سِـرْ .. تَـصِـلْ.

بقى الإنسان اللي تايه عن نفسه ده هيهتدي لربنا! بقى اللي مش عارف هو عايز إيه هيعرف ربنا طالب منه إيه! بقى اللي ماشي ورا طوب الأرض ده هيتبع كلام الله وكلام رسوله. لو خطيبتك وافقت عالكلام ده فاستمسك بيها، ده نجاح في أعظم اختبار. "أولئك الذين امتحن الله قلوبهم للتقوى". لو موافقتكش حاول معاها وربنا يشرح صدرها للخير، وإلا فده قدَر من أجمل أقدار ربنا في حياتك، بيأكد لك إنها متصلحش كزوجة ربانية انت مش متجوزها لذاتها أصلا، بل اتجوزتها عشان مصالح الدين والدنيا تتعاونوا عليها مع بعض، فضلًا عن إنها تكون أم، والأم مش بيفيض لأولادها عنها غير اللي اتمكن حقيقي منها، فلو متمكنش منها الدين والحياء والتقوى؛ هتفيض ازاي منها على عيالك وعيالها! افرح يا حبيبي؛ بس متفرحش بزعل ربنا. محدش أولى تفرحه بيك في الدنيا والآخرة من ربنا. "قل بفضل الله وبرحمته فبذلك فليفرحوا هو خير مما يجمعون". اختار براحتك يا صاحبي؛ بس يا رب تختار صح. "اعملوا ما شئتم إنه بما تعملون بصير".

في حديث سؤال المَلَكين في القبر؛ الرسول -عليه الصلاة والسلام- بيقول عن اللي مش هيقدر يجاوب على الملكين لما يسألوه: من نبيك؟ إنه هيقول: "سمعت الناس يقولون شيئًا، فقلت مثلهم". هي دي نتيجة المشي ورا الناس في الدنيا كإنهم الدليل والحجة والبرهان، نتيجة مسايرتهم في طريقة الفرح وطريقة الحزن وطريقة الشغل وأسلوب الحياة عمومًا من غير وحي ولا عقل. كإننا بنقول لربنا: احنا هنختار المعاصي اللي عايزينها؛ بس متعاقبناش عليها، ولو عاقبتنا متعاقبناش في الشيء اللي يوجعنا، احنا اللي نحدد لك يا رب العقوبة زي ما احنا حددنا لنفوسنا المعصية! كإننا بواقعنا العملي وبلسان حالنا -فعلًا- بنقول لربنا كده. يعني احنا في المعاصي بنختار نوعها وقدْرها وزمانها ومكانها وأسبابها؛ ومش عايزين ربنا في العقوبات يختار نوعها وقدْرها وزمانها ومكانها وأسبابها! هي دي فعلًا بلطجة الإنسان الضعيف العاجز في حساباته وتقديراته؛ بس المصيبة المرة دي ان البلطجة دي في التفكير مع ربنا! "بل يريد الإنسان ليفجر أمامه". هُمَّ هُمَّ العِرسان وقرايبهم اللي بيضيَّعوا أحكام ربنا عشان بعض؛ اللي بيقطَّعوا بعد كده في البيوت والشوارع والمحاكم في بعض، ويستغربوا ساعتها آخر استغراب. أما احنا فمبنستغربش لحظة حتى، ما هُمَّ راضوا بعض بسخط ربنا فربنا سلطهم على بعض، والجزاء في الخير والشر من جنس العمل. "من أرضى الناس بسخط الله؛ سخط الله عليه، وأسخط عليه الناس". ما كان بإيدينا من الأول نختار صح، ونأسس صح، ونبدأ صح، ونفرح صح. حقيقي يا حبيبي (ما عادى الإنسانَ مِثلُ نفسه). كان بإيدينا ناخد بأسباب هداية ربنا ورحمة ربنا ورضا ربنا ولطف ربنا ونور ربنا ومغفرة ربنا وإسعاد ربنا، وكل خير من كل نوع من ربنا، من اللي احنا أفقر خلقه ليه. أنا مش بقول كل مشكلة بتحصل في الزواج سببها معاصي الأفراح؛ لأن ممكن أصحابها يكونوا تابوا قبل المشاكل؛ بس اللي متيقن منه إن المعاصي هي السبب الأول والأكبر والأوسع والأعمق لكل شر في الدين والدنيا. "وما أصابكم من مصيبة فبما كسبت أيديكم". "ما اختلج عرقٌ ولا عينٌ إلا بذنبٍ". ده كله غير التكاليف اللي بتتصرف على المنكرات، وخسايرها الدنيوية، ثم سؤال ربنا عنها يوم القيامة، وليه متصرفتش في مصالح الإسلام وأهله! "ألهاكم التكاثر". "وعن ماله؛ من أين اكتسبه. وفيم أنفقه". ده غير إن كل واحد شارك في منكرات الفرح؛ في ميزان سيئات العروسين. "وليحملن أثقالهم وأثقالا مع أثقالهم". "ليحملوا أوزارهم كاملة يوم القيامة ومن أوزار الذين يضلونهم بغير علم". يمكن تقول لي: وهفرح ازاي يعني! احنا اللي أكترنا بقى متبرمج، متسستم، متنمَّط، بنتصور إن مفيش سعادة في الفرح غير بطريقة معينة، مش متصورين إن السعادة ممكن تكون بطريقة تانية، وكمان السعادة الحقيقية الكلية الدايمة اللي نتايجها خير، مش السعادة بمعصية الله، الصورية الجزئية المؤقتة اللي نتايجها زفت. يا أخي ده احنا مجربناش حتى طريقة تانية غير طريقة الناس عشان نحكم عليها بالسلب، ومع إن كلمة (تجربة) متليقش في معاملة ربنا؛ لكن تنزلًا حتى. "ومن أعرض عن ذكري فإن له معيشة ضنكا". "ومن يعمل من الصالحات وهو مؤمن فلنحيينه حياة طيبة". كمان مسألتش نفسك مرة: هي الناس اللي أفراحها مكانش فيها منكرات دي؛ كانوا مستغنيين عن السعادة! ولا يا عيني مفرحوش ولا اتبسطوا فيها! الناس دي بتفرح، والفرح الحقيقي، الفرح اللي ربنا بيشاركهم فيه بنفسه، الفرح اللي الملايكة بتحوطه، الفرح اللي ربنا بيغطيه بألطافه ورحمته، الفرح اللي بيشكروا بيه ربنا شكر عملي على نعمة الجواز، في زمن مبقاش حد عارف يتجوز فيه. "أفمن كان مؤمنا كمن كان فاسقا لا يستوون" "أم حسب الذين اجترحوا السيئات أن نجعلهم كالذين آمنوا وعملوا الصاحات سواء محياهم ومماتهم ساء ما يحكمون". هقول لك إيه بس يا حبيبي! ده احنا مبنفرحش حتى زي ما احنا عايزين، حقيقي والله، كل طرق أفراح الناس منسوخة من بعضها، مش مدِّيين الفرصة لنفوسنا نعرف نفوسنا، هو احنا إيه يفرحنا بجد وازاي وامتى وفين ومع مين، كله استنساخ من كله. حتى اللبس اللي الواحد بيلبسه في الفرح مش بمزاجه، الناس بتلبس كده؛ فهو لازم يلبس زي الناس، وهي لازم تلبس زي الناس. اللي يوجع القلب إن عادي أي حد ممكن يوجهني في أي شيء في حياتي؛ أبوي وأمي، أهلي وأرحامي، زمايلي، جيراني، أساتذتي ودكاترتي، مديري في الشغل اللي ممكن اكون مش طايقه، واللي معرفوش حتى من الفنانين المجرمين، ومن لعيبة الكورة اللي ناهبين فلوسنا وسط اللي ناهبينها، ده غير اللي بيوجهونا بغير وعي مننا كمان بالتراكم المستمر في التلقي منهم. إلا ربنا سبحانه وتعالى، والرسول عليه الصلاة والسلام؛ لما حد يبلغنا آية ولا حديث؛ نجادل ونقاوح، أو نماطل ونتدلع؛ إلا من رحم الله. "وإن تطع أكثر من في الأرض يضلوك عن سبيل الله".

#في_حياة_بيوت_المسلمين. هتجوز قريب، وفرحي عادي، الستات مع الرجالة، وغنا ومزيكا، وواحد زميلي قال لي: حرام كده. ممكن تقول لي حرام ليه؟ بس بالعامية، وواحدة واحدة. حاضر يا قلب اخوك، بالعامية اهو، وواحدة واحدة، وحتى مش هشَكِّل الآيات: احنا مكناش موجودين أصلًا، ثم اتوجدنا. "وكنتم أمواتا فأحياكم". "هل أتى على الإنسان حين من الدهر لم يكن شيئا مذكورا". "أولا يذكر الإنسان أنا خلقناه من قبل ولم يك شيئا". اللي أوجدنا من العدم ربنا عز وجل، وحده لا شريك له. "الله الذي خلقكم". "هل من خالق غير الله". محال يكون ربنا خلقنا بدون حكمة، أي حد حكيم يتنزَّه عن العبث في أفعاله؛ فإيه ظني وظنك بفعل أحكم حكيم سبحانه وتعالى! وفي تصرف عظيم زي إيجاد عدد لا يُحصى من الإنس والجن، مع كون إرادتهم حرة في العبادة من عدمها كمان. "أفحسبتم أنما خلقناكم عبثا". "أيحسب الإنسان أن يترك سدى". ربنا مخلقناش غير لحكمة، والحكمة دي عبادته، وجودنا ده هو فرصة السحب العظيمة على الجنة، الخلود الأبدي في السعادة الأبدية والملذات السرمدية والرضوان الأكبر. "وما خلقت الجن والإنس إلا ليعبدون". "إلا من رحم ربك * ولذلك خلقهم". العبادة هي الذل والانقياد لله بالباطن (القلب)، والسمع والطاعة ليه في الأمر والنهي بالظاهر (اللسان والأعضاء). الإنسان روح وجسد. الجسد مخلوق من الأرض. "منها خلقناكم". الروح من أمر الله. "ويسألونك عن الروح قل الروح من أمر ربي". الجسد مخلوق من الأرض، فغذاؤه وكفايته منها؛ المأكل والمشرب والمنكح والمرقد والملبس والمسكن والمركب؛ كل ده منها. الروح مخلوقة من أمر الله، فغذاءها وكفايتها من السماء، من الوحي، الهدى والنور والشفاء. الجسد عشان يعيش لازم الأكل والشرب والنوم والصحة والزواج ونحو ده، فكل دي وسائل للعيشة، لكن العيشة نفسها ليها غاية، وغايتها العبادة. مينفعش وسائل الغاية تتحول -بجهل الإنسان وظلمه- لغاية في نفسها. يعني مينفعش الأكل والشرب والنوم والزواج وكل الوسائل دي؛ تتحول لغاية. الغاية اللي هي العبادة ربنا حدد لنا كل شيء فيها بعقائد وشرائع وآداب. العقائد والشرائع والآداب دي لازم نتعلمها، ولازم نعمل بيها. كل التزام بيها هو تحقيق للغاية من وجودنا، وكل تفريط فيها هو بُعد عن الغاية. أنا عبد لربي، ولربي بس؛ فهو اللي يحدد لي -فقط- أعمل إيه في كل شيء ومعملش إيه. لما احب اتجوز مثلًا؛ فمن أول خطوة في الزواج لآخر خطوة فيه لازم معرفة أحكام ربنا، وإيه يرضيه فيه وإيه يسخطه، هو أولى بالحرص على رضاه من حرص كل طرف من الزوجين على رضا التاني، مع إنهم لسه بيتعرفوا على بعض، وبيبدؤوا مع بعض، ويا عالم هيحصل بينهم إيه بعد كل ده! أد إيه بقى لازم يكون حرصي على رضوان ربي، وهو اللي منه ابتداء وجودي وإليه انتهاء مصيري، وكل شيء بين وجودي وفنائي بإيده وحده! كمان أنا بتجوز عشان غرض قلبي وغرض نفسي وغرض جسدي وغرض اجتماعي، وكل ده مش في إيدي ولا إيد زوجتي عشان طول الوقت منشوفش غير بعض في الحصول عليه، ده أصلًا كله بإيد ربنا وحده، واحنا مجرد أسباب بشرية لتحقيقه، يا صابت الأسباب يا خابت. هل معقول أتوصَّل للي عند ربنا من الخير اللي انا محتاجه جدًّا وفقير إليه جدًّا؛ بإغضابه وبمعاصيه! بقى منطقيًّا متصوَّر إني أستجدي خير بحبه من حد بالشر اللي بيكرهه مني! الأغاني والاختلاط والمنكرات -اللي ميختلفش عليها اتنين من المؤمنين اللي عارفين يعني إيه قرآن ويعني إيه سنة- أبدأ بيها حياتي اللي انا مش طالب فيها من ربنا غير السعادة! "أفمن أسس بنيانه على تقوى من الله ورضوان خير أمن أسس بنيانه على شفا جرف هار". ولَّا انا مستغني عن حقيقة الزواج، وعايز بتكاليفه الرهيبة دي الصورة بس! هو انا عريس اللقطة زي البعيد ما هو رئيس اللقطة! اسمح لي بسطر واحد بالفصحى، ومش فصحى أوي يعني: معالمُ النهاية من مَشارف البداية، ومن صحَّت بدايته سَلمت نهايته. بنرجع بعد كده لما تحصل مشاكل في الحياة الزوجية -ربنا يعافينا ويسلمنا- نقول إيه أسبابها! كإن ربنا ما عرَّفناش من البداية في كتابه والرسول -عليه الصلاة والسلام- في سنته؛ بكل طريق وبيوصَّل لإيه! "كما لا يُجتنى من الشوك العنب؛ كذلك لا ينزل الفجار منازل الأبرار، هما طريقان، فأيَّ طريقٍ سلكتم وردتم على أهله". طيب ما البداية كانت فيها معاصي لله، وكنا عارفين، ومحدش بفطرته وعقله -قبل إسلامه- كان جاهل بحرمة المنكرات دي كلها. "بل الإنسان على نفسه بصيرة * ولو ألقى معاذيره". تبريراتنا اختياراتنا المنهي عنها في جوازاتنا بالواقع وبالناس؛ مش هينفعنا في مصايبنا اللي هنواجهها في الحياة الزوجية بعد كده لوحدنا، ولا الناس بتنفع في مصايب الدنيا على وش الأرض؛ فضلًا عن مصايب القبور تحت الأرض، ولَّا مصايب القيامة يوم العرض.

👆👆 أكاديمية يقوم عليها إخوة ثقات فضلاء فيما نحسبهم، مدرسة معتمدة متكاملة من الصف الأول وحتى الثاني عشر، ومساقات مستقلة د. إياد قنيبي

🎉 باب التسجيل مفتوح الآن للعام الدراسي 2027/2026 في مدرسة الصفوة: - إسلامية - معتمدة عالميا - من الصف الأول حتى الثاني عشر لا تفوتوا فرصة انضمام أبنائكم إلى بيئة تعليمية متميزة تجمع بين الجودة الأكاديمية والقيم الإسلامية، ضمن صفوف تفاعلية مباشرة بإشراف نخبة من المعلمين والمعلمات ومن أي مكان في العالم. ✨ ندعوكم لزيارة موقعنا الإلكتروني الجديد www.safwa.academy للتعرف على برامجنا التعليمية المتميزة. كما يمكنكم حجز لقاء تعريفي مباشر مع فريقنا للإجابة عن جميع استفساراتكم. نسعد باستقبالكم والتواصل معكم!

‏"الحِكمة في جعِل المُحرَّم أول السنة أن يحصل الابتداء بشهر حرام ويُختَم بشهر حرام، وتتوسط السنة بشهر حرام وهو رجب، وإنما توالى شهران في الآخر لإرادة تفضيل الختام، والأعمال بالخواتيم". -الحافظ ابن حجر | فتح الباري.

مع بداية عام هجري جديد ١٤٤٨هـ.. ماذا لو جعلته عام القرآن! عهد جديد مع كتاب الله.. بأن تجعل لك أهدافًا في بداية عامك مع القرآن، كتاب الله الذي فيه هدايتك وصلاحك وسعادتك وفلاحك في الدنيا والآخرة! فتضع لك هدفًا لتكثير ختمات التلاوة، مثلًا سأختم ٣ مرات كل شهر هجري (٣ أجزاء يوميًا) أو ٤ ختمات (ختمة أسبوعية) ولا تعجز عن ختمة شهرية (جزء يوميًا)! وتضع هدفًا آخر للحفظ فتنوي حفظ ثلث القرآن أو أكثر حسب همتك واستطاعتك! وهدفًا آخر للمراجعة وتثبيت حفظك وإتقانه، والهدف الأعظم أن تفهم القرآن وتتدبره وتستهدي به وتعمل به ويكون خُلقك القرآن فتضع لك خطة لقراءة كتاب من كتب التفسير مع تدبر الآيات واستخراج الفوائد واللطائف والعمل بها. هذه كلها أهداف عظيمة وليست صعبة التحقيق مع تجديد النية والإخلاص وصدق العزم والاستعانة بالله. واعلم أن نيتك الصادقة تُؤجر عليها (من همَّ بحسنة...) وأن الله عز وجل إن علم من قلبك صدقًا وإخلاصك وفقك وأعانك. وقد أوصى الإمام أحمد ابنه وصية عظيمة فقال: "يا بني انوِ الخير فإنك لا تزال بخير ما نويت الخير". وللتذكير باقي على رمضان ثمانية أشهر.... فاجعل هذه الأشهر مع القرآن استعدادًا لشهر القرآن. يمكنك بعون الله وتوفيقه (إن كنت حافظًا من قبل) مراجعة القرآن وتثبيت حفظه مع قراءة تفسيره لفهم معانيه وتدبره خلال هذه الأشهر الثمانية (بمعدل ربع واحد يوميًا تكرره وتقرأ تفسيره وتصلي به) فيأتي رمضان وقد ختمت المصحف كاملًا مراجعة حفظه وتثبيته مع فهم معانيه!. وإن كنت مازلت في بداية طريقك مع القرآن فاحفظ جزء كل شهر (بمعدل خمسة أوجه في الأسبوع مع يومين للمراجعة والتثبيت)، مع قراءة التفسير وتدبر المعاني. وهذا والله خير وأجور عظيمة، فلا قليل مع القرآن.. لو آية واحدة حفظتها في اليوم مع فهم معناها وتدبرها والعمل بها فأنت على خير عظيم. يكفى أن تسعى ولو بالقليل والله يرى سعيك.. المهم أن تعقد النية بعزم وإخلاص، وتستعن بالله وتسأله الهداية والتوفيق ثم تبدأ! والقرآن أحق ماتهب له وقتك وتخطط من أجله وتسعى للعيش به ومعه! اللهم انفعنا بالقرآن وارفعنا بالقرآن واجعله لنا نورًا وهدى ورحمة. -حـنان فـؤاد. https://t.me/HananFoad

التأريخ الهجري هُويّة..

مورد.. حيث يلتقي العلم بالتيسير

بوابة الأمراض النفسية (الوسواس القهري - اضطرابات القلق - الاكتئاب) وعلاقتها بالجهل | عبدالرحمن ذاكر - لمشاهدة المقطع على اليوتيوب - المقطع من مجالس فقه النفس 012 | اقرأ 06 | آثار الحس والمدخلات والجهل وعلاقته بالصحة النفسية - لمتابعة مجالس فقه النفس 🖇 حسابات أرشيف فقه النفس

من خير ما يتعاهد بالقراءة والسماع. قراءة لكتاب الشمائل المحمدية لأبي عيسى الترمذي. ( 3:02 ساعة ) بدون تسريع ( 1:30 ساعة ) مع التسريع https://youtu.be/bO1xu4Z9wZw?si=CRv2qeN9ndnYI2yi قراءة أخرى لكتاب الشمائل المحمدية لأبي عيسى الترمذي. ( 2:42 ساعة ) بدون تسريع https://youtu.be/CzjQ6irk__o?si=EPp8icxX0JB2RXwu اللهم صل وسلم على نبينا محمد اللهم صل وسلم على نبينا محمد

🌸 بنتك بتكبر... لكن هل هي فعلًا فاهمة نفسها؟ في زمن مليء بالتحديات، صممنا دورة "السيدة مريم" لتكون رحلة إيمانية وتربوية تساعد الفتاة على فهم نفسها، وحفظ قلبها، وبناء علاقتها بالله. 💗 الأنوثة والحياء والعفة 💗 فهم المشاعر والوعي النفسي 💗 الحماية من ضغوط ومغريات العصر 💗 الصحة النفسية والجسدية 💗 الأدب مع الله والدعاء واليقين 👩‍🏫 تقديم: أ. رودينه رجب 🌷 للفتيات في مرحلة المراهقة 📲 للتسجيل عبر الواتساب: http://wa.me/201009202265 *"لتفهم نفسها... وتحفظ قلبها... وتقترب من ربها."* 🌸

اليوم الثلاثاء أول أيام شهر المحرم . قالﷺ:(وَأَفْضَلُ الصِّيَامِ بَعْدَ شَهْرِ رَمَضَانَ صِيَامُ شَهْرِ اللهِ المُحَرَّمِ)مسلم .  والمراد أكثره، وأضافه تعالى إلى نفسه، وإضافته إلى الله تدل على شرفه وفضله؛ فإن الله تعالى لا يضيف إليه إلا خواص مخلوقاته وأشرفها وأعظمها .

📣📚 أو ألقىٰ السَّمع. 🌿 قناة تحوي بيئة تشجيعية لحضور مجالس العلم المباشرة سوية وتدوين الفوائد، وهي للنساء فقط. كما سنبدأ حاليا خطة معايشة لبعض أسماء الله على مدار العام؛ لعلنا نتعرف على ربنا جل في علاه. 🔗 رابط الانضمام (للنساء فقط، والله هو الرقيب جل جلاله) https://t.me/+GU7eFCKO9JY5MjE0

مع اقتراب بداية العام الهجري؛ تأمّلتُ دفاتري القديمة، فوجدتُ فيها خططًا كُتبت في بواكير العمر، بعضها يتجاوز عهدي به العشرين عامًا، تحمل من الطموح والأمل ما لم يتحقق في حينه. والعجيب أن تلك الأحلام المؤجَّلة قد وجدت طريقها إلى الوجود، ببطء وصمت، حين تكرّر الاهتمام بها وتجدّد. حتى المشاريع التي لم تكتمل، كان في الجزء الذي تحقق منها خيرٌ كثير. يعلمني هذا كلّه أن التخطيط في أوائل المراحل أكبر من مجرد تحديد مهام وترتيب خطوات، بل هو في حقيقته: زراعةٌ لهمٍّ شريف في القلب، وتصفيةٌ للنية، وضبطٌ للبوصلة، وترتيب للأولويات، وتوجيه للهمة، ومحاسبةٌ للنفس على قصورها، ومقاصدُ أعمق مما يظنّ كثيرون.

ذكرى الهجرة النبوية على صاحبها الصلاة والسلام.. المشهد العظيم الذي فيه غالٍ عندنا أثر الأقدام على الرمال، بل ربما خف الناقة حتى جُعلت فداء الأخفاف تلك كلها... ليلة وأيام تجلت فيها أعظم المعاني كلها.. لقد خرج نبينا صلى الله عليه وسلم من بين أظهر الكفار حاملي السيوف عليه بآية يتلوها بأمر الله تعالى بات عليٌ رضي الله عنه في فراش نبيه صلى الله عليه وسلم بصدقٍ حمله أن يرى روحه رخيصة في سبيل الله صحب أبو بكر رضي الله عنه نبيه صلى الله عليه وسلم والمخاطر تحفهما صديقًا بوعد الله عاد سراقة بن مالك رضي الله عنه من غير أذىً لأنه رأى من آيات الله تعالى، وصدق وعد النبي صلى الله عليه وسلم بأبي وأمي أنت في رمال الصحراء، ولدغات العقارب، والفرار من طالبي الدم، والذهاب إلى بلد فيه عصبة مؤمنة لم تبلغه بعد كان عندك يقين بأن الله سيفتح لك، ويؤتي هذه الأمة ملكًا ووعدت سراقة صدق سراقة وهو كافر، وامتثل فما بال المؤمن بك المحب لك فينا كل مرة يكذب تصديقه بالتقصير والذنب نسأل الله أن يوزعنا عملاً صالحًا يتقبله برحمته، ويحشرنا معك برحمته، ويلحقنا بك برحمته إنه ولي ذلك والقادر عليه العالم بما زرع من حبك فينا بأبي وأمي ونفسي أنت! - أمي مريم.

"وَأَفْضَلُ الَأشْهُرِ شَهْرُ اللهِ الذي تَدْعُونَهُ المُحَرَّم" سنة هجرِية جدِيدة تبدأ أولها شهرٌ حُرُم لهُ خصوصية وفضل فأكثروا من الطَّاعات وابتعِدوا عن المُحرَّمات ولا تظلِموا أنفُسَكُم.

غدًا إن شاء الله تعالى ووفق ندخل عامًا هجريًا جديدا ذكرى هجرة نبينا الكريم بأبي وأمي هو صلى الله عليه وسلم ليس هناك أي أمر شرعي منوط بهذا إلا أن تتذكر أنك كمسلم مرتبط بهذا التقويم في عدِّ أيامك التي انقضت بذنوبها وتقصيرها وإن مت ستقابل الله بها والتخطيط بأمر الله تعالى لأيامك التي ستأتي بكونك عبد يحسن الظن بالله أن يمد في عمره للصالحات حتى لا يهلك اجعل اليوم وداع التقصير والغفلة، وابدأ عهدًا جديدًا، وخطة جديدة مع العام الجديد تعوض فيها كل ما فاتك من طاعة الله تعالى، وتمسح بأمر الله تعالى فيها كل ما علقك من أدران وذنوب، وتخرج بأمر الله تعالى فيها من الحفرة لمعالي المراتب في الدنيا والآخرة تعلم أن تؤدي حقك كَـ: عبد، تابع للنبي صلى الله عليه وسلم، فرد من أمة الإسلام أعاده الله علينا وعليكم بالخير واليمن والبركات وقرارة العين وتحقيق الأمنيات، واجتماعنا منصورين في الأقصى ملء الساحات! - أمي مريم.