HR asimos | İnsan Resursları | Karyera | Təcrübə | İş | Vakansiya | Əmək Məcəlləsi

Necə disiplinli oldum?

(Şəxsi təcrübəmdən)

- Bu üsulların adını belə bilmədən onların prinsiplərini həyatıma tətbiq edərək! 🎯 Shugyo: özünə kiçik bir tapşırıq qoy və bunu 100 gün (məs: hər gün 10 jim) davam etdir. Əgər 1 gün belə həmin tapşırığı etməyi unutsan və ya çatdırmasan, nəticən sıfırlanır və yenidən 1-ci gündən başlamalısan! 🔥 Ganbaru: Maraq və həvəs tamamilə bitsə belə, sadəcə özünə söz verdiyin üçün başladığın işi sona çatdırmalısan! 🧘‍♂️ Seyza (Seiza): Heç bir texnoloji vasitə olmadan, tam səssizlikdə 5 dəqiqə dik oturmaq (öz sinir sistemini və səssizliyi test et).! 🍽️ Hara Haçi Bu: Mədənin 80%-i dolduqda yemək yeməyi dayandır (nəfsi idarə etmək sınağı)! Özün üçün qeyd götür və elə bugün başla 🌱

Hər zaman bizə nəsə öyrədən insanın adı #müəllim olmur! 📚 Bəzən bir həmkar, bir dost, bir rəhbər, bir ailə üzvü, hətta həyatımıza qısa müddətlik daxil olan bir insan bizə çox dəyərli bir şey öyrədir. Mənə öyrədən, dünyagörüşümə təsir edən və inkişafıma səbəb olan hər kəsə təşəkkür edirəm. 🌿Çünki həyatın özü böyük bir məktəbdir

Hansı sahə mənə uyğundur? Karyera seçərkən özünüzə 5 sual verin: 🧠 Nəyi yaxşı bacarıram? ❤️ Mənə nə maraqlıdır? 🎯 Hansı iş mühiti mənə uyğundur? 💰 Bu sahəyə keçmək üçün büdcəm var? 🚀 Özümü bu sahədə praktiki olaraq nə vaxtsa sınamışam? Düzgün seçim — bacarıq, maraq və imkanın kəsişdiyi yerdir.

Yeni iş mühitində uğurlu olmaq üçün 3 QIZIL QAYDA: Sual verməkdən çəkinməyin: İş prosesini tam anlamaq üçün ilk dövrlərdə doğru və yerində verilən suallar daxili mexanizmi daha tez qavramağa kömək edir. Daxili mədəniyyəti müşahidə edin: Hər bir təşkilatın özünəməxsus iş prinsipləri, korporativ etikası və ünsiyyət dili var. Bunu anlamaq adaptasiyanı 50% sürətləndirir. Təşəbbüskar olun: Kiçik daxili tapşırıqlarda belə məsuliyyət nümayiş etdirmək komandada sizə olan etibarı artırır.

Müsahibədə sizə verilən ən gözlənilməz sual nə olub?

Müsahibədə sizə verilən ən gözlənilməz sual nə olub?

Necə edim ki, HR-lar CV-imi tez görsün? 📧 "Subject" (Mövzu) hissəsini düzgün yazaraq! Normalda HR olaraq inboxda xüsusi avtomatlaşdırılmış filtrlər (Search Folders / Rules) qururuq. Məsələn, elanda "Maliyyə Mütəxəssisi" yazılması istənilibsə, sistem həmin sözü "Subject" hissəsində görən kimi məktubu avtomatik olaraq yalnız həmin vakansiya üçün açılmış xüsusi papkaya atır. Beləcə heç bir namizəd gözdən qaçmır və namizədlər dəyərləndirilərkən ilk o papkanı açıb seçim edib, zəng edirik. Bəs Mövzu (Subject) hissəsini boş saxladıqda və ya yanlış yazdıqda nə olur? ❌ CV-niz kənarda qala bilər: Avtomatik filtr "Subject"də axtarılan açar sözü tapa bilmədiyi üçün mail ümumi inboxa düşür. Vakansiya üzrə müraciətlər bir papkada toplanarkən, sizin CV-niz ümumi inboxda qala, gözdən qaça və ya gec görünə bilər. ❌ İlk peşəkar təəssürat hissi: Mailin mövzusuz, "CV", "İş üçün" və ya tamamilə boş göndərilməsi işəgötürəndə namizədin rəqəmsal iş etikasına tam bələd olmaması təəssüratını yarada bilər. 💡 Tez iş tapmaq üçün elanda qeyd olunan başlığı (məsələn: Maliyyə Mütəxəssis) olduğu kimi "Subject" hissəsinə köçürün. Bu, sadəcə bir tələb deyil, müraciətinizin doğru ünvana və vaxtında çatmasının qarantiyasıdır.

P.S. 🎬 HR üçün kiçik bir texniki tövsiyə: Filtrləri quranda oxşar və ya alternativ açar sözləri də qaydalara əlavə edin ki, namizəd başlığı azca fərqli yazsa (məsələn az-eng şrifti ilə) CV-lər itməsin, bir yerə toplansın

HR üçün situasiya tipli sual: 💼 Düşün istehsalatda HR-san! İstehsalatın növbə rəisi heç bir xəbərdarlıq etmədən işə gəlmir və telefonlara cavab vermir. İstehsalat xəttinin dayanma riski var. Bu, şirkətə böyük maliyyə ziyanı vura bilər. 🤔 HR ilk olaraq hansı ardıcıllıqla addım atmalıdır?

İşçinin bacarığını inkişaf etdirmək istəyiriksə: 📚 10% - Təlim: kurs, kitab, nəzəri bilik 👥 20% - Sosial öyrənmə: təcrübəli əməkdaşları müşahidə etmək + feedback 🎯 70% - Praktika: işi özü görmək, məsuliyyəti tədricən artırmaq lazımdır! Təkcə təlimi dinləməklə nəticə əldə etmək çətindir. Bilik tətbiq olunanda bacarığa çevrilir.

İlk gün… Yeni işə başlayanda ilk həftə çox şey deyir: həm işçi həm də işəgötürən haqqında. Xoş mühit belə görünür: 📌 Sənə kimin və nə vaxt kömək edəcəyi əvvəldən aydındır 📌 İlk günlərdə səndən "hər şeyi bilməlisən" gözlənilmir 📌 Sual vermək zəiflik yox, normal hal kimi qəbul edilir Sənin ilk iş günün necə keçib? 😊

🧠 İşçini itirməmək üçün onunla vaxtında maraqlanmaq lazımdır!