ФЕРУЗШОҲ

Укам, тузуккина шоир, туғилган кунинг муборак бўлсин! *** Нигоҳ дард ахтарур давоси – висол, Яшамоқ кулгидир , эътиқод – кўзёш. Инсон тамакидан топмагай завол, Пинҳондир руҳ узра не чизмиш наққош. Фасллар талотум кезинар жонда, Бир нафас – саратон, бир нафас – аёз. Шавқ тулпорин миниб тоғ узра тонгда, Қуёш сиёҳи-ла битурсан баёз. Вақтга айланасан шу зайл бедор, Мудроқ ғунчаларнинг уйқусин бузиб – Уйғоқлик оромин тутасан саффор Қуйиб уфқ қони-ла тўйинган сўзинг. Сўнг далли тўрвангни тўлдириб ишққа, Кетурсан аталган маснадинг излаб. Ахир шоир бўлмоқ не керак бошқа, Осмондан нарисин кўрмаса кўзлар. 2024 Ўлмас РАИМҚУЛОВ

ҲОЛАТ Мендан нима истайсан, тақдир Кунларимни бунчалар чўздинг? Ақлим тобе, фақат дил ҳақ(–) дир(л), Йўқотмоғим тайиндир ўзни. Бир ҳақиқат – борлиги малол, Бир ҳақиқат – хавотир этар. Танлаганим шу йўл, эҳтимол, У дунёга туташиб кетар. Бир ҳақиқат – мазмуним ўша, Бир ҳақиқат – "бегонадир" у. Бир ҳақиқат – ягонадир у. Армонлар – мен узанган тўшак… Юрак ортиқчадир кўксимга – Қайтадан кашф этар рўёни. Ярим кўнглим бирла ўксинган Нима қилай ярим дунёни?! Тақдир, мендан истаганинг не… "Мумкин эмас", ҳозироқ "мумкин". Тақдир, менга жавобингни де, Яна қанча чидамоқ мумкин. Кунларимни бунчалар чўздинг? Тунларимни бунчалар чўздинг? Тақдир! Зоир АЛИМ

Аввалимда қилинган машқлар: *** Баҳор эрта келди, Ариқларга келди сурайё сувлар. Баҳор эрта келди – Етим бўривачча сингари увлаб. Баҳор эрта келди, Совуқлик қўнжимдан чиқмас ташқари. Баҳор эрта келди – Совуқ қўнжлар келдилар қарийб. Баҳор эрта келди Озғимга тушмаган қизил олмадек. Баҳор эрта келди, Ҳамма келди ва Сен бир бор келмадинг... *** Тоғ садоси... Тоғлар... акс-садо... Осмон бағри нечук қон рангда? Бу Тангридан берилмиш жазо – Ханжар кўкни яралар жангда. Термулингиз хаёлчан кўкка, Қон – шаробдан тўлиб борар жом. Ё Раб! Кундуз ҳаёти тўхтаб, Қуйилади ер узра оқшом. *** Тонг уйғонар, Шабнам титрар умрни ғамлаб. Тонг уйғонар Ухлагани каби осий одамлар. Тонг уйғонар Кўзимга киргани каби тирноғинг. Тонг уйғонар, Болишимда бир мудроқ – ёғий. Тонг уйғонар Ер сочига тароғин қадаб. Тонг уйғонар – Қуёш тонгни келар орқалаб... 2016-2017 – йиллар оралиғида ФЕРУЗШОҲ

*** Етарли, ёшариб қолмадим, аттанг, Кўзимга ёш келиб, оғриқ туймадим. Наҳот юзларимга солмас энди чанг Шеърсираб туғёнда туғилган одам… Бошни-ку ҳансираб, елкага олмоқ, Қўлни-ку ўпмоқлик зиғирча юмуш. Наҳот йўлларимга турли хил қармоқ Ташлаб пайт пойлайди турли хил Кумуш. Йўлни-ку айланиб ўтмоқлик бор гап, Гапдан-ку қочмоқлик қоннинг тақлиди. Эркак кийимини илмасдан дорга Дорга тортилмоққа Ширин ҳақлими? Ёҳуд Ҳиродия қайнатган қозон Шу қадар кенгмиди, таоми тотли. Биз ҳам чақирармиз беш маҳал азон Чиққан капагига тиқиб ҳаётни. Нечун қайнамайди чойнакда йиғи, Нечун йўлимизни тўсолмайди бахт? Нечун илдизини тупроққа экиб, Авратини кўз-кўз қилмайди дарахт?! Нечун ечилмоқда елкалардан шаън, Нечун ғажилмоқда тил эмас сийна? Нечун солиқ солар севганинг – ватан… Наҳот, таранг ёнбош ҳақиқий қиймат… Оқим шу… Ҳозир ҳам пишар баъзида (Давр туйнугидан шунчаки ошиб,) Турли хил қозонда турли хил вақтда Турли хотинпарвар эрларнинг боши…* 2024

Ёшуанинг калласини пишириб, тановул қилган аёлга ишора.

ФЕРУЗШОҲ

Iste’dodli qizlar uchun ta’lim granti She’r yoki hikoya yozadigan talaba qizlarning ijodiy ishlarini ko’rib, ularning moddiy imkoniyatlarini hisobga olgan holda, boshlanishiga 2 ta qizni tanlab olib, ularning 1 yillik shartnoma to’lovini to’lab bermoqchiman. 1-iyuldan 1-ivgustgacha @Mehrnozbot manziliga arizangizni yuborishingiz mumkin. Tanlab olingan 2 ta talaba qizdan tashqari boshqa iqtidorli opa-singillarimiz bilan ijodiy hamkorlik qilish, shu sohada rivojlanishlari uchun ko’mak berishni ham xolis niyat qilyapmiz. Postni imkon qadar ijodiy kanallarda ulashing, iste’dodli qizlarni topishimiz uchun bu muhim. @mehrnoz_abbos

*** Бир эски мозор бор, Жуда ҳам эски… Йўқлаб келадиган кишиси йўқлигидан Бурган босган теварагини. Тикан босган йўлакларини, Топилади биргина аёқ изи. Демак, кимдир келган йўқлаб, Дуо қилган, фотиҳа тортган. Демак, пайғамбаримизга атаган оятлар савобини, Гуноҳларининг каффоратини сўраган, Сўроғига енгиллик, Руҳига ором ва кенглик тилаган. Яхшики, шу аёқ изларини кўрдим. Яхшики, ҳаётим қайтди изига Яккаликнинг ўнқир-чўнқирларидан. Ҳа, балки менинг мозорим ҳам қолганда қаровсиз, Тикан, бурган босган маҳали, Йўқлаб келадиган аёқ изи сен бўласан, Мозорни топтаган аёқнинг изи… 2024 ФЕРУЗШОҲ

БУЛУТЛАР Бўлди қилинг! Сукут сақламанг! Оғзингизни тўлдирманг этга. Осмон мовий, Уни оқламанг. Тфу! Оқлар кўпайиб кетган. Сўзимни тинч қўйинг, Етарли, Сукутимни қўзғатманг, етар. Чўнтаккинам Ҳикоя – дардли, Сиз – белимга боғланган этак. Пахта каби... Падарингизнинг Чигитига қилмасман тақлид. Нечун кўк кўк, Нечун бетизгин, Нечун Инсон ўлимга ҳакли?! Эски Йўлингиздан етаклаб, Янгиликларни ҳеч ёқламай... Белимга боғланган этаклар, Бўлди қилинг! Сукут сақламанг! 2023 ФЕРУЗШОҲ

*** Кўкрагим сенсан, фаромуш Бўлмаган бет, асли, дин, Тумшуғим кўрмасми ҳеч мушт, Терс юриб кетмасмидим... Тош олиб келгай бошимга Жигарим муслим – удум. Ёш экан киприкка инган, Йиғламай, нетмасмидим... Суратим мисли сариқ – тул, Тул, магар, дор наслидин. Бўлмасанг, шайтон, эй кўнгил, Ёрни ёр этмасмидим... Ҳужжатим бўлғай битим гар, Ҳақ ила йўл, асли, дил. Гўр экан, ул ниятимга Бир ўлиб етмасмидим... 2023 ФЕРУЗШОҲ

Дунёси бўғзимга етганида… Кибрланиб кетмаслик, нафсимни унутиш учун ва… момогинам билан суҳбатлашиш учун қабристонга бораман, одатда. Бугун ғалати бир туйғу қалбимни қамради, руҳимни чўчитди. Келиб, таҳорат олиб, мозор томон юрар эканман, масжиднинг ёнверига устма-уст қилиб қўйилган тобутларга кўзим тушди. Ўйлаб, уялдим. Ахир, мен бу тоғкелбатим, бақувват, кенг елкаларим ва дароз бўйим, ортиқча вазним билан бу тобутларнинг ҳеч бирига сиғмайман-ку! Бошимни қўйса аёғим, аёғимни қўйса, бошим тобут чегарасини бузиши тайин… Тасаввур қилиб кўрдим, этим увушмади, жимирламади. Юзимга ожизона уят сояси инди… ФЕРУЗШОҲ

📹 Александр Градский - Жил был я 1986