512
Підписники
Немає даних24 години
Немає даних7 днів
+630 днів
Архів дописів
Бишнав сухани маро, ки панд аст,
Панди падар аст, судманд аст.
Сармояи умр бас азиз аст,
Дарёб, ки ин нафас азиз аст...
Умре, ки баҳо бувад гаронаш,
Бо ҳар баду нек магзаронаш.
Дар коргаҳе чунин дилафрӯз,
Коре куну пешае биёмӯз...
Бояд зи дари талаб дарой,
Аз раҳгузари адаб дарой...
Дар илм ба нияти амал кӯш,
То заҳри ту з-ин амал шавад нӯш.
Илме, ки дар он амал набошад,
Ҷуз арбадаву ҷадал набошад.
Илмат ба амал чу ёр гардад,
Кадри ту яке ҳазор гардад...
Айб аст, ки дар ҳунар накӯши,
Сад айб ба як ҳунар напӯши.
Соҳибҳунаре, ки ботамиз аст,
Дар дидаи мардумон азиз аст.
@davlatobod1
Ҷаҳонро сар ба сар дидам, ҷаҳони ҳайратангез аст,
Яке бо косаи холӣ, дигар бо ҷоми лабрез аст.
Якеро чеҳрааш зард асту рангаш заъфарон доим,
Дигар дар айшу ишрат барқи ҳуснаш шӯълаомез аст.
Ҳазорон дидаам аз фоқагӣ дар нор месӯзад,
Дигар дар курсии қудрат ба пушти дафтару миз аст.
Яке дар тахти шоҳӣ бо ғурури хеш биншаста,
Дигар девона дар бозор, ҳамчун шамси лабрез аст.
Яке бо чеҳраи мискин, дигар бо сурати зебо,
Фидои номи покашро, ки Ӯ Холиқу рангрез аст.
▪️Шаб дароз аст, пас онро бо хобат кутоҳ макун (балки ибодат ва мутолиа кун)
▫️ва руз покиза аст, онро бо гуноҳонат олуда масоз
✍️Яҳё ибни Муоз (раҳимаҳуллоҳ)
@davlatobod1
Шайтон 2 вазифа дорад!
Қабл аз гуноҳ ва баъд аз гуноҳ:
Қабл аз гуноҳ:
Гуноҳро дар назарат кӯчак ҷилва медиҳад
Ва раҳмати Парвардигорро бузург ҷилва медиҳад
Баъд аз гуноҳ:
Гуноҳро дар назарат бузург ҷилва медиҳад
Ва раҳмати Парвардигорро кӯчак ҷилва медиҳад.
@davlatobod1
ДАРАҶАҲОИ ТАВБА:
• Мардуми омӣ аз куфр, бидъат, аз гуноҳҳои кабира ва сағира ва ҳамчунин аз корҳои хурд тавба мекунанд.
• Хосон аз корҳои ночиз, корҳои макруҳ ва ибодатҳое, ки бо нияти нек анҷом дода нашудаанд, тавба мекунанд.
• Орифон бошанд, барои ҳар як нафасе, ки дар ғафлат аз Худованд гузаштааст, тавба мекунанд.
@davlatobod1
Ҳайфи он умр, ки дар ғафлату исён гузарад,
Ҳайфи он рӯз, ки бе лаззати имон гузарад.
Ҳар ки ҳам ҷону ҳам амвол ба дунё бифурӯхт,
Охир аз олами серӯза пушаймон гузарад.
@davlatobod1
Тори ман ҳаргиз нашуд бо нағмаи афлок ҷӯр,
Довари бинмуд моро гаҳ кару гаҳ гунгу кӯр
Гаҳ қазоват мекунанд аҳволи моро бе далел,
Гоҳ обам медиҳанд ин ҷоҳилон аз баҳри шӯр
Ҳар ду рӯйи ростиро кардаанд охир сияҳ,
Ҳар дурӯғи хешро хонанд пайғоме зи нур.
Аз Худо хоҳам, ки рӯзе довариро сар кунад
Бохабар созад касифонро зи ранҷу сӯзи гӯр;
Сард, Ҷайҳунӣ, макун қалбат зи аҳволи ҷаҳон.
То тавонӣ гир худро аз бари бадхулқ дур.
@davlatobod1
Ҳар ки афзуда гашт симу зараш,
Зар наборида з-осмон ба сараш.
Аз куҷо ҷамъ карда сарвату мол?
Ё худаш дузд буда ё падараш.
Лоҳутӣ
@davlatobod1
Боз о, боз о, ҳар он чӣ ҳастӣ, боз о,
Гар кофиру габру бутпарастӣ, боз о.
Ин даргаҳи мо даргаҳи навмедӣ нест
Сад бор агар тавба шикастӣ, боз о.
Абӯсаид Абулхайр.
@davlatobod1
Агар ақл дори ай банда
Ба инсонҳо макун ханда
Бикун бо дасти худ хайре
Бигардӣ шахси арзанда
Хиёнатро макун пеша
Шави рӯзе ту шарманда
Ба ҳар ҷо тухми некӣ кор
Машав дар фитна парканда
Ҳамеша боши ту ҳақгӯй
Миёни халқ тобанда
Сахи бошию хайрандеш
Маханд бар ҳоли талбанда
Мадад аз Ҳақ Таолоҳ хоҳ,
Чу ҳасти бар Худо банда
✍Қаҳрамон Ғафуров
@davlatobod1
Чу тан дорию бахту ҳар ду ҷавон,
Бияндўз номи накў дар ҷаҳон.
Ҷавони накўном воло бувад,
Аз он номи некў ба бало равад.
Бувад зиштномӣ ба ҳар ҷой зишт,
Ба зиштӣ набинанд рўи биҳишт.
Шунидам, ки Нўшинравон чун бимурд,
Зи гетӣ ба ҷуз номи некў набурд.
@davlatobod1
Бо душмани ман чу дўст бисёр нишаст,
Бо дўст набоядам дигар бор нишаст.
Парҳез аз он шакар, ки бо заҳр омехт,
Бигрез аз он магас, ки бо мор нишаст.
@davlatobod1
Муаллим гуфт: «Тавоно бувад ҳар ки...?»
Тавоно бувад ҳар ки доро буд,
Зи сарват дили пир барно бувад.
Тиҳидаст ба ҷое нахоҳад расид,
Агар чӣ шабу рӯз кушо бувад.
Надонист Фирдавсии покзод,
Ки шеъраш дар ин мулк беҷо бувад.
Гар ӯро хабар буд, аз ин рӯзгор,
Ки зар бар ҳама чиз воло бувад.
Намегуфт он шеъри маъруфро:
«Тавоно бувад ҳар ки доно бувад!»
Ғазали Исмоил Зарифӣ
Умри ширин чун насими даргузар бигзашту рафт,
Дар набарди зиндагонӣ безафар бигзашту рафт.
Табъи мавзуну сухансанҷе нашуд ҳосил маро,
Ёри ман аз пеши рӯям пурҳазар бигзашту рафт.
Чорасозе ҷустаму ҳаргиз нагаштам чорасоз,
Аз сарири мулки армон чорагар бигзашту рафт.
Пушти мо хам гашт аз бори фузуни рӯзгор,
Аз бари ғафлатпаноҳон додгар бигзашту рафт.
Ношунида панди кас шатранҷи ҳастӣ бохтем,
Чун нафас аз пеши рӯ аҳли назар бигзашту рафт.
Асли худ нашнохтему хешро гум сохтем,
Ҳасрато, айёми мо андар ҳадар бигзашту рафт.
Эй Зарифӣ, дуриҳо ҷустем аз аҳли ҳунар,
Беҳунар мондем, чун аҳли ҳунар бигзашту рафт.
@davlatobod1
