Kurdînûs

وەکوو زریان پشوو ئەدەم، بەڵام نانووم. وەکوو هەڵۆ هەڵئەنیشم، بەڵام لوتکه قەت بەرنادەم... ➿ @Kurdinus "شێرکۆ بێکەس"

ئەتۆم دەوێ ئەتۆ بە دەردم ئاشنای... @Kurdinus «هاوار»

لە سەفەرنامەکەی ئێڵی بەنستێر سۆوندا (بەرەو مێزۆپۆتامیا و کوردستان)، سۆون کە کەسێکی ئینگلزییە، کاتێک دەچێتە دووکانێک لە باشووری کوردستان، قەبووڵی ناکا بە تورکی یا عەرەبی لەگەڵ کوردێک قسە بکا و ناچاری دەکا کوردی بڵێ. ئەم کتێبە ئەم ڕۆژانە لە ٥٠٠ لاپەڕەدا لە ئینگلیزییەوە کراوەتە کوردی و بەردەستە. @Kurdinus

تکایە بە بڵاوکردنەوەی ڕۆژژمێرەکانی ئەم مانگەش، پشتیوانیی کوردینووس بکەن و بەشدار بن لە گەشە و پەرەپێدانی بەکارهێنانی زمانی دایک 🌻

باشه بە هۆی بێڕێزیی منداڵێکی نەفامی ساویلکەوە، کۆمەڵێک کەس و لاپەڕە و پەیج و هەواڵنێر کە بە ساڵیش ناوی محەممەدی ماملێ ناهێنن، بۆ وەرگرتنی ڤیوو و لایک و بە تێگەیشتن لەوەی کۆمەڵێک کامێنتی جنێو و زمانشڕانە دەنووسرێ، وەبیریان هاتەوە کورد وەها بلیمەتێکیشی بووە. ئەوانەی کاتی دی بێدەنگن و تا ئێستا یەکیان نەیوتووە ئەرێ بۆ لە شاری خۆی، شەقامێک، گۆڕەپانێک، شوێنێک بە ناو ئەو هونەرمەندە ناوازەیە نییە. ئەوانەی کاتی دی بۆ بەرژوەندیی خۆیان هەر خێرا کامێنت دەبەستن، ئێستا بەئانقەست دەیکەنەوە هەتا هەرچی قسەی سووک و ناحەزە لە زاری هەندێ زمانشڕی دەم‌پیسەوە بێتە دەر کە لەجیات ڕەخنە و ڕێنوێنی، تاکە شتێکی دەیزانن جنێودانی جنسی بە خۆی و دایک و خوشک و کەس‌وکاری خەتاکارە. خۆ هەموومان لە تەنیایی خۆماندا یا ڕەنگە لەکن چەند کەسی زۆر نزیک قسەی ناشیرینیش بکەین، بەڵام سەیرە چۆن پیاوێک بە بیست سی یا چل ساڵ تەمەنەوە، بەبێ هیچ عەیب و شوورەیی و شەرمێک لە پێش چاوی هەزاران کەس جنێوی جنسی دەدا! محەممەدی ماملێ بە موزیک و بەرهەمەکانییەوە زیندوویە و نە بە ئاکاری گەمژانەی منداڵێکی نەفام ناوی دەزڕێ، نە پشتیوانی و لایەنگریی کۆمەڵێک زمان‌شڕ، جەماعەتێکی هەلخواز و بەرژوەندیپەرست و تینووی سەرنجی پێویستە. کەسێک کە لە شوێنێکی گشتی و لە بەر چاوی هەزاران کەس پەستترین و ناحەزترین وشەکان دەنووسێ، بۆ دەبێ خۆی لە منداڵێک پێ باشتر بێ کە خەتایەکی کردووە؟ ماملێ ماملێیە، ئەو گوڵەی مشهووری گشت عالەم بوو و یادی بەخێر @Kurdinus

کەسێک مەستی دوو چاوت بێ، ئیتر مەیخانه ناناسێ به لێـوت ئاشـنا بێ لێو، ئیتر پـەیمـانه نـانـاسـێ ➿ @Kurdinus «خاڵه قازی»

تۆ هەزار ئایەتی له کانیاوی پڕ له ئاو و خیزەکەم له  کاتی تینووایەتی به چەشنی بیری بەرزەفڕ بێسنوور و بێنەهایەتی تۆ قیامەتی دڵستێن و دڵڕفێن و خەوڕەوێنمی تۆ تەواونوێنی عەشقی پاک و خەمڕەوێنمی تۆ پەل و نەمام ڕاوەشێنی باخی بادەهێنمی تێکەڵاوی گۆشت و پێست و ئێسک و خوێنمی خوێنی خوێنەکەم... «هەڵۆ»

ئێرانی و کوردیش حەزێکی زۆریان لە پشیلەی دەستەمۆیە و لە شارە گەورەترەکانی ئێران ماڵ نییە یەک یا دوو پشیلەی دەستەمۆی نەبێ که بەقەد پشیلەکانی ئورووپا نازپەروەردەن. دیمەنێکی سەرسوڕهێنەر بوو که ئەو کوردە سەرسەختانەی جاروبار دەهاتنە سەردانی حاجی ڕەسووڵ، به سیمایەکی جیددییەوە فیشەکیان بۆ تل دەکردەوە تا شوێنی بکەوێ، یا به دەستێکی سووکتر و نەرمتر لەوەی تا ئەوکاتە به هەرچییەکی دیکەیاندا هێنابێ، پشتی پشیلکەیان دەلاواندەوە، لە کاتێکدا بەو زمانه ڕەقەیان دەیاندواند. @Kurdinus «بەرەو مێزۆپۆتامیا و کوردستان - ئێڵی بەنستێر سۆون»