KAMINAYI KAMTARIN

Mahdi atigi 4 oylik, halittan uyga kargolari kelib boshlagan😁 Bu kitobni ijtimoiy taqmoqlarda ko‘rib qolib, rosa qiziqqandik. Kanalga ham ma’lumotini chiqardik, keyin esa o‘zimiz uchun buyurtma bergandik, yetib kelibdi. Bolajonlarning dunyoni tanishi, fikrlashining rivojlanishi uchun zo‘r ishlab chiqilgan, hozir o‘zimiz o‘qiyapmiz, maza kitob juda ham, sal katta bo‘lsin, Mahdigayam o‘qib beramiz hali. Turkiyada kichkintoylar uchun kitoblar juda ko‘p, ularning eng yaxshilarini topib, sizlarga ham batafsil ma’lumot beramiz, Xudo xohlasa. Bizdan uzoqlashmang! @bookexpress_uz - ko‘p o‘qing, oz to‘lang! 📚🛫

Aloo Bexoroo!🗣📣 Hech kim eshitmadim deb o'pkalamasin! ❗️Turk tilidan A1 daraja guruhlariga qabul ochildi!!!! Haftaning juft (Seshanba, Payshanba, Shanba) kunlari soat 18:00-20:00'da boʻlib oʻtadi. Birinchi probniy darsimiz esa 20-iyul (Shanba) kuni soat 18:00'da boshlanadi. ✅Transportda tiqilinchda yurish yo'q, Ortiqcha vaqt ketkazish yo'q, Sizga jonajon telefoningiz, internet, zoom platformasi va ishtiyoq kerak, xolos. 🌟 Uyi-buyidi, palon-piston deb, ko'p o'ylab o'tirishga ham vaqt qolmadi. Yozning 2-oyi ham yarmiga keldi. Kalendarga qarang, kalendarga! Ro'yxatdan o'tishga tezroq shoshiling! Qabul tugashiga oz vaqt qoldi. Qolaversa A2, B1, B2 darajadan davom etish imkoni ham aynan sizda bor, shartlar bu yerda. Toʻliq ma'lumot uchun esa @NUMONNASR manziliga uyalmaygina murojaat qilaverasiz. 👉 @NumonNasrullayev 👈

Assalomu alaykum Bilasizlar, bu yerda oʻzbek oilalar bilan bordi-keldi qilish ,nafaqat, biz uchun, ular uchun ham boshqacha bir tuygʻu va his. Anqaradamiz, Mahdini koʻrgani keldik. Ma Shaa Alloh ancha katta boʻlib qolibdi. Duolaringizda eslab turingizlar. Abdulazizlar bilan suhbat esa doimgidek mazza. Mehmondorchilik va oʻzbekona ovqatlar uchun rahmat kattakon! @biziston

#hayotiy Fikri fikringga, dunyoqarashi dunyoqarashingga, hayoti hayotingga o'xshash insonlar bilan tunni tongga ulab qilingan suhbatlarni sen qayerdan ham bilarding, Mukesh?! @biziston

#биздаликлар Биласиз, Анқарада ижарада яшаймиз, шукр, “ev sahibi”га эса ёлчиганмиз, бу томонлама ҳам роса омадимиз келган... Уй эгаси билан жуда яқинмиз, кўз тегмасин. Оилавий борди-келди қилиб турамиз улар билан. Демирай бей ва аёли нафақадаги полис, уч нафар қизи бор, Ситорани тўртинчи қизимиз, Маҳдини “bizim oğlan” дейишади, мен эса “куёв”ман уларга ҳам😅 Кеча энг катта қизи Жансу опа тўлиб-тошиб, совғалар билан меҳмонга келибди. Аёлим дарров дастурхон тузаб, хоним пиширса, жуда яхши кўриб ебди таомимизни. Видео ва расмларга олиб, реклама ҳам қилиб берди саҳифаларида. Видеоларда реаксиясини кўришингиз мумкин! Оиласига жуда ҳавас қиламиз, фарзандларини ҳам гўзал тарбиялаган, ўзларику фавқулодда яхши инсонлар. Бор бўлишсин! Билмадим, агар Худо шу инсорларга йўлиқтирмаганида, шу пайтгача ижара уй борасида ҳам ким қанча стрессларни яшаган бўлардик. Ҳали “Ev sahibimiz” ҳақида ҳам каттагина пост эълон қиламан вақти келиб. Бу инсонлардан Аллоҳ рози бўлсин! @Ijoddardi

​​#Хаёлимдаликлар Шу кунларда уларнинг тақдири ҳақида жуда кўп ўйлаяпман! Иккиси ҳам рестораннинг 5-6 йиллик фахрий идиш-товоқ ювувчиси. Меъёридан ортиқ даражада очиқкўнгил, яхши инсонлар, лекин... Туркияга келишганига 10 йилдан ошган, бири туркманистонлик, бири эса Ироқдан. Туркманистонлик ака ёлғиз, ота-онасидан уй мерос қолган, укаси эса акасининг улушини бермасдан уйдан қувган. Пули, соғлиги, ҳеч вақоси қолмаганидан кейин аёли ҳам бошқаси билан юриб, фарзандларини ҳам олиб кетган. Ака эса... Мурод ака 3-4 йил олдин қаттиқ касал бўлган, қон-қариндошлардан ҳеч ким ёрдам бермаган. Шунинг учун улар билан алоқани бутунлай узган, ҳеч ким билан гаплашмайди, ишга келади, кетади, шунчаки зерикиб қолмаслик, кун ўтказиш учун бу ерда, деб ўйлайман. Янаям билмадим. Ироқлик ака эса... Экрем аканинг оиласи Анқарада, 7 нафар фарзанди бор. Мактаб йўқ пайтлари 6-7 ёшлар атрофидаги кичкина ўғлини ҳам ишга олиб келганди, 15 ёшлар атрофидаги ўғли эса отаси бетоб бўлганида, ишга чиқиш ёқмаганида аканинг ўрнига келиб, идиш-товоқ ювади. Бу ҳам ёшлигидан келиб-кетиб юрганигами билмадим, кичкина бўлса ҳам ишни қойиллатиб эплайди. Бошлиқ ҳам нега даданг келмади, деб бирор марта гапирмаган... Беш йил, фақат битта иш, камига 12 соат, уям бўлса, идиш-товоқ ювиш... қандай сабр қиларкан-а, наҳотки уларнинг ҳам орзу-ҳаваслари бўлмаса, ҳаракат қилишмаса, ёки қилишса ҳам бефойдамикан?! Тўғри, меҳнатнинг айби йўқ, лекин бу бир умр қора меҳнат қилиб, фарзандларингни ҳам шунга мубтало эт, дегани эмас-да. Майли ҳозир шундай яшаяпти экан, бу фарзандларингни ҳам “ўлдир” дегани эмаску... Болаларингни ўқитасанми десам, жавоби йўқ, улар нимага қизиқади десам, уйда чувлашиб, уруш қилишга қизиқади деб ҳазиллашади. Кичкинтойлар эртаси учун инвестиция киритишни ўйламайди ҳеч... Ироқдан эса норози, ҳукумат алмашса, уйга қайтишаркан. Кейин нима қиласан десам, бунгаям тайинли жавоб бермади, иш йўқ, пул йўқ у ёқда, бир гап бўлар, амаллаймиз, дейди... 7 нафар фарзанднинг тақдири наҳотки қизиқтирмайди, хавотирга солмайди буни деб мен ўйланиб юрибман бу ёқда😁 @Ijoddardi

Бугун бир аччиқ ҳақиқатни ошкор қилмоқчиман, бу ўзим, бебош ва қони қайноқ ёшлигим билан боғлиқ, ээээҳ... Хуллас, мен аслида “қўшиқчи” бўлганман. Бўлганда ҳам, реппер!😎🤣 Ноутбукдан коллежда 1-курсда тахлаган треким(😂)ни топиб олдим. Матнини ўзим ёзиб, ҳар хил “оғриқли мавзулар”ни репга солардим ўшанда🤯 Сақлангани шу экан, кулиб ўлиб қолибман эшитиб. Овозимни телефон диктофонига ёзиб, монтажиниям ўзим қилардим, ухламасдим борку, эринмаганманееей... Ноутбуким қотиб қоларди буни ёзганимда, шунинг ҳисобига айрим бандлари ритмга тушмаган, сифати тушган, лекин эшитсангиз, ғиж-ғиж маъно, кўзингизга ёш келади, кимга нимани исботламоқчи бўлган эканман, мен ҳайрон😂 Бунақа “трек”лар анчагина эди, коллежда ҚВЗларда чиқиш қилардим, тадбирларда реп ўқирдим, жонли бўларди камига😂 Тинглаб, кайфиятни кўтариб туринглар, битта оғирроқ пост бор, тугатиб эълон қиламан! P.s. Хиёнатларни дея бугун ёмон қутурдим...😂😂😂 @Ijoddardi

​​Дадамга уйга қайтмайман деганимни 2-3 киши танқид қилиб ёзибди, нега бунча норозисан дейишибди, фикрларим пессимист, нотўғри йўлда эканман... Ҳа, ҳали бери қайтиш ниятимиз йўқ, орада соғинчни бостириш учун уйга бориб турамиз, албатта, лекин бутунлайга эмас! Ҳозир иложини қилиб Туркияга муқим ўрнашиш йўлларини қидиряпман, тил ўрганиб, Европа томонларга кетиш ният ҳам йўқ эмас, лекин ҳар ерда тош-тарози бор, иккиланяпман бунга... Туркиянинг инсонлари яхши, соғлик суғуртангиз бўлса, тиббий хизматлар мутлақо бепул ва сифатли, таълим тизими ҳам қониқарли. Энг муҳими, мусулмон давлат! Масалан, ўғлимиз шу ерда туғилди, аёлимнинг суғуртаси борлиги учун бир тийн сарфламадик, касалхонада 5 маҳал овқат, фақат ўзимиз учун ҳамма шароити бор алоҳида палата, хушмуомала шифокорлар... 3 кун ётдик, бари давлат ҳисобидан, “Teşekkür ederiz” дея чиқиб кетдик! Иложини қилолсам, бу ерда бирор иш бошлаб, ҳаётимизни яхшилаб йўлга қўйиб, ота-онамни ҳам олиб келмоқчиман ҳали, улар ҳам биринчи марта яшаяпти, бир марта яшашади, стрессларсиз, яхши яшашга ҳақлари борку! Мени Ватан хоинига чиқармай туринг, нега бундай деётганимни тушунтириб бераман: Ўзбекистонда 12-15 миллион сўм атрофида ойлик олардим, 2-3 ерда ишлардим чунки. Лекин ойликлар кечикиши, квартиралар қимматлиги ҳисобига пул зарур бўлиб 4-5 та банкдан кредит олиб ташлагандим... Анқарага келганимизга 10 ойдан ошди, эээнди дадамнинг ёрдами билан ҳамма кредитларни тўлиқ тўлаб бўлдик, Алҳамдулиллаҳ, қутулганимга шукр! Қолаверса, 2-3 та хусусий ва давлат ташкилотларида 10 миллионга яқин пулларим қолиб кетган, қиёматда битта-битта сўраб оламан ҳали, бировнинг ҳақидан қўрқмайди биздагилар. Ёлғон, иккиюзламачиликку айни пик нуқтада, балки мен шундайларга дуч келгандирман, билмадим... Туркияда эса, тўғри, иш оғир, иш соати кўп, лекин ойлигингни вақтида оласан, ЎЗ ҲАҚИНГни олиш учун бошлиқ ёнига қайта-қайта кириб сарғаймайсан, минг истиҳола билан вазиятингни тушунтирмайсан, бошқа ишга ўтсанг, ойлигингни бермасдан нағма қилишмайди ва ҳоказо. Раҳбар билан уришиб қолиб ишдан кетганларнинг ҳам орқасидан маошини жўнатишганини кўрдим масалан, унинг ҳақи керакмас менга, дейишади, респект! Қолаверса, ҳафтада бир кун изн, дам олиш кунингни одамга ўхшаб ўтказасан, оиланг билан ўрмонга, кўлга, денгизга борасан, ҳордиқ учун ҳамма шароит бор, ҳеч ким адашиб ҳам безовта қилиб қўймайди... Ўзбекистонда ҳам соат 9 дан кечки 10-11 гача ишлардим барибир, ишдаги стресс бир ён бўлса, кечикаётган ойлигинг, кредитлар стреси бошқа томондан еб битирарди... Квартира масаласику, алоҳида мавзу. Янги оилалигимда Тошкентга қайтиб, бошпана қидирсам, ҳаммаси ёш боланг бўлса киритмайман уйимга, деганди. Бу ерда эса акси, уй эгаси имкони борича ёрдам қилади, чақалоғинг бор деб чегирмалар қиладимией, ҳол-аҳвол сўраб турадимией, инсонийлиги бор хуллас! Балки кейинчалик фикримиз ўзгариб қолар, билмадим, лекин айни пайтда қарорим қатъий, қаерда ўзимни комфорт ҳис қилиб, эҳтиёжларимни ўйланмасдан қондира олсам, ўша жойда каръерам бошланади, бахтли ҳаёт кечираман. Қолгани эса Ўзига таваккал... @Ijoddardi