ابْنَةُ'ة عُمَرْ🇵🇸🔻

من شواهد المحبة: كثرة الصلاة والسلام على الرسول صلى الله عليه وسلم. _الشيخ أحمد السيد

يالهوي وأنا بقول مش هيبقى فيه أهل😅 هيبقى فيه بإذن الله ويارب يبقى طيبين معي ويخافوا عليا زي أهلي أقصد بالأهل بابا وماما وأخواتي

ادعولي أنجح أنا وصحابي وربنا يجبرنا ونتخرج

ممكن علشان أنا عمري ولا بعدت عن أهلي في ال٢٢ سنة دول😅😅😅😅 ولا بعرف أتأقلم

صحاب الكلية وحشوني

وإني حرفيًا مليش صحاب وهروح مكان تاني لا هيبقى فيه أهل ولا صحاب معرفش دا خوف زيادة عن اللزوم؟ ممكن في المكان دا ألاقي صحاب وكدا كدا التواصل مع أهلي مهما يحصل هحاول مش يقل بس الواحد ضعيف مش قاااااااااادر عايز يفضل يعيط ويقول مش عايز أكبر رجعوني تاني أيام لما كان أقصى خوف بواجه امتحان في أي سنة من سنين التعليم😅

حياة الكبار دي أكبر مني مش قادرة أواجها الله يكون في عون الناس الكبيرة الواحد من كتر التفكير حاسس في لحظة عقله هيبطل يفكر تاني يارب يدبر أموري ويوجهني ويعرفني أعمل أي وأروح فين ومش يسيبني تايهة كدا

حتى القرآن مش عارفة أرجع ليييي؟ لأني موقفة من زمان حاسة بحزن والله حتى الورد علشان وأنا بقرأ في الورد بلاقيني نسيت اللي حفظته فبزعل مش عارفة أرجع علشان هل هكمل حفظ ولا هراجع والمراجعة والحفظ مع بعض في الفترة دي هيبقى صعب عليا طيب هل هرجع للمعلمة بتاعتي تاني وأكمل معها زي ما كنت ماشية؟ بس أنا كمان كام شهر مش هبقى في مكاني فمش هعرف أروح للمعلمة وكدا هحفظ أونلاين وأنا في القرآن أونلاين مش أحسن حاجة دي التقلبات اللي همر بيها الفترة الجاية هقدر أواجها؟

كل شوية الواحد بيقول الحياة هتبقى أحسن بس صراحة دي كذبة كبيرة، الحقيقة ان الإنسان بيخرج من وضع لوضع تاني ممكن أصعب وممكن أسهل شوية وممكن يرجع تاني للصعب بشكل مختلف ولفي بينا يا دنيا كل فترة وفيها صعوبتها والإنسان نفسه في شوية راحة وعقله يرتاح شوية وينام وهو مرتاح وبس يارب يعدي أيامنا دي على خير ويوجهني وأرجع زي ما كنت بحاول وبجرب ومش بقف مهما يحصل من مشاكل أو ضغوطات الإنسان بقى يومه فاضي يصحى يشوف أي الجديد يعيش شوية مشاكل وممكن شوية ضحك مع حد بيجبه وممكن حد يعكر عليه يومه ويرجع ينام تاني نفسي ارجع تاني لمحاولات أبرار في كل حاجة أو حتى في حاجات بسيطة اللي مزعلني إني وقت المحاولات دي مكنتش راضية عن نفسي بس دلوقتي لما بفتكر الفترات دي من حياتي بقول دا أنا كنت شطورة بشكل يارب أرجع تاني في عفو وعافية

يُقلِّبُ طرفًا له في الجِنان أحقًّا رَحلنا وزالَ العناء؟ أحقًّا لفحتُ رياحَ النعيم، وخلّفتُ خلفي رياحَ الجفاء؟ لقد طالَ عهدُ انتظارِ اللقاء.

"رَبِّ إِنِّی لِمَاۤ أَنزَلۡتَ إِلَیَّ مِنۡ خَیۡرࣲ فَقِیرࣱ"

تذكرونا من دعواتكم.

"رَبِّ إِنِّی لِمَاۤ أَنزَلۡتَ إِلَیَّ مِنۡ خَیۡرࣲ فَقِیرࣱ"

ياربّ.. اغمر بلطفك كل فاقد السكينة وغرقان في خوفه.!

وَألوذُ بِكَ مِن ضِيقِ نَفْسِي إِلىٰ سِعَتك! يارب..

كان النبيّ ﷺ يدعو: ‏«اللَّهُمّ إني أعوذ بك من الحور بعد الكور». ‏أي النقصان بعد الزيادة وفساد الأمور بعد صلاحها.

إيدي اليمين وجعاني مش عارفة اتحكم في أي حاجة واضغط عليها حتى حاولت امسك القلم مقدرتش حقيقي ربنا يستر😅 أول حاجة جت في بالي وأنا بوصف لماما الألم، إني مش هعرف أكتب😅 يارب لا تحرمني النعمة اللي بتخفف عليا ثِقل الحياة

كنت حاسة الدنيا كلها ضلمة قدامي ومفيش أي أمل وكمية خوف أنا نفسي أبطّل خوف سمعت عقلي بيقولي ولا تجعلني أنظر للغد بضيقٍ، ولكن أن أبصره بسعة رحمتك بسعة رحمتك يارب، الصوت كان في عقلي بسيط بس هحاول أقوله لنفسي كتير يارب بسعة رحمتك دبر أموري وقلل خوفي وتولاني^))

ولا تجعلني أنظر للغد بضيقٍ، ولكن أن أبصره بسعة رحمتك!

جميل، صلى الله عليه وسلم https://youtu.be/8ElyYS3GyrQ?si=9R_AbpWBeaO0qAzC