The Bit Wealth

ស្ថាបនិក និងជានាយកប្រតិបត្តិ (CEO) របស់ក្រុមហ៊ុន Hardware Wallet OneKey បានបង្កើតគេហទំព័រមួយដែលអនុញ្ញាតឱ្យអ្នកប្រើប្រាស់ផ្ទៀងផ្ទាត់សុវត្ថិភាព Hardware Wallet តាមរយៈការបញ្ចូលរូបភាពបន្ទះសៀគ្វី (PCB) របស់ឧបករណ៍ ដើម្បីជួយពិនិត្យរកសមាសធាតុ ឬចំណុចមិនប្រក្រតីដែលអាចបង្ហាញពីការកែប្រែឧបករណ៍ដោយចេតនា។ បច្ចុប្បន្ន ឧបករណ៍ដែលគេហទំព័រនេះគាំទ្រ រួមមាន Hardware Wallet របស់ OneKey, Ledger និង Trezor។ គួរឱ្យចាប់អារម្មណ៍ ផុសរបស់លោកនៅលើបណ្ដាញសង្គម X ក៏ត្រូវបាន CZ ចែករំលែកបន្តផងដែរ។ ករណីវាយប្រហារតាមខ្សែសង្វាក់ផ្គត់ផ្គង់ (Supply Chain Attack) កំពុងក្លាយជាក្តីបារម្ភកាន់តែខ្លាំងក្នុងវិស័យ Hardware Wallet។ ករណីថ្មីៗដែលពាក់ព័ន្ធនឹងអ្នកលក់បន្តផលិតផល Ledger បានធ្វើឱ្យសហគមន៍គ្រីបតូងាកមកយកចិត្តទុកដាក់លើសុវត្ថិភាពនៃប្រភពទិញ និងភាពត្រឹមត្រូវរបស់ឧបករណ៍កាន់តែខ្លាំង។ សូមចងចាំ៖ ការពិនិត្យរូបភាពបន្ទះសៀគ្វីអាចជួយស្វែងរកភាពមិនប្រក្រតីមួយចំនួន ប៉ុន្តែមិនអាចធានាថា Hardware Wallet មានសុវត្ថិភាព ១០០% នោះទេ។ ការទិញពីប្រភពដែលអាចទុកចិត្តបាន និងការផ្ទៀងផ្ទាត់ឧបករណ៍តាមការណែនាំរបស់ក្រុមហ៊ុនផលិត នៅតែមានសារៈសំខាន់។ https://tampered.app