EthioTube

በዘንድሮ የ 12 ክፍል ብሔራዊ ፈተና 565 ትምህርት ቤቶች ምንም ዓይነት ተማሪ ማሳለፍ አለመቻላቸው ተገለጸ ትምሕርት ሚኒስቴር የዘንድሮውን የ 12 ኛ ክፍል ብሔራዊ ፈተና ውጤት አስመልክቶ በሰጠው መግለጫ በሀገር አቀፍ ደረጃ 565 ትምህርት ቤቶች ምንም ዓይነት ተማሪ ማሳለፍ አለመቻላቸውን አስታውቋል። እነዚህ ትምሕርት ቤቶች በክልል እና በከተማ መስተዳድሮች ደረጃ ሲገለጹ በኦሮሚያ ክልል 156፣ በአማራ 98፣ ደቡብ ኢትዮጵያ 86 ፣ደቡብ ምዕራብ ኢትዮጵያ 69 ትምሕርት ቤቶች ምንም ዓይነት የ12 ኛ ክፍል ብሔራዊ ፈተና ተፈታኝ ተማሪ አላሳለፉም። በተመሳሳይ ሁኔታ ትግራይ ክልል 48 ትምሕርት ቤቶች ቤኒሻንጉልጉሙዝ 29፣ ማዕከላዊ ኢትዮጵያ 22፣ አፋር 21 ሲዳማ ፣ ሶማሌ 9፣ ድሬዳዋ 5 ፣ ሀረሪ 3 ፣ ጋምቤላ 2 እና አዲስ አበባ 1 ትምሕርት ቤት ተፈታኝ ተማሪ ማሳለፍ ያልቻሉ ናቸው ተብሏል። #Ethiopia #BerhanuNega #MinistryOfEducationEthiopia #HighSchoolEthiopia #EthiopianNews #AmharicNews #EthioTube #Africa

ክብረ ወሰኑ በዮሚፍ በኩል ወደ ኢትዮጽያ ተመልሷል! 💚💛❤️ ​የቀድሞው የዓለም ክብረ ወሰን ባለቤት ዮሚፍ ቀጀልቻ በቦነስ አይረስ 56:51 በመግባት የግማሽ ማራቶን የዓለም ክብረ ወሰንን ከጃኮብ ኪፕሊሞ መልሶ ተቆጣጥሯል 💪 ​ይህም ከቀደመው ክብረ ወሰን በ29 ሰከንድ የፈጠነ ነው 💥 #Ethiopia #Athletics #HalfMarathon #YomifKejelcha #Sports #EthiopianNews #AmharicNews #EthioTube #Africa

የማይክል ካሪክ ማንችስተር ዩናይትድ አዲሱን የውድድር ዘመን በቅሌት ጀምሮታል! ሀል ሲቲ 2-0 ማንችስተር ዩናይትድ #PremierLeague #EPL #ManUtd #ManchesterUnited #Football

አዲሱ የውድድር ዘመን በሻምፒዮኖቹ ድል ተጀመረ! አርሰናል 3-0 ኮቨንተሪ #PremierLeague #EPL #Arsenal #Coventry #Football

በአሜሪካ ሜሪላንድ አውሮፕላን ማረፊያ 847 ፓውንድ (384 ኪ.ግ) ጫት በቁጥጥር ስር ዋለ ​በአሜሪካ ሜሪላንድ ግዛት በሚገኘው የባልቲሞር/ዋሽንግተን ዓለም አቀፍ አውሮፕላን ማረፊያ (BWI)፣ ከለንደን በመጡ ሁለት አሜሪካውያን መንገደኞች ሻንጣ ውስጥ በድምሩ 847 ፓውንድ (ወደ 384 ኪሎ ግራም) የሚመዝን ሕገ-ወጥ ጫት ተይዟል። ​ዋና ዋና ነጥቦች፦ ​ክስተቱ፦ ተጠርጣሪዎቹ ጫቱን በ12 ሻንጣዎች ውስጥ የሻይ ቅጠል አስመስለው ይዘው ሲጓዙ በጉምሩክና ድንበር ጥበቃ (CBP) ባለስልጣናት ፍተሻ ወቅት ተይዟል። የተያዘው ጫት የገበያ ዋጋ ወደ 100,000 ዶላር እንደሚገመት ተገልጿል። ​ጫት በአሜሪካ ሕግ፦ ጫት በምስራቅ አፍሪካ እና በአረብ ባሕረ-ሰላጤ ባህላዊ ልማድ ቢሆንም፣ በአሜሪካ የፌዴራል ሕግ መሠረት ሕገ-ወጥ ዕፅ (Schedule I / IV Controlled Substance) ተብሎ የተፈረጀ ነው። ​የጤና ተፅዕኖ፦ ጫት ውስጥ የሚገኙት ካቲኖን (Cathinone) እና ካቲን (Cathine) የተባሉ አነቃቂ ኬሚካሎች የልብ ምትንና የደም ግፊትን እንደሚጨምሩ፣ ለእንቅልፍ ማጣት፣ ለጭንቀትና ለከፋ የጤና ችግር ሊዳርጉ እንደሚችሉ የጤና ባለሙያዎች ያስረዳሉ። ​#ዜና #ጫት #አሜሪካ #CBP #BWI #Maryland #News #Khat

ትናንት ረፋድ ላይ በመቀለ ከተማ በተፈጸመ የድሮን ጥቃት 13 ሰዎች ቆሰሉ ትናንት ነሐሴ 14/2018 ዓ.ም. በትግራይ ክልል ዋና ከተማ መቀለ የተለያዩ ቦታዎች ላይ በተፈጸመ የድሮን ጥቃት 13 ሰዎች ከባድ እና ቀላል የመቁሰል አደጋ እንደደረሰባቸው የክልሉ ኮምንኬሽን ጉዳዮች ቢሮ አስታውቋል። የድሮን ጥቃቱ “የመኖሪያ አካባቢን ዒላማ ያደረ” መሆኑን የክልሉ እና የህወሓት ምክትል ፕሬዝዳንት አቶ አማኑኤል አሰፋ ተናግረዋል። በትናንቱ ጥቃት የቆሰሉ ዜጎች አይደር ሆስፒታል መግባታቸውም ተሰምቷል። የክልሉ ኮምኒኬሽን ጉዳዮች ቢሮ በትናንቱ መግለጫ የድሮን ጥቃቱ በሐውልቲ ክፍለከተማ፣ ሞሞና ጣቢያ፣ ቀጠና 27፣ እዳማርያም እና ኩሓ በተሰኙ አካባቢዎች በሚገኙ መኖሪያ ቤቶች ላይ ያረፈ መሆኑን አሳውቋል። ተጨማሪ ጥቃቶች ከፌደራል መንግሥቱ ሊሰነዘር ስለሚችል የክልሉ ነዋሪ ጥንቃቄ እንዲያደርግም በመግለጫው አሳስቧል። #Ethiopia #Tigray #Mekelle #DroneStrike #EthiopianNews #AmharicNews #EthioTube #Africa

አንድ ሴት ታዳጊን በጋራ ሆነው ሲደበድቡ የነበሩ ተማሪዎች በቁጥጥር ሥር መዋላቸውን ፖሊስ አስታወቀ ከሰሞኑ በማኅበራዊ ሚዲያ ሲዘዋወር የነበረ አንዲት ታዳጊ ስትደበደብ የሚያሳይ ተንቀሳቃሽ ምስል መነጋገሪያ ሆኖ ነበር። በርካታ ሰዎች ቪዲዮን እየተቀባበሉ ደብዳቢዎቹ በፖሊስ ቁጥጥር ሥር እንዲውሉ በማሳሰብ ቁጣቸውን ሲገልጹ ተስተውሏል። ይህን ተከትሎ ነሐሴ 11/ 2018 የአዲስ አበባ ፖሊስ ዋና ጠቅላይ መምሪያ ባወጣው መግለጫ ድርጊቱ የተፈጸመው በኮልፌ ቀራኒዮ ክፍለ ከተማ ወረዳ 4 ዓለም ባንክ አካባቢ በጥቅምት ወር መሆኑን ገልጿል። ታዳጊዋን የደበደቡት ተማሪዎች ኤደን ዳዊት እና ሃኒ ሁሴን እንደሚባሉም አስታውቋል።ይህ ቪዲዮው በማኀበራዊ ሚዲያ ከመሰራጨቱ ከወራት በፊት ወንጀሉን የፈፀሙትን ሦስት ተጠርጣሪዎችን በቁጥጥር ስር በማዋል ምርመራ ማጣራቱን ፖሊስ ገልጿል፡፡ በወንጀሉ የተጠረጠሩት ሦስት ተማሪዎች ፍርድ ቤት ቀርበው በጊዜ ቀጠሮ ታስረው ፖሊስ አስፈላጊውን ማስረጃ በማሰባሰብ የምርመራ መዝገቡን አጠናቆ መዝገቡን ለሚመለከተው የፍትሕ አካል መላኩን አመልክቷል። ልጅቷ ስትደበደብ የሚያሳየው ቪዲዩ መለቀቁ በልጅቷም ሆነ በቤተሰቧ ላይ አሉታዊ ጫና የሚያሳድር በመሆኑ ቪዲዮውን የለቀቀውን አካል ለማረጋገጥ ፖሊስ ሦስቱን ተጠርጣሪዎች በድጋሚ በቁጥጥር ስር አውሎ ተጨማሪ ምርመራ እያጣራ መሆኑንም ገልጿል፡፡ #Ethiopia #AddisAbaba #AddisAbabaPolice #EthiopianNews #AmharicNews #EthioTube #Africa

በግልገል በለስ ከተማ ንጹኃን ላይ በደረሰ ጥቃት ቢያንስ 8 ሰዎች ሲገደሉ ከ 20 በላይ መቁሰላቸው ተገለጸ በቤኒሻንጉል ጉሙዝ ክልል መተከል ዞን ግልገል በለስ ከተማ ንጹኃን ላይ በደረሰ ጥቃት ቢያንስ 8 ሰዎች ሲገደሉ ከ 20 በላይ መቁሰላቸውን የከተማዋ ነዋሪዎች ለኢትዮቲዩብ ተናግረዋል። የዞኑ አስተዳደር ትላንት ነሐሴ 5/2018 ባወጣው መግለጫ ‘የጉምዝ ኃይል እና የፋኖ ታጣቂዎች” ጥቃት በመክፈት ወደ ከተማው ለመግባት ሞክረዋል ሲል መወንጀሉ ይታወሳል። መግለጫው በጥቃቱ በንጹኃን ሰዎች ላይ ጉዳት ስለመድረሱ ሳይገልጽ ቀርቷል። በዚህ ጉዳይ ላይ ያነጋገርናቸው ስማቸው እንዳይገለጽ የጠየቁ የከተማው ነዋሪዎች በበኩላቸው በትላንቱ ጥቃት ቢያንስ 8 ንጹኃን ሰዎች መገደላቸውን ተናግረዋል። ሟቾችቹ ግልገል በለስ መናኸሪያ ውስጥ የነበሩ ሲሆኑ ሁሉም ወንዶች መሆናቸውን ገልጸዋል። ንጹኃን ዜጎቹ የተገደሉት በተከፈተባቸው “የተኩስ እሩምታ” ሳይሆን ከርቀት በተተኮሰ “የሞርታር ፍንጥርጣሪ” መሆኑን አንድ የዓይን እማኝ ለኢትዮ ቲዩብ አስረድተዋል። “ከግልገል በለስ ከተማ ወደ ማንዱራ፣ ቻይና ካምፕ ተብሎ የሚጠራ የመከላከያ ወታደር ካምፕ አለ። ጥቃቱን የጀመሩት ከእሱ ነው። ቁጥራቸው በሰፊው የታየው የጉምዝ ብሔር ተወላጆች ናቸው” ሲሉ ተናግረዋል። የዞኑ ኮምኒኬሽን “ጽንፈኛ” ሲል የጠራቸው የፋኖ ታጣቂዎች በጥቃቱ ተሳትፈዋል መባሉን እኒህ የዓይን እማኝ እንደማይቀበሉት አክለዋል። በመተከል ዞን ከ 2011 ዓ.ም. ጀምሮ ማንነት ላይ ያተኮረ ጥቃት በተደጋጋሚ እንደሚፈጸም የሚገልጹት የግልገለስ በለስ ከተማ ነዋሪው የትላንቱ ጥቃት በተመሳሳይ መልኩ "በጉምዝ ኃይሎች" የተፈጽመና የአማራ ብሔር ተወላጆች ላይ ያተኮረ ነው በማለት የዞኑ አስተዳደር ያወጣውን መግለጫ አጣጥለዋል።

‎ራሳቸውን የጉሙዝ ኃይል ብለው የሚጠሩና የፋኖ ታጣቂዎች በለስ ከተማ ለመግባት ሞክረው ነበር ተባለ 👉በዛሬው ጥቃት ከአስር በላይ ሰላማዊ ሰዎች ተገድለዋል በቤኒሻንጉል ጉሙዝ ክልል መተከል ዞን ግልገል በለስ ከተማ ዛሬ ነሐሴ 5/2018 ከንጋቱ 12:00 ሰዓት ገደማ “ራሳቸውን የጉሙዝ ኃይል ብለው የሚጠሩና በጫካ የሚንቀሳቀሱ ቡድኖች ከጽንፈኛው ፋኖ ጋር በመሆን ወደ ከተማ ለመግባት እና በዜጎች ላይ ጉዳት ለማድረስ ሙከራ ማድረጋቸውን” የዞኑ አስተዳደር አስታወቀ። ‌‎አስተዳደሩ “ጽንፈኛ” ሲል በጠራው የፋኖ ቡድን ላይ በተወሰደ የተቀናጀ “ከባድ እርምጃ ሙትና ቁስለኛ ሆኖ ተመልሷል” ብሏል። በአሁኑ ሰዓት በከተማዋ ያለውን ፍጹም ሰላምና መረጋጋት ለማስቀጠል የሁሉም የፀጥታ ኃይል ዝግጅቱን ማጠናከሩንም አክሏል። የጀርመን ድምጽ ራዲዮ በዚህ ጉዳይ ላይ በሠራው ዘገባ ታጣቂዎች በፈጸሙት ጥቃት ከአስር በላይ ሰላማዊ ሰዎች መገደላቸውን የአይን ምስክሮች ነግረውኛል ብሏል።‎ ዘገባው ሰላማዊ ዜጎቹን ስለገደለ አካል በይፋ አልገለፀም። #Ethiopia #BenshangulGumuz #GumuzForce #EthiopianNews #AmharicNews #EthioTube #Africa

"4 ኪሎ ሰው የለም ቢባል ፋኖ ይሁን የኦሮሞ ነፃነት ሰራዊት አንዳቸውም አይመጡም አቅም የላቸውም" በኬኒያ የኢትዮጵያ አምባሳደር ጄነራል ባጫ ደበሌ አምባሳደር ባጫ ደበሌ ከሰሞኑ ከቢቢሲ ጋር በነበራቸው ቆይታ ወቅታዊ ሀገራዊ እና ቀጣናዊ ጉዳዮችን በተመለከተ አነጋጋሪ ሀሳቦችን አንስተዋል። አምባሳደሩ በዚህ ቃለመጥይቅ ምን አሉ? 👉ህወሓት የኢትዮጵያን መንግሥት ለመጣል ደብረ ሲና ድረስ ደርሶ ነበር። በኢትዮጵያ መንግሥት በሠራዊት እና በሕዝቡ ያ እንዳይሆን ከሽፎ ወደ ትግራይ እንዲመለስ ተብሏል። ህወሓት ከደብረ ሲና ሲመለስ እኮ ሙሉ በሙሉ ህወሓት የሚባል ነገር ሁለተኛ እንዳይነሳ አድርጎ መጨረስ ይቻል ነበር። መቀለ መግባት ይቻል ነበር። እስከ መረብ ድረስ ድንበራችንን መዝጋት እንችል ነበር 👉ህወሓት አዲስ ውጊያ ለመክፈት ዝግጅት እያደረገ ነው። ግን ልዩነት አለው ባለፈው ጊዜ ህወሓት ራሱ ነው ለመዋጋት ይፈልግ የነበረው አሁን ግን ቀጣናዊ ሆኗል ከሶማሌ እስከ ካርቱም ድረስ ነው ያለው። 👉 ህወሓት ገዳዮቻችን ናቸው፣ዘራፊዎቻችን ናቸው፣ሴቶቻችንን ደፋሪዎች ናቸው አሰቃቂ በሆነ መንገድ ብለው ከከሰሷቸው ሻዕቢያ ጋር ጽምዶ ፈጥረው ወይም ቅንጅት ወይም አንጃ ፈጥረው የኢትዮጵያን መንግሥት እንጥላለን ብለው እንደገና ለውጊያ ተደራጁ 👉ቲ.ፒ.ኤል.ኤፍ (TPLF) ያኔ [በጦርነቱ ወቅት] እንደተባለው 270 ሺህ [ተዋጊ] ሊኖረው ይችላል። አሁን እኮ 30 ሺህ የለውም። አሁን እኮ ሕዝብ አይደግፈውም ነገር ግን የገንዘብ ምንጫቸው የግብፅ መንግሥት ነው። 👉ፕሬዝደንት ኢሳያስ ግብጽ እኛን ስትረዳ የነበረው ኤርትራ ነጻነቷን አግኝታ መንግሥት እንድትመሰርት ሳይሆን ኢትዮጵያ መረጋጋት እንድታጣ ለማድረግ ነበረ [ብሏል] በአፉ ነው የተናገረው። #Ethiopia

በቁጥጥር ሥር የዋሉት የኢሕአፓ ሁለት አባላት እና የፓርቲው ጠበቃ ከ “ጽምዶ” ጋር በተያያዘ ውንጀላ ቀረበባቸው ከትላንት በስቲያ በፖሊስ ቁጥጥር ስር የዋሉት ሁለት የኢትዮጵያ ሕዝቦች አብዮታዊ ፓርቲ (ኢሕአፓ) አባላት እና የፓርቲው ጠበቃ፤ “የሽብር ጥቃት ለመፈጸም ተንቀሳቅሰዋል” የሚል ውንጀላ ቀረበባቸው። ፖለቲከኞቹ እና ጠበቃው ከህዝባዊ ወያነ ሓርነት (ህወሓት)፣ “ከሌሎች ጸረ- ሰላም ኃይሎች” እና “ጽምዶ” ተብሎ ከሚጠራው ኃይል ጋር “በመቀናጀት” በአዲስ አበባ ከተማ አባላትን “በመመልመል” እና “በማደራጀት” ተጠርጥረዋል። የፌደራልፖሊስ እነዚህን ውንጀላዎች ያቀረበው፤ በአቶ አበበ አካሉ፣ አቶ ይስሀቅ ወልዳይ እና አቶ አበራ ንጉስ ላይ ነው። የኢሕአፓ የሕዝብ ግንኙነት ኃላፊ የሆኑት አቶ ይስሀቅ እና የሕግ ባለሙያው አቶ አበራ በፖሊስ ቁጥጥር ስር የዋሉት፤ ከትላንት በስቲያ ሰኞ ሐምሌ 27 እንደሆነ ፓርቲያቸው በወቅቱ ባወጣው መግለጫ አስታውቋል። ሶስቱ ተጠርጣሪዎች ዛሬ ረቡዕ ሐምሌ 29/ 2018 በፌደራል ከፍተኛ ፍርድ ቤት ልደታ ምድብ አንደኛ የጊዜ ቀጠሮ ችሎት መቅረባቸውን የፓርቲው ዋና ጸሐፊ ምስጢረ ሥላሴ ታምራት እና ጠበቃቸው አቶ ሰለሞን ገዛኸኝ ለ“ኢትዮጵያ ኢንሳይደር” አረጋግጠዋል። በዛሬው የችሎት ውሎ የፌደራል ፖሊስ የ14 ቀናት የምርመራ የጊዜ ቀጠሮ መጠየቁን አቶ ሰለሞን ተናግረዋል። ጠርጣሪዎቹ “ሕጋዊ የፖለቲካ ፓርቲን እንደ ሽፋን በመጠቀም ከፓርቲው ህግ እና አላማ ውጪ ስልጣን በኃይል ለመያዝ በማሰብ ተንቀሳቅሰዋል” በሚል ተወንጅለዋል። ግለሰቦቹ ይህንኑ ሃሳባቸውን ለማሳካት ሃሳብ ከ“ኢትዮጵያ የውስጥ እና የውጭ ታሪካዊ ጠላቶች” መቀናጀታቸውም በማመልከቻው ላይ ተጠቅሷል። #Ethiopia

በፃድቃኔ ማርያም ገዳም ውስጥ በተከሰተ የመሬት መንሸራተት አደጋ 14 ሰዎች ሞቱ በሰሜን ሸዋ ዞን፣ በሞጃ እና ወደራ ወረዳ በምትገኘው የጻድቃኔ ደብረ ምጥማቅ ቅድስት ማርያም ገዳም ውስጥ በተከሰተ የመሬት መንሸራተት አደጋ 14 ሰዎች ሞቱ። ሌሊቱን የክረምት ዝናብ ሲወርድ እንዳደረ እና ይህም ዛሬ ሰኞ ሐምሌ 27/2018 ዓ. ም. ጠዋት 12 ሰዓት አካባቢ "የዋሻ ናዳ" ማስከተሉን የአካባቢው ባለሥልጣን ገልጸዋል። መሬት መንሸራተቱ በተከሰተበት ጊዜ በቤተ ክርስቲያኑ ዋሻው በር ላይ ፀሎት ሲደረጉ የነበሩ ምዕመናን ላይ ጉዳቱ መድረሱንም የሞጃ እና ወደራ ወረዳ ምክትል አስተዳዳሪ እና የግብርና ጽሕፈት ቤት ኃላፊ አቶ ዳኛቸው አዝብጤ ለቢቢሲ ተናግረዋል። አምስት ሰዎች ከባድ ጉዳት ደርሶባቸው ወደ ደብረአብ ሪፈራል ሆስፒታል እንደተወሰዱ እና ሁለት ሰዎች ቀላል ጉዳት ደርሶባቸው በሰላ ድንጋይ ጤና ጣቢያ እየታከሙ እንደሚገኙ ኃላፊው አስረድተዋል። ተጨማሪ አደጋን ለመከላከል "አሁን አካባቢውን ከልለናል። ስጋት ሊኖር ስለሚችል ግን ምዕመናል በአካባቢው የሉም" ብለዋል። በገዳሙ ፀበል ስላለ እና የፍልሰታ ፆም እየገባም ስለሆነ ምዕመናን በሥፍራው እንደሚገኙ አቶ ዳኛቸው ጠቅሰዋል። #Ethiopia #TsadqaneMariam #ፃድቃኔማርያም #Landslide #መሬትመንሸራተት #EthiopiaNews #የኢትዮጵያዜና #ኢትዮጵያ

ወደ ስዊድን ያቀኑ 20 የእግርኳስ ቡድን አባላት መጥፋታቸው ተሰማ ወደ ስዊድን ያቀኑ ዕድሜያቸው ከ 14 እስከ 17 የሚገመት 20 ታዳጊ የእግርኳስ ተጫዋቾች ከ መሪያቸው ጋር መጥፋታቸውን ስዊድን ሄራልድ ዘግቧል። "ጎቲያካፕ" ለተሰኘ የእግር ኳስ ውድድር ከኢትዮጵያ የሔዱት ታዳጊዎች ካረፉበት ትምሕርት ቤት ሳያሳውቁ በመውጣት መሰወራቸውን የስዊድን ፖሊስ አስታውቋል። እግር ኳስ ተጫዋቾቹ ወደ ኢትዮጵያ እንዳልተመለሱ ያረጋገጠው ፖሊስ፤ በራሳቸው ፍላጎት ጠፍተው ሊሆን እንደሚችል አመላክቷል። #Ethiopia #EthiopianFootball #EFF #Sweden #EthiopianNews #AmharicNews #EthioTube #Africa

በኦሮሚያ ክልል አርሲ ዞን ውስጥ ባለፉት አራት ዓመታት 458 ሰዎች መገደላቸውን ኢሰመጉ አስታወቀ በጥቃቱ የሰባት ወር ሕጻንን ጨምሮ የ67 ሰዎች ፎቶግራፍም ይፋ ተደርጓል የኢትዮጵያሰብአዊ መብቶች ጉባዔ (ኢሰመጉ) በኦሮሚያ ክልል አርሲ ዞን ውስጥ ባለፉት አራት ዓመታት በተፈጸሙ ጥቃቶች 458 ሰዎች መገደላቸውን በጉዳዩ ላይ ባወጣው ሪፖርት አስታወቀ። 7 ገጽያለው ሪፖርት፣ ከ2014 እስከ እስካ ግንቦት 24/2018 ዓ.ም. በዞኑ የተፈጸሙ የሰብዓዊ መብቶች ጥሰቶችን የዳሰሰ ነው። በአካባቢው የሚገኙ የታጠቁ ቡድኖች የአካባቢውማኅበረሰብ ላይ ሃይማኖትን መሠረት ባደረገ መልኩ የኦርቶዶክስ ተዋህዶ እምነት ተከታዮች ላይ" ጉዳት ማድረሳቸውን ሪፖርቱ ላይ ሰፍሯል። "ከፍተኛ የሆነ ሞት፣ የአካል ጉዳት፣ የንብረት ውድመት፣ አስገድዶ መሰወር፣ እገታ" ተፈጽሟል። "አብያተ ክርስቲያናት ላይዝርፊያ" መድረሱን እንዲሁም ታጣቂዎቹ "በርካታ ቤቶችን ማቃጠላቸውን" አክሏል። ኢሰመጉ ታግተው ያሉበት ሁኔታ የማይታወቅ"በሚል የተገለጹ 38 ሰዎች ስም ዝርዝር ሪፖርቱ ውስጥ አካትቷል። #Ethiopia #Oromia #HumanRights #EthiopianNews #AmharicNews #EthioTube #Africa

በትግራይ ክልል በውስጣዊ አቅም የሚሸፈን የ 65 ቢሊዮን ብር በጀት ጸደቀ የትግራይ ክልል ምክር ቤት በክልሉ ውስጣዊ አቅም የሚሸፈን ነው ያለውን 65 ቢሊዮን 296 ሚሊዮን 756 ሺህ 634 ብር በጀት አጸደቀ። ለ2019 ዓ.ም. ይውላል ተብሎ የተገለጸው በጀት፤ “በትግራይ ሕዝብና መንግስት መተማመንን በማጠናከር ከክልሉ ውስጣዊ አቅሞች የሚሰበሰብ ገቢ ነው” ተብሏል። በአሁን ወቅት በትግራይ ክልል እና በፌደል መንግሥት መካከል ያለው ውጥረት እንደተባባሰ ይገለጻል። ክልሉን እያስተዳደረ የሚገኘው ህወሓት “የኢትዮጵያ መንግሥት በጀት፣ ነዳጅ እና ሌሎች ምርቶች ወደ ትግራይ እንዳይገባ ከልክሏል” በማለት ክስ እያቀረበ ይገኛል። የፌደራል መንግሥት በበኩሉ “ለክልሉ የተመደበው በጀት ለወታደራዊ አገልግሎቶች እየዋለ ነው” የሚል የሚቀርብበትን ክስ ውድቅ ያደርጋል። በዚህ ሁኔታ ውስጥ ከስድስት ዓመታት በኋላ በቅርቡ በድጋሚ ወደ ኃላፊነት የተመለሰው የትግራይ ክልል ምክር ቤት በ 2019 ዓ.ም. ከፌደራል መንግሥት የምንጠብቀው በጀት የለም በማለት ትግራይ ክልል የራሷን በጀት በራሷ ውስጣዊ አቅም ትሸፍናለች ብሏል። #Ethiopia #Tigray #TPLF #EthiopianNews #AmharicNews #EthioTube #Africa

በአማራ ክልል በሚገኝ ገዳም ላይ በተጣለ ድሮን መነኮሳት መገደላቸውን የኢትዮጵያ ኦርቶዶክስ ቤተ ክርስቲያን አሳወቀች በአማራ ክልል ደቡብ ወሎ ዞን የሚገኝ ገዳም ላይ በተፈጸመ የድሮን ጥቃት ሁለት መነኮሳት መገደላቸውን እና 13 ሰዎች ጉዳት እንደደረሰባቸው ተገልጿል። በዞኑ የሚገኘው የኢትዮጵያ ኦርቶዶክስ ተዋህዶ ቤተ ክርስቲያን ሀገረ ስብከት አርብ ሐምሌ 17 ባወጣው መግለጫ የተፈጸመውን ጥቃት "ዘግናኝ እና አሰቃቂ ድርጊት" በማለት ገልጾታል። የኢትዮጵያ ኦርቶዶክስ ተዋህዶ ቤተክርስትያን ጥቃቱን አስመልክቶ ባወጣችው መግለጫ “የሚያሳፍር ድርጊት” ስትል ኮንነዋለች። “መስቀልን በተሸከሙ፣ጸሎትን መከታ ባደረጉ፣ ለፍጥረት ሁሉ ምህረትን በሚለምኑ ራሳቸውን ለመከላከል ምንም ዓይነት ቁሳዊ ዝግጅት በሌላቸው መናኒያን ላይ እጅን ማንሳት ዘንድ የተከለከለ በእግዚአብሔር በታሪክ ፊትም የሚያሳፍር ድርጊት ነው” ብላለች። ሐምሌ 15/2018 ተፈጸመ በተባለው የድሮን ጥቃት በርካታ መናኒያን መቁሰላቸውን ቤተክርስትያኗ አሳውቃለች። #Ethiopia #Amhara #EOTC #EthiopianOrthodoxTewahedoChurch #DroneStrike #EthiopianNews #AmharicNews #EthioTube #Africa

ጄኤ ፍኤም 106.7 ለስድስት ወራት ታገደ የኢትዮጵያ መገናኛ ብዙኃን ባለስልጣን ጄኤፍኤም ለስድስት ወራት ከስርጭት ማገዱን አስታውቋል። ባለስልጣን መሥሪያ ቤቱ ሬዲዮ ጣቢያውን አስመልክቶ ባደረገዉ የይዘት ክትትልና በአካል ተገኝቶ ባከናወነዉ የኢንስፔክሽን ምልከታ፤ ጣቢያው ሀገራዊ ይዘቶችን የማካተት ግዴታ ከሳምንታዊ የስርጭት ጊዜው 60 በመቶውን ፈቃድ ለወሰደበት አካባቢ የሚመለከት ሲሆን ቀሪውን ጊዜ ለሀገራዊ፣ ክልላዊና ሌሎች ፕሮግራሞች ማዋል እንደሚገባ ቢደነግግም ይህንኑ ተግባራዊ አለማድረጉ ተገልጿል። ሕዝብን የሚያስተምር፣ የሚያሳውቅና የሚያዝናና ፕሮግራሞችን ባለማቅረብ፣ ለፖለቲካዊ፣ ማኅበራዊና ኢኮኖሚያዊ እድገት እንዲሁም በህገ መንግስቱና በሌሎች የሕዝብ ጥቅምና የጋራ ሀገራዊ እሴቶች እንዲጠናከሩ አስተዋፅኦ የሚያደርግ የብሮድካስት አገልግሎት የመስጠት ግዴታን አለማክበሩ ተመላክቷል። በተጨማሪ በፈቃድ የዉል ስምምነት መሰረት ያለመስራት የሚሉ ዋና ዋና ክፍተቶች በመስተዋላቸዉ በተደጋጋሚ ግብረ መልስ፣ የቃልና የጽሁፍ ማስጠንቀቂያዎች ቢሰጡትም መሻሻሎች ሊታዩ አልቻሉም ሲል ባለሥልጣኑ ወቅሷል። በመሆኑም በፈቃድ ዉሉ የተዘረዘሩ ግዴታዎች ሙሉ ለሙሉ ተሟልተዉ ተግባረዊ እስኪደረጉ ድረስ የሬድዮ ጣቢያዉ ከረቡዕ ሐምሌ 01/2018 በጀት ዓመት ጀምሮ ታሳቢ የሚደረግ ለቀጣይ 6 ወራት ከስርጭት ሙሉ ለሙሉ ታግዶ እንዲቆይ በኢትዮጵያ መገናኛ ብዙኃን ባለስልጣን በኩል ተወስኗል። #Ethiopia #EthiopianPress #EthiopianMedia #AddisAbaba #JFM1067 #JFM #EthiopianNews #AmharicNews #EthioTube #Africa

“የትግራይ ሕዝብ ከህወሓት ጋር እያደረገ ያለውን ትግል ያለቅድመ-ሁኔታ እደግፋለሁ” የአማራ ብሔራዊ ንቅናቄ (አብን) የአማራ ብሔራዊ ንቅናቄ (#አብን) ሐምሌ 13/2018 ዓ.ም. ባወጣው አጭር መግለጫ፤ “የትግራይ ህዝብ የህወሐትን አውዳሚ እና ጸረ ህዝብ ስርዓት በመለወጥ ሰላሙን ለማረጋገጥ እና ሁለንተናዊ ነጻነቱን ለመቀዳጀት የሚያደርጋቸውን የሰላማዊ ትግል እንቅስቃሴዎች ያለቅድመ-ሁኔታ እንደሚደግፍ” አስታውቋል። የፖለቲካ ፓርቲው “ህወሐት በኢትዮጵያ ሕዝብ እና በሀገሪቱ ብሄራዊ ጥቅሞች ላይ አደጋ የጋረጠ ቡድን መሆኑን” ገልጿል። የትግራይ ሕዝብ እየደረሰበት ያለውን ሰቆቃ ለአፍታም ዘንግተነው አናውቅም ያለው በኢሮብ፣ በእንደርታ እና በኩናማ ህዝብ ላይ እየደረሰ ያለውን ሰብዓዊ ቀውስ በሚገባ እገነዘባለሁ ብሏል በመግለጫው። የአማራ ሕዝብ በወንድሙ የትግራይ ሕዝብ ማለትም በትግራይ፣ ስር የሰደደ በደል እንዲቆምም ቁርጠኛ አቋም ስናራምድ መቆየታችን ማስታወስ እንወዳለን ብሏል። #Ethiopia #Tigray #Amhara #Nama #EthiopianNews #AmharicNews #EthioTube #Africa

ስፔን የአለም ሻምፒዮን #WorldCup #FIFAWorldCup #WorldCup2026 #Argentina #Spain #Football

ዛሬ ማን ያሸንፋል? የአለም ዋንጫ ፍፃሜ #WorldCup #FIFAWorldCup #WorldCup2026 #Argentina #Spain #Football