KAMINAYI KAMTARIN

​​Эр-хотин Маҳдига эркалик қилиб, сал мазамиз бўлмай қолди ўз-ўзидан Касалхонадан берган рўйхатни олиб дорихонага бордим. Аввал эътибор бермаган эканман, дорихонада ўтирган эр-хотинлар ўз йўналиши бўйича 2-3 та ўқишни битириб, қанақадир танлов-фестивалларда ғолиб бўлган экан, эгаллаган совринлари учун эса махсус бурчак қилиб қўйишибди ва бу анчагина кўримли эди. Мед коллежни зўрға битирганидан сўнг отаси аптека очиб бермаган экан-да буларга, ҳақиқатан севаркан соҳасини, дейман ўзимча! :) Бугун эса дорихоначилар хотира истироҳат боғига кўзим тушди. Ниммма? Оооддий аптекачилар хотираси учун истироҳат боғи? Ҳа, бу коронавирус қурбони бўлган дорихоначиларнинг хотирасига бунёд этилибди, монументда эса қурбон дорихоначиларларнинг исмлари чекилган. Қойил! Эслайман, Тошкентда акам коронавирус базасида ишлаганди ўша синовли пайтларда, Украинада ўқиб келиб, Самарқандда ҳам университетларни битириб, 10-15 йил умрини сарфлаган шу соҳага. Тажрибали докторлиги учун жуда катта ойлик ваъда қилишганди... Борди, ишлади, пандемия қайтаётганда эса ўзигаям вирус юқтирди, базада ётди, ука, оиламдан ҳеч ким хабар олмабди, кўнгил учун ҳокимият, ҳеч бўлмаса маҳалладанам сўраб келишмаган, деб сиқилганди ўшанда. Ойликларини эса ололмасдан, ким қаерларга мурожаат қилиб, Амирхон Умаров шоуларига чиқиб, роса сарсон бўлишганди... Аптекачиларни қўя туринг, коронавирусдан қурбон бўлган дўхтирлар хотирасига нимадир борми бизда, шахсан мен эслолмадим. Дорихоначилар қурбон бўлганмиди ўзи бизда, бу ҳақда маълумот ҳам бўлмаса керак, чунки мен ҳеч эшитмаган эканман. Лекин турклар... респект! Дорихоначиларнинг обрўси шунча бўлгандан кейин шифокорларнинг ҳурмат-эътибори ҳам анча юқори, менимча. Инсон қадри дегани шу бўлса керак, чамамда... @Ijoddardi

​​#тонгдаликлар Замира опа билан ижтимоий тармоқда гаплашиб турардик, тушунмаган нарсамизни сўраганмиз, маслаҳатлашганмиз, лекин ҳаётда учрашишга ҳеч вақт ва имкон бўлмаётганди. 2-3 кун олдин эҳсоним бор сизга, кўриша оламизми деб қолдилар. Ўйлаб ўтирмасдан ҳа дедим, эҳсон баҳонасида опа билан учрашаман деган холис ният билан, албатта. Бугун тонгда эса опанинг ишхонасига бордим. Туркия алоқа вазирлиги, жуда маҳобатли, осмонўпар бино, одам гавжум. Бир муддат ён-атрофни ўргандим, тўғри келдимми ўзи деб иккиландим. Кейин опага телефон қилиб, етиб келганимни билдирдим. Кўп ўтмасдан турк ва бошқа миллат юз тузилишлари ичида нурли, содда, самимий ўзбек аёлининг чеҳраси кўриндику! Биттада танидим, қўлларида катта, оғиргина селлофан пакет, вазирликдан югургилаб чиқиб келарди. Бир муддат гаплашдик, эҳсонларини олдим, Аллоҳ рози бўлсин, даргоҳида қабул қилсин илоҳим, Ўзи ортиғи билан мукофотласин ва бизни ҳам шундай даражага, мартабаларга етиштирсин! Ҳавасми, эҳҳеее, ҳавас қилмай бўладими! Шундай ватандошларимиз борлигидан фахрланиб қайтдим ўзимча. А так, энди каминанинг Туркия алоқа вазирлигида “таниши” бор😎😁 P.s. Опа, каттакон раҳмат! Бошимиз кўкка етди, уйга оилавий келасиз ҳали жиянларни олиб, алоҳида гурунг қиламиз! @Ijoddardi

#масаланда Агар ҳозирги ишимни Ўзбекистонда қилганимда, телефоним йиғиб олинарди, ҳафтада умуман дам олмасдим, ойлигим ҳам ҳозиргидай бўлмасди ва ҳоказо. Жияним Дипломатияда ўқияпти, 1-курсни битирди, Тошкентда ишлайман деганди. Укалар ёрдами билан ресторандан иш топдик, қарасам, аҳвол шунақа. Бошқа жойларни суриштирсам, барида вазият бир хил. Бунақа жойда қандай ишлаяпсизлар?! Ситора ҳозир Tömer ўқияпти, яъни ўқишда қийналмаслик учун турк тилини ўрганяпти яхшилаб. Магистратура октябрдан бошланади. Маҳди туғилиши билан дарслардан озод этилди, ўқишга чиқмасада мана 3 ойдан бери стипендияси муаммосиз тушади, устозлари ҳол-аҳвол сўраб ёзиб туришади. Кеча академик туркча дарслари бошланди, ўқишга борайми деса истасанг қол, бола билан қийналма деяпти устозлари. Ўзлари раҳбарият билан гаплашишга ҳам тайёр ҳаттоки! Агар Маҳди Ўзбекистонда туғилганидами... онаси раддомдан чиқиб тўғри университетга борарди сессия учун. Ёки курсдан қолдирилиб, қайта ўқиган бўлармиди😁 Ғалатией бизда кўп нарса... @Ijoddardi

#sayohat_2024 Iyaaa manag'da kanalimiz borakan😃 Sal qolsa, esimizdan chiqaribmiz. Assalomu aleykum, Biziston oilasi. Biz yaxshimiz, kunlarimizni mazmunli o'tkazishga harakat qilyapmiz. Qarib, chol-kampir bo'lganimizda nevaralar yonimizga kelib, hayotimiz haqida so'rashsa, aytib berishga arzigulik hikoyalar yashayapmiz. 3 kunlik dam olishdan so'ng yozmay qo'yibmiz. Aytganimdek, mehmonjonlarimiz kelishgandi. Ular bilan vaqt o'tkazdik. O'rmonga bordik. Umrimda birinchi marta o'rmon ko'rdim mengina. Keeeng, daraxtlari ko'ppala joy. O'pkamizni to'ldirib nafas olib, kislorod yutib qaytdik. Bayram kunlari bo'lgani uchun odam juda ko'p edi. Bu orada turmush o'rtoqlarimiz o'zbek shashlik va mangalda köfte qiberishdi. Biz yeberdik. Bilasilarmi, bu juda katta ish. Masalan, mashhur, qo'li gul oshpazlarning xo'randasi bo'lmasa ham qiyin. Biz esa turmush o'rtoqlarimizning yakkayu-yagona xo'randalarimiz😌 Yaxshiyam bormizee. P/s Rasmda eng ko'p yeyilgan shashlik meniki😹 @biziston

Sevgini izlang... Soat 11 da ishdan uyga qaytaman, 12 soatlik ishdan keyin hech narsa yoqmaydi. Tiq etgan tovush ham miyangni egovlaydi. Lekin ertasidan umid qilib boshlagan xayrli ishingni qilishga hech qanday charchoq to‘sqinlik qila olmaydi... Kecha ishdan keyin bir akamizga xonim olib borib berdim, yarim kechasi 12 da ko‘rishdik, pulini oshiqchasi bilan to‘lab, duo qilib qo‘ydilar, Alloh rozi bo‘lsin! Muhimi to‘xtab qolmaslik, insof bilan biror xayrli ishga qo‘l urib, insonlarga manfaat bera olsang bas, ularning o‘zi seni qo‘llab-quvvatlab, yelkadosh turisharkan, duo qilisharkan... Alhamdulillah, eplay olyapmiz, er-xotin birgalikda bu ishni ham uddalayapmiz, albatta, Allohning izni va sizlarning yordamingiz bilan! Rejalar katta, yangiliklar oldinda, hammasiga sizlar bilan birga erishamiz, bizdan uzoqlashmang😊 @uzbek_sofrasi - siz sog‘ingan Vatan ta’mlari!

​​#англам Токи тирик экансан, ҳаёт яшашга, курашишга арзийди! P.s. Гаплар, постлар йиғилиб қолган, ҳайитда оилавий 3 кунлик саёҳатга кетдик, чиройли расмлар, видеолар олганмиз. Бир бошидан айтиб бераман, узоқлашманг! :) @Ijoddardi

Ваниҳоят қайтдим! Телеграмим аллақачон тармоқдан ўчиб кетган ўзбек рақамимга очилганди, 10 кунлар олдин тўсатдан спам бўлгансан деб янги контактларга хабар ёзолмай қолдим. Кейин тўсатдан телеграм “отворди”. Қайта очаман десам, ноутбукда очилган аккоунт, бошқа телефонга очилган аккоунтлар ҳам йўқ, барча девайслардан чиқариб ташлабди. Телеграмим очилган рақам эса тармоқда мавжуд эмас... Ўзбекистонда жиянимни компанияга жўнатиб, рақамимни номингга сотиб ол десам, у номер сотувга чиқмаган, агар буюртма берсанг, 10 иш кунида тайёр бўлади, дейишибди. “Заказ” қилдик, кутдик, ниҳоят рақамим тикланди ва телеграмимни очволдим. Унгача қанча танишлар ёзган ҳар хил масалада, кимлардир хафа бўлиб, ўқиб жавоб бермайдиган кибргаям чиқаришибди орада. Аёлимнинг телеграмини ўзимга улаб, менинг чатимда гаплашганимку зўр “идея” бўлди, турк рақамим йўқ эди-да, иккимиз умумий 194 та хабар алмашибмиз 10 кун ичида :) Кўп нарсам телеграмда, унга жуда боғланиб қолган эканман. Энди дафтарга ёзишни бошлайманов... @Ijoddardi

Xonim uchun olgan ilk buyurtmamizni ko‘nglimizdagidek topshirdik! Turkiya o‘tloqlarida javlon urib katta bo‘lgan ho‘kizchaning go‘shti va turk dehqonlarining mehnat mahsuli bo‘lmish kartoshka qo‘shilgan bir qasqon xonim, yonida bepul “ikram”larimiz! Uyda pishirilgan xonimni sog‘inganlar uchun ayni muddao! Endi xonim yeyish uchun O‘zbekistonga borish shart emas, uning o‘zi Ankaraga keldi!

• Bir qasqon xonim - 300 lira!

• İkramlarimiz: 🥫 Qo‘lda tayyorlangan pomidor sous; 🥤 uyda pishirilgan chanqoqbosdi mevali kompot; 🥛 qatiq; 🥟 non; 🧈 saryog‘. • Bular mutlaqo tekin, buyurtmangizga qo‘shib beramiz! 📥 Oldindan buyurtma: @sitora_qarshiyeva 👉 Menyumiz Ⓜ️ Manzil: “Akko‘pro‘” metro bekati. 📍 Mo‘ljal: “Ankamall” savdo markazi. ❗️Uyda pishiramiz, restoran yo‘q! @uzbek_sofrasi - siz sog‘ingan Vatan ta’mlari!

#Хаёлимдаликлар Айтганимдек, шаҳзода ва маликалар ҳақидаги эртаклар қизиқ эмас, Маҳди аясидан фақат ўзимизнинг умр йўлимизни, яшадикларимиз ва ҳаётий ҳикояларимизни эшитиб, ўз кўзи билан кўриб катта бўлади! 12 соат ишнинг 10 соатини ўйнаб-кулиб ўтказаману, охирги 1-2 соатнинг ўтиши азоб беради одамга. Кун давомида ёғ ва балиқ ичак-човоқларига ботган ошхонани, газ ўчоқларини чиннидек қилиб, ерларни кўпикли сув билан ювиш менинг зиммамда. Бир томондан уйга шошиламан, Маҳдининг меҳри тортади, Ситоранинг овқатланмасдан дастурхон тузаб ўтиргани хаёлимдан ўтади, оғироёқ вақт эса... Улар билан ҳаёт гўзал, яшаш мароқли, мазмунли. Ҳар қандай қийинчилик “чепуха”, асосийси, оиланг бахтиёр, асосийси, оиланг ёнингда... Хуллас, бизнинг ҳаёт китобимиз шундай ёзилмоқда: гоҳ кулгили, қувончли, гоҳо ғамгин, аянчли, “зато” чиройли ва меҳр-муҳаббатли. Муҳими, афсусланмаймиз. Алҳамдулиллаҳ... @Ijoddardi

#Хаёлимдаликлар Айтганимдек, шаҳзода ва маликалар ҳақидаги эртаклар қизиқ эмас, Маҳди аясидан фақат ўзимизнинг умр йўлимизни, яшадикларимиз ва ҳаётий ҳикояларимизни эшитиб, ўз кўзи билан кўриб катта бўлади! 12 соат ишнинг 10 соатини ўйнаб-кулиб ўтказаману, охирги 1-2 соатнинг ўтиши азоб беради одамга. Кун давомида ёғ ва балиқ ичак-човоқларига ботган ошхонани, газ ўчоқларини чиннидек қилиб, ерларни кўпикли сув билан ювиш менинг зиммамда. Бир томондан уйга шошиламан, Маҳдининг меҳри тортади, Ситоранинг овқатланмасдан дастурхон тузаб ўтиргани хаёлимдан ўтади, оғироёқ вақт эса... Улар билан ҳаёт гўзал, яшаш мароқли, мазмунли. Ҳар қандай қийинчилик “чепуха”, асосийси, оиланг бахтиёр, асосийси, оиланг ёнингда... Хуллас, бизнинг ҳаёт китобимиз шундай ёзилмоқда: гоҳ кулгили, қувончли, гоҳо ғамгин, аянчли, “зато” чиройли ва меҳр-муҳаббатли. Муҳими, афсусланмаймиз. Алҳамдулиллаҳ... @Ijoddardi