سبيل الأطباء

بل تؤثرون الحياة الدنيا أى مشاعر سلبية تصيب الإنسان سببها أنه آثر الحياة الدنيا فلو حاسس انك محبط بعد امتحان فده عشان انت كنت تفضل انك تجيب اعلى الدرجات فتتفاخر وتفرح في الدنيا ولو حاسس ان المرض مسببلك احباط ويأس فانت تتحسر على لحظات الفرحة والراحه التى تفقدها في الحياة الدنيا ولو حاسس ان الدنيا سوده ومتقفله فانت تتحسر على لحظات نشوة دنيويه اما ضاعت او هتضيع منك اى احساس سلبي زى يأس حزن غضب جزع بيضيع عليك لحظات كان ممكن تحمد فيها او تستغفر او تصلي او تعمل عمل صالح تكسب بيه اخرة ولكننا نؤثر الحياة الدنيا فصدق الله العظيم حين قال والآخرة خير وابقى

يا دكاترة .. حد شغال جهاز هضمي ؟ محتاج استشارة ضروري

سبحان الله التسبيح هو تنزيه الله عن كل عيب ونقص وسوء يعني لما تقول سبحان الله انت بتكفر عن الكزا مرة اللي انت قلت فيها ليه يا رب عملت فيا، ليه يا رب خلقتنى في البلد دي، ليه يا رب ادتني الوظيفة دي، ليه يا رب بلتني بالزوجه دي .. قولك سبحان الله ان ربنا ادرى و ان انا معرفش الحكمة لما تقول سبحان الله انت بتكفر عن كل الظنون اللي ظننتها بالله لما شفت الحروب والدم والقتل وكل الوساوس اللي جتلك بتقولك ليه ربنا سمح بكل ده وبتعترف بلا تكبر ولا جدال ان يا رب انا جاهل معرفش وانت ادرى لما تقول سبحان الله انت بتكفر عن كل الفلسفه الفارغه اللي جت في بالك في تحليل اسباب خلق الكون والإنسان والملائكة والشياطين وبتعترف بجهلك وتقوله يا رب انت ادرى وانا معرفش لما تقول سبحان الله بتتواضع عن كل فكرة وكل سؤال وكل خاطرة وكل ظن ظننته بالله وتعترف انك جاهل ظالم لا تعلم لما تقول سبحان الله انت تعترف بعظمة لا يعلوها عظمه وبقوة لا يعلوها قوة وحكمة لا يعلوها حكمة وعزة لا يعلوها عزة حتى لو جزء من مخك ووساوسك مازال متشكك كثرة التسبيح باللسان ستؤدي حتما إلى نتيجة وهو التسبيح بالقلب والاعتراف بأن الله له العلم والحكمة ونحن لا نعلم سبحان الله وبحمده سبحان الله العظيم

بابا وماما ناس كتير بتبقى قلقانه وخايفه وصعبان عليها المصاريف اللي اتصرفت عليهم في الدراسه من ابوهم وامهم ابوك وامك مش هيستفادوا حاجه بخوفك وقلقك .. هما صرفوا عليك كل ده وتعب الاعب ده كله عشان تنجح ف حياتك خوفك وقلقك من الشيطان .. الشيطان يعدكم الفقر خوفك وقلقك هيخليهم يتحسروا عليك اكتر لانك حتى لو نجحت ماديا الخوف والقلق هياكلك نفسيا ويحولك الى مسخ رد الجميل لابوك وامك انهم يشوفوك ذو نفس مطمئنه، هادي، مش متلخبط، عارف انت بتعمل ايه حتى لو تقديراتك ضعيفه الخوف والقلق مش حله انك تكتر المزاكرة .. هتنسى اللي هتزاكره الخوف والقلق حله انك تكتر من الذكر والصلاة والنوافل وقيام الليل ده اللي هيبعد عنك افكار الخوف والقلق والشيطان ويستبدلها بافكار هينه لطيفه من عينة ان شاء الله خير .. ان شاء الله هلاقي فرص تعليم وسفر وجواز وشغل وفلوس الشيطان يعدكم الفقر الشيطان يخوف أوليائه { وَمَن یَعۡشُ عَن ذِكۡرِ ٱلرَّحۡمَـٰنِ نُقَیِّضۡ لَهُۥ شَیۡطَـٰنࣰا فَهُوَ لَهُۥ قَرِینࣱ }

تدبر سورة البلد ... مباشر بعد قليل

الثقافة الطبية السوشيال ميديا اصبحت لا تخلى من اعلانات الأطباء كل بوستين تلاته تلاقي بوست دكتور كاتب عن المرض الفلاني .. كل فيديوهين تلاته تلاقي فيديو بيتكلم عن العملية الفلانية وفي الحقيقة البوستات والفيديوهات دي ليس لها اى قيمه في رفع الثقافة الطبية العامة للمجتمع ولا تخدم الصالح العام في شىء .. وفايدتها الوحيده دعاية لأصحابها .. عشان لما العيان يشوف الدكتور بيتكلم كلام مجعلص ومترتب يفتكر انه العلامة اللي هيقضي على مرضه اكتر حاجه بشوف ان من المفترض يتكلم فيها الأطباء هى العلاقة بين الطبيب والمريض .. الفرق بين الإهمال الجسيم والتهاون في علاج المرضى والاعراض الجانبية والمضاعفات الواردة في التشخيص والعلاج يعني مثلا كثير من المرضى يروي قصته مع الطبيب فلان الفلاني اللي عمله عملية ثم حدث تلوث في الجرح بعد العملية او الطبيب اللي عمل منظار ثم حدث ثقب في الأمعاء بعد المنظار ويدعو الطبيب على المريض ويتحسبن عليه ويتفاعل المتافعلون في الحسبنه وقذف الطبيب بكل الشتائم والألفاظ وبالرغم من ان المتابعين مسمعوش القصه الا من طرف واحد الا انها بقت عادة ان ينهال الناس على الاطباء في مثل هذه الحالات وفي الحقيقة ان العيب على الأطباء ، مع اى إجراء طبي من المفترض ان الطبيب يشرح للمريض ان كل اجراء طبي او علاج مهما كان بيكون ليه نسبة مضاعفات وان المضاعفات قد تكون كزا وكزا ولكن يبدو ان عقلياتنا كمرضى لا تستوعب مثل هذا الكلام .. فانا اريد العلاج السوبر الخرافي الذي ليس له مضاعفات او اعراض جانبية، اريد الفحوصات الرهيبه الفظيعه اللي هتطلع التشخيص بدون لف ولا دوران، اريد الطبيب اللي بيجيب م الاخر على حد قول الكثيرين .. اريد ان يطمئن قلبي حقيقة الأمر أيها المريض ان ذلك العلاج الخزعبلي غير موجود، وان ذلك الفحص الطبي اللي بيجيب م الاخر غير موجود، وحان الوقت اننا نكبر ونفهم ان كل عمليه لها مضاعفات مش عيب من الدكتور ولكنها طبيعة العمليه .. كل دوا ليه مضاعفات مش جهل من الدكتور ولكن طبيعة الدوا ولحد ما نكبر ونفهم هذه الحقائق كم من حسبنه هنتحسبن بيها على طبيب وكم من قضيه هتترفع على دكتور وكم من سمعات اطباء واهلهم هتشرد الانتقال من الجهل الى العلم عملية صعبه تحتاج الى سنوات طويله .. والمسئوليه تقع على المتعلم وليس الجاهل

حسب التصويت اللي فوق لقاء الجمعة الساعة ١٠ مساءاً ان شاء الله الموضوع المستقبل الأسود والفرص القليلة و التعليم الفاشل

لو نايب جراحه في اسكندرية موجود معانا ياربت يتواصل معايا

{ وَلَا تَحَـٰۤضُّونَ عَلَىٰ طَعَامِ ٱلۡمِسۡكِینِ } الإطعام قضية محورية في القرآن الكريم ولا أبالغ إن قلت أنه المشروع القومي الإسلامي في أوقات الإستضعاف وتلاحظ في الآية ان ربنا لم يقل ولا تطعمون المسكين ولكنه قال تحاضون .. أى تحثون .. ماهو الحض مش محتاج فلوس .. مش محتاج تكون غني عشان تحض .. انت بس حض وغيرك وغيرك يحض لحد ما الغني يستجيب .. الغني هيستجيب لما كلنا نكون بنتكلم ف الحض .. الغني هيحس على دمه وهو بياكل وغيره لأ لما الموضوع يبقى منتشر من حواليه كل ما يفتح بوست ع الفيس يلاقي حض كل ما يقعد قعده يلاقي حض كل ما يروح مسجد يلاقي حض أقسم بالله أن الحض مشروع قومي وجاء موضوع الحض والإطعام في أكثر من موقع وأكثر من سورة { وَلَا یَحُضُّ عَلَىٰ طَعَامِ ٱلۡمِسۡكِینِ } [سُورَةُ الحَاقَّةِ: ٣٤] { وَلَا یَحُضُّ عَلَىٰ طَعَامِ ٱلۡمِسۡكِینِ } [سُورَةُ المَاعُونِ: ٣] { وَلَمۡ نَكُ نُطۡعِمُ ٱلۡمِسۡكِینَ } [سُورَةُ المُدَّثِّرِ: ٤٤] { وَیُطۡعِمُونَ ٱلطَّعَامَ عَلَىٰ حُبِّهِۦ مِسۡكِینࣰا وَیَتِیمࣰا وَأَسِیرًا } [سُورَةُ الإِنسَانِ: ٨] { أَوۡ إِطۡعَـٰمࣱ فِی یَوۡمࣲ ذِی مَسۡغَبَةࣲ } [سُورَةُ البَلَدِ: ١٤] الموضوع مش انك تأكل المسكين وتدفع شوية فلوس الموضوع ان ده يكون جزء من تفكيرك .. جزء من كلامك تذكر امتا اخر مرة كنت قاعد في قعدة وقلت عايزين نطعم مساكين؟ امتا اخر مرة حاولت تشوف مشروع اطعام وتشترك فيه؟ امتى اخر بوست كتبته او كومنت او فيديو عملته بتحث على الإطعام سورة الفجر مكية من أوائل السور التى أنزلت، نزلت على حوالي ٣٠ مسلم قمة أوقات استضعاف الأمة .. ومن حولهم حضارة الروم وحضارة فارس وقوة كفار قريش بالمال والعتاد .. وربنا بيقولهم لا تنبهروا .. ولا تشعروا بأنكم قليل .. صلوا الفجر وقيموا الليل واستغلوا مواسم العباده زى الليالي العشر والشفع والوتر وده هيبعث في قلوبكم القوة والطمأنينة .. فاكرين عاد وثمود وفرعون وما فعلوه من بناء وتشييد وحضارة .. فاكرين قوتهم وفسادهم .. كل ده انا متكفل بيه يعني بلغتنا احنا متخافش ولا تنبهر بأمريكا واسرائيل والتقدم العلمي والمادي لا تنبهر وتشعر بالضعف من طياراتهم وراداراتهم ومخابراتهم لا تشعر بالضعف من تقدمهم العلمي وتحكمهم بالشمس والأرض والجبال والكواكب في اوقات الإستضعاف لن تجاريهم .. مش هتقدر .. مش مشروعك الآن في اوقات الإستضعاف محتاجين تكافل .. اكرام يتيم .. اطعام مسكين .. محافظه على حقوق المواريث .. التعامل الصحيح مع المال فان كان لك فانت مستخلف فيه وان كان عليك فأنت تصبر في اوقات الإستضعاف الإطعام هو الحل معقولة؟ بقى الموضوع بسيط اوى كده .. للأسف أيوة بس احنا مش مصدقين كام واحد بيصلي الفجر؟ كام واحد بيقيم الليل؟ كام واحد بيكرم يتيم او بيحض على طعام مسكين؟ قيس ده بالمقارنة بكام واحد بيموت نفسه ف شغله وكام واحد بيشتري ويبيع كل يوم .. وكام واحد بيسافر ويتغرب ويتعب ويعافر .. وكام واحد مموت نفسه في مزاكرة وامتحانات .. وفي الاخر هتكتشف انك من قوم عاملة ناصبه .. هرى بلا معنى ولا هدف ربنا هيتكفل بيهم لو سمعتوا الكلام .. إن ربك لبالمرصاد أدعوكم وأدعوا نفسي إلى إطعام جارك والشحات اللي واقف تحت بيتك وقدام جامعك أدعو الأغنياء من أمهاتنا إلى عمل يوم إطعام شهري او أسبوعي بحسب المقدرة تدعو إليه من استطعت أدعوا بناتنا إلى تحضير وجبات بسيطه ولو عشرة أو عشرين كل شهر توزع على جيرانك المساكين الموضوع مش موضوع تدفع فلوس .. الموضوع انك تعمل مجهود تدور فين المسكين ده هنأكلهم فين هناكلهم ايه مين هيحضر الوجبات هنبعتلهم الوجبات ولا هنعزمهم ازاى نحافظ على كرامتهم وقت الاكل ونحسسهم بانهم ضيوف مش شحاتين المجهود ده شفاء لما في صدرك هيخليك مشغول قلبيا وهيملأ صدرك راحه وطمأنينة لما تشوف طفل صغير بياكل من اكلك لما تشوف بنت صغيرة مبسوطه بالفاكهة بتاعتك اللي احتمال تكون مكلتهاش من شهور وسنين بأسعار الفاكهة الحالية صدق الله العظيم

تدبر سورة الفجر بعد قليل

اسف يا شباب عندي نفس المشكلة في النت 😔

تدبر سورة الفجر بعد قليل

عذرا يا شباب عندي مشكلة في النت .. ممكن نخليها بالليل بعد صلاة العشاء

مين هيذاكر معايا سورة الفجر؟