سبيل الأطباء

تدبر سورة البلد ... مباشر بعد قليل

الثقافة الطبية السوشيال ميديا اصبحت لا تخلى من اعلانات الأطباء كل بوستين تلاته تلاقي بوست دكتور كاتب عن المرض الفلاني .. كل فيديوهين تلاته تلاقي فيديو بيتكلم عن العملية الفلانية وفي الحقيقة البوستات والفيديوهات دي ليس لها اى قيمه في رفع الثقافة الطبية العامة للمجتمع ولا تخدم الصالح العام في شىء .. وفايدتها الوحيده دعاية لأصحابها .. عشان لما العيان يشوف الدكتور بيتكلم كلام مجعلص ومترتب يفتكر انه العلامة اللي هيقضي على مرضه اكتر حاجه بشوف ان من المفترض يتكلم فيها الأطباء هى العلاقة بين الطبيب والمريض .. الفرق بين الإهمال الجسيم والتهاون في علاج المرضى والاعراض الجانبية والمضاعفات الواردة في التشخيص والعلاج يعني مثلا كثير من المرضى يروي قصته مع الطبيب فلان الفلاني اللي عمله عملية ثم حدث تلوث في الجرح بعد العملية او الطبيب اللي عمل منظار ثم حدث ثقب في الأمعاء بعد المنظار ويدعو الطبيب على المريض ويتحسبن عليه ويتفاعل المتافعلون في الحسبنه وقذف الطبيب بكل الشتائم والألفاظ وبالرغم من ان المتابعين مسمعوش القصه الا من طرف واحد الا انها بقت عادة ان ينهال الناس على الاطباء في مثل هذه الحالات وفي الحقيقة ان العيب على الأطباء ، مع اى إجراء طبي من المفترض ان الطبيب يشرح للمريض ان كل اجراء طبي او علاج مهما كان بيكون ليه نسبة مضاعفات وان المضاعفات قد تكون كزا وكزا ولكن يبدو ان عقلياتنا كمرضى لا تستوعب مثل هذا الكلام .. فانا اريد العلاج السوبر الخرافي الذي ليس له مضاعفات او اعراض جانبية، اريد الفحوصات الرهيبه الفظيعه اللي هتطلع التشخيص بدون لف ولا دوران، اريد الطبيب اللي بيجيب م الاخر على حد قول الكثيرين .. اريد ان يطمئن قلبي حقيقة الأمر أيها المريض ان ذلك العلاج الخزعبلي غير موجود، وان ذلك الفحص الطبي اللي بيجيب م الاخر غير موجود، وحان الوقت اننا نكبر ونفهم ان كل عمليه لها مضاعفات مش عيب من الدكتور ولكنها طبيعة العمليه .. كل دوا ليه مضاعفات مش جهل من الدكتور ولكن طبيعة الدوا ولحد ما نكبر ونفهم هذه الحقائق كم من حسبنه هنتحسبن بيها على طبيب وكم من قضيه هتترفع على دكتور وكم من سمعات اطباء واهلهم هتشرد الانتقال من الجهل الى العلم عملية صعبه تحتاج الى سنوات طويله .. والمسئوليه تقع على المتعلم وليس الجاهل

حسب التصويت اللي فوق لقاء الجمعة الساعة ١٠ مساءاً ان شاء الله الموضوع المستقبل الأسود والفرص القليلة و التعليم الفاشل

لو نايب جراحه في اسكندرية موجود معانا ياربت يتواصل معايا

{ وَلَا تَحَـٰۤضُّونَ عَلَىٰ طَعَامِ ٱلۡمِسۡكِینِ } الإطعام قضية محورية في القرآن الكريم ولا أبالغ إن قلت أنه المشروع القومي الإسلامي في أوقات الإستضعاف وتلاحظ في الآية ان ربنا لم يقل ولا تطعمون المسكين ولكنه قال تحاضون .. أى تحثون .. ماهو الحض مش محتاج فلوس .. مش محتاج تكون غني عشان تحض .. انت بس حض وغيرك وغيرك يحض لحد ما الغني يستجيب .. الغني هيستجيب لما كلنا نكون بنتكلم ف الحض .. الغني هيحس على دمه وهو بياكل وغيره لأ لما الموضوع يبقى منتشر من حواليه كل ما يفتح بوست ع الفيس يلاقي حض كل ما يقعد قعده يلاقي حض كل ما يروح مسجد يلاقي حض أقسم بالله أن الحض مشروع قومي وجاء موضوع الحض والإطعام في أكثر من موقع وأكثر من سورة { وَلَا یَحُضُّ عَلَىٰ طَعَامِ ٱلۡمِسۡكِینِ } [سُورَةُ الحَاقَّةِ: ٣٤] { وَلَا یَحُضُّ عَلَىٰ طَعَامِ ٱلۡمِسۡكِینِ } [سُورَةُ المَاعُونِ: ٣] { وَلَمۡ نَكُ نُطۡعِمُ ٱلۡمِسۡكِینَ } [سُورَةُ المُدَّثِّرِ: ٤٤] { وَیُطۡعِمُونَ ٱلطَّعَامَ عَلَىٰ حُبِّهِۦ مِسۡكِینࣰا وَیَتِیمࣰا وَأَسِیرًا } [سُورَةُ الإِنسَانِ: ٨] { أَوۡ إِطۡعَـٰمࣱ فِی یَوۡمࣲ ذِی مَسۡغَبَةࣲ } [سُورَةُ البَلَدِ: ١٤] الموضوع مش انك تأكل المسكين وتدفع شوية فلوس الموضوع ان ده يكون جزء من تفكيرك .. جزء من كلامك تذكر امتا اخر مرة كنت قاعد في قعدة وقلت عايزين نطعم مساكين؟ امتا اخر مرة حاولت تشوف مشروع اطعام وتشترك فيه؟ امتى اخر بوست كتبته او كومنت او فيديو عملته بتحث على الإطعام سورة الفجر مكية من أوائل السور التى أنزلت، نزلت على حوالي ٣٠ مسلم قمة أوقات استضعاف الأمة .. ومن حولهم حضارة الروم وحضارة فارس وقوة كفار قريش بالمال والعتاد .. وربنا بيقولهم لا تنبهروا .. ولا تشعروا بأنكم قليل .. صلوا الفجر وقيموا الليل واستغلوا مواسم العباده زى الليالي العشر والشفع والوتر وده هيبعث في قلوبكم القوة والطمأنينة .. فاكرين عاد وثمود وفرعون وما فعلوه من بناء وتشييد وحضارة .. فاكرين قوتهم وفسادهم .. كل ده انا متكفل بيه يعني بلغتنا احنا متخافش ولا تنبهر بأمريكا واسرائيل والتقدم العلمي والمادي لا تنبهر وتشعر بالضعف من طياراتهم وراداراتهم ومخابراتهم لا تشعر بالضعف من تقدمهم العلمي وتحكمهم بالشمس والأرض والجبال والكواكب في اوقات الإستضعاف لن تجاريهم .. مش هتقدر .. مش مشروعك الآن في اوقات الإستضعاف محتاجين تكافل .. اكرام يتيم .. اطعام مسكين .. محافظه على حقوق المواريث .. التعامل الصحيح مع المال فان كان لك فانت مستخلف فيه وان كان عليك فأنت تصبر في اوقات الإستضعاف الإطعام هو الحل معقولة؟ بقى الموضوع بسيط اوى كده .. للأسف أيوة بس احنا مش مصدقين كام واحد بيصلي الفجر؟ كام واحد بيقيم الليل؟ كام واحد بيكرم يتيم او بيحض على طعام مسكين؟ قيس ده بالمقارنة بكام واحد بيموت نفسه ف شغله وكام واحد بيشتري ويبيع كل يوم .. وكام واحد بيسافر ويتغرب ويتعب ويعافر .. وكام واحد مموت نفسه في مزاكرة وامتحانات .. وفي الاخر هتكتشف انك من قوم عاملة ناصبه .. هرى بلا معنى ولا هدف ربنا هيتكفل بيهم لو سمعتوا الكلام .. إن ربك لبالمرصاد أدعوكم وأدعوا نفسي إلى إطعام جارك والشحات اللي واقف تحت بيتك وقدام جامعك أدعو الأغنياء من أمهاتنا إلى عمل يوم إطعام شهري او أسبوعي بحسب المقدرة تدعو إليه من استطعت أدعوا بناتنا إلى تحضير وجبات بسيطه ولو عشرة أو عشرين كل شهر توزع على جيرانك المساكين الموضوع مش موضوع تدفع فلوس .. الموضوع انك تعمل مجهود تدور فين المسكين ده هنأكلهم فين هناكلهم ايه مين هيحضر الوجبات هنبعتلهم الوجبات ولا هنعزمهم ازاى نحافظ على كرامتهم وقت الاكل ونحسسهم بانهم ضيوف مش شحاتين المجهود ده شفاء لما في صدرك هيخليك مشغول قلبيا وهيملأ صدرك راحه وطمأنينة لما تشوف طفل صغير بياكل من اكلك لما تشوف بنت صغيرة مبسوطه بالفاكهة بتاعتك اللي احتمال تكون مكلتهاش من شهور وسنين بأسعار الفاكهة الحالية صدق الله العظيم

تدبر سورة الفجر بعد قليل

اسف يا شباب عندي نفس المشكلة في النت 😔

تدبر سورة الفجر بعد قليل

عذرا يا شباب عندي مشكلة في النت .. ممكن نخليها بالليل بعد صلاة العشاء

مين هيذاكر معايا سورة الفجر؟

الإنجاز الطبي فيه كام دكتور كده طلعوا من كام يوم مع منى الشاذلي وانبهار بانجاز طبي خطير رهيب فظيع كدكتور قديم ف الشغلانه دي مش شايف اى انجاز طبي شايف شو اعلامي وبدل وزواق سخيف اخترعت عمليه او طبقت عملية مخترعه بالفعل او اكتشفت الذرة حتى كل ده فنكوش .. فشنك .. كل ده لن يفيد الا المخترع الهمام والبرايفت بتاعه احنا في خيبه كبيرة اوى .. اوى واكبر خيبه خيبناها ف الطب ان احنا اساسا كأطباء بوصلتنا انحرفت ومبقناش عارفين هو ايه الانجاز الطبي الصح اللي المفروض نحققه واعتقدنا اننا كدكاترة لازم نحقق اعلى الدرجات العلميه ونخترع عمليات وفيه كمان موضة تضحك عن اننا نتعلم بحث علمي في بلد مفيهاش ولا مجله علميه أساساً الانجاز الطبي يا دكاترة اننا نحجم البرايفت فلا يختلط الحابل بالنابل الانجاز الطبي يا دكاترة ان يكون فيه نظام محترم لتعليم النواب والدكاترة نظام قائم على العدل والمجهود والعمل الانجاز الطبي يادكاترة ان المستشفيات بتاعت مصر كلها من تعليمية وامانه ومعاهد اورام وكبد وجامعه ومستشفيات عسكرية تكون هيئة واحده او ع الاقل هيئات بتساعد بعضها الانجاز الطبي يا دكاترة اننا نشوف اسباب هجرة الاطباء ونحاول نشتغل ونحلها الانجاز الطبي يادكاترة ان الوحدات الصحية تقدم خدمه محترمة في القرى والنجوع الانجاز الطبي يادكاترة ان يكون فيه ضمير وقلب وعقل يصحي الناس من غفلتها نظام تعليم في الكليه فاشل مسئول عنه دكاترة الجامعه نظام تعليم في فترة النيابة فاشل مسئول عنه المدربين والاستشاريين في كل مستشفى ومركز الانجاز الطبي الحقيقي في تصحيح مسار التعليم الطبي بس ده طريق طويل ومش هيجيب برايفت ولا نايجه سريعه فاحنا نفكك منه ونعمل انجازات طبيه تطلع في التلفزيون يا حسرة عليكي يا دكاترة مصر