Jura Legal Update
Відкрити в Telegram
Official Telegram Channel of Jura Legal Update. For comments, feedback, or inquiries, reach us at juralegalupdate@gmail.com. Or DM us directly in this telegram channel.
Показати більше3 807
Підписники
+5624 години
+3097 днів
+1 66430 днів
Триває завантаження даних...
Схожі канали
Немає даних
Виникли проблеми? Будь ласка, оновіть сторінку або зверніться до нашого support-менеджера.
Хмара тегів
Немає даних
Виникли проблеми? Будь ласка, оновіть сторінку або зверніться до нашого support-менеджера.
Вхідні та вихідні згадування
---
---
---
---
---
---
Залучення підписників
вересень '26
вересень '26
+298
в 1 каналах
серпень '26
+1 503
в 2 каналах
Get PRO
липень '26
+563
в 2 каналах
Get PRO
червень '26
+210
в 1 каналах
Get PRO
травень '26
+530
в 3 каналах
Get PRO
квітень '26
+247
в 2 каналах
Get PRO
березень '26
+650
в 2 каналах
| Дата | Залучення підписників | Згадування | Канали | |
| 06 вересня | +8 | |||
| 05 вересня | +56 | |||
| 04 вересня | +157 | |||
| 03 вересня | +42 | |||
| 02 вересня | +27 | |||
| 01 вересня | +8 |
Дописи каналу
| 2 | የሰበር ውሳኔ | መ/ቁ. 96458 ቅጽ 16 | ሐምሌ 29 ቀን 2006 ዓ.ም
ይህ ውሳኔ የፌዴራል ጠቅላይ ፍርድ ቤት የሰበር ሰሚ ችሎት የሰጠው ሲሆን፣ ዋናው የሕግ ጉዳይ ከሥራ ውል መቋረጥ ጋር በተያያዘ የሚቀርብ የክፍያ ጥያቄ የ6 ወር የይርጋ ጊዜ ሲቆጠር ጳጉሜ እንደ ወር መቆጠር አለባት ወይስ አይገባም? የሚለውን የሚመለከት ነው።
የአሰሪና ሠራተኛ ጉዳይ አዋጁ የሥራ ውሉ በመቋረጡ ምክንያት በሠራተኛውም ሆነ በአሰሪው የሚቀርብ ማንኛውም የክፍያ ጥያቄ የሥራ ውሉ ከተቋረጠበት ቀን ጀምሮ በ6 ወር ውስጥ ካልቀረበ በይርጋ እንደሚታገድ ደንግጓል።
በተጨማሪም፣ የፍትሐብሔር ሕጉ አንቀጽ 1860(3) መሠረት ጳጉሜን እንደ ወር መቁጠር የማይቻል በመሆኑ፣ የሥራ ውሉ ከተቋረጠበት ጊዜ ጀምሮ የ6 ወር የይርጋ ጊዜ ሲቆጠር ጳጉሜን እንደ አንድ ወር በመቁጠር የሠራተኛውን የክፍያ ጥያቄ በይርጋ ለማስቀረት መጠቀም እንደማይገባ ችሎቱ ደምድሟል።
ጳጉሜን እንደ ወር መቁጠር በማይቻልበት ሁኔታ፣ ከሥራ ውል መቋረጥ ጋር በተያያዘ የ6 ወር የይርጋ ጊዜ ሲቆጠር ጳጉሜን እንደ ወር በመቁጠር የሠራተኛውን የክፍያ ጥያቄ (ክስ) በይርጋ ቀሪ ማድረግ እንደማይገባ ወስኗል።
ሙሉ የሰበር ውሳኔው ከታች ተያይዟል።
Jura Legal Update | 465 |
| 3 |  የዲፕሎማቲክ አገልግሎት የሥራ ተዋረድ (Diplomatic Service Career Ladder)
በኢትዮጵያ የውጭ ግንኙነት አገልግሎት አዋጅ ቁጥር 790/2005 መሠረት፣ የዲፕሎማቲክ አገልግሎት የሥራ ደረጃዎች (career ladder/ranks) እንዲህ ተደንግገዋል።
N.B.፦ እነዚህን የሥራ ደረጃዎች ከዲፕሎማቲክ ሹመት (diplomatic appointment) ጋር መደባለቅ አይገባም። አምባሳደር (Ambassador) የተለየ የዲፕሎማቲክ የፖለቲካ ሹመትና የሚሲዮን ኃላፊነት (ambassadorial appointment/mission responsibility) እንጂ በእነዚህ career-rank ደረጃዎች ውስጥ የሚመደብ የሥራ ደረጃ አይደለም።
Jura Legal Update | 725 |
| 4 | አዋጅ-ቁጥር-1353-2017-1 (4).pdf | 1 013 |
| 5 | የወሊድ ፈቃድ በፌዴራል መንግሥት ሠራተኞች አዋጅ
የወሊድ ፈቃድ ሴት ሠራተኛ በእርግዝናና በወሊድ ወቅት ከሥራ ለጊዜው በመለየት ጤናዋን እንድትጠብቅ፣ ከወሊድ በኋላም ለማገገምና ለሕፃኗ እንክብካቤ በቂ ጊዜ እንድታገኝ የሚያስችል ሕጋዊ መብት ነው። ስለሆነም የወሊድ ፈቃድ እንደ ተራ የዕረፍት ፈቃድ የሚታይ ሳይሆን የእናትን ጤና፣ የሕፃኑን ደህንነት እና የሴቷን ከሥራ ጋር ያላትን መብት በአንድ ላይ ማስጠበቅ ዓላማ ያደረገ ነው።
የኢፌዲሪ ሕገ-መንግሥት አንቀጽ 35(5)(ሀ) ሴቶች ከሙሉ የደመወዝ ክፍያ ጋር የወሊድ ፈቃድ የማግኘት መብት እንዳላቸው ይደነግጋል፤ የፈቃዱ ርዝመትም የሥራውን ሁኔታ፣ የሴቷን ጤና እና የሕፃኑንና የቤተሰቡን ደህንነት ታሳቢ በማድረግ በሕግ እንዲወሰን ያዛል። አንቀጽ 35(5)(ለ) ደግሞ የወሊድ ፈቃድ ከሙሉ ክፍያ ጋር የቅድመ ወሊድ ፈቃድን ሊያካትት እንደሚችል ይደነግጋል።
ይህንን ሕገ-መንግሥታዊ መርህ በፌዴራል የመንግሥት ሠራተኞች ዘርፍ ተግባራዊ የሚያደርገው የፌዴራል መንግሥት ሠራተኞች አዋጅ ቁጥር 1353/2017 አንቀጽ 65 ነው። አዋጁ እርጉዝ የሆነች የመንግሥት ሠራተኛ ከእርግዝና ጋር በተያያዘ የሕክምና ምርመራና በሐኪም ምክር የሚሰጥ የቅድመ ወሊድ ዕረፍት ከክፍያ ጋር እንድታገኝ ይደነግጋል፤ እነዚህም ፈቃዶች እንደ ሕመም ፈቃድ እንደማይቆጠሩ በግልጽ ያስቀምጣል።
በአዋጁ እርጉዝ የሆነች የመንግሥት ሠራተኛ ከምትወልድበት ተገምቶ ከተወሰነው ቀን በፊት 30 ተከታታይ ቀናት እና ከወሊድ በኋላ 90 ተከታታይ ቀናት፣ በአጠቃላይ 120 ቀናት ከደመወዝ ጋር የወሊድ ፈቃድ ይሰጣታል። የቅድመ ወሊድ ፈቃዱ ሳያልቅ ከወለደች ያልተጠቀመችበት ቀሪ ጊዜ ወደ ድህረ-ወሊድ ፈቃድ ይተላለፋል።
በተግባር ጠቃሚ የሆነው ሌላው ጉዳይ የተገመተው የወሊድ ቀን ሳይደርስ ወይም ካለፈ የሚፈጠረው ሁኔታ ነው። ሠራተኛዋ ከተገመተው ቀን በኋላ ካልወለደች፣ እስከምትወልድበት ድረስ የሚቆየው ጊዜ በአዋጁ አግባብ ከዓመት ፈቃዷ የሚተካ ነው። ይህ ድንጋጌ የ120 ቀናት መብት በቀጥታ ከዓመት ፈቃድ ጋር እንዳይደባለቅ የተደረገውን ልዩነት ያሳያል።
አዋጁ ከመደበኛው የወሊድ ፈቃድ በተጨማሪ የጽንስ መቋረጥ በሚከሰትበት ጊዜ ለሠራተኛዋ የሚሰጠውን ፈቃድም በሁኔታው መሠረት ይደነግጋል። ከስድስት ወር ያላነሰ እርግዝና ከቅድመ ወሊድ ፈቃድ ከመጀመሩ በፊት ከተቋረጠና ይህም በሕክምና ማስረጃ ከተረጋገጠ፣ 60 ቀናት የድህረ-ወሊድ ፈቃድ ይሰጣታል። በሌላ በኩል፣ ሠራተኛዋ በቅድመ ወሊድ ፈቃድ ላይ እያለች ጽንሱ ከተቋረጠ፣ የቅድመ ወሊድ ፈቃዷ ይቋረጥና 90 ቀናት የድህረ-ወሊድ ፈቃድ ይሰጣታል። ከሦስት እስከ ስድስት ወር ባለው የእርግዝና ጊዜ ጽንስ ከተቋረጠ ደግሞ፣ መቋረጡ በሕክምና ማስረጃ ከተረጋገጠ ከክፍያ ጋር ፈቃድ እንዲሰጣት አዋጁ ይደነግጋል።
የሕጉ ጥበቃ በእናትና በሕፃን ብቻ አይወሰንም። አዋጁ የአባትንም ሚና በማገናዘብ፣ ባለቤቱ በምትወልድበት ጊዜ ለማንኛውም የመንግሥት ሠራተኛ ከክፍያ ጋር የ10 የሥራ ቀናት የአባትነት ፈቃድ መብት ይሰጣል። ይህም የወሊድ ፈቃድ የእናትን ጤናና የሕፃኑን ደህንነት ከመጠበቅ ባሻገር፣ አባትየው በወሊድ ወቅት ከቤተሰቡ ጋር እንዲሆንና የቤተሰብ ኃላፊነቱን እንዲወጣ የሚያስችል ሕጋዊ ጥበቃ መሆኑን ያሳያል።
በአጠቃላይ፣ የአዋጁ አንቀጽ 65 የወሊድ ፈቃድን እንደ ተራ የዕረፍት ጊዜ ሳይሆን እናትና ሕፃንን ለመጠበቅ የሚያስፈልግ ሕጋዊ መብት አድርጎ ያዋቅረዋል። የፈቃዱ ጊዜ ከክፍያ ጋር መሆኑ፣ ከወሊድ በፊትና በኋላ የተለያዩ የፈቃድ ጊዜያትን መደንገጉ፣ እንዲሁም እርግዝና በሚቋረጥበት ጊዜ ልዩ ጥበቃ መስጠቱ የድንጋጌውን ዓላማ በግልጽ ያሳያል። ስለዚህ በአንቀጽ 65 መሠረት የተደነገገው የወሊድ ፈቃድ አሠሪው በፈቃዱ የሚሰጠው ጥቅም ሳይሆን፣ በሕግ የተረጋገጠ የሠራተኛዋ መብት ነው።
ማስታወሻ፦ የፌዴራል መንግሥት ሠራተኞች አዋጅ ቁጥር 1353/2017 ሙሉ ይዘትን ማንበብ የምትፈልጉ ሕጉ ከዚህ በታች ተያይዞ ይገኛል።
መልካም አዳር!
Jura Legal Update | 1 028 |
| 6 | +1 Ethiopia_Vehicle_Insurance_Against_Third_Party_Risks_Proclamation.pdf | 1 234 |
| 7 | በተሽከርካሪ አደጋ የሦስተኛ ወገን መድን፦ የሽፋኑ ወሰን እና የካሣ መጠን
በኢትዮጵያ የተሽከርካሪ አደጋ የሦስተኛ ወገን መድን ሥርዓት ዋና ዓላማ በተሽከርካሪ አደጋ ምክንያት ለሚደርሱ የሰው ሞት፣ የአካል ጉዳት፣ የንብረት ጉዳት እና የአስቸኳይ ሕክምና ወጪዎች ተጎጂዎች በተወሰነው የሕግ ማዕቀፍ መሠረት ካሣ እንዲያገኙ ማድረግ ነው። የተሽከርካሪ አደጋ የሦስተኛ ወገን መድን አዋጅ ቁጥር 799/2005 ይህንን መድን አስገዳጅ በማድረግ ደንግጓል።
በዚህ ሥርዓት “ሦስተኛ ወገን” ማለት ከመድን ገቢው፣ ከቤተሰቡ፣ ከአሽከርካሪው እና ከመድን ገቢው ተቀጣሪ ሠራተኛ ውጭ ያለ ሌላ ሰው ነው። በመሆኑም የሦስተኛ ወገን መድን ተጠቃሚ የሚሆነው የተሽከርካሪው ባለቤት ራሱ ሳይሆን፣ በተሽከርካሪው ምክንያት ጉዳት የደረሰበት በሕጉ የተገለጸው ሦስተኛ ወገን ነው።
የካሣ መጠንን በተመለከተ፣ የሦስተኛ ወገን የተሽከርካሪ አደጋ የመድን ፖሊሲ የአረቦን ተመን እና የካሳ መጠን ክፍያ ደንብ ቁጥር 554/2016 የካሣ ገደቦችን በሰንጠረዥ “ለ” አስቀምጧል። በዚህ መሠረት ለአንድ ሰው የአካል ጉዳት እስከ 250,000 ብር፣ ለሞት አደጋ ከ30,000 እስከ 250,000 ብር፣ ለንብረት ጉዳት እስከ 200,000 ብር እና ለአስቸኳይ ሕክምና ወጪ እስከ 15,000 ብር የካሣ መጠን ተወስኗል። እነዚህ መጠኖች የሕጉ የካሣ ገደቦች እንጂ በእያንዳንዱ ጉዳይ ተጎጂው የሚያገኘው ተመሳሳይ ቋሚ መጠን እንደሆኑ መውሰድ አይገባም። ከዚህ ገደብ በላይ ጉዳት ከደረሰ ደግሞ፣ አግባብነት ባለው ሌላ የሕግ አግባብ መሠረት ቀሪውን ካሣ ከጉዳት አድራሹ እና/ወይም ከንብረቱ ባለቤት መጠየቅ ይቻላል።
በሌላ በኩል፣ ሕጉ ከሦስተኛ ወገን መድን ሽፋን ውጭ የሆኑ ሁኔታዎችንም ይዘረዝራል። ለምሳሌ፣ በመድን ገቢው ወይም በቤተሰቡ ላይ የሚደርስ ጉዳት፣ በመድን ገቢው ተቀጣሪ ሠራተኛ በሥራ ላይ እያለ የሚደርስበት ጉዳት፣ በመድን የተሸፈነው ተሽከርካሪ ራሱ ላይ የሚደርስ ጉዳት እና ከኢትዮጵያ ግዛት ውጭ የሚደርስ አደጋ ከዚህ የመድን ሽፋን ውጭ ናቸው። ይህ ግን በሌላ የሕግ አግባብ መሠረት ተጎጂው ሊኖረው የሚችለውን ካሣ መጠየቅ መብት በራሱ የሚያስቀር ነው ማለት አይደለም።
በመጨረሻም፣ ማን እንደሦስተኛ ወገን እንደሚቆጠር፣ ምን ዓይነት ጉዳት በመድን ሽፋኑ እንደሚካተት፣ ምን ዓይነት ጉዳት ከሽፋኑ ውጭ እንደሆነ እና የካሣ ገደቦች ምን እንደሆኑ ማወቅ ተገቢ ነው። የሦስተኛ ወገን መድን ሥርዓትም በዋናነት አደጋ ከደረሰ በኋላ ተጎጂዎች የሚያገኙትን ሕጋዊ ጥበቃ ለማረጋገጥ የተዘረጋ ሥርዓት በመሆኑ፣ የሽፋኑን ወሰንና የካሣ ገደቦችን መረዳት ለተሽከርካሪ ባለቤቶች፣ ለአሽከርካሪዎች እና በአደጋ ለሚጎዱ ሰዎች አስፈላጊ ነው።
ማስታወሻ፦ የተሽከርካሪ አደጋ የሦስተኛ ወገን መድን አዋጅ ቁጥር 799/2005 እና የሦስተኛ ወገን የተሽከርካሪ አደጋ የመድን ፖሊሲ የአረቦን ተመን እና የካሣ መጠን ክፍያ ደንብ ቁጥር 554/2016 ሙሉ ይዘትን ማንበብ የምትፈልጉ ሕጎቹ ከዚህ በታች ተያይዘው ይገኛሉ።
መልካም ምሽት!
Jura Legal Update | 1 255 |
| 8 | +1 አዋጅ-ቁጥር-790-2005.pdf | 1 547 |
| 9 | አታሼ (Attaché) ምንድነው? ማነው?
አታሼ (Attaché) በኢትዮጵያ የውጭ ግንኙነት የሕግ ማዕቀፍ ውስጥ የዲፕሎማቲክ አገልግሎት የመግቢያ ደረጃ ሲሆን፣ በውጭ አገር በሚገኝ የኢትዮጵያ ሚሲዮን ወይም በሚኒስቴሩ የሚሰጠውን የዲፕሎማቲክ ተልዕኮ ለመፈጸም የዲፕሎማቲክ ሙያን ለመጀመር የሚያስችል የመነሻ ደረጃ ነው።
ይህንን ለመረዳት በመጀመሪያ የውጭ ግንኙነት አገልግሎቱን አጠቃላይ መዋቅር ማየት ያስፈልጋል። የውጭ ግንኙነት አገልግሎት አዋጅ ቁጥር 790/2005 የውጭ ግንኙነት አገልግሎትን የሚመለከተው የሕግ ማዕቀፍ ሲሆን፣ አገልግሎቱ የሚኒስቴሩንና በውጭ አገር የሚገኙ የኢትዮጵያ ሚሲዮኖችን የሚያጠቃልል ነው። በዚህ ማዕቀፍ የውጭ ግንኙነት አገልግሎቱ በዲፕሎማቲክ አገልግሎት፣ በአስተዳደርና ቴክኒክ አገልግሎት እና በድጋፍ አገልግሎት ዘርፎች የተደራጀ ሲሆን፣ አታሼ የሚመደበው በዲፕሎማቲክ አገልግሎት ዘርፍ ውስጥ ነው።
በዲፕሎማቲክ አገልግሎት ውስጥ የሙያ ዕድገት የሚከናወንባቸው የሙያ መስመሮች እና ደረጃዎች በሕጉ ተደንግገዋል። አታሼ በዚህ የሙያ መስመር የመነሻ ደረጃ ሲሆን፣ ከአታሼ በኋላ የሚመጡት የሙያ ደረጃዎች ሦስተኛ ጸሐፊ፣ ሁለተኛ ጸሐፊ፣ አንደኛ ጸሐፊ፣ አማካሪ እና ከዚያ በላይ ያሉ የሙያ ደረጃዎችን ያካትታሉ። የውጭ ግንኙነት አገልግሎት ሠራተኞች አስተዳደር የሚኒስትሮች ምክር ቤት ደንብም የ“career ladder” ትርጉምን በአዋጁ በተደነገጉት የዲፕሎማቲክ አገልግሎት ምድቦች ጋር ያያይዛል።
ወደ አታሼ ደረጃ ለመግባትም ሕጉ የተወሰኑ መስፈርቶችን ያስቀምጣል። አመልካቹ ኢትዮጵያዊ ዜጋ መሆን፣ ለሕገ መንግሥቱ ታማኝ መሆን፣ ቢያንስ 21 ዓመት ዕድሜ መሙላት እና እውቅና ከተሰጠው የከፍተኛ ትምህርት ተቋም ቢያንስ የመጀመሪያ ዲግሪ መያዝ ከመሠረታዊ መስፈርቶቹ መካከል ይገኛሉ። በተጨማሪም ከወንጀል ነፃ መሆንን የሚያረጋግጥ ማስረጃ ማቅረብ፣ የሕክምና ምርመራን ማለፍ እና ሚኒስቴሩ የሚያዘጋጀውን የመግቢያ ፈተና ማለፍ ይጠየቃል። የውጭ አገር ዜግነት ያለው የትዳር ጓደኛ ያለው አመልካችም ይህንን ለሚኒስቴሩ ማሳወቅ ይጠበቅበታል። ሕጉ ቅጥሩ በግልጽነት፣ በብቃትና በተገቢነት መርሆች መሠረት እንዲከናወን ያስቀምጣል።
ከእነዚህ መስፈርቶች ጋር ተያይዞ የ“ተስማሚነት” (suitability) ማጣራት በሕጉ ተደንግጓል። አዋጁ እንደሚያስቀምጠው፣ ሌሎችን የቅጥር መስፈርቶች ያሟላ እጩ ተስማሚ መሆኑን ለማረጋገጥ የእጩው የኋላ ታሪክ ይመረመራል። ይህም የተደበቀ ማንነት አለመኖሩን፣ ከተለያዩ የውስጥና የውጭ ኃይሎች ተፅዕኖ ነፃ መሆኑን፣ ለተለያዩ ጎጂ ንጥረ ነገሮችና ባህሪያት ሱስ የሌለበት መሆኑን፣ ከወንጀል ነፃ መሆኑን፣ ሚስጥራዊ መረጃን የመጠበቅ ብቃት መኖሩን እና በአጠቃላይ ብሔራዊ ተልዕኮውን በታማኝነት ለመፈጸም ብቁ መሆኑን ያካትታል።
ይህ ማጣራት የሚያሳየው አታሼነት የሚጀምረው በትምህርት ብቃት እና በፈተና ውጤት ብቻ እንዳልሆነ ነው። የዲፕሎማቲክ አገልግሎት ሠራተኛ በሥራው ምክንያት ሊያገኛቸው የሚችላቸውን ሚስጥራዊ መረጃዎች መጠበቅ እና የአገራዊ ጥቅምን በታማኝነት ማስጠበቅ የሚጠይቅ በመሆኑ፣ suitability የቅጥር ሂደቱ ውስጥ መስፈርት ሆኖ ተደንግጓል።
የቅጥር ሂደቱ ከተጠናቀቀ በኋላም እጩው ወዲያውኑ ቋሚ የዲፕሎማቲክ አገልግሎት ሠራተኛ አይሆንም። የመግቢያ ፈተናውን ያለፈና በሕጉ የተደነገጉትን መስፈርቶች ያሟላ አመልካች እንደ ሙከራ ጊዜ ሠራተኛ (probationer) ይቀጠራል። የሙከራ ጊዜው ሁለት ዓመት ከስድስት ወር ሲሆን፣ አንድ ዓመት የንድፈ ሀሳብ ሥልጠና እና አንድ ዓመት ከስድስት ወር የሥራ ላይ ሥልጠና ያካትታል። በሙከራ ጊዜው የእጩው ሙያዊ ብቃት፣ ክህሎት እና የሙያዊ ሥነ-ምግባር ግዴታዎችን መከተሉ ይመዘናል።
የሙከራ ጊዜው በተገቢ ውጤት መጠናቀቁም ለቋሚ ቅጥሩ ወሳኝ ነው። ሕጉ እያንዳንዱ የምዘና ውጤት አጥጋቢ እንዲሆን ያስቀምጣል፤ ውጤቱ ዝቅተኛ ከሆነ የሙከራ ጊዜው ለተጨማሪ ስድስት ወር ሊራዘም ይችላል። በተራዘመው ጊዜም አጥጋቢ ውጤት ካላመጣ የሥራ ውሉ ያለካሣ ሊቋረጥ ይችላል። ሁለት ዓመት ከስድስት ወሩን የሙከራ ጊዜ በአጥጋቢ ውጤት ያጠናቀቀ ሰው ቋሚ የዲፕሎማቲክ አገልግሎት ሠራተኛ ሆኖ ይቀጠራል።
አታሼ መሆን የሙያ መስመሩ መጨረሻ ሳይሆን የሙያ ዕድገት መነሻ ነው። ቋሚ የዲፕሎማቲክ ሠራተኛ ከአንድ የሙያ ደረጃ ወደ ቀጣዩ ደረጃ ለማለፍ የምዘና ውጤት፣ ተገቢ ሥልጠና፣ የአገልግሎት ዘመን፣ የብቃት ማረጋገጫ ፈተና እና የsuitability ማረጋገጫ የሚያካትቱ መስፈርቶችን ማሟላት ይጠበቅበታል። ከአታሼ ወደ ሦስተኛ ጸሐፊ ለማለፍ የተደነገገው የአገልግሎት ጊዜም ሁለት ዓመት ከስድስት ወር ነው።
ከዚህ ሁሉ ሂደት መረዳት የሚቻለው የዲፕሎማቲክ አገልግሎት ሙያዊ ብቃትን፣ ታማኝነትን፣ ተገቢነትን እና ተጠያቂነትን መሠረት ያደረገ የሙያ መስክ መሆኑን ነው። በዚህ የሕግ ማዕቀፍ ውስጥ “አታሼ” የሚለው ማዕረግ የዲፕሎማቲክ ሙያ የመነሻ ደረጃን የሚያመለክት ሲሆን፣ ከመግቢያ መስፈርቶችና የተስማሚነት ማጣራት ጀምሮ እስከ ሥልጠና፣ ሙከራ፣ ምዘና እና የሙያ ዕድገት ድረስ ያለው ሂደት በሕግ የተደነገገ ነው።
የውጭ ግንኙነት አገልግሎት አዋጅ ቁጥር 790/2005 ዓ.ም እና የውጭ ግንኙነት አገልግሎት ሠራተኞች አስተዳደር ደንብ ሙሉ ይዘትን ማንበብ የምትፈልጉ አንባቢዎች፣ ሕጎቹ ከዚህ በታች ተያይዘው ይገኛሉ። የዲፕሎማቲክ ሙያን ለመቀላቀል ፍላጎት ያላችሁም የሥራ ማስታወቂያውን በጥንቃቄ በማንበብ የተደነገጉትን መስፈርቶች የምታሟሉ ከሆነ ማመልከት እና ዕድላችሁን መሞከር ትችላላችሁ። መልካም ዕድል!
Jura Legal Update
ነሐሴ 27 ቀን 2018 ዓ.ም | 1 639 |
| 10 |  Немає тексту... | 1 288 |
| 11 | 239267.pdf | 1 213 |
| 12 | የሰበር ውሳኔ | መ/ቁ. 239267 | 04/02/2018 ዓ.ም
በፌዴራል ጠቅላይ ፍርድ ቤት ሰበር ሰሚ ችሎት ሰባት (7) ዳኞች በተሰየሙበት ችሎት የተሰጠው ይህ የሰበር ውሳኔ፣ ሀሰተኛ ሰነድን በመጠቀም የማታለል ወንጀል ሲፈጸም የሚተገበሩ የወንጀል ሕግ ድንጋጌዎችን በተመለከተ ቀደም ሲል የነበረውን የሰበር የሕግ ትርጉም ቀይሯል።
ቀደም ሲል በሰበር መዝገብ ቁጥር 232750፣ 234082፣ 104637 እና 107195 እንዲሁም በመሳሰሉ መዝገቦች ላይ የተያዘው የሕግ ትርጉም፣ ሀሰተኛ ሰነድን በመጠቀም የማታለል ወንጀል ሲፈጸም፣ አድራጊው በማታለል ወንጀል እንጂ ሀሰተኛ ሰነድን በመጠቀም በተደራቢነት ሊቀጣ አይገባም የሚል ነበር።
አሁን በመዝገብ ቁጥር 239267 የሰበር ችሎቱ ይህንን ቀደም ሲል የተያዘውን የሕግ ትርጉም በመቀየር፣ በወንጀል ሕጉ አንቀጽ 61(3) ስር የተደነገገው ቢኖርም፣ ሀሰተኛ ሰነድን በመጠቀም የማታለል ወንጀል ሲፈጸም፣ በአንቀጽ 699 መሠረት አግባብነት ያላቸው ድንጋጌዎች በተደራቢነት ተፈጻሚ ይሆናሉ ብሎ ተርጉሟል።
በመሆኑም፣ ይህ ውሳኔ በዚህ ጉዳይ ላይ ከቀደመው የሰበር አቋም የተለየ አዲስ የሕግ ትርጉም ያስቀመጠ ነው።
ሙሉ የሰበር ውሳኔው ከታች ተያይዟል።
Jura Legal Update | 1 176 |
| 13 |  +5Job Vacancy Announcement
Wolkite University — School of Law
Wolkite University invites qualified applicants for academic positions in the School of Law (as well as various other fields across medicine, technology, CS, social sciences, and business).
* Position: Assistant Lecturer / Lecturer
* Qualification: LL.B / LL.M
* Salary: 21,238 / 25,285 ETB
* Field of Specialization: Public International Law / Tax Law / Human Rights Law / Construction Law & Related Fields
* Vacancies: 02
Applicants should refer to the official vacancy announcement for application procedures and deadlines.
Jura Legal Update | 1 453 |
| 14 |  ክፍት የሥራ መደብ ማስታወቂያ - የፌዴራል ታክስ ይግባኝ ኮሚሽን | 1 342 |
| 15 | #Some Important Legal Tips (Basic)
8 መሠረታዊ ነጥቦች:
1. አንድ ሰው ተከሰሰ ማለት ጥፋተኛ ነው ወይም ተጠያቂነቱ ተረጋግጧል ማለት አይደለም። ጥፋተኛነት ወይም ተጠያቂነት በሕግ አግባብ ተመስርቶ በሂደት የሚወሰን ጉዳይ ነው።
2. ሕግ ሁሉም ውሎች በጽሑፍ እንዲደረጉ አያስገድድም። ተዋዋዮች ውላቸውን በቃል ወይም በጽሑፍ መልክ ለማድረግ በመርህ ደረጃ ነፃነት አላቸው። ውል በጽሑፍ መደረግ የግድ የሚሆነው ተፈጻሚው ሕግ ይህንን እንደ ግዴታ ሲያስቀምጥ ነው።
3. ክስ መመስረት በራሱ ባለመብትነትን አያረጋግጥም። ክስ መመስረት አንድ ጥያቄን በሕግ አግባብ ለተገቢው አካል ለማቅረብ የሚያስችል ሂደት ነው። የተጠየቀው መብት መኖሩና የሚገባው ሕጋዊ መፍትሔ ግን በቀረበው ማስረጃና ተፈጻሚ በሚሆነው ሕግ መሠረት በዳኝነት አካሉ ይወሰናል።
4. ሕጋዊነትና ሞራላዊነት አንድ አይደሉም። አንድ ድርጊት ሕጋዊ መሆኑ በራሱ በሞራል ትክክል ነው ማለት አይደለም። በተመሳሳይም ሞራላዊ ተቀባይነት የሌለው ድርጊት ሁልጊዜ ሕገወጥ ነው ማለት አይቻልም። ሕጋዊነት በሕግ የሚወሰን ሲሆን፣ ሞራላዊነት ደግሞ ከሥነ-ምግባርና ከማኅበራዊ እሴቶች ጋር ይያያዛል።
5. አንድ ሰው ለጥያቄ ወይም ለምርመራ በፖሊስ መጠራቱ በራሱ ተከሷል ወይም ጥፋተኛ ነው ማለት አይደለም። የፖሊስ ጥሪ፣ የምርመራ ሂደት፣ ክስ መቅረብ እና ጥፋተኛነት የተለያዩ ነገሮች ናቸው።
6. የምስክር መኖር ብቻ ጉዳዩን አያረጋግጥም። የምስክሩ ተዓማኒነት፣ የሰጠው ምስክርነት፣ ተገቢነቱ እና ከሌሎች ማስረጃዎች ጋር ያለው ተያያዥነት በሕግ አግባብ ይመዘናል። በመሆኑም “ምስክር አለ” የሚለው ብቻ የጉዳዩን ውጤት አይወስንም።
7. አንድ ውል በሰነዶች ምዝገባና ማረጋገጫ ጽ/ቤት መደረጉ ወይም መረጋገጡ ብቻ ውሉ በሁሉም መልኩ ሕጋዊና ተፈጻሚ ነው ማለት አይደለም። የሰነድ ማረጋገጥ ከውሉ ይዘት፣ ከተዋዋዮች ሕጋዊ አቅም እና ከሌሎች የሕግ መስፈርቶች ጋር የሚመረመር የተለየ ጉዳይ ነው። ስለዚህ ውሉ በሰነዶች ጽ/ቤት መረጋገጡ በሌላ የሕግ ምክንያት እንዳይፈርስ ወይም እንዳይሰረዝ ፍጹም ዋስትና አይሰጥም።
8. አንድ ሰው ባለዕዳ በመሆኑ ብቻ አበዳሪው በራስ ፈቃድ የባለዕዳውን ንብረት ወይም ገንዘብ መውሰድ ይችላል ማለት አይደለም። አበዳሪው ያለውን መብት ለማስፈጸም ሕጉ የደነገገውን ሥርዓት መከተል ይገባዋል።
Jura Legal Update | 1 410 |
| 16 |  Немає тексту... | 1 118 |
| 17 | +3 Proclamation No 1338-2016.pdf | 1 434 |
| 18 | ከኢሚግሬሽንና ዜግነት አገልግሎት ጋር በተያያዙ የአገልግሎት፣ የሥልጣንና የክፍያ ጉዳዮችን የሚመለከቱ አግባብነት ያላቸው የሕግ ሰነዶች ከአባሪዎቻቸው ጋር፦
1. የኢሚግሬሽንና ዜግነት አገልግሎት አዋጅ ቁጥር 1338/2016 (Immigration and Citizenship Service Proclamation No. 1338/2024)
አዋጁ የኢሚግሬሽንና ዜግነት አገልግሎትን እንደገና ለማቋቋም የወጣ ሲሆን፣ ከፓስፖርትና ቪዛ፣ ዜግነት፣ የመኖሪያ ፈቃድ፣ የውጭ ዜጎች ምዝገባ እና የሲቪል ምዝገባ ጋር የተያያዙ የአገልግሎቱን ሥልጣንና ተግባራት ይደነግጋል።
2. የኢሚግሬሽንና ዜግነት አገልግሎት የአገልግሎት ክፍያ አፈጻጸም ደንብ (Immigration and Citizenship Service Fee Regulation No. 587/2026)
ደንቡ ለተለያዩ የኢሚግሬሽንና ዜግነት አገልግሎቶች የሚከፈሉ ክፍያዎችን አፈጻጸም ይደነግጋል።
3. የደንቡ የክፍያ አባሪዎች (Schedules 1–14)(Amharic & English Fee Annexes)
አባሪዎቹ የተለያዩ የኢሚግሬሽን፣ የዜግነትና የሲቪል ምዝገባ አገልግሎቶችን የክፍያ ዝርዝር ይይዛሉ።
ሙሉ የሕግ ሰነዶቹ ከታች ተያይዘዋል።
Jura Legal Update | 1 331 |
| 19 |  +2LEGAL VACANCY | LECTURER – LAW
Madda Walabu University is inviting applications for the following Law Lecturer positions:
School of Law
LL.M in Public International Law — 2 positions
LL.M — 4 positions
Shashemene Campus
LL.M — 4 positions
Academic Rank: Lecturer
Salary: ETB 25,285
Experience: 0 years and above
Total Law Lecturer positions: 10
Applicants should refer to the official vacancy announcement for application procedures and deadlines.
Jura Legal Update | 1 280 |
| 20 | 1333_2024_የፌደራል_መንግሥት_ግዥ_እና_ንብረት_አስተዳደር_አዋጅ.pdf | 1 341 |
