ابْنَةُ'ة عُمَرْ🇵🇸🔻

عقلي قالي انزلي بدري ذاكري في الكلية، بس قاعدة بسترجع ذكريات من أول يوم تقديم ليا في المكان دا

يُقلِّبُ طرفًا له في الجِنان أحقًّا رَحلنا وزالَ العناء؟ أحقًّا لفحتُ رياحَ النعيم، وخلّفتُ خلفي رياحَ الجفاء؟ لقد طالَ عهدُ انتظارِ اللقاء.

لو عايزة أقول حاجة لحد في سنة أولى! اختاروا صحابكم صح اتقوا الله في بعض متخلوش الشيطان يدخل بينكم اصنعوا ذكريات مع بعض كل ألم سنين الكلية وسنين التعليم عموما بتهون وبتعدي وبتتنسي، بس الصحبة والذكريات دي مبتتنسيش!

يغلب عليا مشاعر العياط، معرفش أنا اللي نكدية، ولا بجد علشان أنا شفت كل الخير من صحابي فهيوحشوني؟! يارب ميكونش أخر عهدنا الكلية^^

في ناس مستحيل أشوفهم تاني في الواقع، حقيقي حافظة مكان كل بنت في قسمي، وكل مكان كانوا بيقعدوا فيه، ويعز عليا أقول كانوا ويعز عليا أقول إني معنتش هدخل القاعة والمعمل بتوع القسم، دنيا ربنا يجمعنا مع الناس الجميلة دي في الجنة، ويكتب أجرنا على ما كابدناه خلال السنين دي

بكرة الطريق.. هيخون بكرة الفراق هيكون والذكرى هتصاحبك أتملّى من صاحبك..

كل لما أحاول أذاكر افتكر موقف أو كلام أو مكان في الكلية أو مع الدكاترة أو مع الدفعة فمعرفش أركز، أول مرة في حياتي اتعلق بمكان ويبقى ليا فيه ذكريات بالشكل دا يارب يهون علينا اليوم والدنيا والأيام يبقوا أحن علينا وعلى قلوبنا، ويارب أخلص واذاكر أي حاجة

آخر ليلة وأنا طالبة💗

تقريبًا محتاجة أذاكر لامتحان بكرة😅😅😅

د/منارة كنت مقربة مننا أحنا ال ٦ بشكل عارفة كل واحدة فينا واجهت أي، وعارفة مرينا بأي، لدرجة المشاكل الشخصية تعرفها وعارفة كم المحاولات اللي بذلناها، سبحان الله كل واحدة فينا مرت بحاجات كتير الإنسان حزين إنه هيسيب المكان اللي دفع فيه جزء من عمره وطاقته ومحاولاته، الحمد لله إن ربنا رزقني بيهم يارب الحياة بعد التخرج تبقى حنينة علينا ١٢/٦/٢٠٢٦

صحابي هيوحشوني يارب نتقابل تاني معرفش أزاي بس ربنا قادر على كل شيء، يارب أثرهم الطيب يفضل في حياتي..

مشاعر غريبة شريط أحداث سنين الكلية بتمر قدامي ربنا لطف بيا كتير أحداث كتير مرت عليا خوف وعياط وجبر وفرحة وزعل وفقد وصحاب يارب يا حبيبي لطفك يكون ديمًا مجاورني في حياتي، وارزقني الرضا والتسليم لكل الأقدار حتى لو مش فاهمة الحكمة.

يارب تفضّل علينا وأتمها على خير!💗

في اللحظات دي بقول العمر ممكن ينتهي في لحظة، أكيد هي كان نفسها تتخرج زي وكانت نفسها تشوف حياتها بعد التخرج ولكن الموت، الله يرحمها ويجعلها منعمة في الجنة ويسامحني ويتوب عليا ويدخلني الجنة

الله يرحم آلاء ويجعلها في الفردوس الأعلى من الجنة، ويصبر أهلها دفعتنا جامعة طنطا

كنت النهاردة عند واحدة قريبتنا، وبين الكلام موضوع الزواج اتفتح ومعرفش لي ومش فاكرة أنا لي قلت كدا، بس قلت لو الشخص دا مش في حنان أخواتي عليا فصعب أسيب بيت أهلي هحس بفرق كبير يعني أي أبقى مع حد مش حنون عليا ويخاف عليا؟ وصراحة يعني الإنسان عاش مع أهله ٢٢ سنة بكل الخير اللي في الدنيا والاحترام وكل شيء جميل منهم الله يجازيهم عني كل خير^رغم إني طبيعي في حاجات مكنتش حباها وحاجات تعبتني بس الواحد متصالح مع فكرة إنهم عملوا كل اللي في وسعهم علشانا^ حساني عليت أوي قبولي بالشخص اللي أنا معه، الواحد عاش عزيز في بيت أهله، فيارب لما يتنقل لبيت زوجه يبقى بنفس العزة وأحسن يارب معرفش أنا لي بقول الكلام دا، بس الواحد الفترة دي حاسس بمشاعر غريبة ما بين إنه بيخلص تعليم وبين إنه هيسيب بيت أهله يعني أي بعد سنين الهنا والسعادة والمشاركة والتعب والعياط في بيت بابا خلاص هسيب البيت دا؟ يارب يهون عليا الفترة الجاية، ولا يخيب ظني ولا أملي في زوجي وأهله ويجعلهم لي خيرًا من أهلي وأخواتي

من شواهد المحبة: كثرة الصلاة والسلام على الرسول صلى الله عليه وسلم. _الشيخ أحمد السيد

يعز عليا والله