Kurdînûs

خۆ من پیر نەبووم ئازیزەکەم، تۆ پیرت کردم پیری موحتاجی ئازیزەکەم دۆستی وای کردووم ➿ @Kurdinus

بیست و هەشتی خاکەلێوە، هاوکاتە لەگەڵ ساڵیادی کۆچی دوایی شاعیری نەتەوەیی کورد، مامۆستا هێمن. ➿ @Kurdinus

هەتاکوو دوا پشوو ڕێبواری ڕێگەی عیشق و ئازادیم ئەگەر بێجگە لە ناکامیش نەبینم بەرهەمێکی تر ➿ @Kurdinus «هێمن»

📽️ Breakfast at Tiffany's ➿ @Kurdinus

ئەوا نەورۆزە خەمڵیوە کەژ و کـۆ ئەتۆ پێت وایە من چۆنم بەبێ تۆ خـەمـینـم، لـێـوبەبارم، دڵ‌شکـاوم لە ناخی جەرگ و دڵ هەڵدەستێ بۆسۆ ➿ @Kurdinus

گیانەکەم جاران که ئەتگوت پێکەنینت زایەڵەی سەوزی شەتاوه چاوی شینت، گۆمی مەندی پڕ له ماسیی زەرد و سووری بەر هەتاوه ئێسته بۆ وا شۆڕەبیی برژانگی نەرمت دەوری داوه؟ بۆچی گەرمایی ڕوانینت نەماوه؟ ➿ @Kurdinus «سواره ئیلخانیزاده»

گوڵغونچە (هۆمەر دزەیی - ناسر ڕەزازی) ➿ @Kurdinus

مەڵێ: بەختم نییە بڵێ: لە بێبەختیی خۆم وا ڕائەبینم، بچمە سەر سیروان هیچ ئاو نەبینم ➿ @Kurdinus

لە پێناو خەیاڵێکی هەورین کە تریفەی چاوەکانی تۆ لە ئەو دەچێ خۆشم دەوێی لە پێناو وەهمێکی سەوز کە خۆشەویستی و ئەوینی تۆ لە ئەو دەچێ خۆشم دەوێی لە پێناو جوانییەکی هەمیشەیی کە تۆ لە ئەوت خواردووەتەوە و هەر بە ئەویشی دەبەخشیتەوە خۆشم دەوێی... ➿ @Kurdinus «فەرهاد پیرباڵ»

🎶 مێهدی حوجەتوسادات بە جارێکی تەماشای تۆ، فیدات بێ، هەم دڵ و دینم ئەگەر سەد جار قیامەت بێ، دەمێکی هەستە بتبینم ➿ @Kurdinus

ڕێم کەوتە گوڵستانەوە لای بولبولی مەست به چریکەیێ پێی وتم گەلێ ڕاز و مەبەست: تـا گوڵ نەوەریوە، تـا لەشت نەبووه بە گـڵ وەک گوڵ به: دەمێ دەم‌بەبزە و پیاڵەبەدەست ➿ @Kurdinus «خەییام - هەژار»

خەڵک گوێ لە ڕادیۆ دەگرن بۆ ئەوەی کەش پێشبینی کەن منیش کە ئێوارە دادێ تەماشای چاوی تۆ دەکەم دەزانم با لە کوێڕا دێ‌ پلەی گەرما لە چەندەوە تا چەند دەڕوا باران کام کێڵگە ئاو دەدا کام دارستان، کام چیا دەشوا... ➿ @Kurdinus «پەشێو»

ئەمە هەمان ئاوازە (ئەحمەد بەگ) کە چەند ڕۆژ لەمەوبەریش لە کوردینووس بە دەنگی باوک و کوڕێکی ئێزیدیی خەڵکی شنگال دانرابوو. لێرەشدا ئەم کچ و کوڕە ئەم ئاوازە فۆلکلۆرە لە دیمەنی شاری کەونارای مێردینی باکووری کوردستان دەڵێنەوە. زمان ئەو شتەیە هەموومان پێکەوە دەلکێنێ. ➿ @Kurdinus

لە وەسفی خۆشەویستیتا زمانی لاڵە هەڵبەستم ئیتر تۆ پێ بزانی یا نەزانی، من چ دەربەستم؟ ئەپرسی: بۆ چی جامی دڵ بە نەشئەی بادە مەست نابێ؟ ئەڵێ: لێوڕێژی بادەی عەشقی تۆم و هەر بە تۆ مەستم ئەگەر باوەڕ بە من ناکەی، وەرە سەیری دەروونم کە لە دنیای خۆشەویستیتا چ دەریایەکی پڕهەستم لەبەر سۆزی دڵم، دوور و نزیکی بۆ نییە چاوم خوڕەی دێ ئاوی سەرچاوەی، ئەگەر شادم، ئەگەر پەستم جگە لەو یادە شیرینەت، سەراسەر تاڵە ژینی من کەچی ئەتوێتەوە خەم، چون لەگەڵ ئەو یادە پەیوەستم بە تاجی عەشقی تۆوە شام لە ناو بەرگی گەداییدا کە بەندەی تۆم و ئازادەی چەرخ، دیلێکی سەربەستم بە هیوای ئاوڕێکی تۆیە خۆ هەڵبەستەکانی من لە ڕێی تەیری نیگایەکتا ئەبێ هێلانە هەڵبەستم ➿ @Kurdinus «کاکەی فەلاح»

جوانترین گوڵی خودا! بڵا به هێزی بێبڕانەوەی ئەوین لە کێوی خەم وەسەر کەوین لە مێرگی ئەوپەڕی سنووری خەم نه زۆنگەیە، نه زورگەیە بەهاری بێخەزانه چاوەڕوانی ئێمەیە... ➿ @Kurdinus «هاوار»

بە داخەوە، دوێنێ هونەرمەندی دەنگخۆش و نیشتمانپەروەری کوردستان، مامۆستا عەلی زەندی کۆچی دوایی کرد. یاد و ناوی هەرمان 🌻 ➿ @Kurdinus

من درەختی ئەم ژیانەم تۆ لەو لاوە من ئەبڕیت و لەو لای دیکە من دێمەوە... ➿ @Kurdinus «شێرکۆ بێکەس»

🎶 ئینگێڵبێرت هامپڕێدێنک - عەزیز شاڕوخ ➿ @Kurdinus

ڕەنگە بە هۆی قوتابخانە و زانکۆ و کار و ژیان و...، هەموومان زمانمان کەم یا زۆر وشەی دەرەکیی تێ کەوتبێ. ئەمە دەکرێ هەوڵ بدەین وردەوردە باشتری بکەین کە بگاتە ئاستێکی گونجاو (هیچ زمانێک بەتاڵ نییە لە وشەی دەرەکی، بەڵام سنوور و هێڵێکی هەیە. کوردیی زۆربەمان بە تەواوی ئەو سنوورەی بەزاندووە.) بەڵام تۆ کە دەنووسی، تۆ کە ڤیدیۆ یا دەنگ یا بابەتێک ئامادە دەکەی، بەڕێوەبەری لاپەڕەی، بێژەری، پێشکەشکاری، بەرپرسی و دەتەوێ ئاگادارییەک بڵاو بکەیەوە یا بە هەر شێوە دەرفەت و کاتت هەیە بۆ ئامادەکردنی دەقی وتن یا نووسینەکەت، مادام هەوڵ نەدەی کوردییەکی خاوێن و جوان بڵێی یا بنووسی، خەیانەت لەو زمانە دەکەی و دیارە مرۆڤێکی کەمتەرخەمی کە هیچ بەرپرسیارێتییەک ناگرییە ئەستۆ. تکایە چەند چرکەش کات دابنێن بۆ پێداچوونەوە بەو شتەی دەتانەوێ بڵاوی بکەنەوە؛ چون وشەیەکی زەق و سەقەتی ئێوە، لەوانەیە بە هۆی هێزی میدیاوە، کەسانێکی دیکەش تووشی ئەم هەڵەیە بکا. ➿ @Kurdinus

دڵنیام مانگ پەنجەرەیەکمان بۆ دەکاتەوە دڵنیام باران ڕێگای پەلکەزێڕینەمان بۆ خۆش دەکا دڵنیا «با» بە بنارە دوورەکاندا بۆ دەرمانی دڵی ئێمە دەگەڕێ... ➿ @Kurdinus «فەرەیدوون ئەرشەدی»

نازانم بۆت لە چی بدوێم هەروا لە شتی جوان دەگەڕێم... ➿ @Kurdinus «هێدی»

نییە باکم ئەگەر زاڵم شکاندوویەتی باڵی من ئەوە سەختە کە وا ناگاتە گوێی کەس ناڵەناڵی من بەهار هات و تەبیعەت حوکمی ئازادیی مەلانی دا لە نێو کونجی قەفەزدا دیارە چۆنە ئێستە حاڵی من ➿ @Kurdinus «هێمن»

ئەگەر بێ و بمدێنی ئەی هاوار سەر ئەدەم لە مزگێنی... ➿ @Kurdinus

شارێ دیلی تۆیە، ئیدی دڵڕفێنیت بۆ چییە؟ ➿ @Kurdinus «هاوار»

🟢 ئەم سروشت و ژینگەیە هەر ئەو شوێنەیە ئەم نەورۆزە لێی هەڵپەڕیین، جەژنمان گرت و چاومان بە دیمەنە جوانەکانی کەوت؛ هەر ئەو شوێنەیە دەچین لێی دەسرەوین، سەیران دەکەین و کاتێکی خۆشی لێ ڕادەبوێرین؛ هەر ئەو شوێنەیە کاتێک «لە شار و هاڕەهاڕی ئەو» هەڵدێین، دەچینە داوێنییەوە؛ هەر ئەو شوێنەیە پێی دەڵێین کوردستان و بەلامانەوە خاکێکی خۆشەویستە؛ هەر ئەو شوێنەیە دەشت و دۆڵ و گرد و شاخی، دارستان و جاڕەگوڵی، مەزرا و کێڵگە و گیاوگژی هەموو جوانییەکی هەمەڕەنگ و فرەجۆریان پێ داوە و کردوویانەتە نیشتمانێکی تایبەت. با هەموومان بەرپرسانە و بە سەرنج و گرینگی‌دانەوە لە ژینگەدا هەڵسوکەوت بکەین و نەک هەر خۆمان پارێزەری بین، بەڵکوو ئەوانی دیکەش ئاگادار بکەینەوە. ➿ @Kurdinus

تۆڕە کۆمەڵایەتییەکان مافی ئەوە دەدەن بە کۆمەڵێک گەمژە [سەبارەت بە هەر شتێک] بدوێن، کەچی سەردەمێک ئەوپەڕی لە مەیخانەکان پاش خواردنەوەی پیاڵەیەک شەراب قسەیان دەکرد، بەبێ ئەوەی زیان بە کۆمەڵگە بگەیێنن... بەڵام ئێستا هەمان مافی قسەکردن و وتاردانیان هەیە کە براوەیەکی خەڵاتی نوبڵ هەیەتی. ئەمە پەلامار و دەستدرێژیی گەمژەکانە. «ئومبێرتۆ ئیکۆ» ➿ @Kurdinus Social media gives legions of idiots the right to speak when they once only spoke at a bar after a glass of wine, without harming the community ... but now they have the same right to speak as a Nobel Prize winner. It's the invasion of the idiots. Umberto Eco

ئەمن دەمگوت لە دنیا تا بمێنم لە بەر کەس ئەستەمە سەر دانەوێنم کەچی ئێستێ لە داوی بسکی تۆدا گرفتارم گوڵم، موو ناپسێنم ژیانم پڕ لە ڕەنجە و نامرادی بە هەڵکەوتیش نەهاتم تووشی شادی دڵم هێند تەنگە، هەر جێی تۆ دەبێ و بەس ئەتۆش مەحکوومی حەپسی ئینفیرادی قەرار بوو بێی لەگەڵ خۆت شادی بێنی نەهاتی، گەرچی پێت دابووم بەڵێنی لە ناو کوردا نەبوو پەیمان‌شکاندن لە کوێ فێر بووی گوڵم پەیمانشکێنی؟ ئەگەرچی ڕۆیی، قەت ناچی لە یادم دەکەم یادت، بە یادی تۆوە شادم کە بارگەت بۆ هەوار تێک نا عەزیزم شکا ئەستووندەکی تاوڵی مرادم شەوانە هاونیشینی جامی بادەم بە بادە با پەژارە و غەم بە با دەم کە دەستی ڕۆژگار بایدا سەری من سەری شووشەی شەراب وا چاکە بادەم ➿ @Kurdinus «هێمن»

پێی دێتە لەرزین لەشی پۆڵایین لە کاتی خۆیدا بە دەستی ئەوین ➿ @Kurdinus «هێمن»

ئەگەر موسافیر یا میوانێک دێتە شارێکی کوردنشین، دەیەوێ ئەم وڵاتە هەر بەم زمان و فەرهەنگ و نەریتە جوانانەوە ببینێ. ئازیزم، ئەگەر گوشار بۆخۆت دەهێنی لە قسەکردندا «لەهجەت» نەبێ، ئەگەر دەتەوێ خۆت لە جل‌وبەرگی کوردی و نەریتەکانت دابماڵی و پێوەت نەبینن، ئەگەر لەجیات مۆسیقای ڕەسەنی خۆت پەنا دەبەیە بەر هی ئەوان و دەڵێی بەشکوو بەم شێوەیە هەستێکی خۆشتریان هەبێ و چێژێکی زیاتر ببینن و (ئەگەر کاسبی، زیاترت لێ بکڕن)، بە تەواوی لە هەڵەدای و نەک جارێک، دوو جار دۆڕاوی: یەکەم بابەتی تواندنەوەی فەرهەنگ و زمانی خۆت، دووهەم بابەتی ئەوە کە دەتەوێ وڵات و شاری خۆت بۆ میوانەکە بکەیە ئەو شوێنە کە خۆی لێیەوە هاتووە! ئەگەر هەر ئەوەی ویستبایە، لە شار و وڵاتی خۆی هەبوو، نەدەهاتە لای تۆ! کەسێک ڕێز لە خۆی و لەو شتانە نەگرێ کە هەیەتی، کەسیش ڕێزی لێ ناگرێ. ➿ @Kurdinus

فەخر خدر و تەحسین خدر دوو ژەنیار و سترانبێژی کوردن، لە بنەماڵەیەکی کوردانی ئێزیدی لە شنگال لە دایک‌ بوون. ئەم دوو هونەرمەندە لەو گەروو گەنجینانەن کە بەشێکی زۆری مۆسیقای ڕەسەنی ئەم ناوچەیەی کوردستان و ئەم چینەی گەلی کوردیان پاراستووە. لەم ڤیدیۆیەدا بە سۆزی دەنگ و هونەری ژەنینیان، گۆرانیی «ئەحمەدبەگ» دەڵێنەوە کە لە مێلۆدییە بەناوبانگەکانی ناوچەکەیە. کوردستان، وڵاتێکی پڕ لە جوانی و کۆکەرەوەی جیاوازییەکان و لێک‌گرێدانیان لە ڕێی زمانێکی دەوڵەمەند و پاراوەوە. 🌻 ➿ @Kurdinus

🎶 شارام نازری ➿ @Kurdinus

بەهەشتە کوردەواریی من، بەهەشتە فـریشـتەم مـن، فـریشـتێکی پـەڕیـوە بو جوانیی تۆ دەژیم لەم دوور وڵاتە وەرە لێـم مـەبـڕە ئـەو تـەنیا بـژیـوە ➿ @Kurdinus «هێمن»

یارم لە ئەندەروون هات، دەستی ڕەقیب لە دەستا غەمناک و شادمانم، ڕەحمەت عەزابی هێنا ➿ @Kurdinus «سالم»

دەڵێم خۆم هەست دەکەم پیرم، دڵم ئیجازە هەر نادا... ➿ @Kurdinus «ئاسۆ»

لە ژێر ئاسمانی شینا لە پاڵ لووتکەی بەفرینا کوردستان گەڕام دۆڵاودۆڵ پێوام نە لە شار و نە لە دێ نەمدی کەس وەک تۆ جوان بێ تۆیت و بەس کچەکوردێک دڵ پێی شاد بێ وەک فریشتە و پەریزاد بێ ➿ @Kurdinus «گۆران»