រដ្ឋបាលខេត្តកំពង់ចាម

ឯកឧត្តម អ៊ុន ចាន់ដា ស្នើដល់សមាជិកថ្មី នៃក្រុមគ្រួសារគណបក្សប្រជាជនកម្ពុជា សង្កាត់កំពង់ចាម និងសង្កាត់បឹងកុក 553នាក់​ រក្សាគោលជំហរ និងភាពស្មោះត្រង់ចំពោះគណបក្ស

នៅព្រឹកថ្ងៃទី១០ ខែឧសភា ឆ្នាំ២០២៦ លោក ទុន ណេត ប្រធានគណៈកម្មាធិការបក្សស្រុកកំពង់សៀម បានអញ្ជបានអញ្ជើញជាអធិបតីក្នុងពិធី “ប្រកាសបញ្ចូលសមាជិកថ្មីរបស់គណៈកម្មាធិការគណបក្សប្រជាជនកម្ពុជាស្រុកកំពង់សៀម” ចំនួន ១ ៥៩៧នាក់ (ស្រី ៨១៧នាក់) មកពីឃុំចំនួន ៥ នៃស្រុកកំពង់សៀម ខេត្តកំពង់ចាម ដែលប្រព្រឹត្តឡើងនៅមជ្ឈមណ្ឌលសន្តិភាព ក្រោមអធិបតី ភាពក្នុងពិធី “ប្រកាសបញ្ចូលសមាជិកថ្មីរបស់គណៈកម្មាធិការគណបក្សប្រជាជនកម្ពុជាស្រុកកំពង់សៀម” ចំនួន ១ ៥៩៧នាក់ (ស្រី ៨១៧នាក់) មកពីឃុំចំនួន ៥ នៃស្រុកកំពង់សៀម ខេត្តកំពង់ចាម ក្រោមអធិបតីភាព ឯកឧត្តម ហេង សួរ សមាជិកគណៈកម្មាធិការកណ្ដាលគណបក្សប្រជាជនកម្ពុជា អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកកំពង់សៀម ។

នៅថៃ្ងអាទិត្យ ៩រោច ខែពិសាខ មមី អដ្ឋស័ក ព.ស ២៥៧០ ត្រូវនឹងថ្ងៃទី១០ ខែឧសភា ឆ្នាំ២០២៦ លោក ភោគ សាវុធ ប្រធានគណបក្សស្រុកកងមាស បានដឹកនាំកិច្ចប្រជុំបូកសរុបលទ្ធផលការងារគណកប្សប្រចាំខែឧសភា និងលើកទិសដៅបន្ត សម្រាប់ឆ្នាំ២០២៦ កម្មាធិការគណបក្សស្រុកកងមាស ដែលប្រព្រឹត្តទៅនៅស្នាក់ការបក្សស្រុកកងមាស សូមអរគុណ🙏

ពលរដ្ឋរងគ្រោះដោយអគ្គីភ័យ ១គ្រួសារ នៅ ឃុំខ្ពបតាងួន ស្រុកស្ទឹងត្រង់ ទទួលបានអំណោយពីសាខាកាកបាទក្រហមកម្ពុជាខេត្ត          សាខា កក្រក ខេត្តកំពង់ចាម: នៅ ថ្ងៃសៅរ៍ ទី៩ ខែឧសភា ឆ្នាំ២០២៦  នេះ ឯកឧត្តម អ៊ុន ចាន់ដា ប្រធានគណ:កម្មាធិការសាខា បានចាត់ ឯកឧត្តម ទូច ឆៃ នាយកសាខា រួមជាមួយលោក បាន ស្រេង ប្រធានអនុសាខាស្រុក ក្រុមកាកបាទក្រហមកម្ពុជាឃុំ និងអ្នកស្ម័គ្រចិត្ត បានចុះសួរសុខទុក្ខ និង នាំយកអំណោយមនុស្សធម៌ ផ្តល់ជូនពលរដ្ឋ ១គ្រួសារ មានបន្ទុក ៤នាក់ រស់នៅភូមិឈើទើរ ឃុំខ្ពបតាងូន ស្រុកស្ទឹងត្រង់ ឈ្មោះ គាង គែ ភេទប្រុស អាយុ ៤៨ឆ្នាំ ជាម្ចាស់ផ្ទះ ដែលរងគ្រោះដោយអគ្គីភ័យ  មូលហេតុ ឆ្លងចរន្តអគ្គិសនី ធ្វើអោយ ផ្ទះឈើប្រក់សង្កសី ១ខ្នង ទំហំ៥ម ×៨ ម ត្រូវភ្លើងឆេះអស់ទាំងទាំងស្រុង ។ ហេតុការណ៍នេះ កើតឡើង កាលពីម៉ោង ១០ :២៥នាទីយប់ ថ្ងៃទី៨ ខែ ឆ្នាំ ២០២៦។        អំណោយមនុស្សធម៌ ដែលបានផ្ដល់ជូន រួមមាន ៖ អង្ករ ៥០គក្រ ទឹកត្រី ២យួរ ទឹកស៊ីអ៊ីវ ២ យួរ មី ២ កេស ,តង់ធំ២ ,ឃីត២( មុង ភួយ សារុង ក្រម៉ា ) សម្ភារៈដំណេក សម្ភារ ផ្ទះបាយ   និង ថវិកាចំនួន ១.០០០.០០០រៀល។ ដោយឡែក អនុសាខាស្រុក ក៏បានឧបត្ថម្ភបន្ថែម នូវ អង្ករ ៤០គក្រ មី ២កេស ទឹកសុទ្ធ ២កេស សម្ភារ: ផ្ទះបាយ សម្ភារ:ដំណេក ១ឈុត និងថវិកា ១០០.០០០រៀល ផងដែរ ។

គណបក្សប្រជាជនកម្ពុជាខេត្តកំពង់ចាម​ ប្រកាសបញ្ចូលសមាជិកថ្មីចំនួន ៥៥៣នាក់ ក្នុងសង្កាត់បឹងកុក​ និងសង្កាត់កំពង់ចាម

ឯកឧត្តម អ៊ុន ចាន់ដា ស្នើដល់សមាជិកថ្មី នៃក្រុមគ្រួសារគណបក្សប្រជាជនកម្ពុជា សង្កាត់កំពង់ចាម និងសង្កាត់បឹងកុក 553នាក់​ រក្សាគោលជំហរ និងភាពស្មោះត្រង់ចំពោះគណបក្ស (កំពង់ចាម): ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការបក្សខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានក្រុងកំពង់ចាម បានស្នើដល់សមាជិកថ្មី នៃក្រុមគ្រួសារគណបក្សប្រជាជនកម្ពុជា​ ក្នុងសង្កាត់កំពង់ចាម និងសង្កាត់បឹងកុក 553នាក់​ រក្សាគោលជំហរ និងភាពស្មោះត្រង់ចំពោះគណបក្ស ដែលទើបប្រកាសទទួលស្គាល់ និងបញ្ចូលជាសមាជិកថ្មី ត្រូវរក្សាគោលជំហរ និងភាពស្មោះត្រង់ចំពោះគណបក្ស ដើម្បីគណបក្សមានលទ្ធភាពក្នុងការដឹកនាំ និងអភិវឌ្ឍន៍ប្រទេសជាតិឲ្យបានយូរអង្វែង។ ការថ្លែងបែបនេះ នៅក្នុងពិធីសំណេះសំណាល និងប្រកាសទទួលស្គាល់ បញ្ចូលសមាជិកថ្មី នៃក្រុមគ្រួសារគណបក្សប្រជាជនកម្ពុជា ក្នុងសង្កាត់កំពង់ចាម និងសង្កាត់បឹងកុក 553នាក់​ នាព្រឹកថ្ងៃទី10 ខែឧសភា ឆ្នាំ2026។ បន្ទាប់ពីធ្វើពិធីបញ្ចូលសមាជិកគណបក្សតាមលក្ខន្តិក:ដែលបានកំណត់រួច ឯកឧត្តម អ៊ុន ចាន់ដា ប្រធានគណៈកម្មាធិការបក្សខេត្ត បានសម្ដែងការស្វាគមន៍យ៉ាងកក់ក្តៅ ប្រកបដោយក្ដីសោមនស្សរីករាយ និងស្និទ្ធស្នាលបំផុត ចំពោះបងប្អូនដែលមានស្មារតី និងឆន្ទៈចូលរួមគាំទ្រយ៉ាងក្លៀវក្លា ជាមួយគណបក្សប្រជាជនកម្ពុជា។ ថ្លែងក្នុងឱកាសស្វាគមន៍សមាជិកថ្មីនោះ ឯកឧត្តម អ៊ុន ចាន់ដា បានស្នើដល់ប្រធានគណបក្សនៅមូលដ្ឋានក៏ដូចជាក្រុមការងារស្នូល ក្នុងក្រុងកំពង់ចាម ត្រូវយកចិត្តទុកដាក់ខ្ពស់លើការចិញ្ចឹម ចលនាសមាជិកបក្ស និងការជួយសម្របសម្រួលដល់សមាជិកបក្ស រាល់ពេលពួកគាត់មាន តម្រូវការ និងសំណូមពរ ឬជួបបញ្ហាផ្សេងៗ ពិសេសគឺត្រូវផ្សារភ្ជាប់ ទៅនឹងការផ្តល់ និងទទួល សេវាសាធារណៈ ដែលជាតម្រូវការចាំបាច់ប្រចាំថ្ងៃ ក្រៅពីនោះត្រូវបន្តពង្រឹងសន្តិសុខ សុវត្ថិភាព និងសណ្តាប់ធ្នាប់សាធារណៈឱ្យបានល្អផងដែរ ។ ជាមួយគ្នានោះ ឯកឧត្តម អ៊ុន ចាន់ដា ក៏បានបញ្ជាក់ថា ការកសាងសមាជិកគណបក្សនៅមូលដ្ឋាន គឺជាការងារសំខាន់មួយ ដែលត្រូវបង្កើនការយកចិត្តទុកដាក់លើការធ្វើអំពើល្អ រាល់សកម្មភាពបក្ស ទាំងអស់គឺត្រូវប្រកាន់ខ្ជាប់នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាង កម្លាំងឱ្យកាន់តែមុតមាំក្នុងការប្រជែងយកជ័យជម្នះ លើការបោះឆ្នោតនៅឆ្នាំ២០២៧ និងឆ្នាំ២០២៨ ពោលគឺសមាជិកបក្សម្នាក់ រាប់ជាសន្លឹកឆ្នោតបានការ ១សន្លឹក។ ក្នុងឱកាសនោះដែរ តំណាងសមាជិកគណបក្សប្រជាជនថ្មី បានឡើងធ្វើការប្តេជ្ញាចិត្ត ខិតខំប្រតិបត្តិ ឪ្យបានត្រឹមត្រូវ តាមកម្មវិធីនយោបាយ និងលក្ខន្តិកៈបទបញ្ជា ផ្ទៃក្នុងរបស់គណបក្សប្រជាជន ជាពិសេសគឺគាំទ្រយ៉ាងពេញទំហឹងចំពោះគណបក្សប្រជាជនកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រធានគណបក្ស និងជាប្រធានព្រឹទ្ធសភា នៃព្រះរាជាណាចក្រកម្ពុជា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រកម្ពុជា៕

នៅថ្ងៃសៅរ៍ ទី០៩ ខែឧសភា ឆ្នាំ២០២៦នេះ លោក ហេង វុទ្ធី ប្រធានក្រុមការងារចុះជួយឃុំទួលសំបួរ និងឃុំអារក្សត្នោត ស្រុកស្ទឹងត្រង់ អញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស ឃុំទួលសំបួរ ប្រចាំខែមេសា និងទិសដៅបន្ដ និងនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត អនុប្រធានក្រុមការងារថ្នាក់ជាតិចុះជួយមូលដ្ឋានខេត្តកំពង់ចាម និងជាប្រធានក្រុមការងារចុះជួយស្រុកស្ទឹងត្រង់ ចែកជូនប្រជាពលរដ្ឋ ដែលមានជីវភាពក្រលំបាក ចំនួន ៤០គ្រួសារ : នៅក្នុងកិច្ចប្រជុំនោះដែរ លោក ហេង វុទ្ធី បានដាក់ចេញនូវទិសដៅតម្រង់ទិស ដូចខាងក្រោម: ១-ផ្សព្វផ្សាយនូវ អនុសាសន៍របស់ថ្នាក់ដឹកនាំ ២-បន្តចុះជួយប្រជាពលរដ្ឋ ដែលមានជីវភាពខ្វះខាត់ ដល់ខ្នងផ្ទះ ៣-បន្តការចិញ្ចឹមចលនាគណបក្ស ៤-ពង្រឹងការធ្វើបច្ចុប្បន្នភាព និងការកសាងសមាជិកបក្ស ៥-ត្រួតពិនិត្យឡើងវិញលើបញ្ជីឈ្មោះបោះឆ្នោត ដើម្បីធ្វើផ្ទាងផ្ទាត់ឱ្យបានច្បាស់លាស់ ៦-បញ្ហាប្រឈម ៧-ដំណោះស្រាយ ៨-ចំណុចខ្លាំង ៩-បទពិសោធន៍ ១០-សំណូមពរ ។ បន្ទាប់ពីកិច្ចប្រជុំ លោក ហេង វិទ្ធី បានអញ្ជើញចុះចែកជូននូវអំណោយ ដល់ប្រជាពលរដ្ឋពលដែលមានជីវភាពក្រលំបាក នៅក្នុងឃុំទួលសំបួរ សរុប ២០គ្រួសារ, ឧបត្ថម្ភដល់សកម្មជនគណបក្ស ចំនួន ១៣គ្រួសារ ព្រមទាំងឧបត្ថម្ភថវិកាដល់ក្រុមការងារមូលដ្ឋាន ចំនួន ២១នាក់ ។ ជាមួយគ្នា ក៏បានបន្ដចុះចែកអំណោយនៅឃុំអារក្សត្នោត ចំនួន ៨គ្រួសារ បន្ថែមទៀតផងដែរ ។ សរុបជាថវិកាចំណាយ ចំនួន ៦,៨០០,០០០រៀល ៕

ក្នុងសមានទុក្ខដ៏ក្រៀមក្រំបំផុត ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំប្រតិភូខេត្ត អញ្ជើញគោរពវិញ្ញាណក្ខន្ធសព លោកនាយចំណង់ អិម ផេង មេបញ្ជាការរងកងអនុសេនាតូចដឹកជញ្ជូន នៃវរសេនាតូចលេខ២៨៣ កងពលតូចអន្តរាគមន៍លេខ១២៨ យោធភូមិភាគទី១ ដែលបានពលីជីវិតក្នុងបុព្វហេតុជាតិ មាតុភូមិ។ ពិធីនេះបានរៀបចំឡើងនៅគេហដ្ឋាននៃសព ស្ថិតក្នុងភូមិទំព្រង ឃុំត្រប់ ស្រុកបាធាយ ខេត្តកំពង់ចាម។ ក្នុងឱកាសនោះ ឯកឧត្តមអភិបាលខេត្ត ក៏បានថ្លែងនូវការរំលែកទុក្ខយ៉ាងក្រៀមក្រំបំផុតជាមួយ លោកស្រី មឿន គឹម ស្រ៊ិម ជាភរិយា ព្រមទាំងក្រុមគ្រួសារនៃសព និងសូមឧទ្ទិសបួងសួងដល់ដួងវិញ្ញាណក្ខន្ធ លោកនាយចំណង់ អិម ផេង សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ៕

អភិបាលខេត្តកំពង់ចាម អញ្ជើញគោរពវិញ្ញាណក្ខន្ធសព វីរយុទ្ធជនពលី ក្នុងបុព្វហេតុការពារជាតិ មាតុភូមិ នៅទិសព្រំដែនកម្ពុជា-ឡាវ (កំពង់ចាម)៖ នាព្រឹកថ្ងៃទី០៩ ខែឧសភា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំប្រតិភូខេត្ត និងមន្ត្រីពាក់ព័ន្ធ អញ្ជើញគោរពវិញ្ញាណក្ខន្ធសព លោកព្រិន្ទបាលឯក អិម ផេង មេបញ្ជាការរងកងអនុសេនាតូចដឹកជញ្ជូន នៃវរសេនាតូចលេខ២៨៣ កងពលតូចអន្តរាគមន៍លេខ១២៨ យោធភូមិភាគទី១ ដែលបានពលីជីវិតក្នុងបុព្វហេតុជាតិ មាតុភូមិ។ ពិធីនេះបានរៀបចំឡើងនៅគេហដ្ឋាននៃសព ស្ថិតក្នុងភូមិទំព្រង ឃុំត្រប់ ស្រុកបាធាយ ខេត្តកំពង់ចាម។ លោកព្រិន្ទបាលឯក អិម ផេង បានពលីជីវិតក្នុងវ័យ ៣២ឆ្នាំ កាលពីថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៧ ខែឧសភា ឆ្នាំ២០២៦ ក្នុងអំឡុងពេលបំពេញភារកិច្ចការពារបូរណភាពទឹកដី នៅទិសព្រំដែនកម្ពុជា-ឡាវ។ ក្នុងបរិយាកាសដ៏សែនសង្វេគនេះ ឯកឧត្តម អ៊ុន ចាន់ដា ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងខេត្តកំពង់ចាម បានសម្តែងនូវសេចក្តីតក់ស្លុត និងការសោកស្តាយជាអនេកចំពោះមរណភាពរបស់ លោកព្រិន្ទបាលឯក អិម ផេង។ ឯកឧត្តមបានគូសបញ្ជាក់ថា មរណភាពរបស់លោកព្រិន្ទបាលឯក គឺជាការបាត់បង់នូវស្វាមី និងឪពុកដ៏ល្អ ជាទីគោរពស្រឡាញ់របស់ភរិយា និងកូនៗ ហើយក៏ជាការបាត់បង់នូវវីរកងទ័ពដ៏ឆ្នើមមួយរូប ដែលមានស្មារតីអង់អាចក្លាហាន ពុះពារគ្រប់ឧបសគ្គ ដើម្បីបុព្វហេតុការពារបូរណភាពទឹកដី និងសុខសន្តិភាពនៃជាតិមាតុភូមិ។ ឯកឧត្តមអភិបាលខេត្ត ក៏បានថ្លែងនូវការរំលែកទុក្ខយ៉ាងក្រៀមក្រំបំផុតជាមួយ លោកស្រី មឿន គឹម ស្រ៊ិម ជាភរិយា ព្រមទាំងក្រុមគ្រួសារនៃសព និងបានឧទ្ទិសបួងសួងដល់ដួងវិញ្ញាណក្ខន្ធ លោកព្រិន្ទបាលឯក អិម ផេង សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ៕

ប្រធានគណបក្សប្រជាជនកម្ពុជាខេត្តកំពង់ចាម អញ្ជើញប្រកាសបញ្ចូលសមាជិកបក្សថ្មី ជិត ១ពាន់នាក់ ក្នុងសង្កាត់សំបួរមាស ក្រុងកំពង់ចាម (កំពង់ចាម): ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការគណបក្សខេត្តកំពង់ចាម បានអញ្ជើញប្រកាសបញ្ចូលសមាជិក គណបក្សប្រជាជនកម្ពុជា ថ្មី ចំនួន ៧៨១រូប មកពីភូមិទាំង១០ ក្នុងសង្កាត់សំបួមាស ក្រុងកំពង់ចាម ដែលពិធីនេះត្រូវបានធ្វើឡើងនាព្រឹកថ្ងៃទី៩ ខែឧសភា ឆ្នាំ២០២៦ នៅទីស្នាក់ការគណបក្សស្រុកកំពង់សៀម ក្រោមវត្ត អញ្ជើញចូលរួមពីឯកឧត្តម ខ្លូត ផន សមាជិកគណៈកម្មាធិការកណ្តាល និងជាអនុប្រធាន ប្រចាំការគណបក្សខេត្ត។ ថ្លែងក្នុងឱកាសដ៏វិសេសវិសាលនេះ ឯកឧត្តម អ៊ុន ចាន់ដា ប្រធានគណៈកម្មាធិការបក្សខេត្ត បានស្នើដល់ប្រធានគណបក្សនៅ មូលដ្ឋាន ក៏ដូចជាក្រុមការងារស្នូល ក្នុងក្រុងកំពង់ចាម ត្រូវយកចិត្តទុកដាក់ខ្ពស់ លើការចិញ្ចឹម ចលនាសមាជិកបក្ស និងការជួយសម្របសម្រួលដល់សមាជិកបក្ស រាល់ពេលពួកគាត់មាន តម្រូវការ និងសំណូមពរ ឬជួបបញ្ហាផ្សេងៗ ពិសេសគឺត្រូវផ្សារភ្ជាប់ ទៅនឹងការផ្តល់ និងទទួល សេវាសាធារណៈ ដែលជាតម្រូវការចាំបាច់ប្រចាំថ្ងៃ ក្រៅពីនោះត្រូវបន្តពង្រឹងសន្តិសុខ សុវត្ថិភាព និងសណ្តាប់ធ្នាប់សាធារណៈឱ្យបានល្អផងដែរ ។ ជាមួយគ្នានោះ ឯកឧត្តម អ៊ុន ចាន់ដា ក៏បានបញ្ជាក់ថា ការកសាងសមាជិកគណបក្សនៅមូលដ្ឋាន គឺជាការងារសំខាន់មួយ ដែលត្រូវបង្កើនការយកចិត្តទុកដាក់លើការធ្វើអំពើល្អ រាល់សកម្មភាពបក្ស ទាំងអស់ គឺត្រូវប្រកាន់ខ្ជាប់ នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាង កម្លាំងឱ្យកាន់តែមុតមាំក្នុងការប្រជែងយកជ័យជម្នះ លើការបោះឆ្នោតនៅឆ្នាំ២០២៧ និងឆ្នាំ២០២៨ ពោលគឺសមាជិកបក្សម្នាក់ រាប់ជាសន្លឹកឆ្នោតបានការ ១សន្លឹក។ ក្នុងឱកាសនោះដែរ តំណាងសមាជិកគណបក្សប្រជាជនថ្មី បានឡើងធ្វើការប្តេជ្ញាចិត្ត ខិតខំប្រតិបត្តិឲ្យបានត្រឹមត្រូវ តាមកម្មវិធីនយោបាយ និងលក្ខន្តិកៈបទបញ្ជា ផ្ទៃក្នុងរបស់គណបក្សប្រជាជន ជាពិសេសគឺគាំទ្រយ៉ាងពេញទំហឹងចំពោះ សម្តេចអគ្គមហាសេនាបតីតេជោ ហ៊ុន សែន ប្រធាន គណបក្សប្រជាជនកម្ពុជា និងសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា ក្នុង ការការពារ បូរណភាពទឹកដី អធិបតីភាពជាតិ និងការអភិវឌ្ឍ៕