ru
Feedback

Не попадитесь на канал ботавода! Telemetrio находит и помечает такие каналы 👉 Хотите видеть метку — оформите подписку

ፍኖተ-አማራ ሚዲያ (Finote Amhara Media)

ፍኖተ-አማራ ሚዲያ (Finote Amhara Media)

Открыть в Telegram

የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)

Больше
4 401
Подписчики
-1724 часа
-527 дней
+5630 дней
Архив постов
✨አማራ ማንነትህን እና አንድነትህን ከሰርጎ_ገቦች ጠብቅ✨ ጠንካራ አማራዊ አንድነት ማለት ቅስፈታዊ አሸናፊነት መሆኑን የተረዱ ሰርጎ-ገብ የጥቅም ቡድንተኞች በመጣው አንድነት ምክንያት ከሃቀኞቹ አማሮች እራሳቸውን እየለዩ ይገኛሉ። አሁን በእውነተኛ የአማራ ልጆች ታላቅ ጥረትና ፅናት እየመጣ ያለውን አማራዊ አንድነትና አንድ የፋኖ ተቋም ዳግም ለማፍረስ የሚራሯሯጡ የውስጥ ቀበኞች እራሳቸውን ፍንትው አርገው እየገለጡ መተዋል። እነዚህ አረሞች አማራው በታሪኩ እና በእውነተኛው ጥንካሬ ልክ የምስራቅ አፍሪካ ብሎም የአለም ተፅዕኖ ፈጣሪ ሃያልነቱን ዳግም እንዳይጎናፀፍ ከመስራት አልፈው ለዘመናት በጉያው እንደ መዥገር ተለጥፈው የዘር እልቂት እንዲደርስበት በመረጃም በሴራም ጠላቶቹን ሲተባበሩ ኖረዋል አሁንም በዚህ ፀያፍ ምግባራቸው ቀጥለውበታል። ስለዚህ ለአማራ ህልውና ሲባል ባፋጣኝ ተቆርጠው መጣል አለባቸው። በፊት በአማራው ጉዳዮች ሁሉ ከማንም በፊት ቀድመው ከፊት የሚሰለፉት እነዚህ ፈትፋች ሰርጎ-ገብ የእናት ጡት ነካሾች አሁን አማራ አለመሆናቸውንም በየማህበራዊ ገፆቻቸው እየነገሩን ይገኛሉ። እነዚህ መርዘኞች አማራነትን ለዘመናት ተጠይፈው ጎጃሜነትን፣ጎንደሬነትን ሸዋዬነትን እና ወሎዬነትን ብቻ የሙጥኝ ያሉ የየሰፈሩ ኩሬ ጉርጦች የአማራ ጥላቻ ምክንያታቸው አማራ አለመሆናቸው ብቻ ሳይሆን ከጎጣችን ወጥተን ወደ እውነተኛ ምንነታችን "አማራ" ከመጣን እንደልባቸው የሚጠመዝዙት የሰፈር የጭቃ ሹም እና የጎጥ ማንነት ስለማይኖረን እንዲሁም እነሱም ተገልጠው ጥለውት ወደ ነበረው ህደጣን ጎሳዎቻቸው ተጠልዘው ሰልሚመለሱ በፍርሃት እየተንቀጠቀጡ ስለሚገኙ ነው። በጎጠኝነት ብቸኞቹ ተጠቃሚዎች ሰርጎ-ገቦችና የጥቅም ቡድኖች ብቻ ናቸው። አማራ ሃገር መስራች ባለ ሰፊ ስነልቦና እንዲሁም ዘሩን ወዳድ ብሔርተኛ ነው። የሰፈር ጉርጦች መልካም ማንቋረር😫 💥አማራ አንገቱ አንድ ነው💥 #Dave #Amhara
27 июля, 11:36

27 июля, 11:36

ሐምሌ 20/2018 ዓ/ም አፋብን ጎንደር ጠቅላይ ግዛት በላይ ዕዝ ስራ አስፈጻሚ የድርጅትና የኮር ተወካይ አመራሮች በተገኙበት የጋራ አጀንዳዎች ላይ የመጀመርያ ውይይት አድርጓል። ተቋማችን አፋብን ጎ
+7
ሐምሌ 20/2018 ዓ/ም አፋብን ጎንደር ጠቅላይ ግዛት በላይ ዕዝ ስራ አስፈጻሚ የድርጅትና የኮር ተወካይ አመራሮች በተገኙበት የጋራ አጀንዳዎች ላይ የመጀመርያ ውይይት አድርጓል። ተቋማችን አፋብን ጎንደር ጠቅላይ ግዛት በላይ ዕዝ አዲሱን መዋቅራዊ አደረጃጀት ይፋ ባደረገ ማግስት፣ ከፍተኛ የስራ አስፈጻሚ አካላቱን የኮር ተወካዬች በተገኙበት በይፋ አስተዋውቋል። በዚህም የስራ ማስጀመሪያ መድረክ ላይ የተቋሙን የወደፊት ስትራቴጂካዊ ግቦች እና አጠቃላይ የስራ አቅጣጫዎች በተመለከተ ጥልቅ ውይይት ተካሂዷል። ይህ አሰራር አዲሱን ውህድ አመራር የተቀመጡ ተቋማዊ ግቦችን በቁርጠኝነት እና በሙሉ ብቃት ለማስፈጸም ያለመ ዝግጁነት በግልጽ ያሳየ ነበር። ህልውናችን በተባበረ ክንዳችን! አፋብን ጎንደር ጠቅላይ ግዛት በላይ ዕዝ ህዝብ ግንኙነት መምሪያ! Gashaw Gizat
27 июля, 11:08

ብርጋዲየር ጄኔራል ሶፊያን ሸህ መሀመድ የአስገድዶ መድፈርና የዘር ማጥፋት መሐንዲስ! ብልፅግና በጎጃም ቀጠና የዘረጋው የዘር ጭፍጨፋ ፕሮጀክት ፈፃሚው ብርጋዲየር ጄኔራል ሶፊያን ሸህ መሀመድ ስም ከወታደራዊ መሪነት ይልቅ፣ የመንግስትን ስልታዊ የዘር ማጥፋት በማስፈጸም ረገድ በግንባር ቀደምነት ይጠቀሳል። በአሁኑ ወቅት በጎጃም ቀጠና የ6ኛ ዕዝ የኮር አዛዥ ሆኖ የተመደበው ይህ ግለሰብ፣ በንጹሃን ዜጎች ላይ የሚፈጸሙ ግፎችና የክፋት መሐንዲስ ነው። ጄኔራል ሶፊያን በትግራይ ጦርነት ወቅት ይመራው በነበረው ጦር፣ ጾታዊ ጥቃትንና አስገድዶ መድፈርን እንደ ወታደራዊ ስልት በመጠቀም፣ የህብረተሰቡን ማህበራዊ ትስስርና ሞራል የመስበር ተግባር ላይ ያተኮረ ነበር። ሌላው በጦርነት ውስጥ እየተገበረው ተልዕኮው በሲቪሊያኑ ላይ ያነጣጠረ ጥቃት፣ ወታደራዊ ግብን መሰረት ያላደረገ፣ የጅምላ ጭፍጨፋ መሪ ነበር። ይህንኑ በትግራይ ሲፈፀምው የነበረ ወንጀል አሁንም በአማራ ህዝብ ላይ እየፈፀመው ይገኛል። ©Birhanu Chalie Demelash https://www.facebook.com/share/1BMtrRDfpz/
27 июля, 10:12

photo content
27 июля, 10:12

ኮሩ በተቆጣጠራቸው 145 በላይ ቀበሌዎች ከቀይ-መስቀል ጋር በመተባበር የትራኮማ ክትባት መሰጠቱን የ206ኛ ኮር ጤና መምሪያ አስታወቀ።   ሐምሌ 20/ 2018 ዓ.ም ================================== ከሐምሌ 13-21 2018 ዓ.ም The Carter Center በተባለ ግብረ ሰናይ ድርጅት (NGO) ድጋፍ የሚገኘውን የትራኮማ በሽታ መከላከያ  ዚትሮማክስ(Azithromycin) መድሐኒት 206ኛ ኮር ከቀይ መስቀል ጋር በመተባበር በ145 ቀበሌዎች ለሚገኙ ነዋሪዎች ማሰራጨቱን የኮሩ ጤና መምሪያ አስታወቀ። የአገዛዙ ሰራዊት ለተከታታይ ቀናት በሜካናይዝድ የንፁሐን መንደሮች በሚደበድብበት አሰቸጋሪ ጊዜ በዘመቻ ቤት ለቤት የሚሰጠው የትራኮማ ክትባት ኮሩ በተቆጣጠራቸው ቀጠናዎች ካሉ 20 ጤና ጣቢያዎች እና የጤና ባለሙያዎች ጋር በመተባበር ክትባቱ መሰጠቱ ተገልጿል። በኮሩ ጤና መምሪያ ስር ያሉ የጤና ባለሙያዎች፣ የጤና ሰራዊት ከጤና ጣቢያ የጤና ባለሙያዎች ጋር በመቀናጀት በተደረገው ዘመቻ ከቤት መውጣት ለማይችሉ የማህበረሰብ ክፍሎች ጭምር ክትባቱን ተደራሻ ማድረጉን መምሪያው አሳውቋል። በጦርነት ወቅት ሊፈጠር የሚችለውን የጤና አገልግሎት መስተጓጎል ከግምት በማስገባት ሰፊ ስራዎችን እያከናወነ የሚገኘው የ206ኛ ኮር ማህበረሰቡን የሚያገለግሉ የጤና ባለሙያዎችን በመመደብ፤ በሁሉም ቀበሌዎችና ጎጦች የጤና ሰራዊት በመመልመልና በማሰልጠን እናቶች በጤና ተቋማት እንዲወሉዱ ፈጣን የህብረተሰብ አገልግሎት እየሰጠ መሆኑ ገልጿል። አገዛዙ የቀይ መስቀል አምቡላንስ አገልግሎት በመከልከሉ እናቶች በቤታቸው ለመውለድ እየተገደዱ እንደሆነ የጠቆመው መምሪያው የጤና ሰራዊት በማደራጀት ችግሩን ለመቅረፍ ሰፊ ስራዎች ተሰርተዋል ብሏል። በጦርነት አውድ ውስጥ ያለውን ህዝባችን ከሚደርስበት ማህበራዊና ኢኮኖሚያዊ ጫና ባለፈ በጤናው ዘርፍ ጉዳት እንዳያስተናግድ ከቀይ መስቀል ጋር በመተባበር በቅድመ መከላከልና በህክምና አገልግሎት ለህብረተሰቡ ተደራሽነቱን አጠናክሮ እንደሚቀጥል የ206ኛ ኮር ጤና መምሪያ አስታውቋል። አዲስ ትውልድ! አዲስ አስተሳሰብ ! አዲስ ተስፋ! የአፋብን ቴዎድሮስ ዕዝ 206ኛ ኮር ህዝብ ግንኙነት
27 июля, 10:05

photo content
+2
27 июля, 10:05

photo content
+9
27 июля, 10:05

✅ 2ኛ አሊ ሻለቃ👏👏👏 የአፋብን ሸዋ ጠቅላይ ግዛት አሳምነው ዕዝ አፄ ዓምደ ጽዮን ኮር የራስ አበበ አረጋይ ክፍለ ጦር 2ኛ አሊ ሻለቃ!
27 июля, 09:58

ሰበር ዜና አፋብን ወሎ ቤተ-አማራ ምኒልክ ዕዝ የ106ኛ ኮር 31ኛ ሰንጥቅ ክፍለ ጦር ዳውንት ወረዳን ተቆጣጥረዋል!! ሀምሌ 20/2018 ዓ/ም ዳውንት ወረዳን ከአገዛዙ ሰራዊት ሙሉ በሙሉ ማፅዳት ተ
+4
ሰበር ዜና አፋብን ወሎ ቤተ-አማራ ምኒልክ ዕዝ  የ106ኛ ኮር 31ኛ ሰንጥቅ ክፍለ ጦር ዳውንት ወረዳን ተቆጣጥረዋል!! ሀምሌ 20/2018 ዓ/ም ዳውንት ወረዳን ከአገዛዙ ሰራዊት ሙሉ በሙሉ ማፅዳት ተችሏል። የአገዛዙ ሰራዊ መዋቅሩን አፈራርሶና ተበታትኖ እግሬ አውጭኝ በማለት የፈረጠጠ ሲሆን፡በርካታ የሚኒሻ እና የፖሊስ አባላቶች ተማርከዋል።የወረዳዋ ማህበረሰብ ነፃነቱን በፋኖ ክንድ በማገኘቱ ደስታቸውን እየገለጡ ይገኛሉ። የዘር ተኮር ጨፍጫፍው ስርዓት በጨጎማና ወተዬ ቆላማ ቀበሌዎች  ተበታትኖ ደመነፍስ እየፈረጠጠ ይገኛል።የብአዴን ሎሌና ተላላኪ አመራሮችም ከሚፈረጥጠው የጁላ ሰራዊት ጋር አብረው እየፈረጠጡ ነው ሲል የ106ኛ ኮር ሚዲያና ኮሚኒኬሽን መምሪያ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ወሎ ቤተ አማራ ምኒልክ ዕዝ ህዝብ ግንኙነት መምሪያ! ሀምሌ 20/2018 ዓ/ም
27 июля, 02:47

የራንቦ ክፍለ ጦር በብልፅግና 103ኛ ኮማንዶ ክፍለ ጦር ላይ ልዩ ኦፕሬሽን አካሄደ!! ሐምሌ 20/2018 ዓ.ም የአፋብን ሸዋ ጠቅላይ ግዛት አሣምነው ዕዝ የአፄ አምደ ጽዮን ኮር አካል የሆነው የራን
+2
የራንቦ ክፍለ ጦር በብልፅግና 103ኛ ኮማንዶ ክፍለ ጦር ላይ ልዩ ኦፕሬሽን አካሄደ!!          ሐምሌ 20/2018 ዓ.ም የአፋብን ሸዋ ጠቅላይ ግዛት አሣምነው ዕዝ የአፄ አምደ ጽዮን ኮር አካል የሆነው የራንቦ ክፍለ ጦር በጠላት ኃይል ላይ በአይነቱ ለየት ያለ እና የተሳካ ኦፕሬሽን ማካሄዱን የኮሩ ሚዲያና ኮሙኒኬሽን ክፍል አስታወቀ።  የኮሩ ሚዲያና ኮሙኒኬሽን ከግንባር ባደረሰን መረጃ፤ ኦፕሬሽኑ የተፈፀመው ሐምሌ 20 ቀን 2018 ዓ.ም ከሌሊቱ 10:00 ሰዓት እስከ ጧት 2:00 ሰዓት ባለው ጊዜ ውስጥ በተካሄደ ጠንካራ ውጊያ ነው። ይህ ኦፕሬሽን በይፋትና ጥሙጋ አውራጃ ስር በሚገኙት አርማኒያ ክላስተር፥ አርማኒያ፣ ማፉድ፣ ገደባ፣ ማፉድ የውሃ ታንከር እና ማፉድ ሚካኤል ቤተክርስቲያን አካባቢዎች ላይ የተደረገ ኦፕሬሽን መሆኑን ገልጿል።  በነዚህ ስፍራዎች ላይ ሰፍሮ በነበረው የብልፅግና 103ኛ የኮማንዶ ክፍለ ጦር ላይ የማያዳግም እርምጃ መወሰዱን የጠቀሰው ኮሩ፤ የራንቦ ክፍለ ጦር ባደረገው ስልታዊ ውጊያ የጠላትን ምሽግ ማስለቀቁን፣ የጠላት ኃይልን መደምሰሱን እንዲሁም ሙትና ቁስለኛ በማድረግ መብረቃዊ ጥቃት መፈጸሙን ሲያሳውቅ በወገን ሀይል በኩል ያለምንም ጉዳት የተሳካ ኦፕሬሽ መስራቱን ገልጿል። " ክብር ለትግሉ ሰማዕታት" " ህልውናችን በተባበረ ክንዳችን" የአፋብን ሸዋ ጠቅላይ ግዛት አሣምነው የሕዝብ ግንኙነት መምሪያ
27 июля, 02:23

ሰበር ዜና‼️ በጀግናው የአማራ ፋኖ ሰራዊታችን ቅንጅት በከፍተኛ ከበባ ውስጥ የገባው የአገዛዙ መከላከያ ሰራዊት አሁን ከምሽቱ 1:00 ሰዓት ላይ የቤተ-አማራዋ ደገር ከተማን ለቆ ወደ ከላላ ከተማ ሲ
ሰበር ዜና‼️ በጀግናው የአማራ ፋኖ ሰራዊታችን ቅንጅት በከፍተኛ ከበባ ውስጥ የገባው የአገዛዙ መከላከያ ሰራዊት አሁን ከምሽቱ 1:00 ሰዓት ላይ የቤተ-አማራዋ ደገር ከተማን ለቆ ወደ ከላላ ከተማ ሲፈረጥጥ፣ በሬማ ከተማ 2ኛ ደረጃ ት/ቤት ውስጥ የከተመው የብልፅግናው 101ኛ አየር ወለድ ክፍለ ጦር ከፍተኛ ውጥረት ውስጥ መግባቱን የአፋብን ሸዋ ጠቅላይ ግዛት አሳምነው ዕዝ አፄ ዓምደ ጽዮን ኮር የአፄ ዳዊት ክፍል ጦር ም/የህዝብ ግንኙነት ክፍል ኃላፊ አርበኛ ዲ/ን ያሬድ ታመነ ከስፍራው መረጃውን ለኮሩ ሚዲያና ኮሙኒኬሽን ክፍል አድርሷል። ድል ለጀግናው የአማራ ፋኖ❗️ ድል ለአማራ ህዝብ‼️ ሐምሌ 19/2018 ዓ.ም
26 июля, 14:06

🙏Congratulations❗️ የአፋብን የቴዎድሮስ ዕዝ የአመራር ሪፎርም ተጠናቀቀ! 👉 የአማራ ፋኖ ብሔራዊ ንቅናቄ የቴዎድሮስ ዕዝ የአመራር ሪፎርም መጠናቀቅን አስመልክቶ የተሰጠ መግለጫ! የአማራ ፋኖ ብሔራዊ ንቅናቄ የቴዎድሮስ ዕዝ ላለፉት ወራት የአመራር ሪፎርም ለመስራት ከፍተኛ ስራ ሲሰራ የቆየ መሆኑ ይታወቃል። በዚህ ሂደት ዕዙ መዋቅራዊ አንድነቱ ተጠብቆ ጤናማ ሽግግር እንዲያደርግ ሂደቱን በጥንቃቄ እና በትዕግሥት መምራት አስፈላጊ በመሆኑ በሚፈለገው መልኩ በፍጥነት ሳይጠናቀቅ ቆይቷል። የአደረጃጀት ፈተና ከድርጅት ዕድገት ጋር ተያይዞ በየጊዜው የሚፈጠር ቢሆንም ከውጭ ወደ ውስጥ የሚሰነዘሩ ከፋፋይ ጥቃቶችን እየመከቱ ተፈጥሯዊውን ውስጣዊ ትግል ለመዋቅራዊ ዕድገት በሚጠቅም መልኩ ለማዋል በጥበብ የተመራ ትግል ተደርጓል። ድርጅታዊ መስመርን ለማስጠበቅ የተሄደበት ውስጠ ድርጅታዊ አሰራር ተገቢ እና ትክክል መሆኑ የዕዙን መዋቅራዊ አንድነት አስጠብቆ ለላቀ ግዳጅ የሚያበቃ ውጤት ላይ እንዲደረስ አስችሏል። ይህ የዕዝ አመራር ሪፎርም በተለያዬ ደረጃ ውስጥ ያለፈ እና የመዋቅሩ ተዋረዳዊ ተሳትፎ የነበረበት ነው። የዕዙ ስራ አስፈጻሚ የሪፎርም ስራ አፈጻጸም ሂሩት ላይ የዕዙ ተወካይ በሆኑ የፖሊት ቢሮ አባላት አማካኝነት የኮር እና የክፍለ ጦር አመራሮች ጋር ውይይት ተደርጓል። ቀጥሎም ምክትል መምሪያ ሀላፊዎች እና ሌሎች የክፍል ሀላፊዎችን አወያየቷል። በመጨረሻም በነዚህ መድረኮች የተገኘውን ግብአት በመውሰድ የዕዙ ስራ አስፈጻሚ የሪፎርም ኮሚቴ እንዲዋቀር ወስኖ የአወቃቀር ሂደቱ የሚመራበትን መመሪያ አዘጋጅቶ ወደ ስራ ገብቷል። በዚህ መሠረት ከክፍለጦሮች፣ ከኮር እና ከምክትል መምሪያ ሀላፊዎች የተውጣጣ ኮሚቴ በማዋቀር የሪፎርም ኮሚቴው ተመሰርቷል። የዕዝ ስራ አስፈፃሚው በሰጠው መመሪያ እና ስልጣን መሠረት የሪፎርም ኮሚቴው የዕዙን የአመራር ሪፎርም ላይ ሰፊ ውይይት በማድረግ ስራውን ጨርሶ ፕሮፖዛሉን ለዕዙ ስራ አስፈጻሚ አቅርቧል። ስራ አስፈጻሚው የቀረበለት ፕሮፖዛል መነሻ አድርጎ ሰፊ ውይይት ካደረገ በኋላ የኮሚቴው ፕሮፖዛል ላይ መጠነኛ ማሻሻያ አድርጎ የዕዙን የአመራር ሪፎርም የመጨረሻ ዝርዝር አጽድቋል። በዚህም መሠረት የአማራ ፋኖ ብሔራዊ ንቅናቄ - ጎጃም ጠቅላይ ግዛት ቴዎድሮስ ዕዝ የአፋብን መተዳደሪያ ደንብ አንቀፅ 60 ስር በተቀመጠው መዋቅር መሰረት ከዚህ በታች በተዘረዘረው መልኩ ተደራጅቷል። 1) ሰብሳቢ:- አርበኛ ተፈሪ ካሳሁን 2) ም/ሰብሳቢ:- አርበኛ ጎበዜ ጌታቸው 3) ወታደራዊ አዛዥ:- ሻለቃ የኔአለም ዘለቀ 3.1) ምክትል ወታደራዊ አዛዥ:- መቶ አለቃ እሱባለው ዋለ 4)ፖለቲካ መምሪያ ኃላፊ:- አርበኛ ግሩም ምሳሌ 4.1) ምክትል:- አርበኛ አማረ ካሴ 5) ፅህፈት ቤት ኃላፊ:- አርበኛ ናትናኤል ስናማው 5.1)ምክትል:- አርበኛ ብዙነህ እምቢያለ 6) አደረጃጀት መምሪያ ኃላፊ:- አርበኛ እስቲበል አለሙ 6.1) ምክትል:- አርበኛ ደመላሽ አንድነው 7) የሕዝብ ግንኙነት መምሪያ ኃላፊ:- አርበኛ ወግደረስ ጤናው 7.1)ምክትል:- አርበኛ ታደሰ አስማረ 8)ጥናትና ስትራቴጂ ጉዳዮች መምሪያ:- አርበኛ ዳሞት አለኸኝ 8.1)ምክትል:- አርበኛ መንግስቱ አማረ 9)ፋይናንስ እና ግዥ አስተዳደር:- አርበኛ ይትባረክ አንዳርጌ 9.1)ምክትል:- አርበኛ ያሬድ በቀለ 10)የሕዝብ አስተዳደር መምሪያ:- አርበኛ ዘመን ተሻለ 10.1)ምክትል:- አርበኛ በለጠ ልየው 11) ሴቶች ጉዳይ መምሪያ- ፋኒት አትጠገብ አጥናፉ 11.1)ምክትል:- ፋኒት ክብራለም አያልነህ 12) ማሕበራዊ ጉዳይ መምሪያ:- አርበኛ ላይችሉህ ገበየሁ 12.1) ምክትል:- አርበኛ በላይነህ አለምነህ 13) የሰው ሃብት -ዳኛው ሽባባው 13.1) ምክትል:- አርበኛ በረከት አጥናፉ 14)ት/ት እና ስልጠና መምሪያ:- አርበኛ ክንፈመላክ ካሳ 14.1)ምክትል:- አርበኛ ዘውዳለም አዱኛ 15) መካናይዝድ ጦር መምሪያ:- ኮሎኔል አደመ ልጃለም 15.1) ምክትል:- መቶ አለቃ ሳሙኤል አታላይ 16)ህግ እና ስነስርዓት መምሪያ:- አርበኛ ዘማርያም እስከዚያ 16.1) ምክትል:- አርበኛ ቻላቸው ታፈረ 17) ሀብት አፈላላጊ መምሪያ- አርበኛ ሀይለሚካኤል ባዬህ 17.1) ምክትል:- አርበኛ ደሴ ጌታሁን 18) እቅድ ዝግጅትና ግምገማ መምሪያ:- አርበኛ የሻነው መለሰ 18.1) ምክትል:- አርበኛ አታላይ ሞሴ 19) ዘመቻ መምሪያ-አምሳ አለቃ ታደሰ ልንገሬ 19.1) ምክትል:- መቶ አለቃ አጃናው ጥላሁን 20) ሎጀስቲክ መምሪያ:- አርበኛ ይርሳው ደምስ 20.1) ምክትል:- መቶ አለቃ አስረስ ምህረቴ 21) ወ/አስተዳደር መምሪያ- መቶ አለቃ ያሬድ ጫኔ 21.1) ምክትል:- 50 አለቃ ይበልጣል መልካሙ 22)ወ/ስልጠና መምሪያ:- ሻምበል ጌትነት ንጉሴ 22.1) ምክትል:- አምሳ አለቃ ዘላለም ደሴ 23) ልዩ ዘመቻ መምሪያ- መቶ አለቃ ማርቆስ አሞኜ 23.1)/ምክትል:- ሻለቃ በላይ ብዙ አየሁ 24) መረጃ - ---------- 24.1) ምክትል-- -------- 25)ኢንዶክትርኔሽን መምሪያ:- መቶ አለቃ ጊዮን ጀንበሬ 25.1) ምክትል- መቶ አለቃ ገረመው አጋዠ 26) ወታደራዊ እቅድ እና ስትራቴጅ:- ሃምሳ አለቃ ስማቼው ቢሻው 26.1) ምክትል:- መቶ አለቃ ለዓለም ጌታሁን 27) ወታደራዊ መረጃ------ 27.1) ምክትል- ------- 28) ጤና መምሪያ:- ዶክተር እንዳላማው ጤናው 28.1) ምክትል-- ዶክተር ደመቀ አያሌው ምንጭ፦ የአማራ ፋኖ ብሔራዊ ንቅናቄ ሕዝብ ግንኙነት መምሪያ!
26 июля, 12:14

photo content
26 июля, 12:14

በምስራቅ ጎጃም ጎንቻ ሲሶ እነሴ ወረዳ ከፍተኛ የፖሊስ አመራሮች ትግሉን ተቀላቅለዋል። ሐምሌ 19/2018 ዓ.ም ================================== በምስራቅ ጎጃም ጎንቻ ሲሶ እነ
በምስራቅ ጎጃም ጎንቻ ሲሶ እነሴ ወረዳ ከፍተኛ የፖሊስ አመራሮች ትግሉን ተቀላቅለዋል። ሐምሌ 19/2018 ዓ.ም ================================== በምስራቅ ጎጃም ጎንቻ ሲሶ እነሴ ወረዳ ለትግራይ ጦርነት አንዋጋም ያሉ ሁለት የፖሊስ ከፍተኛ አመራሮችን ጨምሮ አራት (4) ፖሊስና ሦስት (3) ሚኒሻዎች ትግሉን ተቀላቅለዋል። 1.ኢንስፔክተር አሸናፊ ከፋለ 2.ኢንስፔክተር ያብባል አዝመራው 3.ሳጅን በላቸው ዳምጤ 4.ሳጅን ሁናቸው ቢሆነኝ 5. ሳጅን ደጉ ቢታው 6. ሚኒሻ ጋሻው ዳሩ 7. ሚኒሻ ገበያው አረጋ 8. ሚኒሻ ጥላው ላቀ በትግራይ እና በአብይ አህመድ ሰራዊት በኩል ግልፅ የጦርነት እንቅስቃሴን መጀመሩን ተከትሎ የሚኒሻና ፖሊስ አባላት ለግዳጅ እየተዘጋጁ ሲሆን ወደ ትግራይ ጦርነት አንዘምትም ያሉ የአገዛዙ አገልጋዬች እየታሰሩም ይገኛሉ። በዚህ መሰረት 1. ዋና ሳጅን አሸናፊ ሙሉ 2. ሚኒሻ ደስታ ገደፋው በግንደወይን ከተማ መታሰራቸው ታውቋል።
26 июля, 11:03

ከውጊያ ጎን ለጎን ህዝባዊ መድረኮች ተጠናክረው ቀጥለዋል። የአማራ ፋኖ ብሔራዊ ንቅናቄ (አፋብን) ወሎ ቤተ- አማራ ምኒልክ ዕዝ 303ኛ አሳምነው ኮር በተቆጣጠራቸው ቦታዎች ህዝባዊ መድረኮች ተጠናክረው ቀጥለዋል ። በሰሜን ወሎ ዞን ቡግና ወረዳ በተለያዩ ቀበሌዎች በኮሩ ከፍተኛ አመራሮች፣ በክፍለጦሩ ከፍተኛ አመራሮች እና በሲቪል መዋቅሩ ከፍተኛ አመራሮች በጋራ በቀመናጀት  011 ቀበሌ  ብርኳኳ፣012 ቀበሌ ቆብ እና 013 ቀበሌ ዘብሎ የህዝብንና የፋኖን ዘላቂ አንድነትና በጋራ ተሳስሮ የተጋረጠበትን የህልውና አደጋ ለመቀልበስ የነቃ ሳትፎን አካሂደዋል ። ህዝባዊ መድረኮቹ የህዝቡን የነቃ ተሳትፎ በበላይነት ያሳተፈ ሲሆን በዋናነት የህዝቡን እና የፋኖን ደካማና ጠንካራ ጎን በጥልቀት በመገምገም አሁናዊ የህልውና ትግሉን በጋራ መሻገር እንዳለባቸው ተናግረዋል። ህዝባዊ ውይይቶቹ ከ10 ያላነሱ ዋና ዋና አንኳር ነጥቦች ላይ ያተኮረ ሲሆን ለአብነት ያክልም 1' የአማራ ህዝብ የህልውና ትግል መሰረታዊ መነሻዎችና የደረሰበት ደረጃ 2' በህልውና ትግሉ ከህዝብ ምን ይጠበቃል 3' የህዝብ ተግባርና ሃላፊነት 4' የህዝቡና የፋኖ አንድነትና በጋራ አብሮ ከመስራት አኳያ 5' ትግሉን በቅርቡ ለመፈፀም  ህዝባዊ ድጋፍ ጋር ተያይዞ በሚል ህዝባዊ መድረኮች ተካሂደዋል ሲል የ303ኛ አሳምነው ኮር ህዝብ ግንኙነት መረጃውን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን !! አፋብን ወሎ ቤተ-አማራ ምኒልክ ዕዝ ህዝብ ግንኙነት መምሪያ! ሐምሌ19/11/2018 ዓ'ም
26 июля, 11:01

photo content
+3
26 июля, 11:01

"ሰበር ዜና"! ከአገዛዙ ጋር ተሰልፈው የነበሩ 8 ሚሊሻዎች ወደ ትግራይ አንዘምትም በማለት ዛሬ በ19/11/2018 ዓ/ም ቴወድሮስ ዕዝ 105ኛ ኮር 55ኛ ክፍለ ጦርን ተቀላቀሉ። - የሚሊሻ ቤተሰቦች
"ሰበር ዜና"! ከአገዛዙ ጋር ተሰልፈው የነበሩ 8 ሚሊሻዎች ወደ ትግራይ አንዘምትም በማለት ዛሬ በ19/11/2018 ዓ/ም ቴወድሮስ ዕዝ 105ኛ ኮር 55ኛ ክፍለ ጦርን ተቀላቀሉ። - የሚሊሻ ቤተሰቦች - የፖሊስ ቤተሰቦች - የአድማ ብተና ቤተሰቦች - የካድሬ ቤተሰቦች ወደ ትግራይም ይሁን በሌሎች አካባቢዎች ለጦርነት ብሎ ከጠላት ጋር የተሰለፈ ሁኖ በወገን ጥይት ቢሸኝ ፋኖ በሚያስተዳድረው በየትኛውም ቀጠና የመርዶ እለቅሶ እንደማይደረግለት እንድታውቁ። ---ሚሊሻ ፖሊስ አድማ ብተና በማያገባህ አትግባ ና ብለናል---!
26 июля, 09:16

መደራጀት ስንጀምር እንደ ሞኝ የቆጠሩን ነበሩ። እንደ እብሪተኛ የተመለከቱንም ነበሩ። መሰልጠን እና መደራጀት ስንጀምር ማንንም ተማምነን አልነበረም። ትላንትን ከዛሬ ጋር ባሰናሰለ ነገንም ባመላከተ ስልታዊ ትንተና ላይ መቆማችን ደፋር እንድንሆን ስላስቻለን እንጅ። ገና ከፕሪቶሪያ ስድስት ወራት አስቀድሞ በህግ ማስከበር ስም በእንጭጩ የማክሰም ዘመቻ ሲከፍቱብን የአማራ ህዝብ ከጎናችን በመቆሙ እርሾ ሆነን መቀጠል ቻልን። ያገለገላቸውን የአማራ ልዩ ኃይል በክህደት በትነው ጦርነቱን ሲጀምሩት ትጥቃቸውን ቀምተን ጥርስ አልባ እናደርጋቸዋለን ብለው ነበር። በምላሹ የሆነው ግን የቀድሞ አለቆቻቸው የአባቶቻችንን ቤልጅግ እና ምኒሽር መንጠቃቸው ያሳደረብንን ቁስል አልዘነጋንም እና በገፍ ያመጡትን የቡድን እና የነፍስ ወከፍ መሳሪያ በገፍ ተቀበልናቸው። የሞተበትን ለመቅበር፣ የቆሰለበትን ለማንሳት ወኔ እንዲኖረው የሚያደርግ ዓላማ አልታጠቀምና ከጦርነት ወደ ጦርነት የሚያዞሩትን "ምስኪን" ሰራዊት በየ ጥጉ አዝረከረክነው። ሲጀምሩ ቀበቶ እናስፈታለን ያሉ ጦረኞች መሀል ላይ ህዝብ ነው የወጋን ብለው በየደረሱበት ጭፍጨፋ ፈፀሙ። ያጋጠማቸው የበለጠ መዝረክረክ ሆነ። እንደገና ሽፍታ ናቸው አላማ የላቸውም አሉን። የህዝብ ተቋም ጠብቀን፣ ለወጉን ምህረት አድርገን፣ ኃይል ገንብተን፣ ሰራዊት አደራጅተን በራሳቸው ተተኳሽ ተዋግተን አሳዬናቸው። ህዝብ አደራጅተን፣ መልክ እና ደርዝ ያለው ፖለቲካ ሰርተን ራቁታቸውን ስናስቀራቸው አንድ አይሆኑም የተከፋፈሉ ናቸው የሚል ፕሮፖጋንዳ ጀመሩ። የጠላትን ረጅም እጆች ሰብረን፣ ትግላችንን የጡረታ መውጫ ሊያደርጉ የቋመጡትን ጥግ አስይዘን፣ የፍላጎት ቡድኖችን ቅርብ አዳሪ ህልሞች አክሽፈን፣ የውስጣችንን ግላዊ እና ቡድናዊ ፍላጎቶች ገርተን ግዙፍ ድርጅት መስርተን መጣን። ከዚህ ጎን ለጎን የአብይ አህመድ አገዛዝ በቀጣናው ህዝብ ላይ ያወጀውን የጥፋት ዘመቻ በልዩ ስልት ብቻችንን መክተን በአፍሪካ ቀንድ አዲስ እና አስተማማኝ ኃይል መሆናችንን አስመሰከርን። አፋብን አይፀናም ብለው ክፉ የተመኙትን አፍ አስይዘን ማዕበል ሳያናውጠን በመርህ ላይ ቆመን እና ፀንተን አሃዶቻችንን አዋህደን የጠላትን ሁለንተናዊ ርብርብ በመቋቋም ትላልቅ ፖለቲካዊ፣ ወታደራዊ እና ዲፕሎማሲያዊ ድሎችን ተቀዳጅተናል። ከረግረጉ መውጣት ያልቻለው ብልፅግና ከኤደን ባህረ ሰላጤ እስከ ቀይ ባህር ያሉ አጀንዳወችን በማንሳት ትኩረት ለማስለወጥ ቢሞክርም አልሆን ሲለው ተባብረው ሊመቱኝ ነው ብሎ የሚጨፈጭፈውን ህዝብ የሙጥኝ እንዲልርገነዋል። ዓላማችንን ለኢትዮጵያውያን አስረድተን በኢትዮጵያ ውስጥ ያሉ የለውጥ ኃይሎች አሰባስበን በአማራ ላይ ይሳቡ የነበሩ ቀስቶችን ወደ አገዛዙ እንዲዞሩ አደረግን። የቅርብ እና የሩቅ ጎረቤት አገሮች ከተለመደው የዲፕሎማሲ አካሄድ ወተው ከህዝብ ትግል ጎን እንዲቆሙ አድርገናል። በዚህ ምክንያት ሽፍታ ናቸው፣ ዓላማ ቢስ ናቸው፣ ዋሻ ናቸው አይነት ፕሮፖጋንዳወች አፈር ለብሰው ከውጭ ሀይሎች ጋር ተባበሩብኝ ይሉትን እዬዬ ተያይዞታል። ብልፅግናወች "በምርጫ ድግስም" ሆነ በብሔራዊ ምክክር ኮሚሽን የማይመክቱት ማዕበል እየመጣባቸው መሆኑን ውቃቤያቸው የነገራቸው ይመስላል። ሁለት ምርጫ አላቸው። ጦርነት አቁሞ ለህዝብ ጥያቄ ምላሽ መስጠት ወይም የሽንፈትን ፅዋ መጎንጨት!
26 июля, 09:06

photo content
26 июля, 09:06