Imalli Koo Galma Qaba

Waraanni Sa'uud Arabiyaa fi Mootummaa Yaman kan beekamtii addunyaa qabu gama tokkoon hiriirsee, Sosochii Ansaarullah Yaman ykn Huutii kan Iraaniin deeggaraman gidduutti gaggeeffamaa jiru hammaatee itti fufeera. Huutiin Baab Al Mandabiin to'atee dooniin Sa'uud Arabiyaa tokko karaa sanaan akka hin sochoone cufeera. Dabalataanis Xiyyaara Waraanaa F-15 jedhamu kan Sa'uud Arabiyaa rukutanee buusuun isaanii dhagahameera. Lafarrattis iddoolee Mootummaa Yaman jala turan hedduu qabataa jira. Mootummaan Sa'uudii ibsa baaseen, Diroonii gareen Huutii kaleessa galgala gara Makkaatti furguuggate qolanneerra jedheera. Kana hordofuunis biyyoonni Muslimaa hedduun Turkii, Paakistaan fi Liigii Arabaa dabalatee, haleellaa dachee kabajamtuu amantaa Islaamaatiin dachee qulqulluu taaterratti xiyyeeffate balaaleffataa jiru. Dubbi himaan Humna Waraanaa Huutii dhimma kanaan walqabatee ibsa kenneen, humni Huutii diroonii tokko gara Makkaatti hin furguugganne jechuun mormeera. Xiyyeeffannoon haleellaa Huutii buufata waraanaa Sa'uud Arabiyaa, madda anniisaa elektirikii fi bu'uuraalee misoomaa boba'aa biyyattii qofa ta'uu ibseera. Hoggantoonni siyaasaa garee Huutii tokko akka jedhetti gareen isaanii bakkoonni qulqulluun akka Makkaa isaaniifis iddoo qulqulluu fi kabaja olaanaa qabudha jechuun, gochichi shira warri Sa'uud Arabiyaa sababa waraanichaa dhiibbaa alaaf keessaan mudateen kallattii jijjiirsisuufi hawaasa muslimaa fi biyyoota muslimaa naannichaa irraa of faana hiriirsuuf qopheessanedha jedheera. Isin hoo maal jettu? Dubbiin kun dhugaa ta'a jedhanii amanuun nama rakkisa. Taatechi akkuma jarri Huutii jedhaaran soba taanaan garuu waan hamaadha. Sababni isaas maatiin Al Sa'uud aangoo tikfachuuf maal faa qabsiisee taphachuu akka barbaadu akeeka. Asirratti wanti hubatamuu qabu, Makkaas ta'ee Madiina, harka maatii Al Sa'uud kan galan kufaatii Osmaaniyyoota Turkii booda akka lakkoofsa Awurooppaanotaa 1920mmoota keessadha. Sanaan dura kan baroota dheeraaf bulchaa turan Osmaaniyyoota Turkiiti. Maatiin Al Sa'uud ALA bara 1812 hanga 1818 ALA waggoota muraasaaf Makkaa fi Madiinaan qabatanee turan booda garuu humnoota Osmaaniyyoota Turkii fi Masriitiin ari'aman. Giddu galli warra Al Sa'uud kun naannoo Najd jedhamu ture. Kana jechuun, Makkaa fi Madiina eegee kan asiin gahe jara qofa miti jechuudha. Makkaa fi Madiina qabatanee siyaasa ittiin taphatu taanaan garuu dubbiin hamtuudha. Yoo dubbiin hammaatee aangoo isaaniif sodaachisaa ta'e, Muslima addunyaa of faana hiriirsuuf jecha waan dhagahuuf namatti hin tolle gochuurraa duubatti waan deebi'an hin fakkaatu. Miidiyaaleen Is_raa'el dhimmicha ho'isanii dhiheessuun immoo maaliif gaaffii jedhu nama keessatti uuma.

Ati tokkoma kooppiin kee hin jiruu, Nama kamiinuu of hin madaalin. Namni kamiyyuu daandii, haalaa fi kaayyoo mataa isaa qaba. Yeroo hunda nama biraa bira of qabuun gammachuu kee hata. Dorgommiin dhugaa mataa kee wajjin Daandii kaayyoo imala qabsoo kee wajjin taasisi Madaala kee kan beeku sima qofa. Yaadadhu : Kaleessa caalaa har’a fooyya’aa jirta taanaan boruun kee immoo harra irra fooyyeedha Tarkaanfii Qabatamaa: Ogummaawwan qabdu sadii barreessi, isa irrattis Rabbiin galateeffadhu. Wantoota qabdu kana irratti gadi fageenyaan akka of gahoomsitu daandii boci "حكمة " الشكر قيد للموجود وصيد للمفقود Rabbiin galateeffaan Qalbii keef Gammachuu kenna Waan qabduuf barakaa argatta isa dhabdeef immoo aragannoo ta’a

Namni dukkana lafaatti gatee si biraa deeme,waan waraabessi si godhe si gaafachuu mirga hin qabuu beeki. ila Gaafa roobni dhaabate xilaan ba'aadha yoo jette jalqabuma qabatee manaa hin bahin,bitteellee qarshii kee hin qisaasinii,jismii rooba dandahu tolfadhu. Jaaloo Ka bu'aaf si barbaadu hunda duuka qilee bu'uu dhiisi,kaayyoon imaluu bari,galma kee laalaa ijjadhu,tooftaafi tarsiimoo seensaafi bahiinsaa lafa kaawwadhu,sana diddu madooftee hadooddee, nama tahuun si jibbisiisee,maatiif fira keetiinis addaan cittaa uf qusadhu. Obbolaa Namni hedduun waan nama biraatiin jedhaa bahe keessatti hafee argi,namni gariin waan quba namatti qabaa bahe keessatti ufiifuu kufee hafee laali,xiqqeenni guddaan nama xinneessanii laaluu irraa burqaa,ufiifi namas daangaa malee ol keettee wajjiin hin kufinii uf tiksi. Haloo Garii namaa ufii fanniftee ufii buusuu dadhabdee beeki,garii namaa ufii lafatti gadi lasltee tuffattee, tuffe raada dhaltee sitti tahee argi,silaa ilma namaa,namoomuma isaatiin kabsjuufi hanguma inni gahuun ulfina isaan malu kennuufii qabda turee taajjabi. Yoooo Haati ilma irra itti laafuun loltii hin dagatin,ilma isii isa qajeeleef sanaa gatii hin laattuu beeki,haa tahu malee, kan abdattus,kan jannata kadhattuufis,kan qalbiin raarraatufis isuma qajeeleef sanii hubadhu, kana jechuun ni jibbitii osoo hin taane,ni aanfattii beeki,atis isa ittiin lolaa ittii aantuufi kan itti aartu addaan baafadhu,daangaa alagaafi firaa adda baasii beeki. Hohooo Kan ifa aduutiin sitti dukkaneessu,kan dukkana keessatti duungoo si harkaa balleessu,kan fuul- dura kee dukkana billaan hin murreen haguugee si baleessu irraa uf qusadhu,isa hin dandeettu siin jedhu saniin,ni dandaha jechuu dhiisii hujiin kee akka dandeettu itti haa himuu,hojjadhuu agarsiisi.

Oolmaa kee laalladhu,nama si marsee jiraatu adda baasi,hiriyaa barnoota jaalatu,saahiba hujii jaalatu, nama daaangaa namaatiifi daangaa Rabbii tikfatu wajji jiraataa jirta moo,isa ganamaafi galgalallee dhimma nama dhuunfaa hujii taasifatee alanshaa oolu,kan garaa ufii qofa hinjifatuu dadhabe wajji jiraataa jirta? uf sakatta'i. Eeee. Yeroo garii namatu na barbaachisa jettee laga meeqa ceetee itti geettee,yeroo kamuu akka namni si hin barbaachisne kan si agarsiisutu sitti dabalamuu malaa beeki,kanaafuu nama akkamii tahuu akka barbaaddu ufiifuu uf gaafattu malee hin cehinii uf argadhu.. Jaaloo Hayyuu namni jettuun garriin isaa,maatii isaatuu hiyyuu taasisaa laali,dureessa namni ati jettuun gariin isaa,maatii isaa hiyyeessa bondaa gaditti deebisaa laali,goota namni jettuun gariin,ilmaan isaa luuyina taasisaa taajjabi,jaarsa biyyaa namni ati jettuun garriin,finna ufiii jaamsee kashlabbee taasisaa hubadhu,sheeka namni ati jettuun gariin ilmi isaa doofaa taasisee waliin dhama'aa xiinxalli, gariin namaa,namaaf raaga malee ufitti hin raaguu hubadhu. Obbolaa Mee cal-jedhii,al-tokko namarraa siqii baasii ufitti baasii laali,deemii ittiin baradhu,deemii hojjadhu, deemii ittiin nyaadhu,deemii ittiin uffadhu,deemii ufii soomii salaatii nama gorsuu dursa uf gorfadhu deemii mi'aa jiruu dhuunfaa keetii dhandhamii, sana booda namaaf ibsi,ufiifuu jiraadhuu waa'ee jiruu sana booda namaaf ibsi. Ekaa Dureessa hiyyummaan male garii isaa yoo agarte duniyatu si jibbisiisa,beekaa doofummaan isaan male garii yoo argite barnootatu si jibbisiisa, goota makkala garii yoo agarte gootummatu si jibbisiisa,jaarsolii manaan malte garii yoo alatti agarte jaarsummatu si jibbisiisa,sheeka qe'een male garii yoo hawaasa duratti agarte hedduu si gaddisiisa,bakka isaatiin ala wanti hunduu fokkuudhaa beeki. Haloo Sheyxaanni sadihii beeki,inni jalqabaa isa yoo Aayatulkursiyyii itti qara'an nama biraa fiigu sanii laali,inni lammaffaan isa kursii irra taa'ee waliin dhahuu dandahuu beeki,inni sadaffaan isa kursii irra jiru sana sodaatee kan sujuudu sanaa xiinxalli. Yooo Waswaasa qalbii teetii irraa bilisa bahuuf,dursa kophaa bahii uf argadhuu,sana booda jiruu tee gurraan osoo hin taane ijaan argi santu sihii.

Dhiirota akkasii wajjin jireenya milkaa'inaa hin dabarsitu ! 1. Dhiira Xuuxuuf araadaan dhukkaa'ee suusiin rukutamee Laamsha’e 2. Dhiira Salaata dabarsu (hin salaanne) 3 Dhiira Salaata walitti guuree salaatu 4 Dhiira Haadhaf Abbaa isaatti Jallatu 5 Dhiira Dubartitti qoosu 6 Dhiira waa'een islaamummaaf muslimootaa isa hin yaachifne 7 dhiira Dogna waa hiixachuu harki isaa hin beekne 8 Dhiira Bu'uura Diiniif Aqiidaa isaa hin beekne 9. Dhiiira Rizqii barbaacha dhiisee harka maratee taa'u 10. Dhiira karaa Rabbii irratti si hi kakaafne si hin gorsine ati jallattee qajeeltee dantaa hin qabne 11 Dhiira uffannaan ati uffattee batuuf kabajaan uffaannaa keetii itti hin dhagahamne 12. Dhiira maalummaa abbummaa maatii hin beekneef waa'ee haqa isaa malee isa hin yaachifne 13 Dhiira qofaatti si dhiisee imala bayisu 14 Dhiira bakka itti aaran hin beekne yeroo hunda aariin irraa hin fagaanne

“Nyaanni hundi qaama hin ta’u; Qaamni hundis nyaata hin ta’u”

Doktoora Fayyaa erraa gara Maaraataa Daandii erraa tahuu Namni isin Suuraa erratti Argutan Kun Doktoor muhammad Saalih Al-Abiidii jedhama. Ogeessa fayyaa doktoora ajaaibaa kan Baqaqsanii yaaluu erratti erra guddaa Umurii isaa fixeedha Guyyaa Tokko Akkuma Ojii isaa Dhukkubsataa yaaluuf kutaa Operation ykn Baqaqsanii yaaluu seene Namni Inni harra yaaluuf deemu kun nama isatti jabaa waan taheef ofeeggannoodhaan ojiisaa xumuruuf onnee rifaatuun guutameen kutaa Operationii seene Yaala hudumaa godheefii haala gaariidhaan Operationii godhee xumuree yaroo kahu Dhukkubsataan kun deebi’ee of baruu hin dandeenye Namni inni osoo yaalaa jiruu harkatti lubbuun bahe kun Harmee isaa isanni akka lubbuu ofiitti ilaalu waan taheef doktoorichi of qabuu hin dandeenye Achumatti Qaamni isaa qabbajjaaee Sammuu isaallee dhabee maatii isaas dhiisee ojii isaas dhabee maraatmaan daandii erratti hafe. Waan dandahu maraa yaaleera garuu murtiin Rabbii akka inni yaade hin taane Atihoo Haadha kee woliin akkam jerta ? Yaroo woliin haasoftu sagalee akkamiitiin ittiin dubbatta laata ? Gara lafummaa akkamiitiin ija keessa ilaaltee gammachuu itti uumtee beettaa ? Ammam ammamiin sagaleesii dhagahaa jirta v Tarii dhukkubsachuusii nama biraatu sitti himaa jiraa laata Tarii hin fayyiti takka itti obsaa jettee mana yaalaa geessuu dhiisaa jirtaa laata ? Namni haadhaan nyaatame yoo nama akkamii tahe illee hoonga’aadha Rabbi Nama haadha ofii kaddamatee milkaahu nuhaa godhu Kan worra lubbuun hin jirrees Rabbi Rahmata haa godhuuf Guyyaan ati Gammachuun ooltu guyyaa gaafa harmee keetii dawwaltee kolfaa fi sagalee isii dhageesseeti Harmee kee Amaanaa Harmee kee Amaanaa Harmee kee Amaanaa

𝐎𝐟 𝐒𝐨𝐛𝐧aam...!👌 1. Karoorsanii dilii hujuu irra, nyaata summaawe Nyaachuu wayya. 2. Baratanii Itti hojjachuu dhabuu irra, wallaalumma ofiitiin gaarii dalagutu caala. 3. Sadaqaa namaaf kennanii dhaadachuu irra, Miskiinummaa wayya. 4. Maallaqni gammachuu siif hin bitu, garuu gammachuu sijalaa hata. Namni gurguddaa fi kabajamaan hedduu maallaqa dhabuu isaatiin xiqqeeffameera. 5. Osoo Rabbiin kafana kabajaa isatti uffisuu baatee, ilmi namaa hundi qullaa jira. 6. Ilkaan bareedaa Rabbi namaaf kenneen foon obboleeyyan ofii hamiin nyaachuu irra, ilkaan fixatanii muuqii dhuguu wayya. 7. Mammaaksi “Haatee Durbaa? Jennaan, dur kaa.” Jedhan sun jijjiirameera. “Haatee durbaa? Jennaan, harka dhibbaa “ tti jijjiirameera. Bara kana haadhumatu akka dubra duriitti qaanfii qaba, kabaja qaba, sharafa dubrummaa beeka. 8. Nama qaala’iinsi jireenyaa sooqidda bitachuu dhoorge, Doktorri shukkaarri kee ol ka’eera, of eegi ykn sigalaafata jedhaan

Bifa sooqiddaatiifi sukkaaraa addaan baasuun,bifa kookaatiifi peepsii adda foohuun itti fufa,umrii nama dheeressinaan,raajii guddaa argita. Eeeee. Ardiifi samii takka jalatti wajji uumamnee,aduufi urjiin qixa nutti bahaa,akki itti yaadnuufi akki itti jiraannu wal-adda tahuun isaa qorannoo guddaa barbaachisa. Maraafuu Waa barachuu,waa qorachuu,waa hubachuu,waan beekanitti hojjachuufi kallattii sirrii hordofuuf yaaluun dirqama. Beekkumsaafi barnoota wajjiin fuul durri keenna ifa inshaAllah. Akkuma quuncaatanitti quunca'aa,akkuma jirtanitti jiraataa,hanga dandeettaniin ufiifis barachuu yaalaa,ilmaan keessanis barsiifachuuf carraaqaa,santu furmaata,beenuma beeni.

"wallaalli Afaan male,Gurra hin qabu"Muhammad Alii(Burhaan Addis) Biyyoonni gurguddoon kaleessaa,kan har'aa fi boris qaroominaan humnaa fi diinagdeen maqaa kaafnu beektota,Ogummaa (xibeb) barbaacha of kennaniin ala miti. Giriik fi pershiyaan,portugali fi turk,Ingliz fi Amerikaan, beektota gurguddoon durfamaniiti,kan Addunyaarraa yeroosaaniitti biyyoota maqaaanuu isaan hin beekne humnaa,diinagdee fi siyaasaan,dhoksaa fi ifaan hoogganuuf qaqqaban. Araboonnis bara beekumsaan firooma qaban hagam akka dhiibbaa uuman beekamaadha.gaafa beekumsaan wol dhabaa,beektota dhiibaa dhufan,maamila boba'aa isaanii bituun nu Eegiin harka kennatan. Keenya garami jechuu barbaadeeti . Bara namni barreeffama miidiiyaa hawaasaarraa( see more )banee ilaaluuf obsa hin qabne,waa'ee nama kitaabota 44 barreessee dubbachuuf hin qaanofne irra jirra. Muhammad Alii( Burhaan Addis) kitaabonni isaa akka nuti waaninni barreesse dubbifnu qofa osoo hin taane akka nuti waa gaafannuuf kan nu affeeraniidha. Kanaaf nutis beekaa nu keessaa argamu akkamitti ilaalla jennee utuu of gaafannee gaariidha. Beekumsa barbaachaaf (gaaffiif karaa bahuun ) yoo nutti ulfaates warra jireenyaa guutuu xiinxaluuf,qorachuuf of kenne waan biraa yoo dadhabne utuu irraa callifnee gaarii dha.

🌹Waan Rabbi naaf kennerraa nama of jaallachiisuuf nama hin faarsu Waan inni hin qabne isaaf kennees isa hin ho’isu Wanti nama dinqisiisu hedduunis na hin dinqisiisu 👉🏻 Amaloota gadhee yeroo ammaa baratamaa tahe keessaa tokko Abbaa aangoo Beektota Amantii Beekamtoota miidiyaa Abbootii qabeenyaa fii kanneen biroo waan isaan hin qabneen Waan isaan hin hojjanneen Bakka isaan hin geenyeen isaan faarsuudha 🌸Sababnis isaan biratti jaallatamuufi Amaloonni kun immoo Abbaan aangoof karaa gara abbaa irrummaa ( dictatorship) saaqaaf Beektota amantii akka isaan qulqulluu of godhan sababa ta’a Beekamtoota Midiyaa akka isaan macha’anii namummaa gadi dhiisan ulaa banaaf Abbootiin qabeenyaa akka isaan rakkataaf hiyyeessa namatti hin lakkoofne godha Madaalli namummaaf Hiikkaan haqummaa Nama dhugaaf sadarkaa isaa cilee jalaa dibuu dhiisuun Akkasuma hammeenya isaas irraa dunuunfachuu dhiisuudha “ ونضع الموازين القسط " 🌷 Guyyaa Gaarii qabaadhaa

#KUTAA CIISICHAA SEENAN! ▰▰▰▰▰▰▰▰▰▰▰▰ ▣Abbaa manaa fi haadha manaatu yaada tokkorratti wal lolu. Ergasii utuu dhiifama waliif hin godhiin kutaa ciisichaa seenu. Lamaan isaaniyyuu eenyu dursee akka dhiifama gaafatu wal eegan. ▣ Borumtaa abbaan manaa lafa hojiitti Wal gahii qaba ture. duraan haadha manaatu 'yeroon sitti gahee ka'i' jedhee hirriiibaa dammaksa. Amma garuu Wal mufatan. ▣Kanaaf abbaan manaa 'boru Wal gahiin qabaa saa'atii 11: 00 tti na kaasi'' jechuu barbaade. Garuu dursee itti dubbachuu hin barbaadne. Kanaaf waraqaa irratti boru wal gahiin qabaati saatii 11: 00 tti na kaasi'' jedhee barreessee siree irra kallatti isheen ciistuun kaa'e. ▣Ganama abbaan manaa hirriiibaa yoo ka'u saa'atiin 3:00 ta'eera. Innis baay'ee aaree, of cina yoo ilaalu waraqaa arge. Yoo dubbisuu "saatii 11: 00 ta'eera ka'i'' jedha. Innis "osoo galgala itti dubbadhe ta'e" maal qaba?'' jedhee gaabbiin of waxalee. ▣ Kana gidduutti waahilli ( hiriyaan waajjira tokko keessa wajjin hojjetan) bilbila haadha manaa isaa irratti bilbilee " Tolaan jedhama, bilbilli abbaa manaakee hin hojjetu, har'a wal gahii irraa maaliif hafe? xumura wal gahichaa irratti durgoo fi carraa torbee tokkoof biyya faransaay deemanii maatii waliin bashannanuu akka qabu amma nutti himani, carraan sii fi abbaa manaa kee darbuun hin qabu turee" jedheen . ▣Ishiiniis baay'ee aartee, "osoon dursee itti dubbadheera ta'ee carraan kun nun darbu ture" jettee gaabbiin quba of nyaachuutti kaate. ◈Asirratti wanti hubatamu ▱▱▱▱▱▱▱▱▱▱▱ Bara jiraattu keessatti 'DHIIFAMAAF' garaa bal'aa qabaachuun gaabbii hin darbine hambisa. Boqonnaa sammuu namaaf kenna.  Kanaaf har'uma, nama itti gadditeef dursii dhiifama godhiif. Maaltu beeka sababa jibba kanaa wanti gaariin siduraa qabame jira ta'a.    

Dubbisaa dubbadhabboo mataa nun nyaatinaati