រដ្ឋបាលខេត្តកំពង់ចាម

សាខាសាកលវិទ្យាល័យគ្រប់គ្រង និងសេដ្ឋកិច្ច (UME) ខេត្តកំពង់ចាម ប្រារព្ធពិធីបើកបវេសនកាលឆ្នាំសិក្សាថ្មី ២០២៦–២០២៧ និងប្រគល់បណ្ណសរសើរជូននិស្សិតឆ្នើម ១៨៩ អង្គ/នាក់។ ក្រោមវត្តមានដ៏ខ្ពង់ខ្ពស់ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញ ជាអធិបតីក្នុងពិធីពិធីបើកបវេសនកាលថ្មីឆ្នាំសិក្សា២០២៦-២០២៧ និងប្រគល់បណ្ណសរសើរជូននិស្សិតឆ្នើម នៃសាខាសាកលវិទ្យាល័យគ្រប់គ្រង និងសេដ្ឋកិច្ច ខេត្តកំពង់ចាម នាថ្ងៃទី១ ខែវិច្ឆិកា ឆ្នាំ២០២៦។ ក្នុងពិធីនេះក៏មានការអញ្ជើញចូលរួមពីលោក អភិបាលរង នៃគណៈអភិបាលក្រុងកំពង់ចាម, អនុប្រធានមន្ទីរអប់រំ យុវជន និងកីឡាខេត្ត, នាយក នាយករង លោកគ្រូ អ្នកគ្រូ និងបុគ្គលិក ព្រមទាំងនិស្សិតជាច្រើនរូបផងដែរ នៃសាខាសាកលវិទ្យាល័យគ្រប់គ្រង និងសេដ្ឋកិច្ចខេត្តកំពង់ចាម(UME)។

លោក ហេង វុទ្ធី បានសម្ដែងការស្វាគមន៍យ៉ាងកក់ក្តៅ ប្រកបដោយភាពស្និទ្ធស្នាល និងក្ដីសោមនស្សរីករាយបំផុត ចំពោះសមាជិក-សមាជិកាថ្មី ចំនួន ២២រូប ដែលមានស្មារតី និងឆន្ទៈចូលរួមជីវភាព និងគាំទ្រយ៉ាងក្លៀវក្លា ជាមួយគណបក្សប្រជាជនកម្ពុជា    នៅថ្ងៃអាទិត្យ ទី១ ខែវិច្ឆិកា ឆ្នាំ២០២៦នេះ លោក ហេង វុទ្ធី ប្រធានក្រុមការងារចុះជួយឃុំអារក្សត្នោត និងឃុំទួលសំបួរ ស្រុកស្ទឹងត្រង់ បានអញ្ជើញក្នុងពិធីសំណេះសំណាល និងប្រកាសទទួលស្គាល់ សមាជិក-សមាជិកាថ្មី គណបក្សប្រជាជនកម្ពុជា ចំនួន ២២រូប ដែលមកពីគណបក្សផ្សេង នៅទីស្នាក់ការគណបក្សមូលដ្ឋាន ឃុំអារក្សត្នោត។ ស្ថិតក្នុងបរិយាកាសដ៏វិសេសវិសាលនេះ លោក ហេង វុទ្ធី បានថ្លែងក្នុងអង្គពិធីនោះថា ការកសាងគណបក្សនៅថ្នាក់មូលដ្ឋាន គឺជាការរួមសុខរួមទុក្ខ និងការរួមគ្នាសម្រេចជោគវាសនារបស់ប្រទេសជាតិ ដែលជាកាតព្វកិច្ចដ៏ថ្លៃថ្លារបស់ប្រជាពលរដ្ឋគ្រប់រូប ហើយវត្តមានរបស់សមាជិកថ្មីនេះគឺជាសក្ខីភាពបញ្ជាក់ពីការជឿជាក់ដ៏ក្លៀវក្លាលើគោលនយោបាយដ៏ត្រឹមត្រូវ និងឆន្ទៈមុះមុតរបស់គណបក្សប្រជាជនកម្ពុជា ក្នុងការបន្តដឹកនាំ កសាងប្រទេសជាតិ ឱ្យមានការរីកចម្រើនទ្វេរឡើង ក្រោមមគ្គុទេសដឹកនាំដ៏ឈ្លាសវៃ ប៉ិនប្រសព្វ ប្រកបដោយកិត្តបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាអនុប្រធានគណបក្ស ។ ជាមួយគ្នានេះ លោក ហេង វុទ្ធី បានសម្ដែងការស្វាគមន៍យ៉ាងកក់ក្តៅ ប្រកបដោយភាពស្និទ្ធស្នាល និងក្ដីសោមនស្សរីករាយបំផុត ចំពោះសមាជិក-សមាជិកាថ្មី ចំនួន ២២រូប ដែលមានស្មារតី និងឆន្ទៈចូលរួមជីវភាព និងគាំទ្រយ៉ាងក្លៀវក្លា ជាមួយគណបក្សប្រជាជនកម្ពុជានាពេលនេះ ។ ក្នុងឱកាសនោះដែរ លោក ហេង វុទ្ធី ក៏បាននាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត អនុប្រធានក្រុមការងារថ្នាក់ជាតិចុះជួយមូលដ្ឋានខេត្តកំពង់ចាម និងជាប្រធានក្រុមការងារចុះជួយស្រុកស្ទឹងត្រង់ ខេត្តកំពង់ចាម មានដូចជាគ្រឿងឧបភោគបរិភោគ និងថវិកាមួយចំនួន ចែកជូនដល់សមាជិកគណបក្សថ្មី ទាំង២២រូប និងបានឧបត្ថម្ភថវិកាសម្រាប់ការចិញ្ចឹមចលនាដល់ក្រុមការងារថ្នាក់មូលដ្ឋាន មួយចំនួនផ្សេងទៀត ផងដែរ ។

នាព្រឹកថ្ងៃទី១ ខែវិច្ឆិកា ឆ្នាំ២០២៦ លោក ប៊ិន ឡាដា អភិបាល នៃគណៈអភិបាលស្រុកស្រីសន្ធរ បានចូលរួមពិធីបើកបវេសនាកាលថ្មី ឆ្នាំសិក្សា ២០២៦-២០២៧ នៅវិទ្យាល័យស្រីសន្ធរ និងបានចាត់តាំងអភិបាលរង នៃគណៈអភិបាលស្រុក ចំនួន ៦រូប ចូលរួមក្នុងពិធីបើកបវេសនាកាលថ្មី នៅតាមវិទ្យាល័យទាំង ៦ ក្នុងមូលដ្ឋានស្រុកស្រីសន្ធរខេត្តកំពង់ចាម។ ក្នុងឱកាសនោះដែរ លោកអភិបាលស្រុក បានចាត់តាំងលោកមេឃុំ និងអាជ្ញាធរឃុំទាំង ១៤ ឃុំ ឱ្យចូលរួមសហការរៀបចំពិធីបើកបវេសនាកាលថ្មី ឆ្នាំសិក្សា ២០២៦-២០២៧ នៅតាមអនុវិទ្យាល័យទាំង ៩ និងសាលាបឋមសិក្សាទាំង ៣៩ ក្នុងមូលដ្ឋានស្រុកស្រីសន្ធរ ដោយមានការសហការជាមួយការិយាល័យអប់រំ យុវជន និងកីឡាស្រុក ព្រមទាំងគណៈគ្រប់គ្រងគ្រឹះស្ថានសិក្សា។ នៅតាមគ្រឹះស្ថានសិក្សាទាំងអស់ក៏បានរៀបចំផ្សព្វផ្សាយ និងអានសារលិខិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសបើកបវេសនាកាលថ្មី ឆ្នាំសិក្សា ២០២៦-២០២៧ ដើម្បីជម្រាបជូនដល់គណៈគ្រប់គ្រងសាលា លោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្ស អំពីសារៈសំខាន់នៃវិស័យអប់រំ និងការរួមចំណែករបស់គ្រប់ភាគីក្នុងការលើកកម្ពស់គុណភាពអប់រំនៅកម្ពុជា។ ទន្ទឹមនឹងនេះ ក៏មានការផ្សព្វផ្សាយ និងលើកទឹកចិត្តដល់សិស្សានុសិស្សទាំងអស់ឱ្យខិតខំសិក្សារៀនសូត្រ គោរពវិន័យ សីលធម៌ ប្រកាន់ខ្ជាប់នូវគុណធម៌ និងក្លាយជាកូនល្អ សិស្សល្អ​ មិត្តល្អ និងពលរដ្ឋល្អសម្រាប់សង្គមជាតិ។ ជាមួយគ្នានេះ ក៏បានសម្តែងនូវការកោតសរសើរ និងថ្លែងអំណរគុណចំពោះលោកគ្រូ អ្នកគ្រូទាំងអស់ ដែលបានខិតខំបំពេញតួនាទី និងភារកិច្ចក្នុងការបង្រៀន និងអប់រំ ដើម្បីបណ្តុះបណ្តាលធនធានមនុស្ស និងចូលរួមចំណែកអភិវឌ្ឍវិស័យអប់រំឱ្យកាន់តែរីកចម្រើន។ ជាមួយគ្នានេះ រដ្ឋបាលស្រុកបានយកចិត្តទុកដាក់សម្របសម្រួល និងជំរុញការថែរក្សាសន្តិសុខ សណ្តាប់ធ្នាប់ អនាម័យ និងបរិស្ថាននៅតាមគ្រឹះស្ថានសិក្សា ដើម្បីបង្កលក្ខណៈងាយស្រួល និងធានាឱ្យដំណើរការបង្រៀន និងរៀនប្រព្រឹត្តទៅដោយរលូន និងមានប្រសិទ្ធភាព។ សូមបញ្ជាក់ថា ក្នុងស្រុកស្រីសន្ធរមានគ្រឹះស្ថានសិក្សាសរុបចំនួន ៥៤ កន្លែង ក្នុងនោះមានវិទ្យាល័យចំនួន ៦ កន្លែង អនុវិទ្យាល័យចំនួន ៩ កន្លែង និងសាលាបឋមសិក្សាចំនួន ៣៩ កន្លែង ដែលរដ្ឋបាលស្រុកបានចាត់ចែងមន្ត្រី និងសម្របសម្រួលជាមួយអាជ្ញាធរឃុំ ដើម្បីចូលរួមរៀបចំពិធីបើកបវេសនាកាលថ្មី ឆ្នាំសិក្សា ២០២៦-២០២៧ នៅតាមគ្រឹះស្ថានសិក្សាទាំងអស់ក្នុងមូលដ្ឋានស្រុកផងដែរ។

នាព្រឹកថ្ងៃទី១ ខែវិច្ឆិកា ឆ្នាំ២០២៦ លោក ប៊ិន ឡាដា អភិបាល នៃគណៈអភិបាលស្រុកស្រីសន្ធរ បានចូលរួមពិធីបើកបវេសនាកាលថ្មី ឆ្នាំសិក្សា ២០២៦-២០២៧ នៅវិទ្យាល័យស្រីសន្ធរ និងបានចាត់តាំងអភិបាលរង នៃគណៈអភិបាលស្រុក ចំនួន ៦រូប ចូលរួមក្នុងពិធីបើកបវេសនាកាលថ្មី នៅតាមវិទ្យាល័យទាំង ៦ ក្នុងមូលដ្ឋានស្រុកស្រីសន្ធរខេត្តកំពង់ចាម។

អភិបាលខេត្តកំពង់ចាម ដឹកនាំគណៈប្រតិភូខេត្ត បំពេញទស្សនកិច្ចនៅខេត្តហៃណាន សាធារណរដ្ឋប្រជាមានិតចិន (កំពង់ចាម)៖ តបតាមការអញ្ជើញរបស់អភិបាលខេត្តហៃណាន សាធារណរដ្ឋប្រជាមានិតចិន នៅព្រឹកថ្ងៃអាទិត្យ ទី១ ខែវិច្ឆិកា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ បានដឹកនាំគណៈប្រតិភូខេត្ត អញ្ជើញបំពេញទស្សនកិច្ចនៅខេត្តហៃណាន សាធារណរដ្ឋប្រជាមានិតចិន ដែលជាខេត្តសម្ព័ន្ធមេត្រីភាព។ តាមផែនការ ដំណើរទស្សនកិច្ចនេះមានរយៈពេល ៥ថ្ងៃ ៤យប់ ដោយមានប្រតិភូអមដំណើររួមមាន ថ្នាក់ដឹកនាំខេត្ត ប្រធានមន្ទីរ អង្គភាព និងមន្ត្រីជំនាញពាក់ព័ន្ធ។ ក្នុងអំឡុងពេលបំពេញទស្សនកិច្ច គណៈប្រតិភូនឹងជួបពិភាក្សាការងារជាមួយថ្នាក់ដឹកនាំខេត្តហៃណាន ព្រមទាំងអញ្ជើញទស្សនកិច្ចតាមស្ថាប័ន និងទីតាំងសំខាន់ៗនានា ដើម្បីផ្លាស់ប្តូរបទពិសោធន៍ និងស្វែងរកឱកាសពង្រីកកិច្ចសហប្រតិបត្តិការរវាងខេត្តទាំងពីរ។ ដំណើរទស្សនកិច្ចនេះមានគោលបំណងពង្រឹងចំណងមិត្តភាព និងកិច្ចសហប្រតិបត្តិការរវាងខេត្តកំពង់ចាម និងខេត្តហៃណាន ព្រមទាំងជំរុញការផ្លាស់ប្តូរបទពិសោធន៍ និងកិច្ចសហការលើវិស័យកសិកម្ម សុខាភិបាល វិនិយោគ និងវិស័យពាក់ព័ន្ធផ្សេងៗទៀត។

អបអសាទរ ពិធីបវេសនកាលថ្មី​ ឆ្នាំ​សិក្សា​ ២០២៦-២០២៧ និងទិវារំលឹកគុណគ្រូបង្រៀន

អភិបាលខេត្តកំពង់ចាម អញ្ជើញចូលរួមពិធីសូត្រមន្ត ចម្រើនព្រះបរិត្ត ក្នុងពិធីបុណ្យកឋិនទានសាមគ្គី ក្រសួងមហាផ្ទៃ (ភ្នំពេញ)៖ នារសៀលថ្ងៃទី៣១ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមពិធីសូត្រមន្ត ចម្រើនព្រះបរិត្ត ក្នុងពិធីបុណ្យកឋិនទានសាមគ្គី ក្រសួងមហាផ្ទៃ ដង្ហែវេរប្រគេនព្រះសង្ឃចំនួន ៥ វត្ត ក្រោមអធិបតីភាពដ៏ខ្ពង់ខ្ពស់របស់សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ញ៉ែម សាខន ស ខេង, ឯកឧត្តម កែ គឹមយ៉ាន ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ម៉ៅ ម៉ាល័យ កែ គឹមយ៉ាន និងឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅរាជធានីភ្នំពេញ។ អង្គកឋិនទានសាមគ្គី ក្រសួងមហាផ្ទៃ នឹងដង្ហែទៅកាន់វត្តចំនួន ៥ រួមមាន៖ វត្តចន្ទប្បជោត្តនារាម (ហៅវត្តតាសុត) ស្ថិតក្នុងស្រុករលាប្អៀរ ខេត្តកំពង់ឆ្នាំង, វត្តចតុទិស ស្ថិតក្នុងស្រុកពញាឮ ខេត្តកណ្តាល, វត្តសំសមី ស្ថិតក្នុងក្រុងព្រៃវែង ខេត្តព្រៃវែង, វត្តពោធិរតនារាម (ហៅវត្តត្នោត) ស្ថិតក្នុងស្រុកពោធិ៍រៀង ខេត្តព្រៃវែង, វត្តភ្នំព្រះ ស្ថិតក្នុងស្រុកថ្មពួក ខេត្តបន្ទាយមានជ័យ៕

សេចក្ដីជូនដំណឹង ស្ដីពីការរៀបចំដេញថ្លៃគម្រោងមូលនិធិឃុំ សង្កាត់

ទីប្រជុំជនត្រើង 🍃🏡 📍ស្រុកព្រៃឈរ និងស្រុកកំពង់សៀម ខេត្តកំពង់ចាម 📸 : កណ្ដៀរ | ២៥រាជធានី-ខេត្ត | ខេត្តកំពង់ចាម #AMS #វិទ្យុសំឡេងមាតុភូមិ #ការរៀបចំដែនដី #សេដ្ឋកិច្ចមូលដ្ឋាន #ការអភិវឌ្ឍ ​#ហេដ្ឋារចនាសម្ព័ន្ធ

លោក ចេក សំណាង ប្រជាពលរដ្ឋឃុំព្រែកបាក់ ស្រុកស្ទឹងត្រង់ ខេត្តកំពង់ចាម ពេញចិត្តចំពោះ សេវាសុខាភិបាលនៃមណ្ឌលសុខភាពព្រែកបាក់ ដែលផ្តល់ការពិគ្រោះជំងឺ និងព្យាបាលជំងឺជូនប្រជាពលរដ្ឋដោយស្នាមញញឹម និងការយកចិត្តទុកដាក់ខ្ពស់!

អភិបាលខេត្តកំពង់ចាម ដឹកនាំកិច្ចប្រជុំត្រៀមដំណើរទស្សនកិច្ចទៅខេត្តហៃណាន សាធារណរដ្ឋប្រជាមានិតចិន (កំពង់ចាម)៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំពិនិត្យការរៀបចំឯកសារ និងត្រៀមលក្ខណៈសម្រាប់ដំណើរទស្សនកិច្ចរបស់ប្រតិភូខេត្តកំពង់ចាម ទៅកាន់ខេត្តហៃណាន សាធារណរដ្ឋប្រជាមានិតចិន ដែលជាខេត្តសម្ព័ន្ធមេត្រីភាព នៅដើមខែវិច្ឆិកា ឆ្នាំ២០២៦ខាងមុខនេះ តបតាមការអញ្ជើញរបស់អភិបាលខេត្តហៃណាន។ កិច្ចប្រជុំនេះធ្វើឡើងនៅសាលប្រជុំតូច សាលាខេត្តកំពង់ចាម ដោយមានការចូលរួមពីប្រធានមន្ទីរ អង្គភាព និងមន្ត្រីជំនាញពាក់ព័ន្ធ នារសៀលថ្ងៃទី៣០ ខែតុលា ឆ្នាំ២០២៦។ តាមគម្រោង ដំណើរទស្សនកិច្ចនេះមានរយៈពេល ៥ថ្ងៃ ៤យប់ ដោយមានប្រតិភូអមដំណើររួមមានថ្នាក់ដឹកនាំខេត្ត ប្រធានមន្ទីរ អង្គភាព និងមន្ត្រីជំនាញ។ ក្នុងអំឡុងពេលនោះ ប្រតិភូនឹងជួបពិភាក្សាការងារជាមួយថ្នាក់ដឹកនាំខេត្តហៃណាន ព្រមទាំងចុះទស្សនកិច្ចតាមស្ថាប័ន និងទីតាំងសំខាន់ៗ ដើម្បីផ្លាស់ប្តូរបទពិសោធន៍ និងស្វែងរកឱកាសពង្រីកកិច្ចសហប្រតិបត្តិការរវាងខេត្តទាំងពីរ។ ដំណើរទស្សនកិច្ចនេះមានគោលបំណងពង្រឹងចំណងមិត្តភាព និងកិច្ចសហប្រតិបត្តិការរវាងខេត្តកំពង់ចាម និងខេត្តហៃណាន ព្រមទាំងជំរុញការផ្លាស់ប្តូរបទពិសោធន៍ និងកិច្ចសហការលើវិស័យកសិកម្ម សុខាភិបាល វិនិយោគ និងវិស័យពាក់ព័ន្ធផ្សេងៗទៀត។ ជាមួយគ្នានេះ កិច្ចប្រជុំក៏បានពិនិត្យលើការត្រៀមលក្ខណៈ និងបញ្ហាប្រឈមនានា ដើម្បីធានាឱ្យដំណើរទស្សនកិច្ចនេះប្រព្រឹត្តទៅដោយរលូន សម្រេចបាននូវជំនួបផ្លូវការរវាងថ្នាក់ដឹកនាំខេត្តទាំងពីរ និងនាំមកនូវលទ្ធផលជាក់ស្តែងសម្រាប់ការអភិវឌ្ឍខេត្តកំពង់ចាម។

ក្រុងកំពង់ចាម🌃 #ការរៀបចំក្រុង #នគរូបនីយកម្ម #ដង្ហើមសេដ្ឋកិច្ចកម្ពុជា #ក្រសួងរៀបចំដែនដី_នគរូបនីយកម្ម_និងសំណង់ 📸 : កណ្ដៀរ | ២៥រាជធានី-ខេត្ត | ខេត្តកំពង់ចាម

ឃុំស្ពឺ🍃🏡 📍ស្រុកចំការលើ ខេត្តកំពង់ចាម #ការរៀបចំក្រុង #នគរូបនីយកម្ម #ការលូតលាស់ #ហេដ្ឋារចនាសម្ព័ន្ធទ្រទ្រង់ទីប្រជុំជន #យុទ្ធសាស្រ្តបញ្ចកោណ #ក្រសួងរៀបចំដែនដី_នគរូបនីយកម្ម_និងសំណង់ #MLMUPC 📸 : កណ្ដៀរ | ២៥រាជធានី-ខេត្ត | ស្រុកចំការលើ

អភិបាលខេត្តកំពង់ចាម អំពាវនាវឲ្យអាណាព្យាបាលនាំកូនចៅទៅចុះឈ្មោះចូលរៀនបវេសនកាលថ្មីនេះ