Finote Hiwot የቀጨኔ ደብረ ሰላም መድኀኔ ዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት

እንኳን ለሰ/ት/ቤታችን #፶፬ኛ#ዓመት_የምሥረታ_በዓል_ለተማሪዎች_ምረቃና_ለዝክረ_ቅዱስ_ያሬድ_አደረሳችሁ_አደረሰን፡፡ ፎቶ 1፤ በ1962 ዓ.ም ብፁዕ ወቅዱስ አቡነ መርቆሬዎስ ደብራችንንና ሰ/ት/ቤታችንን በጎጉበት ወቅት፡፡ ‹‹የሰ.ት.ቤት አገልግሎት ለቤ.ክ ሐዋርያዊ ተልዕኮ›› የሰንበት ትምህርት ቤታችን የ54ዓመታት ታሪክ በአጭሩ፤ ፠ ምንም እንኳን አስቀድሞ ብዙ እንቅስቃሴዎች ቢኖሩም፤ ሰንበት ትምህርት ቤታችን ራሱን ችሎ በመዋቅር ተዋቅሮ አካል ገዝቶ፥ ስያሜ አግኝቶ የተዋቀረው የደብራችን አስተዳዳሪ በኾኑት በንቡረ ዕድ በየነ ዓሊ ከፍተኛ ድጋፍ በጥቂት ወንዶችና ሴቶች (ወጣትና ሕፃናት) ነሐሴ ፳፮ና ፳፯/፲፱፻፶፰ ዓ.ም. ነው፤ ፠ ሲመሠረት የሰ/ት/ቤታችን ስያሜ ‹‹የቀጨኔ ደብረ ሰላም መድኀኔ ዓለም ቤ.ክ. ሰንበት ትምህርት ቤት›› በሚል ነበር፤ ፠ ሲመሠረትም ከነበሩት መሥራች አባላት መካከል ለአብነት (እማሆይ ተስፋዬ (እኅተ ጊዮርጊስ)፣ አቶ አየለ…፣ አርቲስት የሻሽወርቅ በየነ፣ ሐና በለጠ፣ …..….) እዲሁም ከጥቂት ቆይታ በኋላ ከተቀላቀሉት መካከል እነ አርቲስ ችሮታው ከልካይ ተጠቃሾች ናቸው፡፡ በተለይም እማሆይ ተስፋዬ ፀጋ ሰንበት ትምህርት ቤታችንን ከመመሥረት ጀምሮ ለብዙ ዘመናት በሰንበት ትምህርት ቤታችን አገልግሎት ላይ እጅግ ከፍተኛውን አስተዋጽዖ ያደረጉና በሰ/ት/ቤታችን ታሪክ ላይ የአንበሳውን ድርሻ የተወጡ እናታችን ናቸው፡፡ ✤✤ ሰ/ት/ቤታችን መነሻ አድርጎ የተመሠረተበት የመጽሐፍ ቅዱስ ጥቅስ ቃልም ‹‹አስቀድማችሁ የእግዚአብሔርን መንግሥትና ጽድቁንም ፈልጉ፤ ሌላው ኹሉ ይጨመርላችኋል፡፡›› ማቴ. ፮፥፴፫ የሚለው ሲኾን፤ ዋና ዓላማው መጽሐፍ ቅዱስን መማርን ቤተ ክርስቲያንን ማወቅ ሲኾን ዝርዝር ዓለማው ደግሞ ወጣቶች ከሕፃንነታቸው ጀምረው እግዚአብሔርን በፍፁም ልባቸውና በፍፁም ነፍሳቸው እንዲያመልኩት፤ ወላጆቻቸውንና ከእነርሱ በእድሜ ከፍ ያሉትን እንዲያከብሩ፣ በኑሮ ዝቅ ላሉት ወንድሞቻቸውና እኅቶቻቸው በራሳቸው ሊደረግላቸው የሚወዱትን ኹሉ ለእነርሱም እንዲያደርጉላቸው፤ ትምህርተ ሃይማኖትና ለትውልድ እንዲተላለፍ ለማድረግ ነበር፡፡ ፠ ከሰ/ት/ቤታችን ምሥረታ ከ2 ዓመታት በኋላ ጥቅምት 11/1960ዓ.ም. ‹ፍኖተ ሕይወት› (‹‹የቀጨኔ ደብረ ሰላም መድኀኔ ዓለም ቤ.ክ. ፍኖተ ሕይወት››) የሚል ስያሜን ያገኘችበት ነው፡፡ ‹ፍኖተ ሕይወት› ቃሉ የግእዝ ሲኾን ትርጓሜው የሕይወት መንገድ ማለት ነው፤ ይኸውም እውነተኛ መንገድ የተባለው መድኀኔ ዓለም ኢየሱስ ክርስቶስ ነው፡፡ ‹‹እኔ እውነተኛ መንገድና ሕይወት ነኝ፡፡›› እንዲል፡፡ ✤፠✤ በ1962ዓ.ም. የሰንበት ትምህርት ቤታችን ሌላኛው ትልቁ ምዕራፍ፤ ብፁዕ ወቅዱስ አቡነ ቴዎፍሎስ ፓትርያርክ ርዕሰ ሊቃነ ጳጳሳት ዘኢትዮጵያ ደብራንችንና ሰንበት ትምህርት ቤታችንን መጎብኘት /ፎቶውን ይመልከቱ …../ ፠ ብፁዕ አባታችን ሰንበት ትምህርት ቤታችንን ባልታሰበ ጊዜ መጎብኘታቸው፤ አዳራሻችን ድረስ መጥተው ማስተማራቸውና አባላቱን ኹሉ እቅፍ አድረገው ማበረታታቸው፤ አዳራሻችንን ለማደስ ተሥፋ መስጠታቸው፤ ማኅበረ ካህናት ለሰንበት ትምህርት ቤት እንዲራዱ መመሪያ መስጠታቸው ከሰንበት ትምህርት ቤቱ ምሥረታ በኋላ ዳግመኛ በአባላቱ ሁሉ ልቡና ላይ እንደ ሰሌዳ ተቀርጾ በብርታትና በፍቅር፤ በንቃትና በትጋት አገልግሎትን እንድናከናውን መሠረት ሆነን፤ ይህችም ቀን ዳግመኛ ሰንበት ትምህርት ቤታችን የተመሠረተችበት ዕለት ሆነች፡፡ ✤✤✤ ሕፃናት ክፍል  መምህር አባ ምክረ ማርያም ሠይፈ ሥላሴ የደብራችን አስተዳዳሪ ከኾኑ በኋላ መጋቢት 29/1965ዓ.ም. ድረስ በመምጣጥ የሕፃናት ክፍል ለብቻቸው እንዲማሩ ወንድ በአንድ ረድፍ ሴቶች በሌላኛው ረድፍ እንዲቀመጡ ባስተላለፉት መመሪያ መሠረት፤ በሳምንቱ ከሚያዝያ 6/1965ዓ.ም. ጀምሮ ሕፃናት ክፍል ራሱን ችሎ መዋቀሩ የመጀመሪያዋ የሕፃናት ክፍል ሰብሳቢም የ13ት ዓመቷ የሻሽ ወርቅ በየነ መኾኗ፡፡  በ1980ዋቹና 90ዎቹ መጀመሪያ ድረስ የሕፃናት ክፍል ‹‹እምነት ተስፋ ፍቅር›› በሚል በተሰየሙ በ3ት ምድቦች የተለያዩ መርሐ ግብሮችን በአዳራሽና በዐውደ ምሕረት ሲያቀረብ መቆየቱ፡፡  በ1990ዎቹ መጀመሪያ የፊልጶስና ናትናኤል ክፍል በሚል ስያሜ ተሰይሞ ለ2ት ተከፍሎ መቆየቱ፤ የሕፃናት ክፍል አባላት ከጊዜ ወደ ጊዜ በመጨመራቸውና በተለያዩ የእድሜ ክልሎች ከፍሎ ማስተማር በማስፈለጉ ተጨማሪ 2ት ክፍሎች ‹‹የታሪክ ሀ›› እና ‹‹የታሪክ ለ›› ክፍል በሚባሉ የተሰየሙ ክፍሎች መጨመራቸው፡፡ ያተሪክ ሀ እና ለ የሚሉት ስያሜዎች አሁን የጳውሎስና የጴጥሮስ ክፍል ተብለው የተሰየሙት ናቸው፡፡  በ2000ዎቹ መጀመሪያ ላይ የመድኀኔዓለም ዝክር (ጽዋ) ስያሜው ‹‹ዝክረ አበው›› በሚል መከበር መጀመሩ፡፡ አንዲሁም የወላጅ ኮሚቴ በሕፃናት ክፍል መዋቀሩ የሚጠቀሱ ናቸው፡፡ /የቀጨኔ ደብረ ሰላም መድኀኔዓለም ወደብረ ትጉሃን ቅዱስ ገብርኤል ቤተ ክርስቲያን፤ የፍኖተ ሕይወት ሰንበት ትምህርት ቤት፡፡/

#አጋፔ_ ለተማሪዎችና ለአባላት በሙሉ፤ የአጋፔ (የፍቅር ማዕድ) መርሐ ግብር ቅዳሜ መስከረም 10/2012 ዓ.ም. በ12፡00 ሰዐት ይካሄዳል፡፡ /የቀጨኔ ደብረ ሰላም መድኀኔዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት/

ወቅታዊ የቤተ ክርስቲያናችን ፈተናዎች ምንድን ናቸው?፤ የእኛስ ድርሻ? መስከረም 10/2012 ዓ.ም. በ10፡30 በመርካቶ ደብረ ኀይል ቅዱስ ራጕኤል ቤ/ክ በትልቁ ት/ቤት ሰገነት ላይ እንገናኝ፡፡

እንኳን ለአቡነ ሳሙኤል ዘዋልድባ (ፀሐየ ዋሊ ፀሐየ ኢትዮጵያ) ፍልሰተ ሥጋ በሰላምና በጤና አደረሳችሁ፡፡ /ስዕሉ/- አቴና(መቃብረ ሳሙኤል)ይባላል፤ በዋሊ(ዋልድባ) የሚገኝ፤ አቡነ ማር ሳሙኤል ዘዋልድባ ለበርካታ ዘመናት በጾም፣ በጸሎት፣ በትህርምት፣………የኖሩበት እና በስተመጨረሻም፤ ማክሰኞ ታኅሣሥ 12 ያረፉበት፤ ጌታችን ከእናቱና ከቅዱሳን መላእክቶች ጋር የወረዱበት ቅዱስ ቦታ፤ ከካረፉም በኋላ ቅዱስ ሥጋቸው ለበርካታ ዘመናት የኖረበት ቦታ ነው፡፡ አቡነ ኣሙኤል በኪደተ እግር በወንጌል ገበሬነት አዲስ አበባንና አካባቢዋን ያስተማሩ ታላቅ አባት ናቸው፡፡ ዛሬ መስከረም 6 የአቡነ ማር ሳሙኤል(ፀሐይ ዘዋሊ፤ ፀሐይ አዚትዮጵያ) ቅዱስ ሥጋ ከአቴና(መቃብረ ሳሙኤል) የፈለሰበት ነው፤ ልክ የእመቤታችን ሥጋ በነሐሴ (14) እንደፈለሰ፤ የሊቀ ሰማዕታት ቅዱስ ጊዮርጊስ ሥጋ (ሚያዝያ 23 አርፎ) በነሐሴ 16 ወደ ልዳ እንደፈለሰ፤ የአቡነ ተክለሃይማኖት ሥጋ (በነሐሴ 24 አርፎ) በግንቦት 12 ከደብረ አስቦ ወደ ደብረ ሊባኖስ እንደፈለሰ ሁሉ፤ ዛሬም የአቡነ ማር ሳሙኤል ሥጋ ከአቴና የፈለሰበት ነው፡፡ አቡነ ማር ሳሙኤል (ፀሐይ ዘዋሊ፤ ፀሐይ አዚትዮጵያ) ከሚታወቁበት ብዙ ነገሮች መካከል ከአቡነ ሳሙኤል ዘደብረ ወገግና ከአቡነ ብንያሚ ጋር ወደ ታላቁ አባት አቡነ ገብረመንፈስ ቅዱስ ለበረከት በመጡበት ወቅት አዲስ አበባንና አካባቢዋና በወንጌል ገበሬነት አርሰዋታል፤ ለዚህም ምስክሩ፤ በኢትዮጵያ የመጀመሪያው የኤሌክትሪክ ኃይል ማመንጫ የተሠራበት/አቡነ ሳሙኤል የኤልክትሪክ ኃይል ማመንጫ በመባል የሚታወቀው/ (ከአቃቂ 30ኪ.ሜ አካባቢ ርቀት ላይ የሚገኘው) በወቅቱ ራሳቸው የመሠረቱት(ያስፋፉት) ገዳም (ደብረ ገነት አቡነ ሳሙኤል የሴቶች አንድነት ገዳም በመባል የሚጠራው) ምስከር ነው፡፡ ሰላም ለከ ኵነነ ሐመረ፤ እንበለ አስጥሞ ኅቡረ፥ ታዕድወነ ባሕረ፡፡ አምላከ አበው(ሳሙኤል) በረድኤት ይጠብቀን፤ ፍጻሜያችንን ያሳምረው፡፡ ከአበው በረከት፤ ከሥላሴ ልጅነት አያናውጠን፡፡ /ከዋልድባ ዋሊ ገጽ የተወሰደ/

‹‹ሁለቱም አንድ አካል ይኾናሉ፤ ይህ ነገር ጥልቅ፤ ረቂቅ ምሥጢር ነው፤ እኔም ለክርስቶስና ለቤተ ክርስቲያን ምሳሌ አድርጌ እናገረዋለሁ፡፡›› ሃይማኖተ አበው ዘስምዓት በወርኀ ነሐሴ ፳፬/፳፻፲፩ ዓ.ም. ጋብቻሽን በዩናይትድ ኪንግደም ሎንዶን ደብረ ገነት ቅድስት ሥላሴ ቤ/ክ የፈጸምሽው የሰ/ት/ቤታችን አባል እኅታችን፤ #ሰላማዊት(ይልፋሸዋ)#ጌታቸው_ከሠራዊት_ወንድማገኘው ጋር የፈጸማችሁትን ጋብቻ፤ የይስሐቅንና የርብቃን ጋብቻ የባረከ አምላክ፤ የትዳር ሕይወታችሁን ይባርክላችሁ፥ ያጣምራችሁ፥ ያዋሕዳችሁ፤ እመብርሃን በአማላጅነቷ አትለያችሁ፤ ቅዱስ ገብርኤል ከፊት ይምራችሁ ከኋላ ይከተላችሁ፡፡ ✤ ‹‹ጌታን እንዲወዱና በአካልም ይሁን በመንፈስ በባሎቻቸው ደስ እንዲሰኙ ለእህቶች ንገራቸው፡፡ ልክ እንደዚሁ ጌታ ቤተ ክርስቲያንን እንደወደደ ሚስቶቻቸውን እንዲወዱ ለወንድሞች በጌታ በኢየሱስ ክርስቶስ ስም ንገራቸው፡፡›› ቅዱስ አግናጥዮስ ምጥው ለአንበሳ ለፖሊካርፐስ በላከው መልእክቱ ✤ ከተጋባችሁ በኋላ ባልና ሚስት አንድ አካል ናችሁ እንጂ ሁለት ስላይደላችሁ በፍጹም ልባችሁ እርስ በእርሳችሁ ተፋቀሩ፡፡ ከዛሬ ጀምሮ ሌላ ወንድ ወይም ሌላ ሴት አትፈልጉ ይልቁንም በተቻላችሁ መጠን አንዳችሁ ሌላውን ደስ አሰኙ፤ በመረዳዳትና በፍጹም ፍቅር ኑሯችሁን ሁሉ አሳምሩ፡፡>> ኢትዮጵያዊው ፈላስፋ ዘርአያዕቆብ፡፡ /ከቀጨኔ ደ/ሰላም መድኀኔ ዓለምና ደ/ት/ቅ/ገብርኤል ቤ/ክ ፍኖተ ሕይወት ሰ/ት/ቤት/

#አስቸኳይ_፤ +++ነገ መስከረም 4/2012 ዓ.ም. * ሁላችንም እናስቀድስ፥ አቡነ ዘበሰማያት እናድርስ፤ ሁላችንም፤ የተቻለን 151 መዝሙረ ዳዊት እንጸልይ (በገዳም ያሉ እንዲጸልዩ መልዕክት እናድርስ) * ውዳሴ ማርያም፥ ሰላም ለኪ እንድገም። * ሰላማዊ ሰልፉን ያጨናገፉ 3ቱ .... ከለባትን ሌላ ጊዜ እንመለከታቸዋለን። /shareeeeeeee/

እንኳን ✤ ለ7512 ዓመተ ዓለም፥ ✤ ለ2012 ዓመተ ምሕረት፥ ✤ ለ64 ዐውደ ቀመር፥ ✤ ለ7 ዐውደ ወርኅ፥ ✤ ለ6 ዐውደ ወንበር፥ ✤ ለዐውደ ዓመት ዮሐንስ (መስከረም 1 /መባቻ/) ኀሙስ፥ ✤ ለዐውደ ዓመት ወንጌላዊ ዮሐንስ፥ ✤ ለ2 ጥንተ ዮን፥ ለ4 እንድክትዮን ✤ ለ6 አበቅቴ፥ ✤ ለ24 መጥቅዕ፤ በሰላምና በጤና አደረሳችሁ፡፡ የቀጨኔ ደብረ ሰላም መድኀኔዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት፡፡ ሥርዐተ ማኅሌት ዘመስከረም 1፤ በዓለ ርዕሰ ዐውደ ዓመት ቅዱስ ዮሐንስ ወቅዱስ ራጕኤል፡፡ የመስከረም 1 ርዕሰ ዐውደ ዐመት ክብረ በዓል በሃገራችን የሚከበርባቸው ዋና ዋና ቦታዎች፤ ✣ ጋራ መናገሻ መድኀኔዓለም (የቅዱስ ራጕኤል ታቦት ከጥንት ጀምሮ በድርብነት ይከብራል) ✣ ርዕሰ አድባራት እንጦጦ ደብረ ኃይል ቅዱስ ራጕኤል ወኤልያስ ቤ.ክ. ✣ መርካቶ ደብረ ኃይል ቅዱስ ራጕኤል ቤ.ክ. ✣ ዘንሥር ዮሐንስ ማዕከላ ለጎንደር (የቅዱስ ራጕል ታቦት በድርብነት ይከብራል) እንኳን ለ፳፻፲፪ዓ.ም. (ከዘመነ ሉቃስ ወደ ዘመነ ዮሐንስ) በሰላምና በጤና አደረሳችሁ፡፡ ከቀ.ደ.ሰ መድኀኔዓለም ወደ/ት/ቅ/ገብርኤል ቤ.ክ. ፍኖተ ሕይወት ሰ/ት/ቤት ፎቶ፤ መጋቤ ብርሃናት ቅዱስ ራጕኤል (የቀጨኔ ደብረ ሰላም መድኀኔዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት)

/የቀጨኔ ደ/ሰላም መድኀኔ ዓለምና ደ/ት/ቅ/ገብርኤል ቤ/ክ ፍኖተ ሕይወት ሰ/ት/ቤት/

በየዓመቱ ጳጕሜን 5ት፤ በየዓራት ዓመቱ ጳጕሜን 6ት፤ በስድስት መቶ ዓመት ጳጕሜበን 7ት ለምን? #ጳጕሜን_፭_ዕለተ_ምሪያ_(#ዕለተ_መድኀኒት_ብርሃን_ልደት_) ‹‹ምርያ›› ማለት ‹የተመረጠች ቀን› ማለት ሲሆን የምታዘዋውር ማለትም ነው፤ ይህች ዕለት ዓመቱ በዋለበት እንዳይውል የምታደርግ ናት፡፡ /ለምሳሌ መስከረም 1/2010 ሰኞ ውሎ የዘንድሮ መስከረም 1/2011ዓ.ም. ማክስኞ እንዲውል የምታደርገው ጳጕሜን 5 ናት/፡፡ ጳጕሜን ፭ የሚትውልበት ዕለት ሁልጊዜም ከቀጣዩ የገና(የልደት) በዓል ዕለት ጋር ተመሳሳይ ነው (በዓለ ልደት የሚውለውም ጳጕሜን 5 በዋለበት ቀን ነው)፡፡ በዚህም የጌታችንን የመድኀኔ ዓለም ክርስቶስ ልደቱን ስለምታሳውቅ (ስለምትመራ) ጳጕሜን 5 ዕለተ ምሪያ ከሚል ስያሜ በተጨማሪ ዕለተ መድኀኒት ዕለተ ልደት በመባል ትታወቃለች፡፡ /ለምሳሌ ጳጕሜን 5/2010 ዓ.ም. ሰኞ ዋለ፣ ታኅሣሥ 29, 2011 ሰኞ ዋለ፡፡ #ጳጕሜን_፮_ዕለተ_ሠግር_(#ሠግረ_ዮሐንስ_6ኛ_ጳጉሜን_) (leap year) ዮሐንስ ተሻግሮ የሚውልባት ቀን ማለት ነው፡፡ የ2012 ዓ.ም. መባቻ (መስከረም 1) ረቡዕ እንዳይሆን ወደ ኀሙስ የተሻገረው በሠግር በተሰኘችዋ ጳጉሜን 6 አማካይነት መሆኑን ልብ ይሏል፡፡ በአራት ዓመት አንድ ጊዜ ጳጕሜን 6 ቀን የምትኾነውም እነዚህ በየዓመቱ የተሰባሰቡ 15 ኬክሮሶች አንድ ላይ መጥተው በአራት ዓመት አንድ ጊዜ አንድ ዕለት ስለሚኾኑ ነው፡፡ ጎርጎርዮሳውያኑ ይህቺን ሠግር በፌቡርዋሪ ወር ላይ ጨምረው ወሩን በየአራት ዓመቱ አንድ ጊዜ 29 ቀን ያደርጉታል፡፡ 15ቱ ኬክሮስ በአራት ዓመት ተደምረው አንድ ዕለት መጡና በአራት ዓመት አንድ ጳጕሜን ስድስት ቀን እንድትኾን አድርገዋታል፡፡ የቀረችው 6 ካልዒትስ የት ትግባ? ከተባለ ካልዒት አንዲት ዕለት ትኾን ዘንድ 3600 ካልዒት ያስፈልጋሉ፡፡ ይህንን ያህል ካልዒት ለማግኘት 600 ዓመታት ያስፈልጉናል፡፡ ለዚህ ነው ጳጕሜን በየስድስት መቶ ዓመታት ሰባት የምትኾነው፡፡ በዘመነ ዮሐንስ ግን ስድስተኛዋ የጳጕሜን ቀን በዓለ ልደትን በአንድ ቀን ዝቅ ብሎ እንዲከበር ስለምታደርገው ልደትን ታኅሣሥ 28 ቀን እናከብራለን፡፡ ታድያ ምነው ጥምቀት፣ ግዝረትና ሌሎችም በዓላት አይለወጡም? ቢሉ ሊቃውንቱ የሚሰጡት ምላሽ ‹‹ትውልድ ሱባዔ እየቈጠረ በተስፋ የጠበቃት ዕለተ ልደትን ስለ ኾነ ነው፤ ሌሎቹ በዓላትም የመጡት በልደቱ ምክንያት ነው›› የሚል ነው፡፡ በጎርጎርዮሳውያንም ቢኾን በአራት ዓመት አንድ ጊዜ በዓለ ልደት ዝቅ ብሎ ይከበራል፡፡ የእነርሱ የማይታወቀው ጭማሪዋ ፌብርዋሪ ላይ ስለ ኾነች ነው፡፡ ያ ደግሞ አዲሱን ዓመት ካከበሩ በኋላ ስለሚመጣ ነው፡፡ የእኛ ግን የምትወድቀው ጳጕሜን መጨረሻ ላይ በመኾኗና ከአዲስ ዓመት በፊት ስለምትጨመር ቍጥሯ ጐልቶ ይታወቃል፡፡ #ተጨማሪ_ማብራሪያ_/#ከባሕረ_ሐሳብ_መጻሕፍት_/ ፠ዓመቱ በዐውደ ፀሐይ ሲለካ 365 ቀናት ከ15 ኬክሮስ ከ6 ካልዒት ነው፣ ፠ዓመቱ በጨረቃ ሲለካ ደግሞ 354 ቀናት ከ22 ኬክሮስ፣ ከ1 ካልዒት፣ ከ36 ሣልሲት፣ ከ52 ራብዒት፣ ከ48 ኀምሲት ነው፡፡ **በሁለቱ አቈጣጠር መካከል (በፀሐይና በጨረቃ) በዓመት ውስጥ ያለው ልዩነት 11 ቀናት ከ7 ኬክሮስ ይኾናል፡፡ በዘመን አቈጣጠራችን ውስጥ ከዕለት በታች የምንቈጥርባቸው ስድስት መለኪያዎች አሉ፡፡ እነዚህም ኬክሮስ፣ ካልዒት፣ ሣልሲት፣ ራብዒት፣ ኀምሲትና ሳድሲት ናቸው፡፡ 60 ሳድሲት 1 ኀምሲት፣ 60 ኀምሲት 1 ራብዒት፣ 60 ራብዒት 1 ሣልሲት፣ 60 ሣልሲት 1 ካልዒት፣ 60 ካልዒት ደግሞ 1 ኬክሮስ ይኾናል፡፡ 60 ኬክሮስ ደግሞ 1 ዕለት፤ 1 ኬክሮስ 24 ደቂቃ ነው፡፡ ወርኀ ጳጕሜንን ለማግኘት የሚረዳንም የየዕለቱን ልዩነታቸውን መመልከቱ ነው፡፡ በየዕለቱ በጨረቃና በፀሐይ መካከል 1 ኬክሮስ ከ52 ካልዒት ከ31 ሣልሲት ይኾናል፡፡ ይህም ማለት 5 ሰዓት ከ48 ደቂቃ ከ46 ካልዒት (ሴኮንድ?) ነው፤ ይህ ልዩነት በአንድ ወር ምን ያህል እንደሚደርስ ለማወቅ በ30 ብናበዛው 30 ኬክሮስ ከ1560 ካልዒት፣ ከ930 ሣልሲት ይኾናል፡፡ የዓመቱን ለማግኘት ደግሞ በ12 ብናበዛው 360 ኬክሮስ ከ18720 ካልዒት፣ ከ11160 ሣልሲት ይመጣል፡፡ ቀደም ብለን 60 ኬክሮስ አንድ ዕለት ይኾናል ባልነው መሠረት 360 ኬክሮስ ለ60 ሲካፈል 6 ዕለታትን ይሰጠናል፡፡ 18720 ካልዒትን በስድሳ በማካፈል 312 ኬክሮስን እናገኛለን፡፡ ያም ማለት ትርፉን 12 ኬክሮስ ትተን 300ውን ኬክሮስ ለ60 በማካፈል 5 ዕለት እናገኛለን ማለት ነው፡፡ ይኼም 5 ዕለት ከ12 ኬክሮስ ይኾናል፡፡ 11160 ሣልሲትን ለ60 ብናካፍለው 186 ካልዒት ወይም ደግሞ 3 ኬክሮስና 6 ካልዒት ይኾናል ማለት ነው፡፡ ከላይ ኬክሮስን በዓመቱ ቀናት አባዝተን ያገኘነው 6 ዕለት ሕጸጽ ይባላል፡፡ ፀሐይና ጨረቃን እኩል መስከረም አንድ ላይ ዓመቱን ብናስጀምራቸው ፀሐይ የወሯ መጠን ምንጊዜም 30 ሲሆን ጨረቃ ግን በአንደኛው ወር 29 በሌላኛው ወር ደግሞ 30 ስለምትኾን ዓመቱ እኩል አያልቅም፤ የጨረቃ ዓመት የሚያልቀው ነሐሴ 24 ቀን ነው፡፡ ይህም ማለት ጨረቃ በሁለት ወር አንድ ጕድለት ታመጣለች ማለት ነው፡፡ ይህንን ነው ሊቃውንቱ ሕጸጽ (ጕድለት) ያሉት፡፡ በዚህም መሠረት ከላይ ኬክሮሱን በዓመቱ ቀናት አባዝተን ያገኘነውን 6 ዕለት ለጨረቃ ሕጸጽ ስንሰጠው የመስከረም /ጥቅምት 1፣ የጥቅምት /ኅዳር 2፣ የጥር /የካቲት 3፣ የመጋቢት /ሚያዝያ 4፣ የግንቦት /ሰኔ 5፣ የሐምሌ /ነሐሴ 6 ኾነው ተካፍለው ያልቃሉ፡፡ በሌላ በኩል ደግሞ በጨረቃና በፀሐይ ዑደት መካከል በዓመት ያለው ልዩነት 11 ቀናት ከ15 ኬክሮስ ከ6 ካልዒት ይኾናል፡፡ ስድስቱን ዕለታት ጨረቃ ለምታጋድልበት ሕጸጽ ብንሰጠው ቀሪ 5 ዕለት ይኖረናል፡፡ ወርኀ ጳጕሜን ማለት እነዚህ 5 ቀናት ናቸው፡፡ አሁን የዐሥራ አንዱን ዕለታት ከፈጸምን ሽርፍራፊዎቹን (15 ኬክሮስና 6 ካልዒት) እንመልከት፤ ከላይ እንደ ተመለከትነው በፀሐይና ጨረቃ ዓመታት መካከል የተፈጠሩትን 11 ቀናት ስድስቱ ለሕጸጽ ማሟያ ሲገቡ የቀሩት 5 ዕለታት ናቸው ጳጕሜን የምትባለውን ወር ያስገኟት፡፡ በጎርጎርዮሳውያኑ አቈጣጠር እነዚህ 5ቱ ዕለታት በጃንዋሪ፣ ማርች፣ ሜይ፣ ጁላይና ኦገስት ላይ ስለ ተጨመሩ ወሮቹ 31 ሊኾኑ ችለዋል፡፡ ይህንን የከፈለው በ46 ቅልክ የነበረው ዩልየስ ቄሣር ነው፡፡ ለአራቱ ወሮች 30 ቀን፣ ለአንዱ 28/29 (በየአራት ዓመቱ)፣ ለቀሩት ሰባት ወሮች ደግሞ 31 ቀን ሰጥቷቸዋል፤ ለአምስቱ ወሮች 31 ያደረጋቸው ከጳጕሜን ወስዶ ሲኾን ለሁለቱ ወሮች አንዳንድ ቀን የጨመረላቸው ደግሞ ከፌቡርዋሪ 2 ቀናት ወስዶ ወሩን 28 በማድረግ ነው፡፡ ከእንግዲህ የሚተርፉት ከላይ የየዕለቱን ልዩነት በዓመት ስናባዛ የቀሩት 15 ኬክሮስና 6 ካልዒት ናቸው፡፡ ሁለቱን ከላይ ያየናቸውን ስንደምራቸው (12 ኬክሮስ + 3 ኬክሮስ ከ6 ካልዒት) 15 ኬክሮስ ከ 6 ካልዒት ይመጣሉ፡፡ 1 ዕለት 60 ኬክሮስ በመኾኑ 1 ዕለትን (60 ኬክሮስን) ለማግኘት ከላይ ያገኘነውን 15 ኬክሮስ በ4 ማባዛት ይኖርብናል፡፡ #ምንጭ_፤ **ስለ ባሕረ ሐሳብ የአባቶች የቃል ትምህርት **መልአከ ሰላም ዐምደ ብርሃን (የቀድሞ የደብራችን አስተዳደሪና አሁን የሊቃውንት ጕባኤ አባል፤ በደብራችን ‹‹በዕለተ ኅሪት ሰማዕኩከ፥ በዕለተ መድኀኒት አድኀንኩከ›› በሚል ካስተማሩት ትምህርት/ **ወልደ ያሬድ ሔኖክ **የዳንኤል ክብረት እይታዎች

አዋጅ፥ አዋጅ፥ አዋጅ፡፡ የአባቶቼን ርስት አልሰጥህም፡፡ *** እንደ አምለከ አበው መድኀኔ ዓለም ፈቃድ #ለመስከረም_፬/ ፳፻፲፪ ዓ.ም. #የሚካሄደውን_ሰልፍ_በተመለከተ_የወጣ_መርሐ_ግብር_፤ *** ሰልፉ በሃገር ውስጥና በውጭ ሃገራት መስከረም ፬ በአደባባዮች ይካሄዳል፡፡ *** በዕለቱም ብፁዓን ሊቃነ ጳጳሳት ይገኛሉ፡፡ ሰልፉን ሁሉም ምዕመን በኀላፊነት የሚያስተባብረው ሲሆን፤ በግንባር ቀደምትነት ግን የሰ/ት/ቤቶች አንድነት፤ የመንፈሳዊ ኰሌጅ ተማሪዎችን ምሩቃን፤ በሰ/ት/ቤቶች ማ/መምሪያ ማኅበረ ቅዱሳን፤ የወጣቶችና ጎልማሶች ማኅበራት ኅብረት፤ የሠለስቱ ምዕት ማኅበራት ኅብረት፤ የአእላፋት ድምፅ የካህናትና ምእመናን ተናሥኦት ኅብረት፤ የጽዋ ማኅበራት ሙሴና ደርገ ሙሴዎች ናቸው፡፡ *** መስከረም 4 ጠዋት 2.30-3፡30 ሰዐት ቅዳሴ እንዳበቃ ከየአብያተ ክርስቲያናቱ እስከ ተመደበላቸው መሰባሰቢያ ቤተ ክርስቲያን ድረስ (ለምሳሌ የሰሜን አቅጣጫ እኛን ጨምሮ ገነተ ጽጌ ላይ ነው የምንገናኘው)፤ በሚከተለው ሁኔታ ጕዞ ይካሄዳል፡፡ ፠ ባለ መለከቶችና ባለ ጥሩንባዎች ድምፅ እያሰሙ ባንዲራን እያውለበለቡ ከፊት ይመራሉ፤ ፠ በመከተልም የበገና ዝማሬ የሚያቀርቡ ይከተላሉ፡፡ ፠ ማዕጠንት የያዙ ካህናት እያጠኑ ይመራሉ፤ ፠ የየሰንበት ትምህርት ቤት መለያ ልብስ(ዩኒፎርም)ና ጥንግ ድርብ የለበሱ የሰንበት ትምህርት ቤት አባላትና ተማሪዎች በዝማሬ ጭምር ይከተላሉ፤ /የሰ/ትቤቶች አመራር ያስተባብራሉ/ ፠ የጽዋ ማኅበራት በነጭ ልብስ (በማኅበራቸው መለያ ልብስ) ይከተላሉ /የየማኅበሩ ሙሴና ደርገ ሙሴ ያስተባብራሉ/ ፠ ጥንግ ድርብ የለበሱ መዘምራን ማኅሌታውያን ይከተላሉ /አጋፊሪና መጨኔ ያስተባብራሉ/ ፠ መስቀል የያዙ ዲያቆናትና ካህናት፤ ልብሰ ተክህኖ የለበሱ፥ ጥላና ድባብ የያዙ ካህናት ይከተላሉ፤ /ሊቀ ዲያቆንና ቄሰ ገበዝ ያስተባብራሉ/ ፠ ምዕመናን ነጭ ልብስ፣ ነጠላ (ቲሸርት) በመልበስ ይከተላሉ፡፡ /የሰባካ ጕባኤ አባላት ያስተባብራሉ/ * ** በተመደበልን ቤተ ክርስቲያን ከተገኘን በኋላ ጠዋት ከ3፡30-4፡30 በሊቃነ ጳጳሳት እየተመራን ወደ መስቀል አደባበይ ጕዞ ይካሄዳል፤ *** ከ4፡30-7፡30 በመስቀል አደባባይ ሰልፉ ይካሄዳል፡፡ *** የመንፈሳዊ ኰሌጅ ተማሪዎችና ምሩቃን /አስተባባሪዎች ያስተባብራሉ/ *** የማኅበረ ቅዱሳን አባላትና ተማሪዎችንም /የተመደቡላቸው አስተባባሪዎች ያስተባብራሉ፡፡/ ስለ ጽዮን ዝም አንልም፠ * ልዩ ማስታወሻ፤ የሰንበት ትምህርት ቤት አባላት ተቃውሟቸውን ድጋሚ መስከረም 16 በደመራ ዕለት በትርዒቶቻቸው እንደ የሁኔታው ሊያቀርቡ ይችላሉ፡፡ * ተጨማሪ የሰልፉን ማብራሪያዎች በተመለከተ ነገ ይጠብቁ፡፡ #ላልሰሙት_ያሰሙ_ላልደረሰው_Like_Share_ያድርጉ_፡፡

አዋጅ፥ አዋጅ፥ አዋጅ፡፡ የአባቶቼን ርስት አልሰጥህም፡፡ *** እንደ አምለከ አበው መድኀኔ ዓለም ፈቃድ #ለመስከረም_፬/ ፳፻፲፪ ዓ.ም. #የሚካሄደውን_ሰልፍ_በተመለከተ_የወጣ_መርሐ_ግብር_፤ *** ሰልፉ በሃገር ውስጥና በውጭ ሃገራት መስከረም ፬ በአደባባዮች ይካሄዳል፡፡ *** በዕለቱም ብፁዓን ሊቃነ ጳጳሳት ይገኛሉ፡፡ ሰልፉን ሁሉም ምዕመን በኀላፊነት የሚያስተባብረው ሲሆን፤ በግንባር ቀደምትነት ግን የሰ/ት/ቤቶች አንድነት፤ የመንፈሳዊ ኰሌጅ ተማሪዎችን ምሩቃን፤ በሰ/ት/ቤቶች ማ/መምሪያ ማኅበረ ቅዱሳን፤ የወጣቶችና ጎልማሶች ማኅበራት ኅብረት፤ የሠለስቱ ምዕት ማኅበራት ኅብረት፤ የአእላፋት ድምፅ የካህናትና ምእመናን ተናሥኦት ኅብረት፤ የጽዋ ማኅበራት ሙሴና ደርገ ሙሴዎች ናቸው፡፡ *** መስከረም 4 ጠዋት 2.30-3፡30 ሰዐት ቅዳሴ እንዳበቃ ከየአብያተ ክርስቲያናቱ እስከ ተመደበላቸው መሰባሰቢያ ቤተ ክርስቲያን ድረስ (ለምሳሌ የሰሜን አቅጣጫ እኛን ጨምሮ ገነተ ጽጌ ላይ ነው የምንገናኘው)፤ በሚከተለው ሁኔታ ጕዞ ይካሄዳል፡፡ ፠ ባለ መለከቶችና ባለ ጥሩንባዎች ድምፅ እያሰሙ ባንዲራን እያውለበለቡ ከፊት ይመራሉ፤ ፠ በመከተልም የበገና ዝማሬ የሚያቀርቡ ይከተላሉ፡፡ ፠ ማዕጠንት የያዙ ካህናት እያጠኑ ይመራሉ፤ ፠ የየሰንበት ትምህርት ቤት መለያ ልብስ(ዩኒፎርም)ና ጥንግ ድርብ የለበሱ የሰንበት ትምህርት ቤት አባላትና ተማሪዎች በዝማሬ ጭምር ይከተላሉ፤ /የሰ/ትቤቶች አመራር ያስተባብራሉ/ ፠ የጽዋ ማኅበራት በነጭ ልብስ (በማኅበራቸው መለያ ልብስ) ይከተላሉ /የየማኅበሩ ሙሴና ደርገ ሙሴ ያስተባብራሉ/ ፠ ጥንግ ድርብ የለበሱ መዘምራን ማኅሌታውያን ይከተላሉ /አጋፊሪና መጨኔ ያስተባብራሉ/ ፠ መስቀል የያዙ ዲያቆናትና ካህናት፤ ልብሰ ተክህኖ የለበሱ፥ ጥላና ድባብ የያዙ ካህናት ይከተላሉ፤ /ሊቀ ዲያቆንና ቄሰ ገበዝ ያስተባብራሉ/ ፠ ምዕመናን ነጭ ልብስ፣ ነጠላ (ቲሸርት) በመልበስ ይከተላሉ፡፡ /የሰባካ ጕባኤ አባላት ያስተባብራሉ/ * ** በተመደበልን ቤተ ክርስቲያን ከተገኘን በኋላ ጠዋት ከ3፡30-4፡30 በሊቃነ ጳጳሳት እየተመራን ወደ መስቀል አደባበይ ጕዞ ይካሄዳል፤ *** ከ4፡30-7፡30 በመስቀል አደባባይ ሰልፉ ይካሄዳል፡፡ *** የመንፈሳዊ ኰሌጅ ተማሪዎችና ምሩቃን /አስተባባሪዎች ያስተባብራሉ/ *** የማኅበረ ቅዱሳን አባላትና ተማሪዎችንም /የተመደቡላቸው አስተባባሪዎች ያስተባብራሉ፡፡/ ስለ ጽዮን ዝም አንልም፠ * ልዩ ማስታወሻ፤ የሰንበት ትምህርት ቤት አባላት ተቃውሟቸውን ድጋሚ መስከረም 16 በደመራ ዕለት በትርዒቶቻቸው እንደ የሁኔታው ሊያቀርቡ ይችላሉ፡፡ * ተጨማሪ የሰልፉን ማብራሪያዎች በተመለከተ ነገ ይጠብቁ፡፡

በስመ አብ ወወልድ ወመንፈስ ቅዱስ አሐዱ አምላክ አሜን። #ሩፋኤል_ሊቀ_መላእክት_ወመልከጼዴቅ_ካህን_ርኅወተ_ሰማይ_:: #እንኳን_ለቅዱስ_ሩፋኤል_በዓለ_ሢመትና_ለቅዳሴ_ቤቱ_በ4ኛው_መቶ_ክ_ዘመን_በቅዱስ_ቴዎፍሎስ_ዘእስክንድርያ_አማካኝነት_በሚደንቅ_ተዓምራት_በአሣ_አንበሪ_ጀርባ_ደሴት_ላይ_ለታነጸው_ቅዳሴ_ቤት_እንዲሁም_ለካህኑ_መልከጼዴቅ_ዓመታዊ_ክብረ_በዓል_በሰላምና_በጤና_አደረሳችሁ_አደረሰን_፡፡ ✠ ሩፋኤል ማለት “እግዚአብሔር ሐኪሜ ነው” ማለት ነው። ሣልሳይ ሊቀ መላእክት ነው። (“ከሰባቱ ሊቃነ መላእክት አንዱ ሩፋኤል እኔ ነኝ” እናዳለ /ጦቢ ፲፪፥፲፭/፡፡ ✤ ሄኖክም “በሰው ቁስል ላይ የተሾመ ከከበሩ መላእክት አንዱ ቅዱስ ሩፋኤል ነው” ይለዋል (መጽሐፈ ሄኖክ 6፥3):: ✤ ለሄኖክ ወልደ ያሬድ 6 ዓመት በእግረ ገነት ወድቆ ሳለ ኅበዓቱን ክሡታቱን አሳይቶታል። መ.ሄኖክ 8፡5  ቅዱስ ሩፋኤል ሰማያውያን መዛግብትን በእጁ የሚጠበቁ በመሆናቸው "ዐቃቤ ኖኅቱ ለአምላክ" ይባላል፡፡ እግዘአብሔር እንዳዘዘው የሚዘጋቸው የሚከፍታችው እርሱ ነው፡፡ ✤✤✤ ቅዱስ ሩፋኤል ሰውን በመርዳት ሲኖር የነበረውን የጦቢትን ዓይን ያበራና፤ ሣራ ወለተ ራጕኤልን ተቆራኝቷት ከነበረው አስማንድዮስ ጋኔን (ያገባችውን ባል የሚገድል) አላቅቆ የጦቢት ልጅ ጦብያ እንዲያገባት ያደረገ በመኾኑ “ፈታሔ ማሕፀን (መወልድ/አዋላጅ፥ ምጥን የሚያቀል) ይባላል:: ” ና ‹‹መልአከ ከብካብ›› ተብሏል (ዛሬም ድረስ የእናቶች ሐኪም ነው)፤ በኋላም ወደ ጦቢት በመኼድ ረዥም ዘመን የታወረ ዐይኑን አብርቶለት ቤቱንም በበረከት ሞልቶታል፤ በዚህም ፈዋሴ ቊስል (ድውያን)፥ ዐቃቤ ሥራይ (ባለ መድኃኒት ፈዋሽ) ተብሎ ይጠራል፡፡  ጦቢት ልጁን ወደ ሜዶን ክፍል ወደ ምትሆነውና ራጌስ ወደ ምትባለው ሀገር ወደ ገባኤል ቤት ሲልከው መንገዱን የመራው አዛርያስ /ቅዱስ ሩፋኤል/ ነው፤ በዚህም ቅዱስ ሩፋኤል ‹መራኄ ፍኖት› /መንገድ መሪ/ ይባላል፡፡  ቅዱስ ሩፋኤል በራማ ሰማይ ሁለተኛ ክፍል ላይ የሰፈሩትንና መናብርት በመባል የሚጠሩትን 10ሩን ነገደ መላእክት የሚመራቸው ነው፤ በዚህም ‹‹ሊቀ መናብርት›› ተብሎ ይጠራል፤ መናብርት የሚባሉት መላእክት ረቂቅ የኾነ የመብረቅ ጋሻ፥ የእሳት ጦር ይዘው፤ ከነፋስ ይልቅ የፈጠኑ ሲኾኑ፤ ከእነዚኽ 10ር ነገደ መላእክት 24ቱ ካህናተ ሰማይ ወጥተዋል፡፡  #በብዙኃን_ዘንድ_ለሚነሱ_ጥያቄዎች_መልስ_፡፡ #መልከ ጼዴቅ ማነው? #አባትና እናትስ የሉትምን!?፤ #የሰው ዘር አይደለምን!!?፤ #እውን መልከ ጼዴቅ ክርስቶስ ነውን?!!!! ✤✤ #መልከ_ጼዴቅ_ማነው_? መልከ ጼዴቅ በዘመነ አብርሃም የነበረ የሳሌም ንጉሥ እንዲሁም የልዑል እግዚአብሔር ካህን ነው /ዘፍጥ.14፤ ዕብ. 7/፡፡ ይህ ሰው አብርሃም ጠላቶቹን ነገሥተ ኮሎዶጎሞርን ድል አድርጎ ዮርዳኖስን ተሻግሮ በተመለሰ ጊዜ አብርሃምን ሊቀበለውና ሊባርከው ኅብስትና የወይን ጠጅ ይዞ ወጣ ባረከውም አብርሃምም ደግሞ ለመልከ ጼዴቅ ከምርኮው ዐሥራት አወጣ፡፡ (ኅብስትና ወይኑ የቅዱስ ቊርባን፣ መልከ ጼዴቅ የካህናት፣ አብርሃም የምእመናን፣ ዮርዳኖስ የጥምቀት ምሳሌዎች ናቸው)፡፡ ካህኑ መልከ ጼዴቅን ‎ቅዱስ ዻውሎስ "የትውልድ ቊጥር የለውም፤ ለዘመኑም ጥንትና ፍጻሜ የለውም" ብሎ ያስቀመጠው /ዕብ.7፥3/፤ ለወልደ እግዚአብሔር ምሳሌ ሲያደርገው እንጂ ትውልዱ ከነገደ ‎ካም ነው፡፡ ወላጆቹም ‹‹ሚልኪና ሰሊማ ›› ይባላሉ፡፡ በፋሬስ ደግሞ፤ ፋሬስ የኦሪት ዛራ ደግሞ የወንጌል ምሳሌዎች ናቸው፤ ዛራ እጁን አውጥቶ መመለሱ ወንጌል በመልከ ጼዴቅ ታይታ የመጥፋቷ ምሳሌ፤ ፋሬስ ጥሶ እንደወጣ በመሀል ኦሪት ተሠርታለች፤ ዛራ ሁለተኛ እንደመወለዱ ወንጌልም ቆይታ ተሠርታለች፡፡  #መልከ ጼዴቅ ክርስቶስን በአራት ነገሮች ይመስለዋል፤ ✤1. መልከ ጼዴቅ ማለት የጽድቅ ንጉሥ የሰላም ንጉሥ ማለት ነው፤ ክርስቶስም ደግሞ አምላከ ጽድቅ አምላከ ሰላም ነው፣ ✤2. መልከ ጼዴቅ በኅብስትና በወይን ያስታኵት /ያመሰግን/ ነበር፤ ክርስቶስም ሥጋና ደሙን በኅብስትና በወይን ሰጥቶናል፣ ✤3. መልከ ጼዴቅ በመጽሐፍ ቅዱስ እናቱና አባቱ አልተጠቀሱም ክርስቶስ ደግሞ ለሰማያዊ ልደቱ እናት ለምድራዊ ልደቱ አባት የለውም፣ ✤4. መልከ ጼዴቅ ለዘመኑ ጥንት ለሕይወቱ ፍጻሜ የለውም፣ ለክርስቶስም በመጀመሪያ ቃል ነበር ቃልም ሥጋ ሆነ ሲባል ለልደቱ ጥንት የለውም አምላክነቱም ዘላለማዊ ነው፡ ✤ መልከ ጼዴቅ ለክርስቶስ ምሳሌ እንጂ ክርስቶስ አይደለም፤ ለዚህም መልከ ጼዴቅ ከጌታችን መድኀኒታችን ኢየሱስ ክርስቶስ ጋር ከሚለዩባቸው ነገሮች ዋናዎቹ፤ 1.መልከ ጼዴቅ ከካም ዘር ተወልዶ ክህነትን ከልዑል እግዚአብሔር አገኘ፤ ክርስቶስ ደግሞ ከይሁዳ ወገን ቢወለድም ቅሉ ክህነትና ከሌዊ ሳይሆን ከራሱ አገኘ (ክህነቱ የባሕርዩ ናትና፤ ራሱ ሊቀ ካህናት ነውና)፣ 2.የመልከ ጼዴቅ ክህነቱ ዘለዓለማዊት ብትሆንም ቅሉ ‹‹እስከ አለው›› (መነሻ ያለውና ሞት ይገድበዋልና)፤ የክርሰቶስ ክህነት ግን ‹‹እስከ እንደ ፍጡር የሌለበት ዘለዓለማዊት ናት፡፡›› 3.የመልከ ጼዴቅ ክህነት ፍጹም አልነበረችም /ምሳሌ ነበረችና/ (ምንም እንኳን ከሌዋውያን ክህነት ቢበልጥም በአንፃረ ክርስቶስ ግን ያንሳልና ፍፁም አልነበረም)፤ የክርስቶስ ክህነት ግን ፍጹም ናት (ፍፁም ድኀነትን የምታሰጥ በመሆኗ የአዳምን ጥንተ አብሶ በማስወገድ ወደ ጥንተ ክብሩ መልሳዋለችና)፤ 4.የመልከ ጼዴቅ መሥዋዕት ምንም እንኳን የሚሞቱ እንስሳት ባይኾኑም ቅሉ አማናዊ አልነበረም ምሳሌ እንጂ፤ የክርስቶስ መሥዋዕት ግን ራሱን አማናዊውን ሥጋ ወደሙን ሰጥቶናልና ከመልከጼዴቅ ምሳሌያዊ ቊርባን ትለያለች 5. ወንጌል በመልከ ጼዴቅ ምሳሌዋ ታይታ ጠፍታ ቆየች፤ በመድኀኔዓለም ክርስቶስ ግን ወንጌል ተሰበከች ጸንታም እስካሁን ኖረች ለወደፊትም ትኖራለች፡፡ ✠ ‹‹#ርኅወተ_ሰማይ_/ሰማይ የሚከፍትባት እለት››፤  የሰዎች ሁሉ ጸሎት የሚያርግበት፥  አራተኛው መጋቤ ኮከብ (ሕልመልመሌክ) የሚያልፍባት፤  ለሰው ልጆች ከፈጣሪያቸው ጸጋ በረከት የሚሰጥባት  ሰማይ የሚከፈትባት ቀን፤ በቅዱስ ሩፋኤል መሪነት ጸሎት የሚያርግባት፤ በዚህም ‹‹መዝገበ ጸሎት›› /የጸሎት መዝገብ መክፈቻ የተሰጠው/ ይባላል፡፡  የጌታችን ዳግም ምጽአት የሚታሰብባት ዕለት፤ ✤ በዚህም ምክንያ አባቶቻችን በዚህች እለት 365 አቡነ ዘበሰማያት ሲጸልዩ ያድራሉ፡፡ ወስብሐት ለእግዚአብሔር፥ ወለ ወላዲቱ ድንግል፥ ወለ መስቀሉ ክቡር አሜን። /የቀጨኔ ደ/ሰላም መድኀኔ ዓለምና ደ/ት/ቅ/ገብርኤል ቤ/ክ ፍኖተ ሕይወት ሰ/ት/ቤት/

 ፎቶ 1) በዓለማችን በመልክ ጼዴቅ ስም የተሰየመው ብቸኛው ቤተ ክርስቲያን፡፡ ደብረ ዘይት ሂዲ መልከጼዴቅ፡፡  በኢትዮጵያ በቅዱስ ሩፋኤል ስም ከተሰየሙት ቤተ ክርስቲያን መካከል፤ ፎተ 2) ጎንደር ደብረ ሣሕል ቅዱስ ሩፋኤል ወአቡነ ሐራ ድንግል ወቅዱስ ያሬድ ቤተ ክርስቲያን (ጐንደር)፤ በአፄ በካፋ የተመሠረተና ዚቅ እንደተጀመረባቸው ከሚነገርላቸው ቦታዎች አንዱና ታላቁ ደብር፡፡ ፎቶ 3) አዲስ አበባ ጽርሐ አርያም ቅዱስ ሩፋኤል፤ በ1878 ዓ.ም. በዳግማዊ አፄ ምኒልክ የተመሠረተና ባላ አንድ ጣሪያ ያለው ቀደምት የአዲስ አበባ ደብር፡፡ ፎቶ 4) ደብረ ዘይት (አየር ኃይል) ቅዱስ ሩፋኤል ቤ.ክ. ፎቶ 5) ወላይታ ዳሞት ፑላስ ቅዱስ ሩፋኤል ቤ.ክ.

#እንደ_አምላከ_አበው_መድኀኔ_ዓለም_ፈቃድ_የመስከረም_4_2012_ዓ.ም. ሰላማዊ ሰልፋችንን ለመንግሥት አካላት ማሳወቅ እንጂ ማስፈቀድ አይጠበቅብንም፤ #ከሃገራችንም_አልፎ_በዓለም_አቀፍ_ደረጃ_የሚደረግ_ሰልፍ_ነው_፡፡ #የሰልፉ_አስተባባሪና_አዘጋጅ_በሃገራችንና_በመላው_ዓለም_የሚኖር_ሁሉም_ሕዝበ_ክርስቲያን_ነው_፡፡ በሃገራችንና በዓለም ክፍሎች ላይ ያላችሁ ሁሉ ከአሁኑ ቀጠሯችሁን ለመስከረም 4 ያዙ!!፡፡ ቤተ ክርስቲያን ከምትቃጠል እኛ ቀድመን እንቃጠል ብለው አባቶቻችንና እናቶቻችን ሰማዕት ሆነው ያስረከቡንን ቤተ ክርስቲያን በኛ ዘመን ስትቃጠል ዝም ብለን አናይም!!! /ጽዋው ሞልቶ ተርፏል ከ40 በላይ አብያተ ክርስቲያናትና ንዋያተ ቅድሳት ተቃጥለዋልና/ መስከረም ፬/፳፻፲፪ዓ.ም. መድኀኔ ዓለም ክርስቶስ የቀጠሮ ሰው ይበለን፡፡ /#ላልሰሙ_አሰሙ ፥ #ላልደረሳቸው_አድርሱ_፡፡/