ابْنَةُ'ة عُمَرْ🇵🇸🔻

لا تنسونا من دعواتكم.

فرح بنت منهم يوم الجمعة الله يسعدها يارب💗 وكدا الرباعي بدأ يقل إيمان هتروح بعدها أنا بعدها شيماء بعدها زهراء ونبقى نتقابل كل سنة مرة ولا حاجة 😂

أنا ليا في بلدي ٤ بنات المفروض إننا صحاب من الحضانة بس عمري ولا حسيت إننا صحاب فعلشان كدا أنا ممكن اتجمع معهم في مناسبة مثلا ممكن نقرر نتقابل في بيت حد مننا بس عمري ولا كنت أبرار وأنا معهم كل واحد مننا في وادي😎

الإنسان كبر ربنا يرحمني

عايزة أروح الكلية أجيب بيان النجاح أو شهادة التخرج ومش لاقية وقت أو في وقت ومش قادرة أو لو نزلت فمش هشوف صحابي فخليني في بيتنا أحسن

كان نفسي البنات صحابي يبقوا جنبي الفترة دي أو على الأقل نتقابل بس طبيعة الدنيا😅

ادعولي ربنا يجبرني ويختار لي الخير ومش يسيبني لنفسي الإنسان ضعيف مش عارف ياخد أي قرار بصبر نفسي إن اللي أنا عايشة فيه دلوقتي دا مقدر ليا أعيشه وإن سواء تم أو لأ دا كله في قدري وإنه حتى لو كان شر وأنا خدت كل الأسباب إني امنعه فلعله دا ابتلائي وربنا مش يبتليني في الأمر دا أبدًا يارب ويرزقني الخير أينما كان

كنت بقلب في الصور اللي عندي لقيت صورة كانت يوم عرفة وكاتبة عليها دعوات يوم عرفة^ السنة اللي قبل دي^ سبحان الله أنا مكنتش كاتبة الدعوات في الصورة دي^مجرد صورة بس من غير كتابة^ بس فاكرة أنا كتبت ودعيت بأي ودلوقتي أنا عايشة إجابة دعوات كتير أوي سواء بالمنع أو العطاء ربنا بعد عني ناس كنت شايفة الحياة معهم جنة، وأنا دلوقتي بعد مرور حوالي سنة ونص سنتين بقول إن بعدي عنهم هو اللي جنة ليا وإنهم لو كانوا لسه موجودين كنت ادمرت زيادة وربنا اكرمني ب ناس مكنتش أعرف عنهم أي حاجة ولا جمعني بيهم أي شيء إلا القدر لما شاء وعرفتهم عرفتهم بترتيب من ربنا عجيب في حياتي مكنتش اتوقعه لو حد حكى ليا إن في شخصين مروا بابتلاءات من حوالي ١٣ أو ١٤ سنة علشان الابتلاء دا يعرفهم ببعض علشان بعد ١٤ سنة بمعرفتهم ببعض أنا أعرفهم مكنتش هصدق الكلام يعني من ١٤ سنة أنا كنت ٨ سنين وربنا مقدر لي قدر جميل إني اعيشه بعد السنين دي كلها وحاجات كبيرة جدًا ونعم كتيرة أنا غرقانة فيها وربنا استجابها بمحض كرمه وفضله وإنعامه عليا وفي الحقيقة أنا مستهلش كل الخير والنعم دي بس ربنا كريم سبحانه أنا عارفة إن الفترة دي من حياتي صعبة عليا وإني نفسي أرجع أبرار تاني بس متأكدة إن رغم صعوبة الفترة دي إلا إنها هتعدي بكرم وجبر ربنا لقلبي يارب مش أيأس أبدًا يارب ارزقني الأمل تاني

يارب يجعل حياتي الجاية يسيرة ويهون عليا الفترة دي ويهديني

ادعوله بالعافية وربنا يشفيه ويبارك فيه ويحفظه ويهديه

جروب العيلة عندنا عبارة عن عمر 😂😂😂💗

بحب انكد على نفسي

عارفة إني ممكن اتزوج قبل لما هو يكبر ويبقى مدرك كل دا بس أنا بتمنى إنه يفتكرني ديمًا تقريبًا أصعب حاجة في الزواج هي البعد عن الاهل والبعد عن عمر ياااااااني

وبقوله غيرت نظرتي لكل حاجة ي عمر أنا كنت بحب الأطفال البنات وكنت نفسي أخويا ربنا يرزقه ببنت بس عمر أجمل حاجة في الدنيا يارب يبارك

وبفضل أقولهم أنا مش هعرف لا أحب أخوات عمر لما يجوا زي حبي لعمر ولا هعرف أحب ولاد عمران أخويا لما ربنا يرزقه بيهم

أنا عشت معه أجمل سنة في حياتي ربنا يحفظه عمري يارب ويبارك لينا فيه

عمر بن محمد أخويا عنده سنة إلا ٨ أيام ^يارب يبارك في عمره ويعيش سنين كتير أوي في عفو وعافية وحب يارب هو وبباه وكل أهلي^ عشت السنة دي مع عمر بأدق أدق أدق التفاصيل عشت معه وهو لسه صغير أوي لدرجة إني كنت بخاف اشيله وعشت خوفنا عليه وهو تعبان وعشت الإشاعات اللي كان بيعملها وعشت لما بدأ يعرفنا وكمان لما بدأ يزحف على بسيط أوي ولما بدأ يغار على بباه ومش يبقى حابب حد مننا يلمسه ولما يعمل باي باي لينا لما نلبس الطرحة ونقرب من باب الشقة فهو كدا عارف إننا خارجين وعشت زهقه وعصبيته اللي ديمًا نقوله إنت هتبقى زي عمك عمران وعشت لما بدأ يزحف ويروح على الأوض بتاعتنا وعشت لما يبهدل نفسه وأقوم أغسل ليه وعشت لما يعمل نفسه زعلان وعشت لما يتعب وأروح معه للدكتور وعشت لما بقيت بشوف هدوم الأطفال كلها على قده وعشت لما انشر الهدوم ويكون ليه هدوم معنا ولازم أحضنهم وقبل لما انشرهم وعشت وأنا بقوله يا قلب عمتو وحياتها وعشت لما يدخل أوضتي ونقعد مع بعض فيها وأنزل ليه كل الألوان والأقلام وبهدل ي حبيبي براحتك وعشت لما يعيط ويبقى عايز ينزل الشارع خصوصًا في الحر دا وأقوم اغير وأنزل بيه وعشت لما بيحب يستكشف كل حاجة وعشت لما بيضربني وعلى قلبي زي العسل

عارفين؟ الأطفال نعمة كبيرة أوي في الحياة بتهون بيهم ومعهم الحياة

يا بُني؛ الحب هو مشاركة الضعف، لا مغالبة القوة! د/هبة رؤوف عزت.

إيدي نسيت كنت بمسك القلم أزاي😅