اینجه دیلیم _ İncə Dilim✍ 🌙️

"سو" دئییبدیر منه اوّلده آنام، آب كی، یوخ! "یوخو" اؤیرتدی اوشاقلیقدا منه، خواب كی، یوخ! ایلک دفعه كی، "چؤرك" وئردی منه نان دئمه‌دی! ازلیندن منه "دوزدانه"، نمكدان  دئمه‌دی! آنام، اختر دئمه‌ییبدیر منه! "اولدوز " دئییب اوْ سو دوْناندا، دئمه‌ییب یَخدی بالا! "بوز" دئییب اوْ "قار" دئییب، برف دئمه‌ییب، دست دئمه‌ییب"ال" دئییب او! منه هئچواخت بیا سؤیله‌مه‌ییب! "گل" دئییب او   یاخشی خاطیرلاییرام، یاز گۆنو آغشام چاغی‌لار باغچانین گۆن باتانیندا كی، ایلیق گۆن یاییلار گل دئیه‌ردی، داراییم باشینی ای نازلی بالام! گلمه‌سن گر، باجی‌نین آستاجا زۆلفون دارارام او دئمه‌زدی كی، بیا شانه زنم بر سر تو گر نیایی بزنم شانه سر خواهر تو! بلی! داش یاغسا دا گؤیدن، سن اوْسان، من ده بویام وار سنین باشقا آنان، واردی منیم باشقا آنام اؤزۆمه مخصوص اوْلان باشقا ائلیم واردی منیم ائلیمه مخصوص اوْلان باشقا دیلیم واردی منیم ایسته‌سن قارداش اوْلاق، بیر یاشایاق، بیرلیک ائدک وئره‌سن قوْل - قوْلا، بوندان سوْرا بیر یوْلدا گئدک اوّلاً، اؤزگه كۆلک‌لرله گرک آخمایاسان ثانیاً، وارلیغیما، خالقیما خوْر باخمایاسان یوْخسا گر زوْر دئیه‌سن ملّتیمی خوار ائده‌سن گۆن گلر، صفحه چؤنر، مجبور اوْلارسان گئده‌سن!!! ✍️ #پروفسور_محمدتقی_زهتابی 📚 اینجه دیلیم کانالی تقدیم ائدیر 📚 @Injadilim

📚اینجه دیلیم کانالی تقدیم ائدیر 📚 @Injadilim

بیر آشیق اَکه‌سن، بیر ساز گؤیه‌ره بیر شاعیر اَکه‌سن، بیر نانا حسرت بیر پاییز اَکه‌سن، بیر یاز گؤیه‌ره من بونا حسرتم آی آنا حسرت بیر چیله اَکه‌سن بایرام اولمامیش گؤیه‌ره رنگ به رنگ بایراملیقلاری آلنی ترله‌مه‌میش گؤزو دولمامیش آتالار دره‌لر اوشاق پالتاری محببت اَکه‌سن، موراد دره‌سن بو نه هاوا دئییل، نه هوس دئییل چوخ نیفرت اَکمیشیک گولوم گؤره‌سن توفنگ دردیییمیز داها بس دئییل؟! حسرت سینه‌میزه مین بیر داغ چکیب مَله آ جئیرانیم، آ قوزوم مَله! هاچانسا بیر نامرد بیر اووچو اَکیب قفس قوشوندان دولو گؤیه‌ریر هله! ✍️ # نادر الهی 📚 اینجه دیلیم کانالی تقدیم ائدیر 📚 @Injadilim

‍ ▫️چوبان حسن بوتون دردلری قاباغینا قاتیب گئدن قاطارام. گولمه‌یی اونودان عراقلی بیر تورکمن اوغلو کیمی، سانکی سئودیگیم قیزین ساچلارینی گوللـه‌لر داراییر. بوتون سیلاحلارین اورتاق بیر نؤقطه‌سی وار اصلینده: سئوگی‌یه «یوخ!»، اؤلومه «هه!» اوشاق واختی نئجه ده بؤیوک گلردی موقدّس‌لر منه! من بؤیودوکجه اونلار کیچیلدی، اولدولار اویونجاق. سونرا من اوخودوقجا، موقدّس‌لشدیگیمی آنلادیم. سئحیرلی لوبیالار دیاریندا اویونجاق اولموشام، اویناییر منیمله ساری ساچلی شیرین بیر اوشاق. هر دفعه هارادان گلدیگیمی دئدیکده، سوروشولان «هارا؟» سؤالی کیمیسن، اوتاندیران و منی سئحیرلی ائدن. سن هم منی قاپایان، هم ده آچانسان. بوتون کدرلری اؤزونه چکیب منی ایچینه قاپادان، اۆزومده‌کی زهرماری سیلیب خوشبختلیک ایکسیریمین قاپاغینی هر دفعه آچان. باغیشلا، «بختینیزی بیر داها سینایین!»لارا گؤره. منی بو وطنه، بو تورپاغا اۆچون دؤرده* شکیللر باغلامیر، منی عراقا «خالید»لر، «لئیلا»لار باغلامیر، منی تبریزه «شهریار»لار، آتا مزاری باغلامیر. من شرقین سببسیز کدری‌یم، قیرمیزی بورونلو تلخک‌لره گولمه‌ین او قیراقداکی اوشاغام، هر شئیه و هر کسه سوسوب «قیسمت» دئین قابار اللی کندلی‌یم. ساچلارینی گوللـه‌لر دارایان تورکمن «فاطیمه‌»نین سئودیگی، «چوبان حسن»م. تک گوناهینین او تورپاقدا دوغولماق اولدوغو لئیلی‌یم، حوسئینم، علی‌یم. سؤکولموش بینالارین آراسیندا پلاستیک توپون دالینجا قاچماق و ساری ساچلی شیرین عسگرلرین سیلاحلارینا توخونماق. نئجه ده گؤزل بیر اوشاغام، باخ! ائویمیزه گیزلینجه بوراخیلان سیلاحلارا «قورتولوش» لقبینی وئرمیشدی آتام. بعضا اؤلوب گئتمک، یاشاماقدان دا راحات اولورموش، بیزلر شهید دوغولوروق. «آرزو»، یازدیغیم ایلک سؤز اولموشدو لؤوحه‌سینده، دیوارلاری دئشیک-دئشیک مکتبیمیزین. دنیزی گؤرمه‌دن اؤلموش نه قدر ده دوستوم وار ایمیش، هامیسی گئتمیش، بالاجا بیلک‌لری تورپاغا قاریشمیش، تۆکنمیش، بیتمیش... ایکی‌یه بؤلونموشوک بیز ایچیمیزده: بیر طرفیمیزده دینیمیز، بیرینده عیرقیمیز. میلّییّت‌چی‌لریمیزین باشی داعوا-دالاشا، موسَلمان‌لارین باشی قاریشیب بیر-بیرینی قیرماغا. عیسی دئییلیک، آما هر گون یئنی گونش دوغولور، صوبح نامازیندا چکیلیریک چارمیخا. گل، دوستوم، گل، باخ بیزیم باغچامیزا! چینار آغاجینین یانینداکی آنامین، او آرخاداکی، بؤیوک قارداشیمین، بو اوره‌ییمده‌کی ده، فاطیمه‌نین مزاری‌دی. قبریستانلیغام، اۆزومه بیر دوعا اوخو! سیز حکیمسیز دئیه‌سن، بیزده آنجاق حکیملر آغ گئیینیر. بو سینه‌مده‌کی گوللـه، یئدیگیم ایلک گوللـه‌م‌دی، حکیم! گؤزومون اؤنونده آنام و فاطیمه‌م وار، حکیم! نفَسیم کسیلیر، حکیم! ایشدی، سوروشان اولسا: من چوبان حسن، ائله بو ائوده یاشاییرام، حکیم! بیر کاسا ایستی گؤی آشیمیز وار، حکیم! یانیندا دا بوللوجا کدریمیز وار. بویورون، قوناغیمیز اولون، حکیم! بویورون، کئچین! ✍#چوبان حسن علی_خیام:🎙️ 🇦🇿 * 3×4 📚 اینجه دیلیم کانالی تقدیم ائدیر 📚 @Injadilim

‍ ▫️چوبان حسن بوتون دردلری قاباغینا قاتیب گئدن قاطارام. گولمه‌یی اونودان عراقلی بیر تورکمن اوغلو کیمی، سانکی سئودیگیم قیزین ساچلارینی گوللـه‌لر داراییر. بوتون سیلاحلارین اورتاق بیر نؤقطه‌سی وار اصلینده: سئوگی‌یه «یوخ!»، اؤلومه «هه!» اوشاق واختی نئجه ده بؤیوک گلردی موقدّس‌لر منه! من بؤیودوکجه اونلار کیچیلدی، اولدولار اویونجاق. سونرا من اوخودوقجا، موقدّس‌لشدیگیمی آنلادیم. سئحیرلی لوبیالار دیاریندا اویونجاق اولموشام، اویناییر منیمله ساری ساچلی شیرین بیر اوشاق. هر دفعه هارادان گلدیگیمی دئدیکده، سوروشولان «هارا؟» سؤالی کیمیسن، اوتاندیران و منی سئحیرلی ائدن. سن هم منی قاپایان، هم ده آچانسان. بوتون کدرلری اؤزونه چکیب منی ایچینه قاپادان، اۆزومده‌کی زهرماری سیلیب خوشبختلیک ایکسیریمین قاپاغینی هر دفعه آچان. باغیشلا، «بختینیزی بیر داها سینایین!»لارا گؤره. منی بو وطنه، بو تورپاغا اۆچون دؤرده* شکیللر باغلامیر، منی عراقا «خالید»لر، «لئیلا»لار باغلامیر، منی تبریزه «شهریار»لار، آتا مزاری باغلامیر. من شرقین سببسیز کدری‌یم، قیرمیزی بورونلو تلخک‌لره گولمه‌ین او قیراقداکی اوشاغام، هر شئیه و هر کسه سوسوب «قیسمت» دئین قابار اللی کندلی‌یم. ساچلارینی گوللـه‌لر دارایان تورکمن «فاطیمه‌»نین سئودیگی، «چوبان حسن»م. تک گوناهینین او تورپاقدا دوغولماق اولدوغو لئیلی‌یم، حوسئینم، علی‌یم. سؤکولموش بینالارین آراسیندا پلاستیک توپون دالینجا قاچماق و ساری ساچلی شیرین عسگرلرین سیلاحلارینا توخونماق. نئجه ده گؤزل بیر اوشاغام، باخ! ائویمیزه گیزلینجه بوراخیلان سیلاحلارا «قورتولوش» لقبینی وئرمیشدی آتام. بعضا اؤلوب گئتمک، یاشاماقدان دا راحات اولورموش، بیزلر شهید دوغولوروق. «آرزو»، یازدیغیم ایلک سؤز اولموشدو لؤوحه‌سینده، دیوارلاری دئشیک-دئشیک مکتبیمیزین. دنیزی گؤرمه‌دن اؤلموش نه قدر ده دوستوم وار ایمیش، هامیسی گئتمیش، بالاجا بیلک‌لری تورپاغا قاریشمیش، تۆکنمیش، بیتمیش... ایکی‌یه بؤلونموشوک بیز ایچیمیزده: بیر طرفیمیزده دینیمیز، بیرینده عیرقیمیز. میلّییّت‌چی‌لریمیزین باشی داعوا-دالاشا، موسَلمان‌لارین باشی قاریشیب بیر-بیرینی قیرماغا. عیسی دئییلیک، آما هر گون یئنی گونش دوغولور، صوبح نامازیندا چکیلیریک چارمیخا. گل، دوستوم، گل، باخ بیزیم باغچامیزا! چینار آغاجینین یانینداکی آنامین، او آرخاداکی، بؤیوک قارداشیمین، بو اوره‌ییمده‌کی ده، فاطیمه‌نین مزاری‌دی. قبریستانلیغام، اۆزومه بیر دوعا اوخو! سیز حکیمسیز دئیه‌سن، بیزده آنجاق حکیملر آغ گئیینیر. بو سینه‌مده‌کی گوللـه، یئدیگیم ایلک گوللـه‌م‌دی، حکیم! گؤزومون اؤنونده آنام و فاطیمه‌م وار، حکیم! نفَسیم کسیلیر، حکیم! ایشدی، سوروشان اولسا: من چوبان حسن، ائله بو ائوده یاشاییرام، حکیم! بیر کاسا ایستی گؤی آشیمیز وار، حکیم! یانیندا دا بوللوجا کدریمیز وار. بویورون، قوناغیمیز اولون، حکیم! بویورون، کئچین! ✍️ # علی_خیام * 3×4 📚 اینجه دیلیم کانالی تقدیم ائدیر 📚 @Injadilim

آغلییرام،دانیشمیرام،گولمورم... #استوری 📚 @Injadilim

. "آی حسرتی ووصالیندان شیرینیم" جومله سی زر ، کلمه سی لعل ، سؤزو دورر بویو بسته ، جمالی آی ، ساچی گور اؤزو ملک، سئوگیسی پاک ، عشقی نور_ محببتی دریالاردان درینیم _ آی حسرتی وصالیندان شیرینیم... سن اولماسان یازیلمازدی بو سؤزلر، سن اولماسان یوزولمازدی بو سؤزلر سن اولماسان آلیشمازدی بو گؤزلر بو گؤزلرین آلووونا بورونوم _ آی حسرتی ووصالیندان شیرینیم... آلسین منی درین_درین خیال لار مئه اسدیرسین سرین_سرین خیال لار لای_لا دئسین شیرین_شیرین خیال لار فیکره گئدیم؛ نه دانیشیم ، نه دینیم_ آی حسرتی ووصالیندان شیرینیم... نظر_دیققت یئتیرسن ده یوز منه ، دوغرو قیمت وئرمه میسن دوز منه سن دئییردین: محببتی بوز منه داغی_داشی یاندیریرمی گؤر اونوم؟_ آی حسرتی ووصالیندان شیرینیم... تانریم اؤزو بیله_بیله أله سین بو ایسته یی گوله_گوله إئله سین بیر آمین دئه ، آلله ائله، ائله سین، چیرکین اولسام ، سنه گؤزل گؤرونوم_ آی حسرتی ووصالیندان شیرینیم... داردا اولسام، داردا سنسن یاشادان هاردا اولسام، اوردا سنسن یاشادان گؤیده آلله ، یئرده سنسن یاشادان یالان دئسم دیزین_دیزین سورونوم_ آی حسرتی ووصالیندان شیرینیم... بهمن _ وطن اوغلو ...

الهی هر نه وئرسون مرده وئر نامرده دو وئرمه وطنداش حقّینه بیگانه یه حق وتو وئرمه جلودار ائت بیزه دانانی دشمن اولسادا اولسون آماندیر لطف قیل سوز قانمیان دوستا جلو وئرمه کریم انسانه کرمان قالی سین وئر، فرش کاشان وئر پخالت یورقانیندا یوخلایان شخصه پتو وئرمه جناب قانمازا آت وئر، قاطیر وئر، مال داوار لطف ائت پوزون آرتیر ماقا وئر قرمیزی نیسان، پژو وئرمه سیچان آرتماقدادیر آرتیر پیشیکلر نسلینی امّا سیچاندان باشقا بو حیوان اوچون حق میو وئرمه قارینپا کیمسه نین شوربایه آرتیر رغبتین یارب قوناقلیقدا عنایت قیل اونا میل چلو وئرمه دئینگن کیمسه نین شرّیندن ایمن قیل قولاخلاری عمل سیز واعظین آلت انگینه بیر بئیله تو وئرمه دئمم میز بازی میزدن آیری ساخلا دیغلاسین اولسون دییم بو فرقه یه وئر سونده میز چسب اوهو وئرمه او کس که بورک سندن ایستیور باشلاره بورک قویسون او شخصه باش وئریپسن عیبی یوخ امّا شاپو وئرمه اوکی حیوان کیمین بیزلنمه سه مشکل یولا توشسون بو حیوان خویلویا قیل مرحمت بیز وئر بزو وئرمه اوکی مال حیوانی ایللر قویوپدور آرپایا حسرت ائله مخلوقه یا رب جو وئر امّا آبجو وئرمه خدایا مین کتابلیق قافیه بذل ائت غزل بازه قیزیل بازه قیزیل وئر قات باقات پول وئر پلو وئرمه حکیما «عاصمین» اشعارینه بیر کسیه دوزگوندور خطاسین بیر به بیر عفو ائیله ییب اغیاره لو وئرمه عاصم _ اردبیللی

الهی هر نه وئرسون مرده وئر نامرده دو وئرمه وطنداش حقّینه بیگانه یه حق وتو وئرمه جلودار ائت بیزه دانانی دشمن اولسادا اولسون آماندیر لطف قیل سوز قانمیان دوستا جلو وئرمه کریم انسانه کرمان قالی سین وئر، فرش کاشان وئر پخالت یورقانیندا یوخلایان شخصه پتو وئرمه جناب قانمازا آت وئر، قاطیر وئر، مال داوار لطف ائت پوزون آرتیر ماقا وئر قرمیزی نیسان، پژو وئرمه سیچان آرتماقدادیر آرتیر پیشیکلر نسلینی امّا سیچاندان باشقا بو حیوان اوچون حق میو وئرمه قارینپا کیمسه نین شوربایه آرتیر رغبتین یارب قوناقلیقدا عنایت قیل اونا میل چلو وئرمه دئینگن کیمسه نین شرّیندن ایمن قیل قولاخلاری عمل سیز واعظین آلت انگینه بیر بئیله تو وئرمه دئمم میز بازی میزدن آیری ساخلا دیغلاسین اولسون دییم بو فرقه یه وئر سونده میز چسب اوهو وئرمه او کس که بورک سندن ایستیور باشلاره بورک قویسون او شخصه باش وئریپسن عیبی یوخ امّا شاپو وئرمه اوکی حیوان کیمین بیزلنمه سه مشکل یولا توشسون بو حیوان خویلویا قیل مرحمت بیز وئر بزو وئرمه اوکی مال حیوانی ایللر قویوپدور آرپایا حسرت ائله مخلوقه یا رب جو وئر امّا آبجو وئرمه خدایا مین کتابلیق قافیه بذل ائت غزل بازه قیزیل بازه قیزیل وئر قات باقات پول وئر پلو وئرمه حکیما «عاصمین» اشعارینه بیر کسیه دوزگوندور خطاسین بیر به بیر عفو ائیله ییب اغیاره لو وئرمه عاصم _ اردبیللی