ትናንት መስከረም 10/2019 ዓ.ም  ፋኖ መቆጣጠር መቻሉን የኮሩ ሕዝብ ግንኙነት ክፍል አስታወቀ ። የአካባቢው ሕዝብ በአገዛዙ ሥርዓት ይፈጸምበት የነበረውን ግፍ፣ የንብረት ዘረፋና ኢኮኖሚያዊ ውድመት በመቃወም ላለፉት ጊዜያት በጽናት ሲታገል ቆይቷል። ይህንኑ የሕዝብ ብስጭትና ቁጣ መነሻ በማድረግ፣ በሸዋ ጠቅላይ ግዛት አሳምነው (5ኛ) ዕዝ አፄ ዘርያዕቆብ 1ኛ ኮር ሥር የሚገኘው በፈቃዱ በላይ ክፍለ ጦር ተደጋጋሚ ውጊያና ከአካባቢው ህዝብ ጋር የተቀናጀ ስልታዊ ጥቃት በመፈፀም አገዛዙን አስገድዶ ከሁለት ከተሞች አስወጥቷል። የክ/ጦሩ አባላት ከተሞቹ ባሉበት ቀጠና ያካሄዱት ተከታታይና ረፍት የነሳ ወታደራዊ ኦፕሬሽን፣ በማድረግ የአገዛዙ ኃይል አካባቢውን ለቆ እንዲወጣ ዋነኛ ምክንያት መሆኑ ተጠቅሷል። የጀግኖቹን ክንድና የሕዝቡን የብሶት ጫና መቋቋም ያቃተው የአገዛዙ ሠራዊት፡ ከመዋጋት ይልቅ ንብረት ዘርፎና የንጹሐንን ደም አፍስሶ መፈርጠጥ አማራጭ አድርጎ መጠቀሙ ተመላክቷል። በዚህ የተቀናጀ ስልታዊ እንቅስቃሴ፤ ሁለቱ ከተሞች ያለ መስዋዕትነት በወገን ክፍለ ጦር ሙሉ ቁጥጥር ሥር መዋላቸው ሲረጋገጥ፣ የቱቲ እና የሠረርኩላ ነዋሪዎች፥ ጨቋኙን አገዛዝ ለማስወገድ ያሳዩት ከፍተኛ ትብብርና ጽንዓት ለሌሎች አካባቢዎች አብነት የሚሆን መሆኑንም አመላክቷል። በአሁኑ ወቅት የፋኖ ሰራዊት አባላት ከተሞቹን ለተጨማሪ ውድመትና ዘረፋ እንዳይጋለጡ በማድረግና ያለስጋት ህዝቡ እንዲቀሳቀስና የአካባቢያቸውን ሰላምና ጸጥታ የማረጋጋት ሥራ በሙሉ ኃላፊነት እያከናወኑ እደሚገኙ አሳውቋል።    "  ክብር ለትግሉ ሰማዕታት! "  ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው (5ኛ) ዕዝ ሕዝብ ግንኙነት መምሪያ
21 Sen, 01:33

#ሻለቃ_ሰማኝ_አማረ ሞት አይፈሬው የመስከረም ሰማዕት ሲታወስ! ፈሪ እና ተራራ ዘላለም ይኖራል፣ ጀግና ብርሌ ነው ሳይቆይ ይሰበራል። ሞትን እየናቁ ጠላትን እያነቁ የንፁሓንን ደም እየመለሱ የሚያርፉት ጀግኖች ጥለውብን የሄዱትን አደራ መርሳት የለብንም:: እነሱ ለነፃነት የሚከፈለውን ዋጋ ከፍለው አርአያ ሆነውናል:: የተሰውበትን እለት ስናስታውስ ቃላችንን በማደስ ይበልጥ ትግሉ ሰምሮ ህልማቸውን በማሳካት የአማራ ህዝብን ነጻነት ስናረጋግጥ ያኔ የሰማዕታትን አደራ እንደተወጣን ይቆጠራል:: የተሰውለትን የህልውና ጥያቄ ማስመለስ የኛ የቀሪዎች ግደታ ነው:: በአማራ ህዝብ የህልውና ትግል ሂደትም ተመርጠው ተመርጠው ጀግኖች እና ሀቀኞች ሂደዋል:: ከዚሁ ጋር በተያያዘ የዛሬ ሶስት ዓመት ማለትም #መስከረም 11 ቀን 2016 ዓ.ም ነበር በቀውጢ ጦርነት መሀል ገብቶ የልቡን ሰርቶ #ሻለቃ_ሰማኝ_አማረ የተሰዋው:: "እኔ ልሙት እናንተ ኑሩ" ባዩ ሻለቃ #ሰማኝ_አማረ የጀግናው ሰማዕት #አርበኛ_እሸት_ምስጋናው ስም መዘከሪያ ይሆን ዘንድ  መስከረም 1 ቀን 2016 ዓ.ም የተቋቋመው እሸት ክፍለ ጦር አዛዥ ሁን ሲባል: "እኔ መዋጋት ነው የምፈልገው እንጅ አዛዥ መሆን አልፈልግም" ማለቱ ይታወሳል:: በስንት ልመና የአዛዥነት ቦታውን እንድይዝ የተደረገውም ከእሱ የበለጠ የሰማዕታትን አደራ ተሸካሚ እውነተኛ ጀግና ስለማይኖር እሱ ይምራን ብሎ ሰራዊቱ ስለወሰነና ሻለቃ ሰማኝን አብልጦ ስለወደደው እንዲሁም ከፊት እየበረረ እየገባ ያለ ጊዜው ይሞትብናል ብሎ የዛኔዉ ላስታ ጄኔራል አሳምነው ፅጌ ኮር የአሁኑ 13ኛ ኮር የሻለቃውን ህይወት ለማቆየት አዛዥ ማድረግ ይሻላል ብሎ ስለወሰነ ነበር:: ከሰራዊት ፊት ሁሌም ተገኝቶ ዘሎ ወደ ጠላት የመግደያ ቦታ የሚገባው ውሽንፍሩ እና ሞት አይፈሬው ጀግና መስከረም 11 ቀን 2016 ዓ.ም ከጠላት ጋር አንገት ላንገት ተናንቆ በርካታ ጠላትን እስከወዲያኛው ሸኝቶ በጀግንነት ነው የተሰዋው::   በሰሜን ወሎ ላስታ ወረዳ ግራኝ አምባ ግንባር በእለቱ በተካሄደ ውጊያ ሻለቃ ሰማኝ አማረ እንደ ወትሮው የፊታውራሪነት ሚና የተጫወተ ሲሆን በዚህም 12 ክላሽ እና 3 መገናኛ ሬዲዮ በመማረክ 1 የሻለቃ አዛዥ እና 3 የሻንበል መሪዎችን ከበርካታ ወታደሮች ጋር ደምስሶ ለቀሪዎች ጀግንነትን እና ድፍረትን እንዲሁም አሳምነውነትን አስተምሮ አልፏል:: በውጊያዎች ላይም በመሪነት እና ተዋጊነት ተሳትፎ አስደማሚ ጀብዱ የፈፀመው ሻለቃ ሰማኝ አማረ ሞትን ንቀው በጀግንነት ከሚታገሉ ትክክለኛ የአሳምነው ጥሪቶች አንዱ ነበር:: #ክብርና_ሞገስ_ለትግሉ_ሰማዕታት!
21 Sen, 01:32

ኮማንደር ክብረት የፌዴራል ፖሊስ ፈጥኖ መምሪያ ሬጅመንት አዛዥ በመተሃራ እና ወለንጭቲ መካከል ሲንቀሳቀስ ከነ ሙሉ ሰራዊቱ ተደምስሷል። በአለፉት ሁለት ሳምንታት የተለየ ወታደራዊ ዝግጅነትን ከተጠና የመረጃ ድጋፍ ጋር እንቅስቃሴ የጀመረው የፌዴራል ፖሊስ ከአዲስ አበባ በወፍ በረር 110 ኪ.ሜ እርቀት ላይ ሰራዊቱ ድባቅ ተመቷል። ሽመልስ አብዲሳም ሆነ አብይ አህመድ የኦሮሞን ህዝብ የመጨረሻ መደበቂያ ለማድረግ አርሶአደሩ ጠመንጃ አዝዘዋል። ይህ የመጨረሻ የአገዛዙ ጡዘት አዲስ አበባ ተጨማሪ ጭንቀት ፈጥሯል።
21 Sen, 01:21

ሰበር መግለጫ:-ጥምረቱ ይፋ ሆነ - አስደንጋጭ መግለጫ /ተሰጠአፋብን፤ኦነሰ፤ህወሓት፤ኦብነግ፤ኡጉጉሞ፤ቤህነን፤ጉህዴን 👇👇👇👇👇👇👇
20 Sen, 10:36

*ከኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና) የተሰጠ መግለጫ*  ኢትዮጵያ በብልጽግና ግለሰባዊ አምባገነናዊ ዘረ-ፈጅ አገዛዝ እጅ ከወደቀችበት ጊዜ ጀምሮ ዋነኛ መገለጫዋ፡ ጦርነት፣ የዘር ፍጅትና እልቂት እንዲሁም ፍፁም ድህነት ሆነዋል። ሀገሪቱ ሕግና ሥርዓት የፈረሰባት፣ ሚሊየኖች የከፋ ድህነት ውስጥ የወደቁባትና የተፈናቀሉባት፣ ለዜጎቿ የሚሆን ተስፋ የጠፋባት፣ ልዩ ልዩ መንግሥታዊ ሀገር አጥፊ ጦርነቶች የሚታወጁባት፣ አምባገነናዊ አገዛዝ የተጫነባት እና እንደሀገር ከወደቀ ሀገረ-መንግስትነት አልፋ የመፍረስ አደጋ የተጋረጠባት እንዲሁም በቀጠናውና በዓለም አቀፍ ደረጃም በፖለቲካዊ፣ በኢኮኖሚዊ እና በዲፕሎማሲያዊ ጉዳዮች ወደጠርዝ የተገፋችና ተሰሚነቷን ያጣች ሀገር ሆናለች። አገዛዙ በተዛባ ትርክትና በፀረ-ሕዝብ መንግስታዊ መዋቅር ላይ የቆመ፣ ከምክንያትና ከእውነት፣ ከእኩልነትና ከሕዝቦች አሳታፊነት፣ ከፍትሕና ከነጻነት፣ ከሕዝብ ክብርና ከሀገር ሉዓላዊነት ጋር የተጣላ ሰላማዊና ገንቢ መንገዶችን የማይከተል ስለሆነ ሀገሪቱንና ሕዝቦቿን እየበላ ያለውን ጦርነት የመግታት፣ ዘላቂ ሰላም የማምጣት፣ የዜጎችን መብትና ነጻነት የማረጋገጥ፣ ሕግና ሥርዓትን የማስፈን፣ የሕዝቦችን መከራና ሰቆቃ እንዲሁም ድህነትንና ኋላቀርነትን የማስቆም ፍላጎትና አቅም የለውም። ይህ አምባገነናዊ ዘረ-ፈጅ አገዛዝ እኩይ ዓላማውን ለማሳካት ለውጭ ኃይላት ቅጥረኛ በመሆን የሕዝቦችን ጥቅም በመሸጥ ሀገሪቱን ተላላኪና ጥገኛ ሀገር አድርጓት ይገኛል።  በመሆኑም የኢትዮጵያ ሕዝቦች ሕልውና የሚገደን ሕዝባዊ ኃይሎች ይሄንን አገዛዝ በመገርሰስ የሁሉንም ብሔሮች፣ ብሔረሰቦችና ሕዝቦች ሕልውና የማስከበርና አዲስ ምዕራፍ የመክፈት ታሪካዊ ኃላፊነት ወድቆብናል። የሕዝባዊ ኃይሎች ታሪካዊ ተልዕኮና የመጀመሪያ ግብም የታወጀብንን የከፋ ጦርነት በጋራ በመከላከል፣ የሕዝቦቻችን ሕልውናና የሀገሪቱን ደኅንነት አደጋ ውስጥ የከተተውን የብልጽግና ግለሰባዊ አምባገነናዊ ሥርዓት በማስወገድ በሽግግር ቻርተር የሚመራ አካታች የሽግግር መንግሥት እንዲመሰረት በማድረግ የሁሉም ኢትዮጵያዊያንን ሰብአዊና ዲሞክራሲያዊ መብቶች ሳይሸራረፉ እንዲረጋገጡ የሚያስችል አዲስ የሽግግር ምዕራፍ እንዲከፈት ማድረግ ነው። ከአገዛዙ ውድቀት በኋላ የሚከፈተው የሽግግር ምዕራፍ ዋና ዓላማም፦ 1. የሕዝቦችን ሕልውናና የሀገርን ደኅንነት መታደግ፣ ሁሉንም ጦርነቶች ማስቆም፣ ሰብአዊና ዲሞክራሲያዊ መብቶች ማረጋገጥ፣ ሰላምና ፀጥታን ማስጠበቅ፣ ማሕበራዊና ኢኮኖሚያዊ ቀውስን ማረጋጋት፣ ከጎረቤት ሀገራት ጋር ያለውን ግንኙነት ማሻሻልና የሀገሪቱን ቀጠናዊና ዓለም አቀፋዊ ቁመና ማስተካከል፤ 2. ለሀገሪቱ ሰላምና ለሕዝቦች ቀጣይ ሕልውና ሲባል ሀቀኛ፣ ታማኝ፣ ሁሉንም ያካተተና ያሳተፈ ሕዝባዊና ሕገ መንግሥታዊ ውይይት (Constitutional Dialogue) በማድረግ ወሳኝ ሕዝባዊና ሀገራዊ ጥያቄዎችን በሕዝቦች ቀጥተኛ ተሳትፎ መመለስ ይሆናል። በመሆኑም የብልጽግናን ግለሰባዊ አምባገነናዊ ዘረ-ፈጅ አገዛዝን ለማስወገድ፣ የሕዝቦቻችንን ሕልውናና ደኅንነት ለማረጋገጥ፣ አካታች የሽግግር መንግሥት እንዲመሰረት ለማድረግ ሕዝባዊ ድርጅታዊ አቅሞቻችንን አስተባብረን አዲስ ዴሞክራሲያዊ የሽግግር ምዕራፍ ለመክፈት እና በመካከላችን ያሉ ልዩነቶችን በሕዝቦቻችን ነጻ ፍላጎት፣ በመርህና በሕጋዊ ሥርዓት ተመስርቶ በሰላማዊ መንገድ ለመፍታት በመስማማት ከታች ሥማችን የተዘረዘረው ሕዝባዊ ኃይሎች ማለትም፦  1. የአማራ ፋኖ ብሔራዊ ንቅናቄ (አፋብን)                 2. የኦሮሞ ነጻነት ሰራዊት (ኦነግ-ኦነሰ)                     3. ህዝባዊ ወያነ ሓርነት ትግራይ (ህወሓት) 4. የኦጋዴን ሕዝብ ነጻነት ግንባር (ኦብነግ)  5. የአፋር ብሔራዊ አንድነት አብዮታዊ ግንባር (ኡጉጉሞ)    6. የቤኒሻንጉል ሕዝቦች ነጻነት ንቅናቄ (ቤህነን)             7. የጉምዝ ሕዝቦች ዴሞክራሲያዊ ንቅናቄ (ጉህዴን) *የኢትዮጵያ ሕዝባዊ ኃይሎች ትብብር ለሕልውና* (በአጭሩ ሲጠቀስ፡ *ትብብር ለሕልውና* ) የተባለ የጋራ ትብብር መስርተናል።  ከብዙ ጥረትና ውጣ ውረድ በኋላ የኢትዮዽያ ሕዝብ በጉጉት ሲጠብቀው ለነበረው ለዚህ ታላቅና ወሳኝ ትብብር በመብቃታችን የተሰማን ደስታ ከፍተኛ መሆኑን እየገለጽን የሚከተሉትን ጥሪዎች በዚህ አጋጣሚ ለማስተላለፍ እንወዳለን። 1. *ለሁሉም ኢትዮጵያዊያን፣ ሲቪክ ማህበራትና የፖለቲካ ድርጅቶች፦* አገዛዙ የሁሉንም የኢትዮጵያ ሕዝቦች ሕልውና ለማጥፋት ቆርጦ የተነሳ ኃይል መሆኑን በመረዳት የትብብሩን ዓላማና የትግል መንገድ የምትቀበሉ ኢትዮጵያዊ ሕዝባዊ ኃይሎች፣ ሲቪክ ማህበራትና የፖለቲካ ድርጅቶች የሕልውና ትግላችን አጋር አካል እንድትሆኑ ጥሪያችንን በአክብሮት እናቀርባለን።   2. *ለአገዛዙ ታጣቂ ኃይሎችና አመራሮች፦* የምታገለግሉት አገዛዝ በኢትዮጵያ ሕዝቦች ላይ የሕልውና አደጋ የጋረጠ፣ ፀረ-ሕዝብ፣ ፀረ-ሰላም፣ ፀረ-ዴሞክራሲ እና ዘረ-ፈጅ መሆኑን ተረድታችሁ ጊዜው ሳይረፍድ ሕዝባችሁንና ሀገራችሁን ለማዳን የሚካሄደው ትግል አጋርና አካል እንድትሆኑ ጥሪያችንን እናቀርባለን፤ 3. *ለጎረቤት ሀገራት፣ ለአፍሪካ ሀገራትና ለዓለም አቀፉ ማህበረሰብ፦* በስልጣን ላይ የሚገኘው ዘረ-ፈጅ አገዛዝ ከሕዝብ የተነጠለ፣ በኢትዮጵያም ሆነ በአፍሪካ ቀንድ ሰላምና መረጋጋትን የማስፈን አቅምም ሆነ ፍላጐት የሌለው፣ በሕዝብ ትግል ከስልጣን ሊወገድም የተቃረበ የመሸበት አገዛዝ መሆኑን በመረዳት ከሕዝቦች፣ ከፍትሕና ከዴሞክራሲ ጎን እንድትቆሙ ጥሪ እናቀርባለን። *የኢትዮጵያ ሕዝባዊ ኃይሎች ትብብር ለሕልውና (ትብብር ለሕልውና)* *መስከረም 10/2019 ዓ.ም*              *ኢትዮጵያ*
20 Sen, 10:08

photo content
+2
20 Sen, 10:08

የተከበራችሁ የኢትዮጵያ ህዝቦች በፋሽስታዊ ዕሳቤ ለትውልዶች የተደገሰውን የህዝብ ለህዝብ ጦርነት የሚቋጭ በህዝባዊነት እና ቅንነት የታሰረው ትብብር እውን ሆኗል። የኢትዮጵያ ህዝባዊ ሀይሎች ትብብር ለ
የተከበራችሁ የኢትዮጵያ ህዝቦች በፋሽስታዊ ዕሳቤ ለትውልዶች የተደገሰውን የህዝብ ለህዝብ ጦርነት የሚቋጭ በህዝባዊነት እና ቅንነት የታሰረው ትብብር እውን ሆኗል። የኢትዮጵያ ህዝባዊ ሀይሎች ትብብር ለህልውና [ትብብር ለህልውና] የተሰጠ መግለጫ ከደቂቃዎች በኋላ ስለሚቀርብ በትዕግሥት እንድትጠብቁን ከወዲሁ እናሳስባለን። የአማራ ፋኖ ብሔራዊ ንቅናቄ (አፋብን)
20 Sen, 09:48

አንተን አለማድነቅ አይቻልም ትችላለህ
አንተን አለማድነቅ አይቻልም ትችላለህ
20 Sen, 09:43

#Lodging.........Lodging......Lodging #Lodging.........Lodging......Lodging #Lodging.........Lodging......Lodging #Lodging.........Lodging......Lodging #Lodging.........Lodging......Lodging #Lodging.........Lodging......Lodging
20 Sen, 08:45

ሰበር ሰበር!! የድል ዜና!! ዛሬ ማለትም በ10/01/2019 ዓ.ም እረፋዱን በተጀመረው የሞት ሽረት፤ የጠላትን ምሽግ ሰብሮ ለመግባት በተደረገ የተፏፏመ አውደውጊያ ከተለያዩ ክፍለጦሮች የተውጣጡ አጥቂ ተወርዋሪና ተወንጫፊ  በመሆን የአለፋዋ ፈርጥ በሆነችው የሻሁራ ከተማ ከባድ ውጊያ በመክፈት ዙሪያዋን ከበው የጠላትን አራዊት መከላከያ ሰራዊት አድማ ብተና ሚሊሻና ተላላኪ ባንዳ ሁሉ እያስጨነቁት ይገኛሉ። በዚህም አውደ ውጊያ የጠላት ሀይል መውጫ መግቢያ ጠፍቶት እየተርበደበደና አውጡኝ አዱኑኝ እያለ ለማፈግፈጊያ የሚሆን ቦታ አጥቶ ምርኮኛ ለመሆንና ምርኮ ለማስረከብ የተረካቢ ያለሽ እየለ እንደሆኑ እየሰማን ነው። ጀግኖች የሴንትራል ኮማንድ የበላይ ዘለቀ 3ተኛ ዕዝ የመይሳው ካሳ 2ተኛ ኮር አድዋ ክፍለጦር ፣16ተኛ ልባርጋቸው ሙጬ ክፍለጦር ፣ በመይሳው ካሳ 2ተኛ ኮር ስር የምትገኝው በነ አርበኛ አሌ መጋቢያው የምትመራው አይሸሽም ብርጌድ የቴዎድሮስ 2ተኛ ዕዝ 105ኛ ኮር የ55ኛ ክ/ር ተወርዋሪ ከጀብደኞች ጀግና የጦር ፊታውራሪዎች በጋራ በመሆን አመድ እያደረጉት ይገኛሉ። አፋብን በላይዘለቀ 3ኛ ዕዝ ሴንተራል ኮማንድ መይሳውካሳ (፪ኛ) ኮር የህ/ግ       መስከረም 10/209
20 Sen, 07:53
20 Sen, ~14:50

የምኒልክ 1ኛ ዕዝ 16ኛ ኮር ከጠላት ካንፕ ድረስ ተስበዉ በመግባት በአገዛዙ ሰራዊት ላይ የማያዳግም እርምጃ በመዉሰድ ድልን ተጎናጸፉ ። ምኒልክ 1ኛ ዕዝ 16ኛ ኮር ከ161ኛ ክፍለጦር በተዉጣጡ ፋኖወች መብረቃዊ ጠቃት ከ15 በላይ የሚሆን የጠላትን ኃይል እስከወዲያኛዉ ሲደመስሱት ከ24በላይ የሚሆነዉን ቁስለኛ በማድረግ አንፀባራቂ ድል ተቀዳጅተዋል። ዛሬ ማለትም መስከረም 10/2019 ዓ.ም በመቄት ወረዳ ወቄጣ ከተማ  መሽጎ በነበረ የጠላት ሰራዊት ከምኒልክ 1ኛ ዕዝ 16ኛ ኮር 161ኛ ክፍለጦር የተዉጣጡ ፋኖወች ከጠላት ካምፕ ድረስ ተስበው በመግባት ከ15 በላይ የሚሆነዉን የጠላት ሰራዊት ሲደመስሱ ፤ ከ24 በላይ የሚሆነዉን ቁስለኛ ማድረግ ሲቻል፣ በርካታ የነፋስወከፍ መሳሪያዎች በፋኖወቹ ክንድ የገባ ሲሆን ከሞት የተረፈዉ የነፍስ አውጭኙን ፈርጥጧል ሲል የ16ኛ ኮር ቃል አቀባይ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን መምሪያ! መስከረም፦ 10/ 2019 ዓ/ም
20 Sen, 07:29