اینجه دیلیم _ İncə Dilim✍ 🌙️

ایللریم دییشمز اینامین هراسین یئللر اورکدن ائلینه اینانمیشلارین ایتیرمز قدرینی دوز تاپار ائللر سیناقدان سیناغا سینانمیشلارین کسیلسه بیله‌گی، کسیلسه اَلی ائلیندن دونرمی بابکیم دوغرو؟ باشیندا یئددی مین، یئددی یوز دَلی اونوتماز ائلینی قوچاق کور اوغلو مینلرجه یئنیلمز ائل قوچاقلاری مؤحتشم جوانشیر، ستّارخان نبی بوغارمیش ظولومکار اَن آلچاقلاری سارسیلماز ائلیمین بو ایمیش دَبی دئمه کی بیر ائلین باختی یاتاندا اؤزوده اؤزوندن گیلئیله‌نرمیش عادت عنعنه‌سی آتیب باتاندا اؤز دوغما دیلینه اوگئیله‌نرمیش اؤز دیلین به‌ینمز ساتیلمیشلارین آدینی نه قویوب نه آدلاندیراق؟ دیللری مین دیله قاتیلمیشلارین دیلینی بیز نیه بیز دادلاندیراق؟ اوخویوب دیلینی دوشونه بیلمیر دانیشیر دیلینین چتینلیگیندن فیضولی تاخیبدیر دؤشونه بیلمیر اولدوزلار دیلینین زنگینلیگیندن نیفرت اوچورومونون درینلیگینده ائللریم اؤزونو ایتیرمکده‌دیر ائلیمین دیلینه سرینلیگینده یاد ائللر دیلینی بیتیرمکده‌دیر اویانسین ائلیمین باش بیلنلری مکتبلر قورولسون آنا دیلینده اوخوسون ائلیمین قوچ اَرَن‌لری نئجه ایمیش قوچاقلیق تورکون ائلینده تانینسین تورکلرین قهرمانلاری دیل به دیل دولانسین شوجاعتلری مغول خان، بایندور، قازان خانلارین دونیالیق یازدیغی عدالتلری اوخوسون ایللری قوپوز تئلینده تاتاردان، قیرقیزدان اویغور اوغوزدان آلتای‌دان مغولدان اوزان دیلینده غلبه گونلری ناموسوموزدان صداقت اوجاغی قهرمان تورکون دونیالیق قانونو کسگین دیلی وار بوغونتو چکسه‌ده هر زامان تورکون دونیادا شؤهرتی قورخماز ائلی وار "سیّد"م ائلیمین سئوینجین، غمین اؤز دوغما دیلینده آندیرمالییام اؤز کسگین دیلیمین آیدین هدفین دونیایا ساحه‌سینده قاندیرمالییام میر جلیل حسینی _ سید ...

گتیردین ... گلدین ، گلیشین له منه سن جانی گتیردین یوخ سهو ائدیرم ، جان ندی ؟ جانانی گتیردین بیر داملا دئدیم وئر او محبت دنیزیندن  ای کان کرم ،سن منه دریانی گتیردین   قورخدون ده یه گؤزگؤزلرینه گیزلی جه باخدین بو تحفه نی رخساریمه پنهانی گتیردین بیر جرعه تبرک دیله دیم شهد لبیندن  سن عشق دولو ساغروصهبانی گتیردین دؤنموشدو اوزوم هم اورگیمدن ، هم اؤزومدن گلدین یئنی بیر عالمی ،دونیانی گتیردین درمان دئدی یوخ دردینه یالوارما ،طبیبیم سن بیر باخیشینلا منه درمانی گتیردین  بیلمیردی(کؤنول) کی نئجه پئشوازینا چیخسین سن بیر گلیشین له ایکی مئهمانی گتیردین ... ✍#فاطمه عبدی کؤنول 📚اینجه دیلیم کانالی تقدیم ائدیر 📚@lnjadilim

آج گلمیشم، آج گئدیرم دونیادان قسمتیمه دوُشن آزدان دویمادیم آری کیمی گولدن گوله دولاشدیم نه پاییزدان، نه ده یازدان دویمادیم واختسیز سولدو،تئز توکولدو خزللر جان یاندیردی، گوزباخیشلار،کوُز اللر سایماز یانا گلیب کئشدی گوُزللر نه عیشوه دن،نه ده نازدان دویمادیم نغمه لرنن اوُره ییمی آلدیلار شیرین-شیرین خیاللارا دالدیلار مین بیر یئرده،مین بیر هاوا چالدیلار نه آشیقدان ،نه ده سازدان دویمادیم ✍#زلیمخان یعقوب 📚 اینجه دیلیم کانالی تقدیم ائدیر 📚 @Injadilim

گَل چیخاق سئیرینه اوجا داغلارین چمن اولان یئرده خالچا نه لازیم گؤزون دن سو ایچک بوز بولاقلارین لیل پار اولان یئرده ، دولچا نه لازیم! ✍️ # حسین عاریف 📚 اینجه دیلیم کانالی تقدیم ائدیر 📚 @Injadilim

. شوکور کی دونیایا گلندن بری حاقین کروانینی ایزله میشم من نفس چکمه‌میشم اؤزگه مئیلییله تک حاقدان یاخشیلیق گؤزله میشم من سورموشم عومرومو بؤیوک ائلییله دئمیشم سؤزومو حاقین دیلییله اسیب، وطنیمین سحر یئلییله عشقین اوجاغینی کؤزله میشم من « قاییب» ین ایمضاسی بللیدیر سؤزده اودونون چیخاری گؤرونر کؤزده یانمیشام ایچیمده گولموشم اوزده دردیمی قلبیمده گیزله میشم من ✍#علی_رشتبر_قاییب 📚 اینجه دیلیم کانالی تقدیم ائدیر 📚 @Injadilim

. عؤمرون قیش فصلی دیر، روزگار قان آغلار، ویرانه باغلارا بنزه ریمیز وار . عالم دؤندرسه ده اوزونو بیزدن _ بیز اوز دؤندرمه ریک بیر_بیریمیزدن. تورپاق بولودلاردان یاغیش اومان تک، سن منه گرک سن _ من سنه گرک ، سنده قوجالمیسان من ده ، بو حاق دیر _ هر کس آلدیغینی قایتاراجاق دیر . گئرچک اولان یئرده بیرده بلکه وار ، ایشیق اولان یئرده موطلق کؤلگه وار آما نور اوستونه ، نور کؤلگه سالماز سئوگیلی قوجالار ، سئوگی قوجالماز...! ✍️ #بختیار_واهابزاده 📚 اینجه دیلیم کانالی تقدیم ائدیر 📚 @Injadilim

. سئودا قولویام ، آزمیشام ، سئوگینه توش ائیله منی ! سیخ کؤکسونه _ سال کؤنلونه _ قفس ده قوش ائیله منی ! نئینیرم شکری _ قندی ، نئینیرم شه هه ری _ کندی ، منیم ایشیم کؤنول نن دی _ کؤنول وئر نوش ائیله منی ! غرق اولدوم سئودا سئحرینه ، باخما قهر اولموش تحریمه ، قوناق گل کؤنول شهریمه _ گل ده، بیهوش ائیله منی...! ✍️ #ممد_دمیرچی_اوغلو سلاملار سایغیلار سئوگیلر حؤرمتلی دوستلارا 🌺 🌺 ❤️ ❤️ ❤️ گون آیدین 🌤️ ❤️ ❤️ ❤️ 🥰 📚 اینجه دیلیم کانالی تقدیم ائدیر 📚 @Injadilim