មូលនិធិជនពិការ (PwDF)

កំពង់ស្ពឺ៖ នៅថ្ងៃទី២២ ដល់ថ្ងៃទី២៥ ខែមិថុនា ឆ្នាំ២០២៦ ដោយមានការយកចិត្តទុកដាក់ដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមការងារផ្តល់សេវាជួសជុលចល័តតាមសហគមន៍របស់មជ្ឈមណ្ឌលស្ដារលទ្ធភាពពលកម្មកាយសម្បទាខេត្តកំពង់ស្ពឺ បានចុះផ្តល់សេវាពិនិត្យ និងជួសជុលឧករណ៍អវយវៈសិប្បនិម្មិត រណប រទេះរុញ និងគ្រឿងជំនួយការជូនជនមានពិការភាពរស់នៅឃុំពោធិម្រាល ឃុំទួលសាលា ឃុំស្វាយចចិប និងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ។​   ជាមួយគ្នានេះ ថ្ងៃទី២៦ ខែមិថុនា ឆ្នាំ២០២៦ ក្រុមការងារផ្នែកសហគមន៍របស់មជ្ឈមណ្ឌលស្ដារលទ្ធភាពពលកម្មកាយសម្បទាខេត្តកំពង់ស្ពឺ បានចុះទៅផ្សព្វផ្សាយអំពីសេវាស្ដារលទ្ធភាពពលកម្មកាយសម្បទា ជូនដល់មេឃុំ ក្រុមប្រឹក្សាឃុំ មេភូមិ និងមន្ត្រីពាក់ព័ន្ធមួយចំនួន ដើម្បីបង្កើនការយល់ដឹង និងជួយផ្សព្វផ្សាយបន្តទៅដល់ប្រជាពលរដ្ឋនៅមូលដ្ឋាន នៅក្នុងសាលាឃុំអូរ ក្នុងស្រុកភ្នំស្រួច នៃខេត្តកំពង់ស្ពឺ។ …………………………………………… សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖ Facebook Page: https://www.facebook.com/pwdf.pagelike Telegram Channel: https://t.me/pwdf_kh