The Bit Wealth

🚨 ព័ត៌មានបន្ទាន់៖ Ledger ស៊ើបអង្កេតករណីបាត់បង់ Bitcoin និងទ្រព្យសកម្មគ្រីបតូនៅអាស៊ីអាគ្នេយ៍ ក្រុមហ៊ុន Ledger កំពុងស៊ើបអង្កេតរបាយការណ៍អំពីការបាត់បង់ទ្រព្យសកម្មឌីជីថលរបស់អ្នកប្រើប្រាស់នៅអាស៊ីអាគ្នេយ៍ ដែលបានទិញឧបករណ៍ Hardware Wallet ពីអ្នកលក់បន្តឈ្មោះ CryptoBilis។ ជាវិធានការប្រុងប្រយ័ត្ន Ledger បានស្នើឱ្យអ្នកលក់នេះផ្អាកការលក់ និងការដឹកជញ្ជូនឧបករណ៍ Ledger ជាបណ្ដោះអាសន្ន ខណៈការស៊ើបអង្កេតកំពុងបន្ត។ Ledger ក៏បានណែនាំអ្នកប្រើប្រាស់ដែលបានទិញឧបករណ៍ពីអ្នកលក់នេះក្នុងរយៈពេល ៩០ ថ្ងៃចុងក្រោយ ឱ្យ៖ ▪️ កុំចាប់ផ្តើមដំឡើងឧបករណ៍ ប្រសិនបើមិនទាន់បានដំឡើង។ ▪️ ប្រសិនបើបានដំឡើងប្រើប្រាស់រួចហើយ សូមពិចារណាផ្ទេរទ្រព្យសកម្មទៅកាន់ឧបករណ៍ Ledger ថ្មី ដោយប្រើ Seed Phrase ថ្មី។ ក្រុមហ៊ុនបានបញ្ជាក់ថា ខ្លួននឹងបន្តជូនដំណឹងអំពីលទ្ធផល និងព័ត៌មានថ្មីៗ នៅពេលការស៊ើបអង្កេតមានការរីកចម្រើន។ 📌 សម្រាប់អ្នកប្រើប្រាស់ Ledger៖ ប្រសិនបើអ្នកបានទិញឧបករណ៍ពីអ្នកលក់នេះ សូមប្រុងប្រយ័ត្ន និងទាក់ទងផ្នែកជំនួយផ្លូវការរបស់ Ledger តាមរយៈ https://support.ledger.com។