រដ្ឋបាលខេត្តកំពង់ចាម

នារសៀលថ្ងៃទី៣ ខែសីហា ឆ្នាំ២០២៦ ឯកឧត្តម ផេន សុផល ប្រធានស.ស.យ.ក. ខេត្តកំពង់ចាម បានអញ្ជើញចូលរួមជាអធិបតីភាពក្នុងវេទិកាចែករំលែកបទពិសោធន៍សិក្សានៅក្រៅប្រទេស នៅអគារពហុបំណង ស.ស.យ.ក. ខេត្តកំពង់ចាម ដោយមានការអញ្ជើញចូលរួមពី លោកសាស្រ្តាចារ្យ Jin Sato សាស្ត្រាចារ្យនៅសាកលវិទ្យាល័យតូក្យូ និងជានាយកវិទ្យាស្ថានសិក្សាស្រាវជ្រាវជាន់ខ្ពស់ពីអាស៊ី, លោកបណ្ឌិត ថុល ណាឌី, និងមានការអញ្ជេីញចូលរួមពីលោក លោកស្រី អនុប្រធាន សមាជិកអចិន្ត្រៃយ៍ និងគណៈកម្មាធិការស.ស.យ.ក.ខេត្ត ព្រមទាំងមានសិស្ស និស្សិតមកពីតាមសកលវិទ្យាល័យកនុងខេត្តកំពង់ចាមផងដែរ។

ឯកឧត្តម សួស ប្រាថ្នា៖ គុណភាពនៃការផ្តល់សេវារដ្ឋបាល គឺជាកញ្ចក់ឆ្លុះបញ្ចាំងអំពីប្រសិទ្ធភាពរដ្ឋបាល អភិបាលកិច្ចល្អ និងទំនុកចិត្តរបស់ប្រជាពលរដ្ឋ អត្ថបទ៖ លោក ហង្ស មគ្គបុរី វិដេអូ៖លោក ហង្ស មគ្គបុរី JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

ឯកឧត្តម សួស ប្រាថ្នា៖ គុណភាពនៃការផ្តល់សេវារដ្ឋបាល គឺជាកញ្ចក់ឆ្លុះបញ្ចាំងអំពីប្រសិទ្ធភាពរដ្ឋបាល អភិបាលកិច្ចល្អ និងទំនុកចិត្តរបស់ប្រជាពលរដ្ឋ

ឯកឧត្តម សួស ប្រាថ្នា និង ឯកឧត្តម អ៊ុន ចាន់ដា អញ្ជើញដឹកនាំកិច្ចប្រជុំស្ដីពីការចុះពិនិត្យនិងវាយតម្លៃការផ្ដល់សេវារដ្ឋបាលរបស់អង្គភាពច្រកចេញចូលតែមួយនៃរដ្ឋបាលខេត្តកំពង់ចាម ខេត្តកំពង់ចាម៖ នៅព្រឹកថ្ងៃចន្ទ ទី៣ ខែសីហា ឆ្នាំ២០២៦នេះ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ និង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំស្ដីពីការចុះពិនិត្យនិងវាយតម្លៃការផ្ដល់សេវារដ្ឋបាលរបស់អង្គភាពច្រកចេញចូលតែមួយ នៃរដ្ឋបាលខេត្តកំពង់ចាម ស្ថិតនៅសាលប្រជុំសាលាខេត្តកំពង់ចាម។ កិច្ចប្រជុំខាងលើមានការអញ្ជើញចូលរួមពីតំណាងក្រសួងសេដ្ឋកិច្ចនិងហិរញ្ញវត្ថុ ក្រសួងរៀបចំដែនដី នគរូបនីយកម្ម និងសំណង់ អគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ លេខាធិការដ្ឋាន គ.ជ.អ.ប. និងប្រធាន-អនុប្រធាននាយកដ្ឋានចំណុះអគ្គនាយកដ្ឋានរដ្ឋបាល ក្រសួងមហាផ្ទៃ អភិបាលរងខេត្ត នាយករដ្ឋបាលសាលាខេត្ត អភិបាល អភិបាលរងក្រុង ស្រុកទាំង១០ ប្រធានមន្ទីរ-អង្គភាពជំនាញ ប្រធានការិយាល័យប្រជាពលរដ្ឋខេត្ត ប្រធានអង្គភាពច្រកចេញចូលតែមួយ ប្រធានការិយាល័យរៀបចំដេនដី នគរូបនីយកម្ម សំណង់ និងភូមិបាល ព្រមទាំងមន្រ្តីជំនាញពាក់ព័ន្ធជាច្រើនរូប។ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានសម្តែងការស្វាគមន៍យ៉ាងកក់ក្តៅចំពោះវត្តមានដ៏ខ្ពង់ខ្ពស់របស់ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋាន ក្រសួងមហាផ្ទៃ និងថ្នាក់ដឹកនាំ តំណាងក្រសួង ស្ថាប័នពាក់ព័ន្ធ ដែលបាន ចំណាយពេលវេលាដ៏មានតម្លៃ អញ្ជើញមកបំពេញទស្សនកិច្ចការងារ នៅរដ្ឋបាលខេត្តកំពង់ចាម នាពេលនេះ។ ឯកឧត្តមអភិបាលខេត្ត ក្នុងនាមរដ្ឋបាលខេត្ត សូមសម្តែងការដឹងគុណយ៉ាងជ្រាលជ្រៅចំពោះការយកចិត្តទុកដាក់ខ្ពស់ពីសំណាក់ថ្នាក់ដឹកនាំក្រសួងមហាផ្ទៃ ជាពិសេសឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលជានិច្ចកាល ឯកឧត្តម តែងបានផ្តល់នូវទស្សនៈទានល្អៗ ដើម្បីជាទន់ក្នុងការដឹកនាំប្រកបដោយចីរភាព និងប្រសិទ្ធភាព។ ក្នុងឱកាសនោះ ឯកឧត្តម សួស ប្រាថ្នា បានលើកឡើងថា កិច្ចប្រជុំនេះរៀបចំឡើងតាមអនុសាសន៍ណែនាំរបស់ថ្នាក់ដឹកនាំក្រសួងមហាផ្ទៃ និងក្រសួងរៀបចំដែនដី នគរូបនីយកម្ម និងសំណង់ ស្របតាមកង្វល់របស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ដែលតែងតែយកចិត្តទុកដាក់ខ្ពស់លើសុខទុក្ខ និងភាពងាយស្រួលរបស់ប្រជាពលរដ្ឋក្នុងការទទួលសេវារដ្ឋបាល។ ឯកឧត្តមបានបញ្ជាក់យ៉ាងច្បាស់ថា «ការចុះមកពេលនេះ គឺដើម្បីរួមគ្នាពិនិត្យ និងកែលម្អប្រព័ន្ធការងារឱ្យកាន់តែរលូន មិនមែនជាការចុះមកដកស្រង់កំហុស ឬដាក់សម្ពាធលើអង្គភាពណាមួយនោះឡើយ»។ ក្រុមការងារចង់ស្វែងយល់ពីបញ្ហាប្រឈមជាក់ស្តែង ដើម្បីជួយសម្រួល និងកំណត់ស្ថាប័នទទួលខុសត្រូវឱ្យបានច្បាស់លាស់ សំដៅធានាថា រាល់ឯកសាររបស់ប្រជាពលរដ្ឋទទួលបានការមើលថែ និងដោះស្រាយបានទាន់ពេលវេលា។ ផ្អែកលើការចុះសិក្សានៅតាមបណ្តារាជធានី-ខេត្តចំនួន ៦ កន្លងមក ក្រុមការងារសង្កេតឃើញថា វិស័យដែនដី សំណង់ និងសូរិយោដី នៅមាននីតិវិធីស្មុគស្មាញ និងឆ្លងកាត់ច្រើនដំណាក់កាល។ ចំពោះខេត្តកំពង់ចាម គឺជាខេត្តទី៧ នៃបេសកកម្មនេះ ហើយក៏ជាខេត្តគំរូមួយដែលធ្វើបានល្អ ដែលក្រុមការងារត្រូវសិក្សាដកពិសោធន៍បន្ថែម។ ឯកឧត្តម សួស ប្រាថ្នា បានលើកទឹកចិត្តឱ្យមន្ត្រីរាជការ និងភាគីពាក់ព័ន្ធទាំងអស់ ចែករំលែកនូវបទពិសោធន៍ និងបញ្ហាប្រឈមនានាដោយស្មោះត្រង់ ដើម្បីឱ្យក្រុមការងារបូកសរុបធាតុចូល ជូនថ្នាក់ដឹកនាំ និងគោរពស្នើសុំគោលការណ៍ណែនាំពី សម្តេចធិបតី នាយករដ្ឋមន្ត្រី ក្នុងគោលដៅកែសម្រួលនីតិវិធីការងារឱ្យកាន់តែសាមញ្ញ និងបម្រើសេវាជូនប្រជាពលរដ្ឋឱ្យកាន់តែល្អប្រសើរ៕

នៅថ្ងៃទី៣ ខែសីហាឆ្នាំ ២០២៦ លោក ឧត្តមអគ្គានុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម និងអនុប្រធានពន្ធនាគារ មន្ត្រីំនាញ ចូលរួមពិធីសំណេះសំណាលតម្រង់ទិសដល់មន្ត្រីពន្ធនាគារ ដែលត្រៀមទៅសិក្សាវគ្គបំប៉នជំនាញសន្តិសុខសុវត្ថិភាពពន្ធនាគាររយៈពេល៣ខែជំនាន់១០នៅវៀតណាម  តាមប្រព័ន្ធ Zoom ។    

វេលាម៉ោង៧:០០នាទីព្រឹក ថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ មន្រ្តីសាលាខេត្តកំពង់ចាម បានបំពេញកាតព្វកិច្ចចូលរួមគោរពទង់ជាតិ នៃព្រះរាជាណាចក្រកម្ពុជា🙏🇰🇭