ابْنَةُ'ة عُمَرْ🇵🇸🔻

إخلاء طرف من رحلة قضيت فيها جزء من عمري الحمد لله رب العالمين.

الله يردني لكل خير في عافية

"الفتاح" الذي يكشف الغمة عن عباده، ويسرع بالفرج، ويرفع الكرب، ويجلي العماية، ويزيل الضراء، ويُفِيض الرحمة، ويفتح أبواب الرزق. _٥ أغسطس ٢٠٢٥م

وأنا لا عايزة بيان نجاح ولا غيره ولا فاضية أنزل الكلية أصلا بس بابا محسسني إني مش خلصت تعليم طالما مش جبته😭

يارب أنام بهدوء علشان أصحى أخلص من حوار بيان النجاح دا ونزول الكلية دا😭

مرحلة مش مفهومة خالص لا أنت عارف أنت فرحان ولا حزين ولا مخضوض ولا متوتر ولا مستمتع ولا خايف أنت مش فاهم أي حاجة

الإنسان بيهرب على فين من نفسه!!!

يارب تمام العافية:)

يا دور البرد مش وقتك🤧

الله قدّر هذا والله كفيلٌ به!

ونفسي أقول كلمة لأي حد قريب من العريس أو العروسة ممكن مهما يحصل مش تحاولوا تنكدوا عليهم؟ طالما هما فرحانين فممكن تسيبوهم بفرحتهم زي ما هما عايزين مش لااااااااااازم مشاكل😅

أهرب على فييييين😭

وادعولي بالعافية وربنا يهديني ويقر عيني وعين زوجي في عفو وعافية يارب وأي حاجة خايفة منها تعدي

ادعولنا ربنا يهدي اللي جنبنا ويعدي كمان الأيام دي على خير ومحدش يزعل مننا

على رأي زوجي لو رجع بيا اليوم تاني كنت هعمل اللي عملته😅

المشكلة علشان الناس زعلوا إننا رحنا المسجد ومش فضلنا معهم😭😭 طيب يا جماااعة نعمل أيييييي طيب

زي ما أنا كنت قلت إن تصميم الفستان اللي كنت عايزاه مطلعش هو ولا نفس اللون وقضيت يوم الأربع دا عياط وبس يوم الخميس قلت هروح أتأجر فستان وأخلص رحت اتيليه فالبنت اللي هناك بتقولي المناسبة أمتى، قلت ليها بكرة ولسه بتقولي وأي أخرك كدا في الحجز فتحت في العياط وحكيت ليها😅😅 الحمد لله كانت عسولة خالص وتعاملها كان جميل وطلعت ليا فستان رقيق خالص الله يبارك ليها المهم رحت يوم الجمعة أنا وأخويا نجيب الفستان كان بعد صلاة الجمعة المهم رحت جبته لقيته لسه مبلول شوبة😭😂 قلت عادي خلي اليوم يعدييييي المهم روحت، بقول لأخويا عملت أي في حوار المسجد اللي هنتصور فيه؟ قالي مش عارف لسه ^كنا قبل العصر بحوالي ساعة^ والمفروض إنه يروحني علشان المفروض كنا نكتب الكتاب قبل المغرب😂 المهم روحت وصليت العصر وقلت يدوب ألبس بما إن خطيبي طلع وقدامه ساعة مثلا بلبس لقيت في مشكلة في الفستان، وبنت خالي كانت معي^كل خوفها يحصل ليا حاجة من الخوف، لأني قعدت حوالي أسبوعين أكلي بسيط وكنت تعبانة وهبوط وحاجات من دي😂 المهم فضلت أصلي على الرسول وبجد الدنيا وقفت مش عارفة أعمل أي، مرات أخويا قالت هروح أنا الاتيليه يظبطوه وراحت وظبط الحمد لله لبست وخلصت المأذون أتأخر للمغرب😂 خطيبي كان وصل فقال إنه هيصلي فقلت ليه صلي استخارة كمان لأن مفيش حاجة راضية تمشي وشكل دا كله اشارة😂😂 الحمد لله عدّى اليوم كتبنا الكتاب كنا عاملين ديكور جميل بعد العشاء ربنا يسر لينا مسجد ورحنا كملنا صور فيه وكانت تحفة جدًاااا الحمد لله وهنا بقا كانت المشكلة😅

ترتيب ربنا في اليوم دا كان عجيب حصلت فيه مليون حاجة وكل شوية أصلي على الرسول صلى الله عليه وسلم كنت حاسة إن هيحصل ليا حاجة والله توتر وخوف ورهبة من كل حاجة لكن سبحان الله ربنا لطيف!! الحمد لله

الحمد لله رب العالمين♥️ دعواتكم لنا بالبركة والخير والسعادة.

من شواهد المحبة: كثرة الصلاة والسلام على الرسول صلى الله عليه وسلم. _الشيخ أحمد السيد