រដ្ឋបាលខេត្តកំពង់ចាម

ឯកឧត្តម​ អ៊ុន​ ចាន់ដា​ ជំរុញឲ្យមន្ត្រីគ្រប់លំដាប់ថ្នាក់ ខិតខំបម្រើសេវាសាធារណៈឲ្យបានល្អប្រសើរ ដើម្បីរក្សាបាននូវទំនុកចិត្ត និងការបន្តគាំទ្រពីប្រជាពលរដ្ឋ (កំពង់ចាម) ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការគណបក្សខេត្តកំពង់ចាម បានជំរុញឲ្យមន្ត្រីគ្រប់លំដាប់ថ្នាក់ ជាពិសេសមន្ត្រីនៅថ្នាក់មូលដ្ឋាន ត្រូវពង្រឹងកិច្ចខិតខំប្រឹងប្រែងក្នុងការបម្រើសេវាសាធារណៈឲ្យបានល្អប្រសើរ ដើម្បីរក្សាបាននូវទំនុកចិត្ត និងការបន្តគាំទ្រពីប្រជាពលរដ្ឋ មកលើគណបក្ស។ ថ្លែងបែបនេះ ក្នុងប្រជុំគណៈកម្មាធិការគណបក្សខេត្តកំពង់ចាម នាព្រឹកថ្ងៃទី២៧ ខែមិថុនា ឆ្នាំ២០២៦ នៅមន្ទីរគណបក្សខេត្ត ដោយមានការអញ្ជើញចូលរួមឯកឧត្តម អនុប្រធានគណបក្សខេត្ត, សមាជិកគណៈអចិន្ត្រៃយ៍, សមាជិកគណៈកម្មាធិការបាក់ខេត្ត និងមន្ត្រីបក្សពាក់ព័ន្ធមួយចំនួនទៀត។ ឯកឧត្តម​ ប្រធានគណៈកម្មាធិការបក្សខេត្ត ក៏បានជំរុញឲ្យ ថ្នាក់ដឹកនាំ និងមន្ត្រីគណបក្ស ពង្រឹងស្មារតីទទួលខុសត្រូវ និងការត្រៀមលក្ខណៈរបស់ថ្នាក់ដឹកនាំ និងសមាជិកគណបក្សគ្រប់លំដាប់ថ្នាក់ ដើម្បីអនុវត្តតួនាទី និងភារកិច្ចរបស់ខ្លួនឱ្យមានប្រសិទ្ធភាពខ្ពស់ ស្របទៅតាមទិសដៅ និងផែនការដែលគណបក្សបានដាក់ចេញប្រកបដោយប្រសិទ្ធភាពខ្ពស់។ ក្នុងនោះ ត្រូវបន្តពង្រឹងសាមគ្គីភាពផ្ទៃក្នុង បង្កើនទំនាក់ទំនងជិតស្និទ្ធ​ និងដោះស្រាយបញ្ហាប្រឈមនានាជូនប្រជាពលរដ្ឋឱ្យបានទាន់ពេលវេលា។ ឯកឧត្តម អ៊ុន ចាន់ដា ថ្លែងសង្កត់ធ្ងន់ថា សូមមន្ត្រីគណបក្សមូលដ្ឋានគ្រប់ជាន់ថ្នាក់ ធ្វើការប្តេជ្ញាចិត្ត ខិតខំប្រតិបត្តិឱ្យបានត្រឹមត្រូវ តាមកម្មវិធីនយោបាយ និងលក្ខន្តិកៈបទបញ្ជា ផ្ទៃក្នុងរបស់គណបក្ស ជាពិសេសចូលរួមគាំទ្រយ៉ាងពេញទំហឹងចំពោះមាគ៌ាដឹកនាំដ៏ត្រឹមត្រូវរបស់គណបក្សប្រជាជនកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រធានគណបក្ស និងជាប្រធានព្រឹទ្ធសភា នៃព្រះរាជាណាចក្រកម្ពុជា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រកម្ពុជា៕

គណៈកម្មាធិការបក្សខេត្តកំពង់ចាម ប្រារព្ធពិធីអបអរសាទរ❗ខួបអនុស្សាវរីយ៍ទី៧៥ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២៦) នៅព្រឹកថ្ងៃអាទិត្យទី២៧ ខែមិថុនា ឆ្នាំ២០២៦ គណៈកម្មាធិការគណបក្សប្រជាជនកម្ពុជាខេត្តកំពង់ចាម បានប្រារព្វពិធីអបអរសាទរ❗ខួបអនុស្សាវរីយ៍លើកទី៧៥ ថ្ងៃបង្កើតគណបក្សប្រជាជនកម្ពុជា ២៨ មិថុនា ១៩៥១-២៨ មិថុនា ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលកណបក្សប្រជាជនកម្ពុជា ប្រធានគណៈកម្មាធិការបក្សខេត្តកំពង់ចាម ដោយមានការអញ្ជើញចូលរួមពី ឯកឧត្តម អនុប្រធានគណបក្ស សមាជិកគណៈអចិន្ត្រៃយ៍ សមាជិកគណៈកម្មាធិការបក្សខេត្ត និងមន្ត្រីបក្សពាក់ព័ន្ធមួយចំនួនទៀត ស្ថិតនៅមន្ទីរគណបក្សខេត្ត។ គួររំលឹកថា ចាប់តាំងពីថ្ងៃបដិសន្ធិ គណបក្សប្រជាជនកម្ពុជា ដែលប្រសូតចេញពីចលនាតស៊ូប្រមូលផ្តុំកម្លាំងស្នេហាជាតិ បានប្រកាន់ខ្ជាប់ជានិច្ចនូវគោលបំណង និងឧត្តមគតិរបស់ខ្លួន គឺឈរនៅជាមួយប្រជាជន រួមសុខរួមទុក្ខគ្រប់កាលៈទេសៈ ហ៊ានពុះពារជម្នះគ្រប់ឧបសគ្គដោយមិនរុញរា ដើម្បីសម្រេចបាននូវសមិទ្ធផលប្រវត្តិសាស្ត្រដ៏មានតម្លៃកាត់ថ្លៃពុំបាន ជូនជាតិ មាតុភូមិ និងប្រជាជន ជាពិសេសការរំដោះជាតិ និងប្រជាជនពីរបបប្រល័យពូជសាសន៍ ប៉ុល ពត និងឈានឆ្ពោះទៅមុខលើមាគ៌ាដ៏ត្រឹមត្រូវ ក្នុងការស្តារ និងអភិវឌ្ឍកម្ពុជាឥតឈប់ឈរ។

អ្នកគ្រូ ជា សុខេមា បង្រៀននៅ វិទ្យាល័យ ហ៊ុន សែន កងតាណឹង ស្រុកកងមាស ថាមុននឹងចែករំលែកបន្តត្រូវមើលខ្លឹមសារព័ត៌មានឲ្យច្បាស់សិន JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X

លោក រិទ្ធិ អេង លាប សិស្សនៅវិទ្យាល័យហ៊ុនសែន ស្គន់ អំពាវនាវដល់សិស្សា នុសិស្ស បើកបរដោយប្រុងប្រយ័ត្ន និងគោរពច្បាប់ចរាចរណ៍ផ្លូវគោក។ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X

កញ្ញា នឿន ស្រីនាថ សិស្សរៀននៅសាលាវិទ្យាល័យហ៊ុនសែន ស្គន់ បានប្តេជ្ញាចិត្ត យកចំណេះដឹងពីច្បាប់ចរាចរណ៍ទៅផ្សព្វផ្សាយបន្តដល់មនុស្សជុំវិញខ្លួន ដើម្បីរួមគ្នាឆ្ពោះទៅកាត់បន្ថយគ្រោះថ្នាក់ចរាចរណ៍នៅកម្ពុជា។ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X

លោក ហ៊ត់ គឹងហុង នាយកវិទ្យាហ៊ុនសែន ស្គន់ ស្រុកជើងព្រៃ បានលើកឡើងថា ការបណ្តុះស្មារតីដល់សិស្សឲ្យគោរពច្បាប់ចរាចរណ៍ និងធ្វើឲ្យសង្គមជាតិមានអត្រាគ្រោះថ្នាក់ចរាចរណ៍កាន់តែទាប។ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X

លោក តូច ស៊ីវន ប្រធានការិយាល័យអប់រំស្រុកជើងព្រៃ ស្វាគមន៍ដល់អាជ្ញាធរពាក់ព័ន្ធ ដើម្បីរួមគ្នាបង្កើនការផ្សព្វផ្សាយច្បាប់ស្តីពីចរាចរណ៍ជូនសិស្សានុសិស្សឲ្យបានកាន់តែច្រើនទូទាំងខេត្តកំពង់ចាម។ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X

លោក ហេង វុទ្ធី អញ្ជើញដឹកនាំកិច្ចប្រជុំ ត្រួតពិនិត្យលើវឌ្ឍនភាពការងារ និងជំរុញឱ្យក្រុមការងារបង្កើនសកម្មភាព ឱ្យកាន់តែខ្លាំងខ្លា ប្រកបដោយប្រសិទ្ធភាព នៅថ្ងៃសៅរ៍ ទី២៧ ខែមិថុនា ឆ្នាំ២០២៦នេះ លោក ហេង វុទ្ធី ប្រធានក្រុមការងារចុះជួយឃុំទួលសំបួរ និងឃុំអារក្សត្នោតស្រុកស្ទឹងត្រង់ បានអញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស ឃុំទួលសំបួរ ប្រចាំខែឧសភា និងទិសដៅបន្ដ ។ ក្នុងកិច្ចប្រជុំនេះ ត្រូវបានត្រួតពិនិត្យ អំពីវឌ្ឃនាភាព នៃការកសាងសមាជិកគណបក្ស ក៏ដូចជាលទ្ធផលការងារដែលសម្រេចបាន និងការដាក់ទិសដៅបន្ដដូចខាងក្រោម: ១-លើយកបទសោធន៍ល្អៗ ហើយដាក់ចេញនូវការតម្រង់ទិស ២-លើកយកបញ្ហាប្រឈម ដែលបានដោះស្រាយ និងបន្កខិតខំដោះស្រាយ ប្រកបដោយប្រសិទ្ធភាព ៣-បន្តការចិញ្ចឹមចលនាគណបក្ស ៤-បន្ដពង្រឹងការធ្វើបច្ចុប្បន្នភាព និងការកសាងសមាជិកបក្ស ៥-បន្ដជំរុញ ការដឹកនាំ និងដោះស្រាយ រាល់សំណូមពររបស់ប្រជាពលរដ្ឋ ឱ្យបានឆាប់រហ័ស ៦-បង្កើនសកម្មភាព ក្នុងការចុះសួរសុខប្រជាពលរដ្ឋដល់តាមខ្នងផ្ទះ ដើម្បីសម្រួលដល់ការលំបាករបស់បងប្អូន ៧-បន្ដជំរុញការផ្សព្វផ្សាយដល់ប្រជាពលរដ្ឋ ឱ្យទៅចុះឈ្មោះបោះឆ្នោត និងពិនិត្យបញ្ជីឈ្មោះ ឱ្យបានគ្រប់ៗគ្នា ៨-ក្រុមការងារ ត្រូវពិនិត្យ និងធ្វើបច្ចុប្បន្នភាពលើផ្លាកគណបក្ស ដែលត្រូវបន្ថែមថ្មី និងខ្លះខូចខាត ដើម្បីផ្លាស់ប្ដូរថ្មីឡើងវិញ ៩-បន្ដការកសាងផែនការ សកម្មភាពឆ្ពោះទៅកាន់ការបោះឆ្នោត នាពេលខាងមុននេះ ។ ក្នុងឱកាសនោះដែរ លោក ហេង វុទ្ធី ក៏បានឧបត្ថម្ភថវិកាមួយចំនួន ជូនក្រុមការងារថ្នាក់មូលដ្ឋាន ចំនួន២៥នាក់ និងឧបត្ថម្ភសម្ភារៈ ព្រមទាំងឧបត្ថម្ភ ការចិញ្ចឹមចលនាគណបក្ស ផងដែរ ៕

សាររបស់សម្តេចអគ្គមហាសេនាបតីតេជោ​ ហ៊ុន​ សែន ប្រធានគណបក្សប្រជាជនកម្ពុជា​ ក្នុងទិវារំឭកខួបលេីកទី​ ៧៥​ នៃថ្ងៃបង្កេីតគណបក្សប្រជាជនកម្ពុជា(២៨​ មិថុនា​ ១៩៥១-២០២៦)។

អបអរសាទរ❗ខួបអនុស្សាវរីយ៍លើកទី៧៥ ថ្ងៃបង្កើតគណបក្សប្រជាជនកម្ពុជា ២៨ មិថុនា ១៩៥១-២៨ មិថុនា ២០២៥

អភិបាលខេត្តកំពង់ចាម និងតំណាងក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំត្រៀមរៀបចំពិធីសម្ពោធកំណាត់ផ្លូវជាតិលេខ៧ (កំពង់ចាម) នៅព្រឹកថ្ងៃសៅរ៍ ទី២៦ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងតំណាងក្រសួងសាធារណការ និងដឹកជញ្ជូន ដឹកនាំដោយឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យ ពិភាក្សា និងបែងចែកភារកិច្ច ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវគម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧ (ពីវង្វង់មូលស្គន់-ដល់ក្រុងកំពង់ចាម) ដែលពិធីនឹងប្រព្រឹត្តទៅនៅថ្ងៃទី៧ ខែកក្កដា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ នាឱកាសនោះ ឯកឧត្តម អ៊ុន ចាន់ដា អភិបាលខេត្ត បានណែនាំដល់កងកម្លាំងសមត្ថកិច្ចគ្រប់ប្រភេទ ត្រូវសហការគ្នាយ៉ាងម៉ឺងម៉ាត់បំផុត ក្នុងការរៀបចំផែនការការពារសន្តិសុខ សុវត្ថិភាព ព្រមទាំងសម្រួលចរាចរណ៍វាង ដើម្បីធានាបាននូវភាពរលូន និងជៀសវាងការកកស្ទះនៅថ្ងៃប្រារព្ធពិធី។ ឯកឧត្តម ក៏បានបន្ដ ណែនាំដល់ក្រុមការងារបច្ចេកទេស និងអាជ្ញាធរមូលដ្ឋាន ត្រូវបន្តសហការគ្នាជិតស្និទ្ធ ដើម្បីពន្លឿនការងារដែលសេសសល់ និងធានាថាពិធីសម្ពោធជាផ្លូវការខាងមុខនេះ នឹងប្រព្រឹត្តទៅដោយរលូន ជោគជ័យ និងមានសុវត្ថិភាពខ្ពស់បំផុត។ ឯកឧត្តម លឹម សុីដេនីន រដ្ឋលេខាធិការ បានថ្លែងថា ពិធីសម្ពោធជាផ្លូវការនេះ នឹងត្រូវប្រារព្ធឡើងនៅថ្ងៃទី៧ ខែកក្កដា ឆ្នាំ២០២៦ ខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ផ្អែកលើការរៀបចំទីតាំងរោងពិធី (ស្ថិតនៅភូមិព្រៃខ្ជាយ ឃុំសំរោង ស្រុកព្រៃឈរ)ដោយរំពឹងទុកថានឹងមានថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ លោកគ្រូ-អ្នកគ្រូ សិស្សានុសិស្ស និងបងប្អូនប្រជាពលរដ្ឋចូលរួម ប្រមាណ ៧.០០០នាក់៕

អភិបាលខេត្តកំពង់ចាម ចូលរួមជាមួយតំណាងក្រសួងសាធារណការ និងដឹកជញ្ជូន អញ្ជើញចុះពិនិត្យទីតាំងត្រៀមរៀបចំពិធីសម្ពោធកំណាត់ផ្លូវជាតិលេខ៧ (ស្គន់-ក្រុងកំពង់ចាម) (កំពង់ចាម) អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា នៅព្រឹកថ្ងៃសៅរ៍ទី២៧ ខែមិថុនា ឆ្នាំ២០២៦ នេះ បាន ដឹកនាំក្រុមការងារខេត្ត ចូលរួមជាមួយតំណាងក្រសួងសាធារណការ និងដឹកជញ្ជូន ដឹកនាំដោយ ឯកឧត្តម លឹម ស៊ីដេនីន រដ្ឋលេខាធិការ បានអញ្ជើញចុះពិនិត្យទីតាំងផ្ទាល់ ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវគម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧ ពីរង្វង់មូលស្គន់ ដល់ក្រុងកំពង់ចាម។ នាឱកាសនោះ ក្រុមការងារក្រសួង សាធារណការ និងដឹកជញ្ជូន រួមនិងថ្នាក់ដឹកនាំខេត្ត បានពិនិត្យពិភាក្សាលើការរៀបចំផ្នែកសោភ័ណភាព ខ្សែលំហរទីធ្លា និងការរៀបចំវេទិកា ដើម្បីធានាបាននូវភាពរៀបរយ និងស្របតាមពិធីការផ្លូវការ។ ជម្រុញការសម្អាតអនាម័យ បរិស្ថាន និងការតុបតែងលម្អតាមដងផ្លូវជាតិលេខ៧ ឱ្យបានស្អាតបាត និងមានរបៀបរៀបរយ។ ជាមួយគ្នានោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម ណែនាំដល់អាជ្ញាធរមូលដ្ឋាន និងកងកម្លាំងប្រដាប់អាវុធ ត្រូវសហការគ្នាជិតស្និទ្ធក្នុងការរៀបចំផែនការការពារសន្តិសុខ និងការសម្រួលចរាចរណ៍វាង ដើម្បីជៀសវាងការកកស្ទះនៅថ្ងៃប្រារព្ធពិធី។ បើតាម ក្រសួងសាធារណការ និងដឹកជញ្ជូន បានឲ្យដឹងថា កំណាត់ផ្លូវជាតិលេខ៧ ចាប់ពីរង្វង់មូលស្គន់ ដល់ក្រុងកំពង់ចាម គឺជាខ្សែផ្លូវសេដ្ឋកិច្ចដ៏មានសក្តានុពល ដែលការសម្ពោធដាក់ឱ្យប្រើប្រាស់ជាផ្លូវការខាងមុខនេះ នឹងក្លាយជាចំណងដៃដ៏ថ្លៃថ្លាជូនដល់ប្រជាពលរដ្ឋក្នុងការធ្វើដំណើរ និងការដឹកជញ្ជូនឱ្យកាន់តែមានភាពងាយស្រួល និងរហ័សទាន់ចិត្ត៕

អភិបាលស្រុងស្ទឹងត្រង់ ខេត្តកំពង់ចាម ដាក់ចេញវិធានការបន្ត បង្ក្រាប និងបង្ការទប់ស្កាត់ បញ្ហាក្មេងទំនើងក្នុងមូលដ្ឋាន

មន្ត្រីជំនាញខេត្តកំពង់ចាម ដុតបំផ្លាញសាច់បង្កក និងប្រហិតខូចគុណភាព

មន្ត្រីជំនាញខេត្តកំពង់ចាម ដុតបំផ្លាញសាច់បង្កក និងប្រហិតខូចគុណភាព