أدب وأشياء..

رضت دار السعد حنا رضينا ‏لازعلت قمنا وهدينا الجبالـي ‏"الردي .. لا مانبيـه و لا يبينـا" ‏مايهون الدار يا كود الرجالي.. 🇸🇦🇰🇼

‏ادري .. انك فاللزوم المعتبر متواجد ‏خابرك سيف شطير و وقفتك ضامنها ‏لا تقول.. اني تعديتك فـ امور واجد ‏والله .. اني ذاخرك لأمور اكبر منها

‏مسيك بالخير ياموضوعي الأول ‏أنت السبايب ورا موضوعي الثاني ‏لولاك .. ما كان للشارع ولا ميزة ‏يا أحلى مواعيدي ووصلي وحرماني ‏يا أوفى العلاقات في زحمة علاقاتي ‏جعلك بعد كل من جاني وخلاني ‏جعلك بعد كل من جيته وخليته ‏يا آخر محطاتي .. و آخر خلاني ❤️

والله .. وبالله وتالله و علي الحرام اني أرى نفسي مواطن و أشوفك وطن تعال خلنا نعيش المقبلات بسلام ترى المحبين لا طال المفارق .. تجن - فهد الصيعري

💚🇸🇦

‏يعيش أبو سلمان وأبوه سلمان ‏حكّام نجد اللي تعزّ الشريعة ‏حبّي وتقديري مذيّل بعرفان ‏للمملكة والشعب سنّة وشيعة ‏أقولها وأنا ورا حدّ الألمان ‏على الخطوط الواسعات السريعة - محمد بن الطيب

حبات رملك ثمنها روس و آرقاب ‏والكل منّا .. دفاع وراس حربة ‏كل الأراضي ما غير تراب في تراب ‏إلا أرضك أنتِ ذهب ماهيب تربة ‏- عبدالله السراهيد

‏الرمز والعنوان نخله وسيفين ‏والنخله النخله ياملا السلامه ‏كان ودك تجنح يسار ويمين ‏واحد من الاثنين نفذ كلامه

‏طيفك حطب عيني..وعيني مشبّه ‏والشوق برد ما انقطعُ لو للحظات مكانك الصدر ولك القلب شبّه ‏بين الضلوع اللي فردها التنهات ‏ولك بيرق فالقلب حبك يهبّه ‏شامخ ولا هزَّه من العذل غارات

‏مايدفي الجسم غير الصوت أبو بَحّه ‏ مشاعري كلها من نبرته تلظى ‏ لو كان تدري عنه وزارة الصحّه ‏ تسجّل الصوت وتعالج به المرضى ‏- سعد بن جدلان

أنا لأمنها تساوت في عيوني الأمور ما عاد تفرق معي غدت سوى كلها واللي علي ما تمر أسمح لها بالمرور لو إني أفطن لها ماكني أفطن لها ما ضاق منها صدر ولا تحرك شعور لو يجتمع دقها كله مع جلّها ولا تضايق ولو صدرك يفوح و يفور ما الله خلق مشكلة إلا خلق حلها

‏ضاق صدري من الدنيا و أكتفيت ‏أسمحولي ما عاد أوثق بـ أحد ‏ماني أكثر شخص بالدنيا وفيت ‏لكني أكثر من تجمل و أنجحد - مساعد الرشيدي

‏احفاد ابوبكر وعمر وابن عفان ‏وابو الحسن وحسين وابو عبيده ‏ما جنّدتهم قبلة الشر طهران ‏جنّدهم الله في حماية عبيده ‏والحوثي المسكين تلعب به ايران ‏الدعم الى صنعاء من ايران سيده ‏من ضعفهم ما نعترضهم بنيران ‏ندمّر الجيش العميل بقصيدة - محمد السكران

‏احفاد ابوبكر وعمر وابن عفان ‏وابو الحسن وحسين وابو عبيده ‏ما جنّدتهم قبلة الشر طهران ‏جنّدهم الله في حماية عبيده ‏والحوثي المسكين تلعب به ايران ‏الدعم الى صنعاء من ايران سيده ‏من ضعفهم ما نعترضهم بنيران ‏ندمّر الجيش العميل بقصيدة - محمد الشكران

أنا بليا شوفتك شخص أعمى إلى متى و أنا عليك أتحايل ما يكفي إني لاغي كل الأسما ومشطب الأرقام وأغلى الرسايل أنا أعرف إنك فوق ذا الناس و أسمى لكن أنت قاطعني بشتى الوسايل أوقف لـ طاريك وأشوش وأحمى حميةٍ يضرب عليها المثايل تراني أعتبرك مثل شربة الما ماهي تعوضها جميع السوايل مجرد غيابك عن عيوني أضمى أضمى ضمى اللي لتهته القوايل

يالله بقافٍ يطلع الرزق منه مثل مايطلع فالسما النور لا انباج يالله برزقٍ ما لأحد فيه منّة ينسي المحتاج وش كان محتاج ويالله بمحتاجٍ ليا سدّ عنه يذكر مواقفنا بدعوة وهو حاج الليل موحش والعرب مستكنّة واللي يبي له درب ما عين سراج لله فرض وللنبيّين سنّة وللطيب درب وللرياجيل منهاج كنت أحسب إن الناس للناس جنّة واثر القلوب لبعضها صالي الصاج ووجهي اللي ما لقى من يحنّه من منّة العالم بعض الاحراج يا صاحبي لك صاحب خاب ظنّه ترى المثاليات تمثيل واخراج اللي بنى الابراج وده وكانه يصير معلَم في البلد مثل الابراج لو يدعي بالطيب أنا بخصنّه الرجل والياسين مابه هراج - فهد الصعيري

‏يا محمد .. مساعيك مْخبوره ‏ما نحت بك على لوّي وليتي ‏لا اتّحد كل باير فيك شـوره ‏قل لنفسه: على الضيق احتديتي ‏لجلك أنت انتعدى في الخطوره ‏( الإتحاد الاوربي والسوفيتي ) ‏وقفة اخوان نوره يا اخو نوره ‏دين في عاتق الشعب الكويتي 🇰🇼🇸🇦 - مزيد الوسمي

‏اليا اقبلت قام يتكفكف دجى الليل ‏كل الديار المظلمه نورتها ‏واليا ادبرت غطت جسدها المجاديل ‏بين الخلايق لو تعرى كستها ‏ان كفته مثل الغصون المحاميل ‏وان فلته قام يتثنى تحتها ‏كنه سبيب اللي ليا ماحت الذيل ‏راسه تعدا راسها ورقبتها - عبدالله بن زويبن

مرني لا تاه دربك من زحام الحياة الغلا اللي رحت منه على حطت يدك وش حيله المشتاق لا حن واشتاق وماله في درب المواصيل حيله

‏أشوفك ذنب يتمرجح على غصن الهوى ويميل وأجيك التّايب المقفي عن أهل الطّيش ، وأرتكبك