Islom Nuri

#Тафсири_муяссар سورة الأحزاب Аҳзоб сураси, 23–27 оятлар مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا (٢٣) 23. Мўминлар ичида Аллоҳга берган аҳдларига вафо қилган, моддий ва маънавий қийинчиликларда ва урушларда сабр қилган кишилар бўлди. Улардан баъзилари назрига вафо қилиб, Аллоҳ йўлида шаҳид бўлди ёки аҳдига содиқлик ва вафодорликда вафот этди. Баъзилари эса икки яхшиликдан бирини: ғалаба ё шаҳидликни кутиб яшамоқда. Улар мунофиқлар қилганидек, Аллоҳга берган аҳдларини ўзгартирмадилар, бузмадилар, бошқа нарсага алмаштирмадилар. لِّيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِن شَاءَ أَوْ يَتُوبَ عَلَيْهِمْ ۚ إِنَّ اللَّهَ كَانَ غَفُورًا رَّحِيمًا (٢٤) 24. Аллоҳ таоло содиқ мўминларни содиқликлари ва тортган мусибатлари сабабли мукофотлайди. Мунофиқларни эса – агар азоблашни истаса – ўлимдан олдин чин тавбага муваффақ этмаслик билан азоблайди, натижада улар куфр устида ўлиб, дўзахга кирадилар. Ё истаса, уларни Ўзига қайтишга ва тавба қилишга муваффақ этиш билан тавбаларини қабул қилади. Аллоҳ ўзларига зулм қилганлар тавба қилса, уларнинг гуноҳларини кечирувчи, чин тавбага муваффақ этиш билан уларга раҳм қилувчи зотдир. وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ۚ وَكَفَى اللَّهُ الْمُؤْمِنِينَ الْقِتَالَ ۚ وَكَانَ اللَّهُ قَوِيًّا عَزِيزًا (٢٥) 25. Аллоҳ таоло кофир гуруҳларни дунёда ҳам, охиратда ҳам бирон яхшиликка эришолмаган, ноумид, зиён кўрган ва ғазабланган ҳолда Мадинадан қайтарди. Аллоҳ таоло мўминларга ғалаба омилларини ато этиш билан уларни урушдан сақлади. Аллоҳ ҳеч кимдан мағлуб бўлмайдиган Қудратли, мулки ва салтанатида Азиз зотдир. وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا (٢٦) 26. Аллоҳ таоло мусулмонларга қарши урушда гуруҳларга ёрдам беришгани учун Бани Қурайза яҳудийларини қалъаларидан туширди, қалбларига қўрқув солди ва улар мағлуб бўлдилар. Сизлар улардан баъзиларини қатл қилар, баъзиларини асир олар эдингиз. وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَّمْ تَطَئُوهَا ۚ وَكَانَ اللَّهُ عَلَىٰ كُلِّ شَيْءٍ قَدِيرًا (٢٧) 27. Эй мўминлар, Аллоҳ сизларни уларнинг ерларига, диёрларига, уларнинг тақинчоқлар, қурол-аслаҳа ва чорва ҳайвонлари каби кўчар мулкларига ва экинзорлар, уй-жойлар ва мустаҳкам қалъалар каби кўчмас мулкларига ворис қилди. Яна ўта мустаҳкамлиги ва ўз эгалари учун қадрли бўлганидан илгари сизлар қадам босолмаган ерларни сизларга мерос қилди. Аллоҳ ҳар ишга қодир, Уни ҳеч нарса ожиз қила олмайди. https://t.me/islomnuricom