﮼بێ ﮼هەست 🥀.

نەبوونیت منی نەکوشت بەڵام ئەو بوونەت کە هاوشێوەی نەبوونت بوو هەزار جار منی سووتاند... هەندێک کەس بوونیان هەیە بەڵام هەبوونیان بۆنی نەبوونیانی لێدێت ، نە دەتوانی پشتیان پێ ببەستیت و نە دەتوانیت وازیان لێبهێنیت.. لەنێوان ڕۆشتن و مانەوە هەم خۆیان وون دەکەن هەم ئێمەش...

من منداڵێکی ١٤ ساڵ بومم تۆش درۆزنێکی ١٨ ساڵی🥀؟؟

هەموو ساتێک دەتوانم بگریم هەموو ساتێک... بۆ نموونە هەر ئێستا ، هەر لێرە ، لەهەموو شوێنێک... لەناو تەکسی ، لەسەر ئیش ، لەکاتی سەیرکردنی فیلم ، لەتەنیشت مرۆڤەکان ، لەناوەڕاستی جددیترین قسەکان ، لەناو هەموو بارودۆخێک هەر قسەیەک دەتوانێت بمخاتە گریان... شتێک لەناو سنگمدا دەکوڵێت بەبێ ئەوەی بتوانم هیچ کارێک بکەم دێت و چاوەکانم تەڕ دەکات و دەستەکانم دەلەرزێنێت و بێ ئارامم دەکات... وە دواتر دێمەوە بە خۆمدا و دەبینم ئیتر ئەو مرۆڤەی چەند ساڵ پێش ئێستا نیم... سەیرە.... لەگەڵ ئەو هەموو ئازارەی کە چەشتوومە ، دیسانەوە کاتێک ناوت دەهێنن دڵم لەناو سینەمدا ئارام ناگرێت وەک بڵێی عەشق تەنانەت کاتێکیش کۆتایی دێت..کۆتایی نایەت....

زۆر باسکراین ، زۆریشمان لێ ڕۆشت بەڵام کەم نەبووینەوە🖤..

تۆ بردتەوە.. ویستت کە لێت دووربکەومەوە ، ئیتر نامەت بۆ نەنێرم ئیتر پەیوەندیت پێوە نەکەم و هەواڵت نەپرسم ، ئەوەی کە ویستت ڕوویدا... لەڕاستیدا تۆ بەدوای بیانوویەکەوە بوویت تاکوو بڕۆیت ، لەناوەڕاستی ئازارەکانمدا بەدوای خۆشگوزەرانی خۆتەوە بوویت.. بەڵام لەشوێنێکدا دۆڕایت! لەوشوێنەی کە کەسێک لەناخی دڵییەوە خۆشیدەویستیت و لەناخی دڵییەوە وەفادار بوو بۆت ، لەدەستـتدا.. بەڵێ لەوێدا دۆڕاندت! بەڵام تۆ وابزانە بردووتەتەوە...

زۆرجار مرۆڤ کە لە ئازارەکان و تێنەگەیشتنی دەوروبەری ماندوو دەبێت، بڕیار دەدات بێدەنگ بێت... واز لە ڕوونکردنەوە دەهێنێت و ئازارەکانی لە قووڵایی دڵیدا شارێتەوە. وا دەزانێت توانوێتی هەموو شتێک بشارێتەوە و لە پشت بێدەنگییەکەیەوە خۆی حەشار بدات. بەڵام هەمیشە کەسێک هەیە کە گوێی لەو بێدەنگییە دەبێت... کەسێک کە پێویستی بە ڕستەی درێژ و ڕوونکردنەوە نییە؛ تەنها بە بیستنی یەک وشە، یەک هەناسە، یەک گۆڕانی بچووک لە تۆنی دەنگتدا، هەست بەو باهۆزە دەکات کە لە ناختدا دەگوزەرێت. مرۆڤ دەتوانێت تەواوی جیهان هەڵخەڵەتێنێت کە باشە، بەڵام هەرگیز ناتوانێت لەبەردەم ئەو کەسەی بە دڵ گوێی لێ دەگرێت، ئازاری دەنگی بشارێتەوە...!

هەندێک جار ماندووبوونی ناخمان ئەوەندە قورس دەبێت، بێدەنگی دەکەینە دوا پەناگە؛ چونکە دەزانین هیچ وشەیەک توانای هەڵگرتنی ئەو بارە گرانەی نییە کە لە دڵماندادا هەیە... ئێمە لە ناخەوە هاوار دەکەین، بەڵام بۆ دەرەوە بێدەنگین. تەنانەت کاتێک بە ناچاری قسەش دەکەین، لەرزین و پەنگخواردنەوەی ئازارەکان ڕاستەوخۆ دەچنە ناو تۆنی دەنگمانەوە. جوانی و قورسیی خۆشویستنی ڕاستەقینەش لەوەدایە: مرۆڤ لەوانەیە بتوانێت بێدەنگی خۆی لە هەموو جیهان بشارێتەوە و ڕووخسارێکی ئارام نیشان بدات، بەڵام هەرگیز ناتوانێت لەبەرامبەر ئەو کەسەی بەراستی خۆشی دەوێت و لە ناخی تێدەگات، هەستەکانی بشارێتەوە... تەنها یەک خولەک لە دەنگت، تەنها یەک هەناسەت بەسە بۆ ئەوەی بزانێت دڵت پڕە و ڕۆحت ماندووە."

پیاوەکان ئەو باڵا بەرزە دڕندانەن کە سێبەرێکی ساردیان بەسەر هەموو جوانییەکدا کێشاوە. ئەوان وەک شاخێکی ڕەق وان؛ تەنها بۆ شکان و وێرانکردن دروست بوون، بە هەمان ئەو دەستانەی بەڵێنی ئارامییان دەدا، دڵەکان ورد و خاش دەکەن.خراپییان لەوەدایە کە باڵایان تەنها بۆ ئەوە بەرزە تا ئازاری ئەوانی تر نەبینن و بە بێدەنگییەکی بێبەزەییانە ڕۆحی بەرانبەرەکەیان بکوژن. ئەوان دڕندەیەکی باڵابەرزن کە لە دوای خۆیان هیچیان بەجێ نەهێشتووە جگە لە وێرانەیی و دڵێکی پڕ لە برین کە هەرگیز سارێژ نابێت🖤..

جوانیم وەکوو مۆمێک لە ناو تاریکیی دووریی تۆدا سووتا و توایەوە؛ هیچم بۆ نەماوەتەوە تا پێشکەشت بکەم، جگە لە خۆڵەمێشی ئەو ئەشقەی کە هەموو تەمەنمی بڕی🖤..

ئێ 🥀.

https://t.me/Beh4st?livestream=a7bc4408ab1ce33656 Call

11:11🐈‍⬛♾️.

دەزانیت؟ کاتێک مرۆڤ کەسێکی زۆر خۆشویستی لەدەست دەدات، ئیتر ژیانی دەبێتە دوو بەشەوە: ژیانی پێش ئەو، و تەنیایی دوای ئەو. تەنانەت ئەگەر سالانیش تێپەڕن و ڕۆژگار ڕەنگی خۆی بگوڕێت، هێشتا هەر ڕووداوێکی بچووک، سێبەرێک لەسەر دیوارەکە، یاخود بارانێکی کتوپڕ، دەتوانێت هەموو شتێک بگەڕێنێتەوە بۆ خاڵی سەرەتا. ئێستا کاتێک سەیری ئاوێنە دەکەم، لەبری ڕووخساری خۆم، ماندویەتی و غەمگینیی چاوەکانی تۆ دەبینم؛ ئەو چاوانەی کە بڕیار بوو ببنه نیشتمانی من، کەچی ئێستا بوونه‌ته غەریبییەک کە هیچ ناونیشانێکی نییە. چەندە بێبەزەیی و نامیهربان بوویت کاتێک منت سپارد بە دەست قەدەرێکی بێدەنگ و تاریکەوە. من لەم ژیانەدا چیم لە تۆ دەویست؟ نە کۆشکم دەویست و نە پالپشتییەکی گەورە، من تەنها ویستم لە نیوان شێواوی و قەرەباڵغیی ئەم دنیایەدا، دلێک هەبێت پێم بلێت 'من لەگەڵتم'. تەنها عەشقێکی سادەم دەویست بۆ ئەوەی پێی بژیم. ئێستا لێرەم، لە پشت پەنجەرەی تەنیاییەوە سەیری ئەو دنیایە دەکەم کە تۆی لێ نیت، بەڵام هێشتا بەو یادگارییە بچووکانەوە دەژیم کە جێت هێشتوون... چونکە تەنها ئەوانن کە وەک مەرهەمێک، ئازارەکانم کەمیك سووک دەکەنەوە "

جوان گوێ بگرە شێتەی عاشق ! تۆ نازانی کورپەی عەشق بلاوێنی تۆ ناتوانی لانکی ئه‌وین چاک ڕاژێنی ... تۆ لە ئاستی دڵداریا جێ ئه‌مێنی چۆن ناتوانی خەیالی خۆت لەگەڵ هەستتا بنەخشێنی بۆ لاواندن بۆ ڕاژاندن بۆ جێ نەمان لە نەخشاندن با پێت بڵێم ... دوو چاوی عاشقاوی ئەوێ دڵی ناسکوو زەریایی ئەوێ فرمێسکی ئاگراوی ئەوێ لەمان زیاتر هەستی ناسکت نیگای ئاسکت تالاری دڵ بڕوخێنێ پێکی چاوان جامی لێوان سۆزی دڵت ببزوێنێ ئادەی شێته کام هەستی تۆ باش ئەزانی کورپەی عەشقی لانکەی ئەوین چاک ڕاژێنێ ؟

ئەگەر بەیانی چاوەکانت کردەوە و تیشکی خۆرەکە وەک هەمیشە لە پەنجەرەکەتەوە کێشرا بە ژوورەکەدا بەڵام سێبەری من لە چواردەوارت نەبوو کاتێک بە ئاگا هاتیت و بینیت دەنگم نایەت شوێنم سارد و چۆڵە و هیچ شتێکم جێنەهێشتووە جگە لە تەمومانی ئەم پرسیارە تکایە مەگری و بە دوای پیاسەکانمدا مەگەڕێ بزانە کە مرۆڤەکان هەمیشە بە ڕووداوێکی گەورە یان بە جەستە ناڕۆن جاروبار هێندە لە ناوەوە ماندوو دەبن هێندە لە ناخەوە بێدەنگ دەبن کە ئیتر هیچ شوێنەوارێکیان لەسەر ڕووی واقیع نامێنێت ئەگەر بەیانی من نەمابووم مانای ئەوە نییە کە حەزم بە مانەوە نەبوو یان چاوەکانتم خۆش نەدەویست بەڵکو ڕەنگە شەو کاتێک هەمووان لە خەوێکی قووڵدا بوون من لە بێدەنگیدا بارم کردبێت بەرەو جیهانێک کە تێیدا تێگەیشتن هێندە گران نییە و خەمەکان هێندە قورس نین خەمناکترین بەشی ڕۆیشتن ئەوە نییە کە تۆ کۆڵت پێچاوەتەوە و جانتای سەفەرت خستووەتە سەر شانت بەڵکو ئازارە ڕاستەقینەکە لەوەدایە کە بەیانییەک دێت جیهان بێباکانە و وەک هەمیشە بە دەوری خۆیدا دەسووڕێتەوە مرۆڤەکان لە خەو هەڵدەستن قاوە و چای بەیانییان دەخۆنەوە پێدەکەنن غەمی ڕۆژانەیان دەخۆن بەڵام تۆ لە هیچ کوێیەکی ئەو وێنە گەورەیەدا بوونت نەماوە ناوت لەسەر لێوەکان بووە بە ڕابردوو و جێپێکانت بە با شۆردراونەتەوە ئەگەر بەیانی هەستایتەوە و منت نەبینی لە تەم و مژی سەر شەقامەکان مەگەڕێ لە ناو ئاپۆرای خەڵکەکەدا چاو مەگێڕە تەنها بگەڕێوە بۆ دواوە بۆ ئەو چرکەساتانەی پێکەوە پێدەکەنین بۆ ناو دێڕی ئەو نامانەی کە بە دڵ بۆم دەنووسیت لە یادەوەرییەکانتدا بە دوامدا بگەڕێ چونکە من لەوێدا هەمیشە بە زیندوویی دەمێنمەوە لەوێ نە با دەمبات ونە ڕۆژگار دەمگۆڕێت ئەم پرسیارەی من تەنها غەمێکی سەرپێیی نییە بەڵکو هاوارێکی کپکراوە بۆ ئەوەی پێش ئەوەی بەیانییەک بێت و نەمێنم ئێستا لێم تێبگەیت پێش ئەوەی ببمە تەنها وێنەیەک لەناو ئەلبوومی کۆندا یان ناوێک لە ناو حیکایەتەکاندا دڵم بدەرەوە چونکە ڕۆیشتنی ڕاستەقینە کتوپڕ دێت بێ ئاگادارکردنەوە وەک تەمێکی پایزی کە دێت و تەواوی شار بە بێدەنگی دادەپۆشێت ئەگەر بەیانی نەمابووم تەنها بزانە کە من لە ناو ناخی تۆدا شوێنێکی ئەبەدیم بۆ خۆم دروست کردووە دڵنیام کاتێک ئەم نامەیە دەخوێنیتەوە دەستەکانت دەلەرزن و چاوەکانت پڕ دەبن لە فرمێسک چونکە دەزانیت چەندە ڕاستگۆم لەم قسانەدا چەندە سەختە مرۆڤ لە ژیاندا بێت بەڵام ناخی هێندە تێکشکابێت کە ئاوات بە نەبوونی خۆی بخوازێت تەنها بۆ ئەوەی کەمێک ئارام بێتەوە تۆ ناچاریت لە دوای من بزە بخەیتە سەر لێوەکانت تەنانەت ئەگەر دڵت لێوانلێویش بێت 🖤..

من تۆم نەبەخشیووە... نەک لەبەر تۆڵەسەندنەوە یان لەبەر کەللـەڕەقی ، بەڵکوو لەبەرئەوەی تێبگەیت کە هەندێک هەڵە شوێن پەنجەیان تاکوو کۆتایی لەسەر ڕۆحی مرۆڤ دەمێنێتەوە...من وازم هێنا بەڵام لێت خۆشنەبووم...وە ئەمە جیاوازی زۆر زۆرە..وە بەم ئاسانییەش لێت خۆش نابم ، شوێن پێی من لەناو هەموو ئەو ڕووداوانەت هەیە کە بۆت ناڕەخسێت..چونکە تۆ هەموو ئومێدی منت کوشت..

وەک ئەشرەف تەک ئەڵێت دڵ تەنیا یەک جار ئاشق ئەبێت🫡’