اینجه دیلیم _ İncə Dilim✍ 🌙️

‌ شبنم تووزلو:🎙️ 🇦🇿 سئو❤️‍🔥 📚 اینجه دیلیم کانالی تقدیم ائدیر 📚 @Injadilim

آذربایجانین میللی رقصی تمثیل اولور 📚 اینجه دیلیم کانالی تقدیم ائدیر 📚 @Injadilim

دونیانین تکری ائله کی دؤنور سانکی تانری بیزی گؤزوندن سالیب بلکه ده یورولوب سسین چیخارمیر نه بیلیم بلکه ده فیکیره دالیب! بیریسی اوچ دئییر بیریسی بئش گون آی گونون ایتیریب بوتون کائینات بلکه ده قایدالار یولوندا گئدیر تکجه اینسانلارا زور اولوب حایات بلکه ده هرکسین اؤز دونیاسی وار اؤلوب گئدینجه ده یوخلارا قاتیر آنلاماز اوشاق دا گؤزون یوماندا دئییر بس کی دونیا ظولمته باتیر بو دونیا بلکه ده منیمدی فقط هر نه‌یی گؤرورم اؤز گؤزوم ایله باشقاسی دا بلکه اؤز دونیاسیندا فرقلی گؤرور منی اؤز اؤزوم ایله بلکه ده یاتمیشام یوخو گؤرورم دونیا ازلدن ده ائله بئله‌دی کیمه شیرین کیمه آجی بیلمیرم منیم کی بئلیمده آغیر شله‌دی بلکه ده من دئییل هامی یوخودا بلکه اؤلن گونده آییلاجاغیق اوندا بیله‌جه‌ییک یوخودایمیشیق اوندادی قورخودان باییلاجاغیق یئر کوره‌سی بلکه ده بیر نوقطه‌دیر یئیین فیرلانینجا دایره گؤرونور آغاجلار، چیچک‌لر، داش‌لار، آدام‌لار هر بیری سئودیگی دونا بورونور سونامی گلنده دئییریک غضب بلکه ده ساچلارین هؤرور دنیزین بیلمیرم بلکه ده بو سیرری آچسا نه منیم بئینیمه سیغار نه سیزین بلکه یاری یاتیب یاری آییغیق چوخلاری گؤرمه‌سه چوخودا گؤرور بلکه ده هئچ حله یارانمامیشیق بلکه ده، تانری دیر یوخودا گؤرور بلکه ده یوخودان دویاندان سورا دوراجاق دونیانین شینازین تؤکه بلکه ده گؤردویو یوخودان گؤزل اولونجا گئن گئنیش بیرازدا یئکه چاره‌سیز قالیبدیر بلکه یول گزیر اوتانیر دئسین کی بیزی اوینادیر نه معلوم هر یاغیش یاغاندا تانری آغلامیر یوخودا یئرین ایسلادیر! دونیانین تکری ائله کی دؤنور نه گئری قاییدیر نه گئدیر اؤنه بیریسی تانرینی اویاتسین آرتیق یوخوسو آز قالیر کابوسا دؤنه خان صنم _ هاشمزاده ...

گؤزله‌دیم ایللرله من دؤزومو آلدادیرام بو کاغیذ گول‌لرله من، گؤزومو آلدادیرام. گیزله‌دیب گؤز یاشیمی گولر اوزلو گؤرونوب اوزومو آلدادیرام. درد الیندن ایچیرم گؤرنلر هاردان بیلسین؟! اؤزومو آلدادیرام. قلبیمده بیر شاختا وار نه وارسا، گوناهدا وار باهاریمدا بوران، قار یازیمی آلدادیرام. عؤمور یوللاری چندی ساچیما دوشن دن‌دی گونومون چوخو غمدی آزیمی آلدادیرام. سئوگی هیمردن کئچیر هر خئیر، شردن کئچیر درد، اولان یئردن کئچیر ایزیمی آلدادیرام... ✍️# نوصرت_کسمنلی 📚 اینجه دیلیم کانالی تقدیم ائدیر 📚 @Injadilim

‍ کیپریگین  چکیردی کونلومو  دارا اودوندا آلیشــــدیم گتیردین زارا بیرداملا سو اولدوم  سپیلدیم نارا اوره یی الینده اویونجاق ائتدین ایستدیم اویریـنم من سنسیز قالام داملا داملا یاش تک  گوزلره دولام قارا قاش،گـــــــوزونون دردینی آلام اوره یی الینده  اویونجاق ائـــتدین آج گورچین کیمی من دنسیز اولدوم بو گنیش اورماندا چمنسیز اولـــدوم حسرتینده یاندیم آخ سنسیز اولدوم اوره یی الینده اویونجاق ائتــــــدین بو فلک منی  یامان یانــــــدیـــــــریر بیر کوهنه ساز کیمی کونول  قاندیریر آیــــــریلماغی یامان اوره ک آنــدیریر اوره یی الینده اویونجاق ائتدین سئودیم سئویلمه   دیم افغانا  گلدیم گلایه   ائتمه یه   جانانا گلدیـــــــم "تدین"  ام   بیر ده درمانا   گلدیــــم اوره یی الینده اویونجاق ائتدی ✍# خانیم زینب تدین 📚اینجه دیلیم کانالی تقدیم ائدیر 📚@lnjadilim

Zeynəb Həsəni :🎙️ 🇦🇿 & Xəyalə Qafarzadə -:🎙️ 🇦🇿 Popuri 2026 (Yeni Klip) 4K 📚 اینجه دیلیم کانالی تقدیم ائدیر 📚 @Injadilim

ده یمه سین بلکه بیر گون ، اوزاقلاشدیم گؤزوندن سؤز وئر الین،یاد الینه ،ده یمه سین قورو اؤزون قار ،بوراندان،کولک دن قیسقانارام ، قار تئلینه ده یمه سین سنین سئوگین اورگیمده ،گول آچدی آیلار ،گونلر،یهرلندی،ایل آشدی بلکه منسیز کئچن ،گونلر،دیل آچدی گؤزله غملی ،سؤز دیلینه ده یمه سین تاپشیر بولود گؤزیاشیمی ساخلاسین دئه ! یاغیشا ،هردن منی یوخلاسین اسن یئللر ،گوللریمی، یوخلاسین گؤز قولاق اول ،یارگولونه ده یمه سین بلکه بیر گون اوزاقلاشدیم گؤزوندن اجل گلدی اوزوم ،دؤندو ،اوزوندن بلکه بیر گون (کؤنول) دویدو اؤزوندن سؤز وئر الین یاد الینه ده یمه سین ✍#فاطمه_عبدی_کؤنول 📚 اینجه دیلیم کانالی تقدیم ائدیر 📚 @Injadilim

‍ ,قوئی.زلف سیاهیندا.گؤزل.شانه دولانسین آچ گول دوداغین،شوقیله پروانه دولانسین گول قوئی یاناغین لاله کیمی  قاره ساچیندا اؤن دورت گیجه  لیک،آی کیمی مستانه دولانسین آغ الده.دوتوب  جام شراب،کئفلی.دولان گئل قوئی  ذائقه ی  حورمت   میخانه  دولانسین سه ر طرره ی تارین،یئنه   سیمین  بدن اوسته کونلوم قوشو  اول زلف پریشانه دولانسین صورتگر چین.آیدا  یازیب   آیه ی تطهیر قوئیما.یئنه.ترسا  الی  قرآنه  دولانسین مین گوز سنه والح  دولانیر،بد نظر اوسته زینهار..حه رم ی  حوسنیوه  بیگانه دولانسین ای.سوسن زولفونده  کمند،قاشدا  کمانی نه اولار.بو دلی کونلوم،او پیکانه دولانسین آت کیپریگ  اوخون،قوئی،بو یانیق قلبیمی دلسین آخسین قانی.اول ناوک ی مژگانه دولانسین یان شمع  گیبی.قوئی دولانیم باشینا  بیرده پروانه ی عشقیم  او  شبستانه   دولانسین آچ غنچه ی لب یاز کیمی،قوئی بولبول زارین شهد شکر  امسین،بو گولوستانه دولانسین ایچ  گول دوداغین جام  شرابیله بویانسین قوئی بال دادینا  بو  آجی  پیمانه  دولانسین ای قبله ی عششاق حریم   حرم     عشق آچ پرده ی حسنون  بو حه رم  خانه دولانسین هاشم،یاراداندا  سنی عاشق  یارادیبلار یاز،سوزلرین  عاشقلره   داستانه  دولانسین ✍#هاشم فرح آسا 📚 اینجه دیلیم کانالی تقدیم ائدیر 📚 @Injadilim 0ə