Bintu Sodiq

Аёлни оила қўлласа, у юксалади

“Бир кун ҳам ўқишдан қолмадим, бир соат ҳам кечикмадим. Буларнинг барчаси қайнота-қайнонамнинг қўллаб-қувватлаши сабаб.”

Баъзан инсоннинг юксалиши учун унга шунчаки ишонадиган одамлар керак. “Сен уддалайсан, биз ёнингдамиз”, деган қўллаб-қувватлаш эса қанот беради. Атрофингиздаги инсонлар сизни ортга тортмай, аксинча олдинга ундаса — сиз ўсасиз, юксаласиз ва ўзингиз ҳам кутмаган марраларга эришасиз. Нозима Ибрагимова билан суҳбатимизда эса ана шундай қўллаб-қувватлашнинг инсон ҳаётини қанчалик ўзгартира олиши ҳақида гаплашдик. 🎥 “Садафдаги дур” кўрсатуви @BintuSodiq

Мавлид танловидан Қанийди саодат асрида туғилган бўлсам... Ассалому алайкум, ё Расулуллоҳ. Сиз билан суҳбатлашиш учун бир дақиқа берилди. Мени сиз билан гаплашадиган, дардлашадиган гапларим кўп, эй Расулим! Қанийди асри саодатда туғилган бўлсаму, сизнинг дийдорингизга тўйиб-тўйиб қарасам, суҳбатларингиздан бир зум четда қолмасдан тингласам... Аллоҳ мени мусулмон оилада дунёга келтирди. Алҳамдулиллаҳ. Расулим, биз сизга муносиб уммат бўлолмадик. Намозларни қазо қилгувчи, мусулмонни озорлантирувчи, рўзани риё учун тутгувчи, исроф қилгувчи, закотни тарк этгувчи, суннатларни унутгувчи, ҳаж ва умра қилишни кўз-кўз қилгувчи умматингиз бўлдик... Шунда ҳам сиз бизни яхши кўрасиз... Қанийди ҳақиқатда ҳам ҳеч бўлмаса ҳаётда ҳам бир дақиқагина кўриш ва сиз билан суҳбатлашиш учун фурсат бўлганида... Вақтим тугаб бормоқда, эй Ҳабибим, суюкли Пайғамбарим... "Эй умматим, сени шафоат қилдим" дея чақирувингизга қадар сизни соғинаман... Аллоҳумма солли аъла саййидина Муҳаммад ✍️Эсонова Орастахон, 23 ёш. Андижон вилояти @BintuSodiq

Оғир дамларда Набий соллаллоҳу алайҳи васаллам қандай дуо қилишни ўргатганлар? Суннатни ўрганамиз Анас розияллоҳу анҳудан риворят қилинади: «Расулуллоҳ соллаллоҳу алайҳи васаллам дедилар:

«Бирортангиз мусибат келгани учун ўлимни орзу қилмасин. Агар ундан ўзга чора бўлмаса, «Эй Аллоҳ, мен учун ҳаёт яхши бўлса, мени тирик қолдиргин, агар мен учун вафот (этиш) хайрли бўлса, вафот эттиргин", десин" (Муттафақун алайҳ).

🟣Бу сўзларни айтган киши ўзининг келгусидаги ҳолатини, Аллоҳ таолонинг хоҳишига топширган бўлади ва ўлимни орзу қилган бўлмайди. 🟣Ўлимни орзу қилиш ман килинган. Чунки ҳеч ким ўз келажагининг қандай бўлишини билмайди. Келажакдаги ҳаёт у учун яхшими ёки ёмонми бу номаълум. Шунинг учун ўлимни сўрамаслик керак. Мусибат вақтида ўлимни орзу қилиш сабрсизлик белгиси. Шариат мусибат чоғида сабр қилишни тарғиб қилиб, унга бериладиган савобларни баён қилган. 🟣Агар дуо қиладиган бўлса, ҳадисда айтилгандек дуо қилсин. Муқаддас жойларда вафот этишни орзу қилиб, масалан, "Менинг жонимни Байтинг ҳузурида ол", деб дуо қилса бўлади. 🌟 "Риёзус солиҳин шарҳи" китобидан. @BintuSodiq

"Умрингиз шунчалар беқадрми?" Сиз ижтимоий тармоқда кимнидир кузатяпсизми? Демак, айнан шу вақтда ўз ҳаётингизда яшамаяпсиз. Ким қаерга борди, нима еди... Наҳотки шуларни кузатиш учун умрингизни сарфласангиз? Вақт ортга қайтмайди! Ундан кўра, ўз ҳаётингизни гўзаллаштиринг, илм олинг, яхши амалларни кўпайтиринг. Бировнинг ҳаётини томоша қилиб, ўзингизники қолиб кетмасин! Тўлиқ кўрсатувни шу ердан кўрасиз: ➡️ https://youtu.be/A6voxmHv0vc ❤️ @BintuSodiq

Мавлид танловидан Саҳобийя аёлларимизга ҳавас қилардим... Мен сизни болалигимдан таниган бўлсам-да, сиз ҳақингиздаги сийрат китобларини ўқиб, сиз билан ўзимни бир маконда яшагандай ҳис қилганман. Айниқса, Аҳмад Лутфий Қозончининг "Саодат асри қиссалари" китобини ўқиганимда, сизга сут она топилмаган. Ҳалима онамиз ҳали келмаган бир вақтда, сут она бўлгим келган. Отангиз, онангиз ва бобонгизни йўқотганингизда (ўзим шафоатингизга муҳтож бўлсам-да) оталик, оналик ва боболик қилишни хоҳлаганимни билсангиз эди... Аммо Сизни Яратганнинг ўзи ҳифзу ҳимоясига олганини билиб турсам-да, сиз билан бир замонда бирга яшаш учун тасаввурларимда ўзимни сизнинг ёнингизда бўлишни истар эдим. Сиз билан бир замонда яшаган саҳобийя аёлларимизга ҳавас қилардим. Сизга гапирадиган гапларим жуда кўп! Аммо бу гапларимни барини сизга айта олмасдан, сизга қараб туриб йиғлаяпман. Ҳамма гапимни ўйлаяпман. Тилим эса, Аллоҳимнинг энг суйган, мақтаган Пайғамбарига сўзлашга ожиз! Фақат йиғлаяпман! Ажратилган вақт тугаб боряпти. Яна шундай вақт бериладими, билмадим. Аллоҳ билгувчи! Ҳамон мен бир оғиз сўз айтолмадим. Ҳатто бир куни Сиз ҳақингизда туш кўрдим. Тушми, хаёлми билмай қолдим. Хуфтон намозини ўқиётган эдим. Шу куни жуда чарчаган эканман. Намоз орасида кўзим ўзидан ўзи юмилиб, кимдир Расулуллоҳ келаяпти, деди. Мен узоқдан қараяпман. Саҳобалар билан бирга бўлганингиз учун таний олмаяпман. Шу вақт кимдир келди. Фақат қўли кўринди. Қўлида чиройли оқ кўзли узук. Сизга Расулуллоҳ бериб юбордилар, деди. Шу тушдан сўнг, менга Аллоҳим 38 ёшимда 3 та фарзанддан сўнг 12 йил ўтиб яна қизалоқли бўлишни насиб этди. Мен бу тушимни хайрга йўйдим ва қизалоғимни Қуръон ходимаси қилишга аҳд қилдим... Вақт тугади... Қандай вақт тугаганини билмай қолибман. Сизга айтмоқчи бўлган гапларим жуда кўп эди, лекин биттасини ҳам айта олмадим. Фақат йиғладим. Яқин инсонимизни анча вақт кўрмасак, соғинчдан йиғлаймиз. Бу йиғи эса, ундан ҳам кучли, сизни кўрмай туриб, яхши кўрдик, соғиндик! Аллоҳим жаннатда сиз билан кўришишлик ва суҳбат қуришликни насиб этсин. ✍️Шаҳноза Қозоқбоева, 40 ёш @BintuSodiq

📿 Ғийбатдан йироқ, зикр билан яқин бўлайлик. @BintuSodiq

Қаршимда бўлганингизда, ҳолимнинг хароблигидан ерга кириб кетармидим... Тасаввуримда сиз билан бир дақиқа учрашмоқлик мен учун албатта оз. Аммо меҳрибон Роббим бу бахтни менга насиб этганида эди, ўша ойдан-да гўзал юзларингизга фақат термулсам керак. Шайтоннинг нағмаларига учиб сизга лойиқ уммат бўла олмаяпман. Илм йўлига кирдим, толиби илмман деб фақат оғзида жар солиб, амалда оқсаб қолдим. Сизга илк оятларни Жаброил алайҳиссалом олиб келиб, сизни сиққанида илмни шундай осон олинмаслиги маълум эди. Аммо мен ҳали ҳам толиби илм бўла олмаяпман. Дунё шунчалар мени сиздан узоқлаштирдики... Ўша Рамазон ойида тушимда сизни ифорингизни туйганларимни бугун ҳануз тополмай қолдим... Ҳақиқатда ҳозир қаршимда бўлганингизда, мен ҳолимни қанчалар хароблигидан ерга кириб кетармидим... Илмни омонат этгандингиз, омонатингизни сақлай олмаяпман. Улғайганим сари бу дунё матоҳлари мени ўзига мубтало этмоқда. Шу қадарки ҳатто сўзларим, хаёлларим ҳиссиз. Oхирзамон умматимга Кавсар бўйида ўз қўлларим билан сув ичираман, дегандингиз. Шу даражаларга Роббим мен ожизани ҳам лойиқ кўрсин. Сизнинг қадамларингиз теккан, ғамгин ҳолингизда сизни бағрига олган Мадина мени бу ғофилликдан уйғотар, унинг тафти, унинг ҳиди мени бу чиркинликдан йироқ этар... дея муборак жойларга зиёрат қилиш орзусидаман... ✍️Ирода Қудратова, 19 ёш Қашқадарё @BintuSodiq

Ҳар куни шу банкка бир оз муҳаббат, сабр ва шукр қўшиб боринг — у ҳеч қачон камбағаллашмайди. @BintuSodiq

Мавлид танловидан Расулулоҳни соғиниб... Қаранг, ё Расулуллоҳ, Мадинада яна тонглар отди. Азон садолари олис-олислардан қалбимга эшитилмоқда. Ё Расулуллоҳ, сиз Билолингизга азонни ўргатган кунингиздан бошлаб Мадина бағрида неча минг марталаб азон янгради. Аммо... Аммо мен шу азон садоларини қачон Тоба бағрида туриб эшитаркинман? Оёқларин ўпган эшик пойида Пўстини бўлсайдим Набийнинг. Фироқдан боладай инграган Устуни бўлсайдим Набийнинг. Ҳар кеча кўзларин тавоф-ла ўпган Сурмаси бўлсайдим Набийнинг. Меҳмонга ўзлари ечиб тўшаган Ҳирқаси бўлсайдим Набийнинг. Ё Расулуллоҳ, ансорийларга жуда ҳавас қиламан, уларни сиз каби севсам керак. Негаки улар сизнинг оғриқли қалбинггизга ҳузур бахш этдилар. Сиз "Ҳаётим сизники, мамотим сизники", дея атаган ансорийларга чексиз муҳаббатларимиз бор. Ҳар кеча ухлашдан олдин хаёл сураман, мен ҳам сиз томон борармиканман, Равзангизни зиёрат этармиканман, ҳидларингизга тўярмиканман, дея энтикаман... Агар бора олсам, сизга ва ансору муҳожирларга, аҳли байтингизу сизга жон фидо этганларга севги изҳор қилиш ниятим бор. Баъзида кечалари кўзимни самога тикаман. Юлдузлар аралаш учиб кетаётган самолётларга кўзим тушади. Ўшанда шундай орзулар қиламан: "Қани энди, сиз томон учаётганлар ичида мен ҳам бўлсам..." Муборак қўллари ушлаган Косаси бўлсайдим Набийнинг. Юрганда қўлидан тушмаган Асоси бўлсайдим Набийнинг. Жимжилоғин қучган муҳрли кумуш Узуги бўлсайдим Набийнинг. Қуюқ киприкларин остидан боққан Сузуги бўлсайдим Набийнинг. Хушбўй сочларини минг бор тараган Тароғи бўлсайдим Набийнинг. Бадрда виқорғла илк ҳилпираган Байроғи бўлсайдим Набийнинг. Куз келиб, ҳаво совий бошласа, қушларнинг гала-гала бўлиб, иссиқ ўлкаларга учиб кетаётганини кўраман. Яна хаёл орзулар оғушига чўкади: "Қани энди бир қушга айланиб қолсаму дунёларнинг энг тафти қайноқ жойи Мадина томон учсам..." Тонг саҳар! Майин ва салқин шабада оҳистагина юзимни силаб ўтади. Яна дайди хаёллар шамолларга сўз қотади: "Йўлинггиз Мадинага тушса, саломимни Ҳабибимга етказинглааааар" Дурдек тишларини тавоф этгани Хурмоси бўлсайдим Набийнинг. Ҳажжатул вадода миниб юргани Касвоси бўлсайдим Набийнинг. Кеча янги ҳилолни кўрдим. Жобир ибн Самура розияллоҳу анҳунинг "Ой тўлган кечада Росулуллоҳни кўрдим. Бир ойга, бир у зотга қарадим. У зот ойдан ҳам гўзал эдилар" деган гаплари эсимга тушди. Ўша пайтда саҳобалар қандай бахтли бўлишган экана?! Ҳилолдек юзларин акс этган Кўзгуси бўлсайдим Набийнинг. Фирдавсда ўзлари нақд этган Қўшниси бўлсайдим Набийнинг. Аллоҳумма солли аъла саййидина Муҳаммад. Умму Фотима (Ўғилой), 33 ёш Наманган вилояти #Tanlov @BintuSodiq

«Пешқадамлар карвони» лойиҳаси жамоасини самимий табриклаймиз! Илм-маърифат йўлидаги самарали фаолияти, эзгу ташаббуслари ва жамиятга манфаатли лойиҳаларни амалга оширишдаги муносиб ҳиссаси учун «Пешқадамлар карвони» лойиҳаси «Регистон оналар мактаби» томонидан ташаккурнома ва ҳамкорлик эътрофи билан тақдирланди. Ушбу муносиб эътироф билан жамоани чин дилдан муборакбод этамиз! Келгусида ҳам кўплаб хайрли ва манфаатли лойиҳаларга бош-қош бўлиб, ҳамкорликларингиз бардавом бўлишини тилаймиз. @BintuSodiq

🍀 Бахтли никоҳ — фақат севги эмас, балки бир-бирини тушуниш, кечириш ва бағрикенглик билан мустаҳкамланади. ✨ Икки инсон бир-бирининг камчилигига сабр қилса, оилада меҳр ва хотиржамлик янада кўпаяди. @BintuSodiq

Заҳарланган гўшт ва кечирилган хиёнат ортидаги Хайбар воқеалари қандай юз берган эди? 🕌 📖 Мадинага таҳдид солган 8 та мустаҳкам қалъанинг 3 ҳафталик қамали ва таслим бўлиши. 📖 Ҳазрати Али розияллоҳу анҳу жасорати ва мусулмонларнинг иқтисодий ҳаётидаги бурилиш нуқтаси. 📖 Олий инсонийлик намунаси — Расулуллоҳ соллаллоҳу алайҳи васаллам томонларидан ашаддий душманларга кўрсатилган мислсиз марҳамат. Сийрат тарихидаги бундай бағрикенглик воқеаларидан қайси бири сизни кўпроқ таъсирлантирган? 🔗 Тўлиқ мақолани ўқиш 😀 @BintuSodiq

📖Қироат қилиш пайтида ҚАЛБ ҳозир бўлиши ва ХАЁЛ жамланиши лозим. 🕯Салафи солиҳлардан бирларига: «Қуръон қироат қилаётганин-гизда кўнглингиздан бирон нарса ўтказасизми?» дейилганда у ки-ши: «Мен учун Қуръондан бошқа нима ҳам маҳбуб бўлиши мум-кинки, мен уни кўнглимдан ўтказсам?!» деган экан. 🎙Устоз Анвар Аҳмад "Руҳия тарбия" китоби шарҳидан @BintuSodiq

Ҳадянинг арзимаси бўлмайди 🌱 Суннатни ўрганамиз

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам дедилар: 🌷 «Эй муслима аёллар! Қўшни аёл (бошқа) қўшни аёлга қўйнинг туёғини (бермоқчи) бўлса ҳам арзимас санамасин». (Муттафақун алайҳ).

🌱 Аслида бир-бирига берган нарсаларни арзимас санамасликка эркагу аёл бирдек масъул. Лекин қўшничилик юзасидан бир-бирига таом улашишлар одатда аёллар ўртасида бўлади. Қолаверса, биров берган нарсани менсимаслик, орқасидан гап чиқариш ҳолатлари кўпинча аёлларда кузатилади. Шулардан келиб чиқиб Пайғамбаримиз алайҳиссалом айнан аёлларга мурожаат қилмокдалар: 🌱 Қўшнига нима чиқармоқчи бўлсангиз, нимага қурбингиз етса, ҳадя сифатида чиқараверинг. 🌱 «Арзимас нарса-ку, улар ўзига тўқ кишилар-ку, нима деб ўйлашади, паст кетган бўламан», деб ўтирманг. 🌱 Қўшнилар сизга чиқаргани қандай бўлишидан қатъи назар, сиз ҳам камситманг, аксинча уларни қадрлашни ўрганинг. 📚 "Риёзус солиҳин шарҳи" китобидан. @BintuSodiq

🌷 Эътирофга муносиб аёл Санъатхон Умарова — асосий касби фармацевт бўлган, аммо инсонларга хизмати касбий фаолияти билан чекланмайдиган фидойи аёл. У китобхонликни тарғиб қилади, ёшларни илм ва мутолаага чорлайди, маҳаллаларда маънавий-маърифий ишлар олиб боради, эҳтиёжмандларга кўмаклашади. Жамоат ишларидаги фаоллиги билан бир қаторда, инсонлар билан самимий мулоқоти ва эзгу ташаббуслари билан ҳам кўпчиликка ўрнак бўлиб келмоқда. Санъатхон опанинг табиати гўзал, хулқи ҳавас қиларли даражада. Ҳар бир ишга қунт ва масъулият билан ёндашишлари эса уларнинг ўзига хос фазилатларидан. Кўп йиллик меҳнати ва жамоат ишларидаги фаолияти эътироф этилиб, устозамиз Одинахон Муҳаммад Содиқ томонидан «Фидокор аёл» номинациясига муносиб кўрилдилар. Бу эътироф — йиллар давомидаги меҳнат, фидойилик ва инсонларга қилинган самимий хизматларнинг муносиб самараси. 🎥 Санъатхон опанинг қувончли эътироф лаҳзаларини видеода томоша қилинг! 🌱 @BintuSodiq

Сийратни ўрганамиз ва татбиқ этамиз 🌙 Муҳаммад соллаллоҳу алайҳи васаллам болаларга ғамхўрлик қилганлар ва уларни яхши кўрганлар У зот болаларга эътибор бериб, саломлашар ва бирга ўйнар эдилар. Бир куни бир боланинг қуши ўлиб қолгани учун хафа бўлиб турганини кўрдилар. У зот бошка жойга кетаётган бўлсалар-да, унинг хафалигини кетказиш ва хурсанд қилиш учун бир муддат унинг олдида қолдилар.

Пайғамбаримиз Муҳаммад алайҳиссалом ота-оналарга болаларини ўпиш ва кучоқлаш орқали меҳрларини изҳор этиб, ҳамма болаларига бир хил муомалада бўлиш кераклигини билдирганлар.

У зот ҳеч қачон боласини ўпмаган отанинг қалбида раҳм-шафқат йўқ, деб айтганлар.

📚"Аллоҳнинг элчиси Муҳаммад соллаллоҳу алайҳи васаллам" китобидан. @BintuSodiq

«Инсон ўзига қанча яқин олса, шунча эътироф қилишни унутаркан...» 🌱 Дилафрўз Юсупова — лойиҳамизнинг навбатдаги «Фидокор аёл» номинацияси соҳибаси бўлдилар. Устоз Одинахон Муҳаммад Содиқ таъкидлаганидек, улар илк қадамлардан ёнма-ён туриб, «Muslimaat.uz» ва «Омина» журнали ривожига беминнат ҳисса қўшганлар. 🌱 Дилафрўз опа ҳаётининг катта қисмини Шайх Муҳаммад Содиқ Муҳаммад Юсуф раҳимаҳуллоҳнинг бой илмий-маърифий меросини ўрганиш, асраб-авайлаш ва халқимизга етказишга бағишладилар. 🌱 Улар — бизнинг устимизда ҳаққи кўп бўлган, гўзал хотиралар ва қалбимиз тўридан жой олган юксак эҳтиром соҳибасидир. 🎥 Қаҳрамонимизнинг ҳаяжонли лаҳзаларини видеода томоша қилинг! 🫶 @BintuSodiq

Мавлид ойида бир дақиқа Расулуллоҳ соллаллоҳу алайҳи васаллам билан ғойибона бирга бўлишга тайёрмисиз? 🌱 Каналимизда илк бор «РАСУЛУЛЛОҲ ﷺ БИЛАН БИР ДАҚИҚА» номли танлов-марафон ўтказилади! Марафон рабиул аввал ойида (22 кун қолди) икки марта бўлиб, иккита учрашувда иккита мавзу берилади. Бугун (20 август) биринчи учрашув мавзусини берамиз. Иккинчи учрашув мавзусини 31 август куни каналимиз саҳифаларига жойлаймиз. Ҳар бир учрашув — қалбингиздаги энг нозик туйғуларни қоғозга тушириш учун бир имконият бўлади. Тасаввур қилинг... Агар суюкли Пайғамбаримиз Муҳаммад Мустафо соллаллоҳу алайҳи васаллам билан учрашиш ва у зотнинг қаршиларида атиги бир дақиқа ўтириш бахти насиб этса... 🤍 1-УЧРАШУВ «Ё Расулуллоҳ, Сизни қанчалар соғиндим...» У зотга биринчи бўлиб нимани айтган бўлардингиз? Соғинчингизними? Дардингизними? Оилангиз ёки фарзандларингизними? Ёки қалбингизда йиллар давомида сақлаб келган бир гапингизними? 📞Телефонни бир четга қўйинг. Атрофингиздан бир зумга узилинг. Қалбингизга қулоқ тутинг. Ва ич-ичингиздаги туйғуларни қоғозга туширинг. Ёзганларингизни @sadafdagi_dur_bot орқали юборинг. Энг самимий, таъсирли ва ибратли ёзишмалар каналимиз саҳифаларида эълон қилиб борилади. Исм-шарифингиз: Ёшингиз: Манзилингиз: 🌹Мавлид ойида қалбингиздаги энг гўзал кечинмаларни биз билан бўлишинг! @BintuSodiq

🌷 Кечириш — заифлик эмас, руҳий гигиена Дунёдаги энг оғир юк елкада эмас, қалбда кўтарилади. ✅Бугун Жума — руҳиятни «формат» қилиш учун энг мақбул фурсат. Аллоҳ қалбингизга шундай хотиржамлик берсинки, унда дунё ташвишларига ўрин қолмасин. Жума муборак! @BintuSodiq

Ҳаётдаги ҳар бир синов ва неъматни Аллоҳдан деб билиш инсонни ортиқча ташвиш ва руҳий азоблардан халос қилади. 🫶 @BintuSodiq