The Bit Wealth

ហេតុអ្វីបានជា ក្នុងរយៈពេល 17 ឆ្នាំមកនេះ គ្មាននរណាម្នាក់អាច Hack #Bitcoin បាន? មិនមែនដោយសារគ្មានអ្នកព្យាយាមទេ។ មានមនុស្សរាប់ពាន់នាក់បានព្យាយាមវាយប្រហារបណ្តាញ Bitcoin មកហើយ។ ប៉ុន្តែរាល់ការប៉ុនប៉ងទាំងនោះ មិនបានបំផ្លាញ Bitcoin ទេ។ ផ្ទុយទៅវិញ វាបានបង្ហាញពីចំណុចខ្សោយដែលអាចមាន ហើយត្រូវបានកែសម្រួលភ្លាមៗ។ បណ្តាញបានរៀនពីគ្រប់ការវាយប្រហារ និងកាន់តែរឹងមាំជាងមុន។ មូលហេតុសំខាន់បំផុត គឺ ប្រព័ន្ធលើកទឹកចិត្តផ្នែកសេដ្ឋកិច្ច។ អ្នកអភិវឌ្ឍន៍ អ្នកជីក (Miners) និងអ្នកកាន់កាប់ Bitcoin ទទួលបានផលប្រយោជន៍ ពេលបណ្តាញកាន់តែមានសុវត្ថិភាព។ ផ្ទុយទៅវិញ អ្នកវាយប្រហារត្រូវចំណាយប្រាក់ និងថាមពលយ៉ាងច្រើន។ បើជោគជ័យ ទំនុកចិត្តលើ Bitcoin នឹងធ្លាក់ចុះ ហើយ Bitcoin ដែលពួកគេចង់បានក៏នឹងបាត់បង់តម្លៃដែរ។ ដូច្នេះ ការវាយប្រហារមិនសមហេតុផលផ្នែកសេដ្ឋកិច្ចឡើយ។ Hashrate គឺជាកម្លាំងគណនាដែលការពារបណ្តាញ។ កាលណា Hashrate កាន់តែខ្ពស់ ការវាយប្រហារក៏កាន់តែពិបាក និងចំណាយថ្លៃកាន់តែច្រើន។ Bitcoin ត្រូវបានរចនាឡើងឱ្យ ការការពារបណ្តាញមានផលចំណេញជាងការវាយប្រហារ។ អ្វីដែលធ្វើឱ្យប្រព័ន្ធផុយស្រួយដួលរលំ គឺជាអ្វីដែលធ្វើឱ្យ Bitcoin កាន់តែរឹងមាំ។ Read More 👉 The Bit Wealth