اینجه دیلیم _ İncə Dilim✍ 🌙️

قلبيمده بير سير وار، كؤهنه‌لديب ايللر گوندوز قان آغلایار؛ گئجه‌لر سیزلار یئنه قيز ديليني قيز ياخشي بيلر؛ درديمي او قيزا سيز دئيين قيزلار! ائله توتولورام؛ ديليم سؤز توتمور ائله يارالی‌يام؛ يارام کؤز توتمور اوندان باشقاسيني، نئينیم گؤز توتمور دردیمی او قیزا سيز دئيين قيزلار! منیم سؤز اوخوما، يای سيزدن اولسون بو عشقه بير آزدا پای سیزدن اولسون منیم ائلچی لریم قوی سیزدن اولسون دردیمی او قیزا سيز دئيين قيزلار! بئله دویون اولماز؛ بئله داغ اولماز اونسوز بو دونیادا یارام ساغالماز بیر یاخشیلیق ائدین! دونیا داغیلماز دردیمی او قیزا سیز دئیین قیزلار! درمان اوندان گلن جاوابدیر واللاه! سؤزومو دئمه یه جان آتدیم واللاه! آللاها خوش گئدر؛ ثاوابدیر واللاه! دردیمی او قیزا سیز دئیین قیزلار! ✍️ # نوصرت_کسمنلی 📚 اینجه دیلیم کانالی تقدیم ائدیر 📚 اینجه دیلیم

چؤکرکن آخشامین قارانلیق‌لاری، گؤزومده بیر قارا بولود دولاشار. سنسیز خراب اولان یازیق کؤنلومون، هر دقیقه‌سینده بیر اؤلوم یاشار. فقط سن ووقارلی، سوزگون بیر گؤزله، اینجیدیرسن منی جوربه‌جور سؤزله. اونوتما، قاریشار گئجه گوندوزله، او زامان اولدوزلار، آیلار سایریشار...! ✍️#صمد_وورغون 📚 اینجه دیلیم کانالی تقدیم ائدیر 📚 @Injadilim

Üzüm festivalında "Gəlin çıxma"mərasimi اورمیه نین اوزوم فئستیوالیندا « گلین چیخما» مراسیمی 📚 @Injadilim

اوزوم فئستیوالی اورمیه Üzüm festivalı Urmiya 📚 @Injadilim

جعفر پورقاسم منیم آنام منیم آنام بیر ساوادسیز شاعیره دیر او باغچادا گیلاسلاری دره - درهَ قیزیل گولو مخمل اوسته سره - سرهَ خرمن -خرمن ساچلارینی هؤره- هؤرهَ شعییر قوشوب ، اوخویاردی . او بیر اینجه قیز گؤرنده یا بیر گؤزل اوز گؤرنده بیر جوت خومار گؤز گؤرنده بعضی - بعضی آداملاری قار گؤرنده ، بوز گؤرنده قوشما قوشوب ، اوخویاردی . گول آچاندا سئوگی اونون دوداغیندا قرنفیللر آل اولاندا یاناغیندا سسله ننده شیرین نغمه قولاغیندا قوشما قوشوب ، اوخویاردی . اوخویاردی نجابتی گؤرن زامان قابالیقلار قادینلارا حؤکوم لرین سورَن زامان . اوخویاردی اؤز - اؤزونه گویدن  یاغیش یاغا - یاغا قویونلاری ساغا - ساغا هردن اوماج اوغا - اوغا ساتاشاندا گؤزو داغا سئله  ، سویا گوله ، باغا شعییر قوشوب اوخویاردی . ایللر بویو من آنامی دینله میشم آنام، سؤزون مین بیر رنگلی ناخیشلارین منیم بیاض یادداشیما وورا - وورا اوخویاردی منیم خیردا اوره ییمده نغمه لرین چارداغینی قورا - قورا اوخویاردی . حایف !!! ایندی قوجالیبدیر گاه اوخویور ، گاه اوخومور ایندی ، سؤزون ایپک شالین قیریشلانمیش اللرینده توتا بیلمیر . گاه توخویور ، گاه توخومور هردن کئچن گونلرینی سالیر یادا شعییر قوشور ، نغمه دئییر سؤز یارییا یئتیشمه میش قالانی نی یادیرقاییر اللرین قویور اوزونه فیکیرله شیر اؤز - اؤزونه منه دئییر : نییه ایتیر سؤزلر منیم یادداشیمدان ؟؟؟ گؤزوم دولور قولاغینا پیچیلدیرام ؛ گؤزل آنام ! هامی اینسان قوجالاندا بئله اولور. ملول - ملول باخیر دئییر : دونیا بیزه وئردییینی بیر بیر آلیر گونده بیزی آیری - آیری درده سالیر بیر گون قالخمیر گویه قولوم بیر گون توتمور سؤزو دیلیم بیر گون گلمیر قیچیم ، بئلیم چیخیر یاددان آییم ، ایلیم . یئنه باخیر دولور گؤزو دئییر بالام : بئله گئتسه توز اولارام آغیز لاردا سؤز اولارام چوخ اولمارام ، آز اولارام یئرده قالمیش ایز اولارام آمما من ، او قیز اولمارام بیرده من او قیز اولمارام ۲  ، ۶  ۱۴۰۵ ✍#جعفر پور قاسم 📚اینجه دیلیم کانالی تقدیم ائدیر 📚 @Injadilim

کریم گل اندام باخشیش بیرداملا سئوگی وئر ، سنه عوممان باغیشلاییم بیرآن دوداق قاچیت ، سنه من جان باغیشلاییم کیپریکلرین اوجوندا نظرسال بوحالیما  ، قوی من ده جان باغیشلاسام آسان باغیشلاییم! بیرکؤلگه دوشدو آستانایا یوخسا سنمیسن؟ سن گل قان ائیله ،من ده دؤنوم قان باغیشلاییم! کوسدورموشم گؤزوم کور اولایدی،  باغیشلاسن گؤزدن شیرین ندی سنه  احسان باغیشلاییم!   شیرین یوخو دیلرسن اگر،  قوللاریمدا یات سن اول پتک، سنه آری تک ، شان باغیشلاییم ! هرنه سئورسن ایسته باغیشلارکریم سنه صبرایسته مه یوخوم،یوخو هاردان باغیشلاییم؟  اورمو_شهریورآیی_۱۴۰۵ ✍#کریم گول اندام 📚 اینجه دیلیم کانالی تقدیم ائدیر 📚 @Injadilim

گل گؤر، ای بولبول، بو گولشنـده نـه حالیـم وار منیم بیـر گـولِ رعنــایــه بنــد اولمــاق خیــالیــم وار منیــم مـن نئجه عشق عـالمینده ال چکیـم، صبر ایلـه ییـم نـاز ایلـه میـن جـان آلان بیـر مـه جمــالیــم وار منیـم چوخ دایوسیف اؤز زلیخاسین گؤروب فخر ائتمه سین قوی گلیب گؤرسـون نئچـه قاشـی هیلالیم وار منیم واحـدا، فخـرلـه هـر گـون سـؤیلـه ســن اؤز یــارینــا: سئـوگیلـی، ایستکلـی بیراهل کمالیم وارمنیم                                  ✍#  "علی آقا واحد" 📚 اینجه دیلیم کانالی تقدیم ائدیر 📚 @Injadilim

قلبيمده بير سير وار، كؤهنه‌لديب ايللر گوندوز قان آغلایار؛ گئجه‌لر سیزلار یئنه قيز ديليني قيز ياخشي بيلر؛ درديمي او قيزا سيز دئيين قيزلار! ائله توتولورام؛ ديليم سؤز توتمور ائله يارالی‌يام؛ يارام کؤز توتمور اوندان باشقاسيني، نئينیم گؤز توتمور دردیمی او قیزا سيز دئيين قيزلار! منیم سؤز اوخوما، يای سيزدن اولسون بو عشقه بير آزدا پای سیزدن اولسون منیم ائلچی لریم قوی سیزدن اولسون دردیمی او قیزا سيز دئيين قيزلار! بئله دویون اولماز؛ بئله داغ اولماز اونسوز بو دونیادا یارام ساغالماز بیر یاخشیلیق ائدین! دونیا داغیلماز دردیمی او قیزا سیز دئیین قیزلار! درمان اوندان گلن جاوابدیر واللاه! سؤزومو دئمه یه جان آتدیم واللاه! آللاها خوش گئدر؛ ثاوابدیر واللاه! دردیمی او قیزا سیز دئیین قیزلار! ✍#نوصرت_کسمنلی سلاملار سایغیلار سئوگیلر حؤرمتلی دوستلارا 🌺 🌺 ❤️ ❤️ ❤️ گون آیدین 🌤️ ❤️ ❤️ 😍 📚 اینجه دیلیم کانالی تقدیم ائدیر 📚 @Injadilim