Aplus Hustler

ከአጭበርባሪዎች ተጠንቀቁ! . . . ኢትዮጵያ ውስጥ ቀላሉ ስራ ማገት እና ማጭበርበር ሳይሆን አይቀርም። አጋቾች እና አጭበርባሪዎች በመንግስት ባንኮች ሳይቀር ገንዘብ የመሰብሰብ፣ የመቆጠብ፣ የመጠቀም . . . መብት አላቸው። 😥 ህዝባችን ለመጭበርበር በጣም ምቹ መሆኑ ደግሞ ችግሩን ሰፊ እና ውስብስብ አድርጎታል። ማንነቱን ለማያውቁት ሰው 100ሺዎች ሲልኩ ውለው አድረው ቀውስ ውስጥ የሚወድቁ የማይመስሉ ዜጎች እጅግ ብዙ ናቸው። አጭበርባሪዎችም ለትንንሽ ክፍያዎች ቃላቸውን ከማክበር ጀምሮ ታማኝ ለመምሰል የማይጠቀሙት የማስመሰያ ስልት የለም። ለአብነት በተያያዘው #Screenshot Address Bar ላይ በሚታየው የድረ-ገጹ አድራሻ jhgfdey.com/m/index ይላል። “Alibaba” መስሎ የተዘጋጀ የውሸት የኢ-ኮሜርስ ድረገጽ ነው። በተለምዶ “Online Task Scam” ወይም “Order-Grabbing” በሚባሉ የቅድሚያ ገንዘብ ማስገቢያ ማጭበርበሮች ጥቅም ላይ የሚውል ነው። መጀመሪያ ቃላቸውን በማክበር ያጠምዳሉ፤ በቂ እምነት አግኝተው በ100K ዎች የሚቆጠር ገንዘብ ሲገባላቸው ደግሞ ዱካቸውን ያጠፋሉ። . . . ይህ ድረ ገጽ ለምን የአጭበርባሪዎች ሆነ❓ 🔴 1. የውሸት ዶሜይን (Fake Domain) በላይኛው የአድራሻ ክፍል ላይ የሚታየው ትክክለኛ የድረ-ገጹ አድራሻ jhgfdey.com ነው። ይህ አድራሻ ከኦፊሴላዊው Alibaba Group ጋር ግንኙነት የለውም። አጭበርባሪዎች ብዙውን ጊዜ በዘፈቀደ ፊደላት የተሞሉ ርካሽ ዶሜይኖችን በመመዝገብ ህጋዊ የግብይት መድረክ ያስመስላሉ። 🔴 2. አሳሳች የምርት ስምና አርማ ተጠቅመዋል። ገጹ የAlibabaን ስምና አርማ ከኢትዮጵያ ባንዲራ ጋር በማቀናጀት፣ ተጠቃሚዎች ይህ በኢትዮጵያ የተፈቀደ ወይም ከAlibaba ጋር የተገናኘ ኦፊሴላዊ ድረገጽ ለማስመሰል ሞክረዋል። 🔴 3. “Order Grabbing” የተባለው የማጭበርበር ዘዴ ነው። በገጹ ላይ እንደ 2,638,593.09 ብር የመሳሰሉ ከፍተኛ የሂሳብ ቀሪ ገንዘቦችን በማሳየት፣ “ገንዘብዎን በፍጥነት ያውጡ”፣ “ዕለታዊ ገቢ” እና መሰል አማራጮችን ያቀርባል። እነዚህ በTask-Based Commission Scam ውስጥ በተደጋጋሚ የሚታዩ የተለመዱ የማጭበርበር ዘዴዎች ናቸው። 🔴 4. እንደነዚህ ዓይነት ድረ-ገጾች በቀላል ተግባራት ከፍተኛ ትርፍ እያገኙ እንደሆነ በስክሪኑ ላይ ማሳየት የማሳመኛ ዋናው ወጥመድ ነው። ነገር ግን የሚታየውን ገንዘብ ለማውጣት ሲሞክሩ “ግብር”፣ “የአገልግሎት ክፍያ”፣ “የሂሳብ ማረጋገጫ”፣ "ለማውጣት ሙሉት/ጭጨምርሩ*" ወይም “VIP Upgrade” በሚል ምክንያት ተጨማሪ እውነተኛ ገንዘብ እንዲያስገቡ ይጠይቃሉ። ክፍያውን ካደረጉ በኋላም ሌላ ክፍያ ሊጠይቁ ወይም ግንኙነታቸውን ሊያቋርጡ ይችላሉ። ⚠️ አሁኑኑ ምን ማድረግ ይገባዎታል? ❌ አንዴ ከተጭበረበራችሁ ምንም ተጨማሪ ገንዘብ አትላኩ። ገንዘባችሁን ለማውጣት በቅድሚያ ተጨማሪ ገንዘብ እንዲያስገቡ ከተጠየቃችሁ በፍጹም አታድርጉት። ❌ የግል እና የፋይናንስ መረጃችሁን በፍጹም አታስገቡ። የባንክ ሂሳብ መረጃ፣ Password፣ PIN፣ OTP፣ የመታወቂያ ሰነድ ወይም ሌላ ሚስጥራዊ መረጃ በዚህ ድረ-ገጽ ላይ ፈጽማችሁ አታስገቡ። ⚠️ “ቀላል Online Task በመስራት ከፍተኛ ገቢ” ከሚሉ አጭበርባሪዎች ተጠንቀቁ። በቀላሉ ስራ የሚገኝ ከፍተኛ ገቢ መቼም የትም ኖሮ አያውቅም፤ ወደፊትም አይኖርም። ህጋዊ የኢ-ኮሜርስ ወይም የWork-from-Home ሥራዎች ያገኙትን ኮሚሽን ለማውጣት በቅድሚያ ተጨማሪ ገንዘብ እንዲያስገቡ መጠየቃቸው ከፍተኛ የማጭበርበር ምልክት ነው። . . . 🚨 አስፈላጊ ጥያቄ ይህ ማስጠንቀቂያ የተጻፈው አንዲት ቤተሰቤ በዚህ ድረገጽ ለከፍተኛ መጨበርበር ከተጋለጠች በኋላ ሲሆን እናንተም "ብልህ ከሌሎች ሞኝ ከራሱ ስህተት ይማራል" የሚለውን አገራዊ ብሂል ልብ እንድትሉት በማሰብ ነው።